நீங்கள் தேடியது "slug 100849"

சென்னை:

பழைய ஓய்வூதிய திட்டத்தை அமல்படுத்த வேண்டும். தொகுப்பூதிய முறையை கைவிட வேண்டும் என்பது உள்ளிட்ட 9 அம்ச கோரிக்கையை வலியுறுத்தி அரசு ஊழியர்கள்- ஆசிரியர்கள் சங்கங்களின் கூட்டமைப்பினர் கடந்த 22-ந்தேதி முதல் வேலைக்கு செல்லாமல் போராட்டத்தில் ஈடுபட்டு வருகின்றனர்.

இதில் மறியலில் ஈடுபடும் ஜாக்டோ ஜியோ நிர்வாகிகளை போலீசார் கைது செய்து வருகின்றனர். 450 ஆசிரியர்கள் பணியிடை நீக்கம் செய்யப்பட்டுள்ளனர்.

ஆசிரியர்கள் பள்ளிக்கு சென்று பணியாற்றாததால் மாணவர்களுக்கான பொதுத்தேர்வு மற்றும் செய்முறை தேர்வுக்கான ஏற்பாடுகள் முடங்கி உள்ளன. கிராமப்புறங்களில் தொடக்க பள்ளிகளுக்கு பூட்டு போடப்பட்டு உள்ளதால் மாணவர்கள் பள்ளிக்கு செல்ல முடியாத நிலை ஏற்பட்டுள்ளது.

இதனால் மாதம் ரூ.10 ஆயிரம் சம்பளத்தில் தற்காலிக ஆசிரியர்களை நியமிக்கும் பணியை மாவட்ட கலெக்டர்கள் முடுக்கிவிட்டுள்ளனர். ஒவ்வொரு மாவட்டத்திலும் ஏராளமான பட்டதாரிகள் விண்ணப்பம் அளித்து வருகின்றனர்.

அரசு ஊழியர்கள்- ஆசிரியர்கள் தனியாரைவிட பலமடங்கு அதிக சம்பளம் வாங்கி வருவதாகவும், செயல்படுத்த முடியாத கோரிக்கைகளை வலியுறுத்தி போராட்டத்தில் ஈடுபட வேண்டாம் என்றும் அரசு அறிக்கை வெளியிட்டுள்ளது.

எனவே மாணவர்களின் கல்விக்கும், மக்கள் பணிக்கும் இடையூறு ஏற்படுத்தும் போராட்டங்களை கைவிட்டு பணிக்கு திரும்ப வேண்டும் என்றும் முதல்- அமைச்சர் எடப்பாடி பழனிசாமி வேண்டுகோள் விடுத்துள்ளார்.

ஆனாலும் ஜாக்டோ ஜியோ அமைப்பினர் போராட்டத்தை தீவிரப்படுத்த போவதாக அறிவித்துள்ளனர். அரசு அலுவலகங்களுக்கு செல்லாமல் பணியை புறக்கணித்து நாளை போராட்டத்தில் ஈடுபட முடிவு செய்துள்ளனர். தலைமை செயலக ஊழியர்களும் இதில் பங்கேற்க போவதாக அறிவித்துள்ளனர்.

எனவே அரசு பணிகள் முடங்காமல் இருக்க அரசு தேவையான நடவடிக்கைகளை எடுத்து வருகிறது.

இதன் ஒரு கட்டமாக, போராட்டத்தில் ஈடுபடுவோர் மீது இன்றியமையாத சேவைகள் பராமரிப்பு சட்டமான ‘எஸ்மா’ மற்றும் ‘டெஸ்மா’ ஆகியவற்றின் கீழ் கடும் நடவடிக்கை எடுக்க தமிழக அரசு திட்டமிட்டுள்ளது.

இதன் முன்னேற்பாடாக உயர்நீதி மன்ற உத்தரவை மீறி பணிக்கு வராமல் போராட்டத்தில் ஈடுபடும் 1லட்சம் பேருக்கு தமிழக அரசின் பணியாளர் நடத்தை விதிகள்படி, விளக்கம் கேட்டு நோட்டீஸ் அனுப்பப்பட்டு வருகிறது.

