நீங்கள் தேடியது "வெயில்"

தமிழகத்தில் சென்னை, மதுரை, கடலூர், தர்மபுரி, கரூர், நாகை, நாமக்கல், பாளையங்கோட்டை, சேலம், திருச்சி, திருத்தணி, வேலூர் ஆகிய 12 இடங்களில் வெயில் 100 டிகிரியை தாண்டியது. அதிகபட்சமாக திருத்தணியில் 113.18 டிகிரி வெயில் கொளுத்தி எடுத்தது. புதுச்சேரியிலும் வெயில் 100 டிகிரியை தாண்டி சதம் அடித்தது. முக்கிய நகரங்களில் நேற்றைய வெயில் நிலவரம் வருமாறு:-

சென்னை நுங்கம்பாக்கம் - 100.4 டிகிரி (38 செல்சியஸ்)

சென்னை மீனம்பாக்கம் - 104.54 டிகிரி (40.3 செல்சியஸ்)

கோவை - 98.6 டிகிரி (37 செல்சியஸ்)

குன்னூர் - 79.7 டிகிரி (26.5 செல்சியஸ்),

கடலூர் - 100.94 டிகிரி (38.3 செல்சியஸ்)

தர்மபுரி - 102.2 டிகிரி (39 செல்சியஸ்)

கன்னியாகுமரி - 90.68 டிகிரி (32.6 செல்சியஸ்)

கரூர் - 105.8 டிகிரி (41 செல்சியஸ்)

கொடைக்கானல் - 73.22 டிகிரி (22.9 செல்சியஸ்)

மதுரை - 105.8 டிகிரி (41 செல்சியஸ்)

நாகை - 100.76 டிகிரி (38.2 செல்சியஸ்)

நாமக்கல் - 102.2 டிகிரி (39 செல்சியஸ்)

பாளையங்கோட்டை - 102.38 டிகிரி (39.1 செல்சியஸ்)

புதுச்சேரி - 102.2 டிகிரி (39 செல்சியஸ்)

சேலம் - 104.54 டிகிரி (40.3 செல்சியஸ்)

தஞ்சை - 95 டிகிரி (35 செல்சியஸ்)

திருச்சி - 107.24 டிகிரி (41.8 செல்சியஸ்)

திருத்தணி - 113.18 டிகிரி (45.1 செல்சியஸ்)

தூத்துக்குடி - 91.76 டிகிரி (33.2 செல்சியஸ்)

ஊட்டி - 53.42 டிகிரி (11.9 செல்சியஸ்)

வால்பாறை - 81.5 டிகிரி (27.5 செல்சியஸ்)

வேலூர் - 110.48 டிகிரி (43.6 செல்சியஸ்)

ஈரோடு:

அக்னி நட்சத்திரம் எனும் கத்திரி வெயில் மே 4-ம் தேதி தொடங்கியது. இதன் மூலம் தமிழகத்தில் பல்வேறு பகுதிகளில் 104 டிகிரிக்கு மேல் வெயில் கொளுத்தி வருகிறது.

ஈரோடு மாவட்டத்தை பொறுத்தவரை அக்னி நட்சத்திரம் வெயில் தொடங்கும் முன்பே கடும் அனல் காற்றுடன் வெயில் கொளுத்தியது. அக்னி நட்சத்திரம் வெயில் தொடங்கியதும் மேலும் கூடுதலாக வெயில் கொளுத்தி வந்தது. நாளுக்கு நாள் வெயிலின் தாக்கம் அதிகமாக இருந்தது. இதனால் வாகன ஓட்டிகள் கடுமையாக பாதிக்கப்பட்டனர். 104 டிகிரி செல்சியஸ் வரை பதிவாகி இருந்தது.

இந்நிலையில் கடந்த வாரம் மூன்று நாட்களாக தொடர்ச்சியாக ஈரோடு மாவட்டம் முழுவதும் இடி சூறாவளி காற்றுடன் பலத்த மழை பெய்தது.

இதனால் வெயிலின் தாக்கம் ஓரளவு தனிந்து குளிர்ச்சியான சூழ்நிலை நிலவியது.

