என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
நீங்கள் தேடியது "slug 106327"
அந்த வகையில், விடுமுறை தினமான நேற்று மலைக்கோவிலில் பக்தர்கள் குவிந்தனர். இதன் காரணமாக படிப்பாதை, யானைப்பாதை, மின் இழுவை நிலையம் ஆகிய இடங்களில் பக்தர்கள் கூட்டம் அலைமோதியது. மலைக்கோவில் வெளிப்பிரகாரம், பொது, கட்டணம், சிறப்பு தரிசன வழிகளிலும் பக்தர்கள் நீண்ட வரிசையில் காத்திருந்தனர். ஒரு மணி நேரம் காத்திருந்த பின்னரே பக்தர்களால் சாமி தரிசனம் செய்ய முடிந்தது.
வழக்கமாக விடுமுறை தினங்களில் கேரள மாநிலத்தவர்கள் பழனி மலைக்கோவிலுக்கு அதிக அளவில் வருகை தருவார்கள். ஆனால் கேரள மாநிலத்தின் பல பகுதிகள் வெள்ளத்தால் பாதிக்கப்பட்டுள்ளதால் பழனிக்கு கேரள பக்தர்கள் வருகை குறைவாகவே இருந்தது.
திருப்பதி ஏழுமலையான் கோவிலில் 12 ஆண்டுகளுக்குப் பிறகு ஆகம விதிகளின்படி, அஷ்டபந்தன பாலாலய மகா சம்ப் ரோக்ஷணம் எனப்படும் மகா கும்பாபிஷேக விழா நேற்று வெகு விமரிசையாக நடந்தது.
இதனை தொடர்ந்து, மாலை 5 மணிக்கு, கருட பஞ்சமியையொட்டி, உற்சவர்களான ஸ்ரீதேவி, பூதேவி சமேதமாய் மலையப்பசாமி கருட வாகனத்தில் 4 மாட வீதிகளில் பவனி வந்து பக்தர்களுக்கு அருள் பாலித்தார். இதனை தொடர்ந்து, இரவு 9 மணியளவில், பெரிய சேஷ வாகனத்தில், மீண்டும் உற்சவ மூர்த்திகள் 4 மாட வீதிகளில் உலா வந்து பக்தர்களுக்கு காட்சியளித்தனர். இத்துடன் கும்பாபிஷேக விழா நிறைவு பெற்றது.
கும்பாபிஷேகத்தையொட்டி கடந்த 9-ந் தேதி முதல் நடைபாதை தரிசனம், சிறப்பு தரிசனம், ரூ.300 கட்டண தரிசனம் நிறுத்தி வைக்கப்பட்டிருந்தது.
இது தொடர்பாக தேவஸ்தான தலைமை நிர்வாக அதிகாரி அனில்குமார் சிங்கால் நிருபர்களிடம் கூறியதாவது:-
ஆகம ஆலோசனைக் குழு அளித்த ஆலோசனைகள் மற்றும் பெரிய ஜீயர், சின்ன ஜீயர் சுவாமிகள் அறிவுறுத்தலின்படி மகா கும்பாபிஷேக விழா வெகு சிறப்பாக நடந்தது.
எங்களது வேண்டுகோளுக்கு இணங்க ஆந்திரா, தெலுங்கானா, தமிழகம், கர்நாடகா மற்றும் இதர மாநில பக்தர்கள் மிகுந்த ஒத்துழைப்பு அளித்தமைக்கு நன்றி. 44 வேத வல்லூநர்கள், 100 வேத பண்டிதர்கள் பங்கேற்று இதனை சிறப்பாக நடத்திக் கொடுத்துள்ளனர். கடந்த 11-ம் தேதி முதல் 15-ம் தேதி வரை 1.34 லட்சம் பக்தர்கள் ஏழுமலையானை தரிசித்துள்ளனர். இன்று காலை முதல் பக்தர்கள் வழக்கம்போல் ஏழுமலையானை தரிசிக்கலாம்.
இவ்வாறு அவர் கூறினார். #Tirupati #TirupatiTemple
சிலை சேதமடைந்த நிலையில் இருப்பதை அதிகாரிகள் யாரும் கண்டு கொள்ளவில்லை. இதனால் கோவில் அர்ச்சகர்கள் சேதமான கை பகுதி வெளியில் தெரியாத வகையில் பூ வைத்து அலங்காரம் செய்கின்றனர்.
உடைந்த சிலையை கும்பாபிஷேகத்திற்கு முன்பாக சீரமைத்திருக்க வேண்டும், சேதமடைந்த சிலையுடன் வழிபாடு தொடர்வது முறையானது அல்ல என பக்தர்கள் தெரிவித்துள்ளனர்.
இந்த சந்திரன் சிலை 2004-ம் ஆண்டுக்கு முன்பே உடைந்துவிட்டதாகவும், கும்பாபிசேகத்தின்போது மற்ற பணிகள் இருந்ததால் கவனிக்கவில்லை எனவும் கோவில் பணியாளர்கள் கூறுகின்றனர். எனினும் சேதமடைந்த சிலையுடன் வழிபாடு செய்வது தெய்வகுற்றம் என பக்தர்கள் குறை கூறியுள்ளனர்.
எனவே புதிய சிலையை வரவழைத்து அதற்கு உரிய பூஜைகள் நடத்தி வழிபாட்டுக்கு வைக்கவேண்டும் என்கின்றனர் பொதுமக்கள்.