திங்கட்கிழமை பணிக்கு வராவிட்டால் துறை ரீதியாக ஒழுங்கு நடவடிக்கை எடுக்கவும் அதிகாரிகள் அறிவுறுத்தப்பட்டுள்ளனர்.

போராட்டத்தை ஒடுக்கும் பணியில் அரசு இறங்கி உள்ளதால் அரசு ஊழியர்களும், ஆசிரியர்களும் அதிர்ச்சி அடைந்துள்ளனர்.

கைது செய்து சிறையில் அடைத்து விட்டால் குடும்பத்தை யார் கவனிப்பது என்ற குழப்பமும் அரசு ஊழியர்கள் மத்தியில் எழுந்துள்ளது

இதற்கிடையே ஜாக்டோ ஜியோவின் போராட்டம் தொடர்பான வழக்கு மதுரை உயர்நீதிமன்ற கிளையில் நாளை விசாரணைக்கு வர உள்ளது. வழக்கில் நிலையை பொறுத்து போராட்டத்தை வாபஸ் பெறுவதா? இல்லையா? என்பதை முடிவு செய்ய உள்ளனர். #JactoGeo #TnGovernment

சேலம்:

பழைய பென்சன் திட்டத்தை அமுல்படுத்த வேண்டும் என்பது உள்பட பல்வேறு கோரிக்கைகளை வலியுறுத்தி கடந்த 22-ந் தேதி ஆசிரியர்கள், அரசு ஊழியர்கள் தமிழகம் முழுவதும் காலவரையற்ற வேலை நிறுத்த போராட்டத்தை தொடங்கினர்

4-வது நாளான இன்று சேலம் நாட்டாண்மை கட்டிடம் முன்பு மாவட்டம் முழுவதும் இருந்து வந்த ஆசிரியர்கள், அரசு ஊழியர்கள் 3 ஆயிரத்திற்கும் மேற்பட்டோர் திரண்டனர். அவர்கள் தங்களது கோரிக்கைகளை வலியுறுத்தி கோ‌ஷங்களை எழுப்பினர்.

பின்னர் கலெக்டர் அலுவலகம் முன்பு சாலையில் அமர்ந்து மறியலில் ஈடுபட்டனர். அப்போது அரசின் மிரட்டலுக்கு அஞ்சமாட்டோம், கோரிக்கைகள் நிறைவேறும் வரை போராட்டம் தொடரும் என்றனர்.

இந்த போராட்டத்தால் கலெக்டர் அலுவலகம் முன்பு போக்குவரத்து பாதிக்கப்பட்டது. இதையடுத்து மறியலில் ஈடுபட்டவர்களை போலீசார் கைது செய்தனர்.

ஆசிரியர்கள் மற்றும் அரசு ஊழியர்களின் இந்த போராட்டத்தால் பள்ளிகளில் கற்பித்தல் பணி, மற்றும் அரசு பணிகள் அதிக அளவில் பாதிக்கப்பட்டுள்ளன. இதனால் சில பள்ளிகளை சத்துணவு ஊழியர்களை வைத்து தற்போது நடத்தி வருகிறார்கள்.

சேலம் மாவட்டம் முழுவதும் போராட்டத்தில் பங்கேற்றுள்ள அரசு ஊழியர்கள் மற்றும் ஆசிரியர்கள் 4 ஆயிரத்திற்கும் மேற்பட்டோருக்கும் விளக்கம் கேட்டு நோட்டீஸ் அனுப்பும் நடவடிக்கையில் அதிகாரிகள் தீவிரமாக இறங்கி உள்ளனர்.

இதே போல நாமக்கல் மாவட்டத்தல் பல்வேறு பகுதிகளில் இருந்து வந்த 1500-க்கும் மேற்பட்ட அரசு ஊழியர்கள் மற்றும் ஆசிரியர்கள் 4-வது நாளாக இன்று நாமக்கல் பூங்கா சாலையில் திரண்டனர்.