இந்நிலையில் கடந்த 3 நாட்களாக மீண்டும் வெயிலின் தாக்கம் அதிகரித்துக் காணப்பட்டு வருகிறது.

வெயிலை தாக்குப்பிடிக்க முடியாத ஒரு சில மக்கள் ஊட்டி கொடைக்கானல் போன்ற குளிர் பிரதேசங்களுக்கு சுற்றுலா பார்க்க சென்ற வண்ணம் உள்ளனர். வெயிலின் தாக்கத்திலிருந்து தப்பிக்க கரும்பு பால், சர்பத், மோர், இளநீர் ஜூஸ் கடைகளில் மக்கள் படையெடுத்த வண்ணம் உள்ளனர்.

காலை 9 மணி முதலே அனல் காற்றுடன் வெயில் கொளுத்த தொடங்கி விடுகிறது. வீட்டில் மின்விசிறி போட்டாலும் வெயிலின் தாக்கத்தால் புழுக்கம் அதிகமாக உள்ளது இதனால் பொதுமக்கள் கடுமையாக பாதிக்கப்பட்டு வந்தனர். இந்நிலையில் ஈரோட்டில் 106 டிகிரி செல்சியஸ் வெப்பநிலை பதிவாகி புதிய உச்சத்தை தொட்டது. வரும் 29-ம் தேதி வரை அக்னி நட்சத்திர வெயில் கொளுத்த உள்ளதால் பொதுமக்கள் செய்வது தெரியாமல் தவித்து வருகின்றனர்.

முக்கிய நகரங்களில் நேற்றைய வெயில் நிலவரம் வருமாறு:-

சென்னை நுங்கம்பாக்கம் - 96.08 டிகிரி (35.6 செல்சியஸ்)

மீனம்பாக்கம் - 101.48 டிகிரி (38.6 செல்சியஸ்)

கோவை - 100.76 டிகிரி (38.2 செல்சியஸ்)

குன்னூர் - 79.7 டிகிரி (26.5 செல்சியஸ்)

கடலூர் - 95.72 டிகிரி (35.4 செல்சியஸ்)

தர்மபுரி - 103.1 டிகிரி (39.5 செல்சியஸ்)

கன்னியாகுமரி - 91.04 டிகிரி (32.8 செல்சியஸ்)

கரூர் - 108.5 டிகிரி (42.5 செல்சியஸ்)

கொடைக்கானல் - 71.6 டிகிரி (22 செல்சியஸ்)

மதுரை - 106.52 டிகிரி (41.4 செல்சியஸ்)

நாகை - 97.34 டிகிரி (36.3 செல்சியஸ்)

நாமக்கல் - 101.3 டிகிரி (38.5 செல்சியஸ்)

பாளையங்கோட்டை - 103.1 டிகிரி (39.5 செல்சியஸ்)

புதுச்சேரி - 95.36 டிகிரி (35.2 செல்சியஸ்)

சேலம் - 104.54 டிகிரி (40.3 செல்சியஸ்)

தஞ்சை - 104 டிகிரி (40 செல்சியஸ்)

திருச்சி - 105.98 டிகிரி (41.1 செல்சியஸ்)

திருத்தணி - 108.5 டிகிரி (42.5 செல்சியஸ்)

தூத்துக்குடி - 92.84 டிகிரி (33.8 செல்சியஸ்)

ஊட்டி - 78.8 டிகிரி (26 செல்சியஸ்)

வால்பாறை - 84.2 டிகிரி (29 செல்சியஸ்)

வேலூர் - 108.5 டிகிரி (42.5 செல்சியஸ்)

புவனேஸ்வர்:

ஒடிசா மாநிலத்தில் குறிப்பாக மேற்கு பகுதியில் கடந்த ஒரு வாரமாக வெயில் கொளுத்தி வருகிறது. மாநிலத்தில் உள்ள 14 நகரங்களில் நேற்று 104 டிகிரிக்கு மேல் வெயில் பதிவானது. இதில் அதிகபட்சமாக தொழிற்சாலைகள் நிறைந்த தல்செர் பகுதியில் 115.34 டிகிரி வெயில் சுட்டெரித்தது. இதனால் பகல் நேரத்தில் மக்கள் வீடுகளுக்குள்ளேயே முடங்கினர். மாநிலத்தின் மேற்கு பகுதியில் அனல் பறப்பதால் மக்களின் இயல்பு வாழ்க்கை பெரிதும் பாதிக்கப்பட்டுள்ளது. தல்செருக்கு அடுத்த படியாக தித்லகார் பகுதியில் 112.1 டிகிரி வெயில் பதிவானது.