பின்னர் கோரிக்கைகளை வலியுறுத்தி கோ‌ஷங்கள் எழுப்பியபடியே அந்த பகுதியில் அவர்கள் சாலை மறியலில் ஈடுபட்டனர். இதனால் அந்த பகுதியில் பரபரப்பு நிலவியது. இதையடுத்து அங்கு பாதுகாப்புக்கு நின்ற போலீசார் அவர்களை கைது செய்தனர்.

இதற்கிடையே ரூ.7 ஆயிரத்து 500 சம்பளத்தில் தற்காலிக ஆசிரியர்கள் நியமிக்க அரசு உத்தரவிட்டுள்ளது. பெற்றோர் ஆசிரியர் கழகங்கள் மூலம் புதிதாக ஆசிரியர்கள் நியமிக்கும் நடவடிக்கையில் மாவட்ட கல்வி அதிகாரிகள் தீவிரமாக இறங்கி உள்ளதால் போராட்டத்தில் ஈடுபட்டுள்ள ஆசிரியர்கள், அரசு ஊழியர்கள் அதிர்ச்சி அடைந்துள்ளனர்.

மார்த்தாண்டம்:

மார்த்தாண்டத்தை அடுத்த முண்டவிளை பகுதியை சேர்ந்தவர் ரமா (வயது 24). ரமாவுக்கும் கோட்டகம் பகுதியை சேர்ந்த மகேஷ் என்பவருக்கும் கடந்த 3 ஆண்டுகளுக்கு முன்பு திருமணம் நடந்தது. இவர்களுக்கு ஒரு மகன் உள்ளார். மகேஷ் வெளிநாட்டில் கட்டிட தொழிலாளியாக வேலை பார்த்து வருகிறார்.

திருமணம் முடிந்த ஓராண்டுக்கு பிறகு கணவன்- மனைவி இடையே கருத்து வேறுபாடு ஏற்பட்டது.

கணவருடன் ஏற்பட்ட பிரச்சினை காரணமாக ரமா, பெற்றோர் வீட்டிற்கு சென்றார். அதன்பிறகு உறவினர்கள் இருவருக்கும் இடையே சமரசம் பேசினர். இதில் உடன்பாடு ஏற்பட்டு இருவரும் மீண்டும் சேர்ந்து வாழ்ந்தனர்.

இந்த நிலையில் மீண்டும் அவர்களுக்கு இடையே பிரச்சினை ஏற்பட்டதை தொடர்ந்து ரமா, பெற்றோர் வீட்டிற்கு சென்றார். சமீபத்தில் மகேஷ் வெளிநாட்டில் இருந்து ஊர் திரும்பினார்.

ஊர் திரும்பிய மகேஷ், மனைவியை சந்திக்க வில்லை. எனவே கணவரை பார்க்க ரமா,நேற்று அவரது வீட்டுக்கு சென்றார். ஆனால் கணவரின் பெற்றோர் அவரை வீட்டுக்குள் அனுமதிக்க வில்லை.

மேலும் வீட்டில் இருந்த ரமாவின் பொருள்களை கொடுத்து அவரை அங்கிருந்து செல்லும்படி கூறினர். இதனால் அதிர்ச்சி அடைந்த ரமா, தனது குழந்தையுடன் கணவர் வீடு முன்பு தர்ணா போராட்டத்தில் ஈடுபட்டார்.

இது பற்றி அக்கம் பக்கத்தினர் மார்த்தாண்டம் போலீசாருக்கு தகவல் கொடுத்தனர். போலீசார் சம்பவம் பற்றி விசாரித்தனர்.

இன்று ரமா, இது பற்றி மார்த்தாண்டம் மகளிர் போலீசில் புகார் செய்தார். போலீசார் சம்பவம் குறித்து விசாரணை நடத்தி வருகிறார்கள்.