இதுகுறித்து வானிலை ஆய்வு மையம், “மாநிலத்தில் பகல் நேர வெயில் குறைவதற்கான வாய்ப்பு இல்லை. அடுத்த சில நாட்களும் வெயிலின் தாக்கம் அதிகமாகவே இருக்கும்” என்று தெரிவித்துள்ளது.

மதுரை:

தமிழகத்தில் பங்குனி, சித்திரை, வைகாசி மாதங்கள் கோடை காலம். இந்த காலத்தில் வெப்பத்தின் அளவு அதிகமாக இருக்கும்.

அதிலும் சித்திரையில் வரும் அக்னி நட்சத்திர காலம் வெயிலின் உச்சமாக இருக்கும். ஆனால் தற்போது வெயில் எப்போதும் உச்சமாகவே உள்ளது.

புவி வெப்பமயமாதல், காற்று மாசு போன்றவற்றால பருவநிலை மாறிவிட்டது தான் காரணம். பங்குனியில் வெயிலின் தாக்கம் சாதாரணமாக இருக்கும் நிலை மாறி ஆரம்பத்திலேயே அக்னி நட்சத்திரம் போன்று வெயில் வாட்டி வதைக்கிறது. அனல் காற்றும் வீசுவதால் இரவில் கூட அதன்பிடியில் இருந்து மக்களால் விடுபட முடியவில்லை. சித்திரை தொடங்கும் முன்பே வெயில் தாக்கம் அதிகமாகி வருகிறது.

மதுரை நகரில் கடந்த 2 வாரமாக வெயிலின் தாக்கம் அதிகரித்து வருகிறது. தினமும் 100 டிகிரிக்கும் அதிகமாக வெயில் அளவு பதிவாகிறது. வெயிலுக்கு பயந்து பொதுமக்களும் காலை நேரங்களில் வெளியில் வரவே அச்சப்படுகின்றனர். மாலையிலும் அதன் தாக்கம் உள்ளது.

வெயிலில் இருந்து பொதுமக்கள் தங்களை காத்துக்கொள்ள குளிர்பானம் கடைகளை நோக்கி படையெடுக்கின்றனர். #Summer
 

பொதுவாக மனிதனின் ஆரோக்கியம் தட்பவெப்பநிலையை போன்றே மாறுதலுக்கு உட்பட்டது. குளிர், மழை, வெயில் என அந்தந்த பருவ காலத்துக்கு தக்கவாறு ஆரோக்கிய பாதிப்பு ஏற்படுவது வழக்கம். அத்தகைய தட்பவெப்ப நிலைக்கேற்றவாறு நம்மை தற்காத்து கொண்டால் உடல்நல பாதிப்பில் இருந்து தப்பித்து கொள்ளலாம். குளிர், மழை காலத்தில் சளி, இருமல், காய்ச்சலாலும், கோடை காலத்தில் உடலின் நீர்ச்சத்து குறைவினால் பல்வேறு உபாதைகளும், சில நேரங்களில் உயிரிழப்பும் ஏற்படுகிறது.

இதுபோன்ற பிரச்சினைகளில் இருந்து தற்காத்து கொள்ள முன்னெச்சரிக்கையாக நமது பழக்க, வழக்கத்தை மாற்றிக்கொண்டால் போதும். ஆரோக்கிய குறைபாட்டில் இருந்து தப்பித்துக்கொள்ளலாம். இதுகுறித்து திண்டுக்கல் அரசு மருத்துவமனை கண்காணிப்பாளர் டாக்டர் சிவக்குமார் கூறியதாவது:-

கோடை காலத்தில் சுட்டெரிக்கும் வெயிலால் உடல் பல உபாதைகளை சந்திக்கிறது. குறிப்பாக உடலில் நீர்ச்சத்து இழப்பு ஏற்பட்டு ரத்தம் கெட்டிப்பட்டு அதன் ஓட்டம் பாதிக்கிறது. அதனால் மூளைக்கு ரத்தம் செல்வது தடைபடுவதால் சட்டென்று தலைச்சுற்றல், மயக்கம் ஏற்பட்டு சில சமயங்களில் உயிரிழப்பும் கூட ஏற்படுகிறது. உடலில் இதுபோன்று ஏற்படும் பிரச்சினைகளை தவிர்க்க, குறிப்பாக உடல், தனது நீர்ச்சத்தை இழக்காமல் காத்து கொள்ள வேண்டும்.

குறிப்பாக குழந்தைகள், முதியவர்கள், இதய நோயாளிகள் கவனமாக இருக்க வேண்டும். வெயிலில் நடமாட்டத்தை குறைத்து கொள்வது நல்லது. பகலில் நடமாடும் போது குடைகளை பயன்படுத்த வேண்டும். அதேபோல் ‘பாலிஸ்டர்’ ரக ஆடைகளை தவிர்த்து தளர்வான பருத்தி ஆடைகளை பயன்படுத்துவது நல்லது. பருத்தி ஆடைகள் வியர்வையை நன்கு உறிஞ்சும் தன்மை கொண்டது. மற்ற ரக ஆடைகள் வியர்வையை உறிஞ்சாது. அதனால் உடலில் அரிப்பு, கொப்பளங்கள் உண்டாகி தோல் நோய்கள் ஏற்படும். இதை தவிர்க்க காலை, மாலை என 2 முறை குளிப்பது நல்லது.

அதேபோல் டீ, காபி, குளிர்பானங்களை தவிர்த்து மோர், இளநீர், பதநீர், நீர்ச்சத்து நிறைந்த பழங்கள், காய்கறிகளை உண்ணுவது உடலுக்கு மிகுந்த நன்மை அளிக்கும். வெயிலில் சென்று விட்டு வீட்டிற்குள் நுழைந்ததும் குளிர்சாதன பெட்டிகளில் ஜில்லென்று இருக்கும் தண்ணீரை எடுத்து குடிக்க கூடாது. சிறிது நேரம் கழித்து மண்பானை தண்ணீரை அருந்தலாம்.

பொதுவாக சிறு குழந்தைகளுக்கு தாகம் எடுப்பது தெரியாது. அதனால் அவர்களின் தாகம் அறிந்து வீட்டில் உள்ள பெரியவர்கள் அவர்களை தண்ணீரை குடிக்க வைக்க வேண்டும்.

சென்னை:

சென்னை வானிலை ஆய்வு மையம் சார்பில் நேற்று உலக வானிலை தினம் கொண்டாடப்பட்டது. இந்த நிகழ்ச்சிக்கு டாக்டர் சூரிய சந்திர ராவ் தலைமை தாங்கினார். சென்னை வானிலை ஆய்வு மைய இயக்குனர் பாலசந்திரன் முன்னிலை வகித்தார்.
நிகழ்ச்சிக்கு பின்னர் பாலசந்திரன் நிருபர்களிடம் கூறும்போது, “இந்தியாவில் கடந்த 1980-ம் ஆண்டுக்கு பின்னர் கடந்த 2016-ம் ஆண்டு முதல் வெப்பம் அதிகமாக காணப்படுகிறது. கடந்த 4 ஆண்டுகளாக வெப்பம் அதிகரித்து வருகிறது. இந்த ஆண்டும் தமிழகத்தில் வெயில் அதிகமாக இருக்கும். ” என்றார்.

உலக வானிலை தினத்தை முன்னிட்டு சென்னை வானிலை ஆய்வு மையத்தில் சிறப்பு கண்காட்சி ஏற்பாடு செய்யப்பட்டிருந்தது. இந்த கண்காட்சியில் காற்றின் வேகத்தை அளக்கும் கருவி உள்ளிட்ட கருவிகள், கஜா புயல் குறித்த வானிலை படங்கள் பொதுமக்கள் பார்வைக்கு வைக்கப்பட்டிருந்தது குறிப்பிடத்தக்கது.

இவ்வாறு அவர் கூறினார். #MeteorologicalCenter #Summer

வெயில் அதிகரித்ததும் உடலில் அதிகமாக வியர்க்கிறதா? வியர்வை ஏன் வருகிறது? வெயில் அடித்ததும் அதிகமாக வியர்ப்பது ஏன்? வியர்வைக்கு நிறம் உண்டா? இன்னும் நாம் வியர்வைப் பற்றி அறிய வேண்டிய சங்கதிகள் என்னென்ன? கொஞ்சம் தெரிஞ்சுக்கலாமா...

வியர்வை ஏன்?

நமது உடலில் உள்ள கழிவுகளை வெளியேற்றும் விதமாகவும், உடலின் வெப்பநிலையை சீர்படுத்தும் ஒரு அமைப்பாகவும் வியர்த்தல் நிகழ்வு உடலில் நடக்கிறது. உடல் தோலின் அடிப்பகுதியில் காணப்படும் வியர்வைச் சுரப்பிகள் வியர்வையை உருவாக்கி வெளியேற்றுகின்றன. சில சத்துக்கள் மிகுந்தால் கழிவுடன் கலந்து வெளியேற்றப்படுவது உண்டு.

வாசனை கிடையாது

வியர்வைக்கு உண்மையில் வாசனை கிடையாது. ஆனால் சருமத்தில் வாழும் பாக்டீரியாக்கள் அதனுடன் கலந்து நாற்றத்தை உருவாக்குகிறது. இதுவே சிலருடைய வியர்வை கெட்ட நாற்றம் அடிக்க காரணமாகும்.சைவ உணவு சாப்பிடுபவர்களின் வியர்வை அதிகமாக நாற்றம் அடிப்பதில்லை என்று ஒரு ஆய்வில் கண்டுபிடிக்கப்பட்டது.

வியர்வையும், வெப்பமும்

வெளியில் வெப்பம் அதிகமாக இருந்தால், அந்த வெப்பம் உடலைத் தாக்காதவாறு தற்காத்துக் கொள்வதற்காக அதிகமாக வியர்வை வெளியேற்றப்படும். அதனால்தான் இந்த வெயில்காலத்தில் நம்மை வியர்வை பாடாய்ப்படுத்துகிறது. வியர்வையால் உடலின் நீர்ச்சத்து வெகுவாக குறைந்துவிடுவதால் தாகம் எடுக்கும். தண்ணீர் குடித்தாலும் தாகம் தீர்ந்ததுபோல உணர முடியாது. அதனால் தாதுக்கள் நிறைந்த ஜூஸ் மற்றும் பானங்களை பருகினால் உடலின் தாதுத் தேவை ஈடுகட்டப்படும். பழரசங்கள் மற்றும் இயற்கை குளிர் பானங்களை பருகி கோடையை சமாளிக்கலாம்.

வியர்வை எவ்வளவு?

வியர்வையின் அளவு ஒவ்வொருவரின் உடல் வெப்பம் மற்றும் சுற்றுப்புற வெப்பநிலைக்கு ஏற்ப மாறுபடும். 85 டிகிரி வெப்பநிலையிலும், 40 சதவீத ஈரப்பதத்திலும் ஒரு மனிதர் சராசரியாக 1.8 லிட்டர் வியர்வையை ஒரு மணி நேரத்தில் வெளியேற்றுவார் என்று ஆய்வில் கண்டுபிடிக்கப்பட்டுள்ளது.

வியர்வை வியாதி

சிலருக்கு அதிகமாக வியர்த்துக் கொட்டும். இப்படி அதீத வியர்வை வெளியேற்றப் பாதிப்பு ‘கைபர்விட்ராசிஸ்’ எனப்படுகிறது. உலகில் 3 சதவீதம் பேருக்கு இப்படி அதீத வியர்வைப் போக்கு பாதிப்பு இருக்கிறதாம்.

அதேபோல சில மனிதர்களுக்கு, நீர்யானைபோல ரத்தச் சிவப்பில் வியர்ப்பது உண்டு. இது ஹீமடோஹைட்ராசிஸ் எனப்படுகிறது. இந்த பாதிப்பு உள்ளவர்களின் வியர்வைச் சுரப்பியானது, ரத்த செல்களை சேதப்படுத்துவதால் வியர்வையுடன் கலந்து ரத்தமும் வெளியேறுகிறது. அதிக மன அழுத்தத்தால் இதுபோன்ற பாதிப்பு ஏற்பட வாய்ப்பு உண்டு.


லட்சக்கணக்கில் வியர்வை சுரப்பிகள்

மனித உடலில் கண், வாய், வாய், மூக்கு உள்ளிட்ட நவ துவாரங்கள் இருப்பதாக கூறப்படுவது உண்டு. வியர்வை வெளியேறும் வழிகளும் உடலின் துவாரங்களே. ஆனால் அவை சாதாரணமாக கண்களுக்குத் தெரிவதில்லை. வியர்வையை வெளியேற்றுவதற்காக உடலில் பல லட்சம் நுண்துளைகள் உள்ளன. 25 லட்சம் முதல் 50 லட்சம் வரையிலான வியர்வை சுரப்பிகள் இவற்றின் அடியில் இருந்துசெயல்பட்டு வியர்வையை வெளியேற்றுகின்றன.

மஞ்சள் வியர்வை

கை உடலுடன் இணையும் பகுதியின் அடிப்புறம் அக்குள் எனப்படுகிறது. அதிகமாக வியர்க்கும் பகுதிகளில் இதுவும் ஒன்று. இந்த பகுதியில் வழியும் வியர்வையால் உடையில் மஞ்சள் கறை தோன்றினால் உடலில் புரதம் மற்றும் கொழுப்பு அமிலங்கள் மிகுந்துவிட்டதாக அர்த்தம்.

சிவப்பு வியர்வை

நமது வியர்வைக்கு நிறம் கிடையாது. ஆனால் சில பொருட்களின் சேர்க்கையால் வியர்வை நிறம் மாறுவது உண்டு. உதாரணமாக நீர் யானைகளின் வியர்வை சிவப்பு நிறத்தில் காணப்படுகிறது. ஆரம்ப காலத்தில் அதை வியர்வை என்று அறியாமல் பலவித கதைகள் புனையப்பட்டன. நவீன அறிவியல் அவற்றின் சிவப்பு வியர்வைக்கு காரணத்தை கண்டறிந்து கூறி உள்ளது. வியர்வையுடன் சிவப்பு நிறமிப் பொருளும் கலந்து வெளியேறுவதே அதன் வியர்வை சிவப்பாக இருக்கக் காரணமாகும். மேலும் அவற்றின் சிவப்பு வியர்வை, சூரிய வெப்ப தாக்குதலை மிகுதியாக கட்டுப்படுத்துவதும், தீமை செய்யும் பாக்டீரியா கிருமிகளை அழிக்கும் தன்மை கொண்டிருப்பதும் கண்டுபிடிக்கப்பட்டு உள்ளது.

உணவும், வியர்வையும்...

சாப்பிடுவது வியர்வையை தூண்டும். சாப்பிடும்போது வளர்ச்சிதை மாற்றங்கள் அதிகமாகிறது. அப்போது உடல் வெப்பம் அதிகரிக்கிறது. எனவே உடலை குளிர்விக்கும் விதமாக வியர்வை அதிகமாக சுரக்கத் தொடங்குகிறது.

வியர்வையில் உப்பு

ஆண்களுக்கு பெண்களைவிட அதிகமாக வியர்க்கும். ஆண்களுக்கு சுமார் 40 சதவீதம் அதிகமாக வியர்க்கிறதாம். மேலும் ஆண்களின் வியர்வையில் உப்புத்தன்மையும் சற்று அதிகமாக இருக்கும்.