ஸ்ரீவில்லிபுத்தூர் ஆண்டாள் கோவிலில் கொண்டாடப்படும் விழாக்களில் ‘ஆடிப்பூரம்‘ மிகவும் முக்கியமானதாகும். இந்த ஆண்டுக்கான ஆடிப்பூர விழா கடந்த 5-ந் தேதி கொடியேற்றத்துடன் தொடங்கியது. விழா தொடர்ந்து நடைபெற்று வருகிறது. விழாவின் ஒவ்வொரு நாளும் ஆண்டாள்-ரங்க மன்னார் வீதி உலா வந்து பக்தர்களுக்கு அருள் பாலித்தனர்.
8-ம் திருநாளான நேற்று ஆண்டாள் சூடிக் கொள்வதற்கான மங்கலப் பொருட்கள் ஸ்ரீரங்கம் ரங்கநாதர் கோவிலில் இருந்து வந்தடைந்தன.
ஸ்ரீரங்கம் ரங்கநாதருக்கு ரேவதி நட்சத்திரத்தின் போதும், மதுரை கள்ளழகருக்கு சித்ரா பவுர்ணமியின் போதும் ஆண்டாள் சூடிக் கொடுத்த மங்கலப் பொருட்கள் அனுப்பப்பட்டு அவை சாமிகளுக்கு சாத்தப்படும். மதுரை கள்ளழகர் கோவிலில் இருந்து வந்த மங்கலப் பொருட்கள் உற்சவருக்கு சாத்தப்பட்டு விசேஷ பூஜைகள் நடைபெற்றன.
9-ந் திருநாளான இன்று காலை ஆடிப்பூரத் தேரோட்டம் நடந்தது. திரளான பக்தர்கள் கலந்து கொண்டு வடம் பிடித்து தேர் இழுத்தனர். பக்தர்கள் வெள்ளத்தில் தேர் ஆசைந்தாடி வந்தது கண்கொள்ளாக் காட்சியாக இருந்தது. வருகிற 16-ந் தேதி ஆண்டாள்-ரங்கமன்னார் திவ்ய தம்பதிக்கு புஷ்ப யாகத்துடன் விழா நிறைவடைகிறது.
ஆண்டாள் கோவில் தேரோட்ட திருவிழாவையொட்டி 1,000-க்கும் மேற்பட்ட போலீசார் பாதுகாப்பு பணியில் ஈடுபட்டனர். போக்குவரத்தில் மாற்றம் செய்யப்பட்டிருந்தது. விருதுநகர் மாவட்டத்துக்கு உள்ளூர் விடுமுறையும் அறிவிக்கப்பட்டிருந்தது. ஆடிப்பூர விழா ஏற்பாடுகளை கோவில் செயல் அலுவலர் நாகராஜன், தக்கார் ரவிச்சந்திரன் மற்றும் விழா குழுவினர் செய்திருந்தனர்.
பாகூர்:
கிருமாம்பாக்கம் அருகே கன்னியகோவிலில் பிரசித்தி பெற்ற பச்சைவாழியம்மன் கோவில் தீமிதி திருவிழா நேற்று மாலை நடைபெற்றது.
விழாவில் சுற்றுப்புற கிராமங்கள் மட்டுமின்றி கடலூர், விழுப்புரம் மாவட்டங்களில் இருந்து ஆயிரக்கணக்கானோர் கலந்து கொண்டு தீ மிதித்து நேர்த்திக் கடனை செலுத்தினர்.
இந்த நிலையில் தீமிதி விழா நடைபெற்று கொண்டிருந்த போது ஏற்கனவே முன் விரோதத்தை வைத்து கொண்டு வார்க்கால் ஓடை புதுநகரை சேர்ந்த இளைஞர்களும், மணப்பட்டு கிராமத்தை சேர்ந்த இளைஞர்களும் மோதலில் ஈடுபட்டனர். ஒருவரையொருவர் கையாலும், தடியாலும் தாக்கிக்கொண்டனர்.
இதனால் அங்கு பெரும் பதட்டம் ஏற்பட்டது. விழாவை காண வந்த பொதுமக்கள் அலறியடித்து ஓட்டம் பிடித்தனர். இதையடுத்து மோதலில் ஈடுபட்ட 2 கிராமத்தை சேர்ந்த வாலிபர்களை போலீசார் தடியடி நடத்தி கலைத்தனர்.
மேலும் மோதலில் ஈடுபட்ட வார்க்கால் ஓடை புதுநகரை சேர்ந்த வசந்தகுமார் (19), ராயப்பன் (24), கலைச்செல்வன் (27) மற்றும் மணப்பட்டு கிராமத்தை சேர்ந்த விஜய மூர்த்தி (24), அருண்ராஜ் (19) ஆகிய 5 பேரை போலீசார் கைது செய்தனர். இந்த மோதல் தொடர்பாக 2 கிராமத்தை சேர்ந்த 20 பேர் மீது வழக்கு பதிவு செய்துள்ளனர்.
சாமிக்கு திருஆபரணங்கள் சாத்தப்பட்டு விசேஷ பூஜைகள் நடந்தன. தொடர்ந்து சஷ்டிமண்டபத்தில் உற்சவர் வள்ளி, தெய்வானை சமேத சுப்பிரமணிய சாமிக்கு பால், பழம், பன்னீர், தேன், புஷ்பம், இளநீர், விபூதி, சந்தனம் உள்ளிட்ட 36 வகையான அபிஷேகங்கள் நடந்தன.பின்னர் சர்வ அலங்காரத்தில் சாமி எழுந்தருளினார். ஏராளமான பக்தர்கள் கலந்துகொண்டு சாமிதரிசனம் செய்தனர். அவர்களுக்கு அன்னதானம் வழங்கப்பட்டது.
பின்னர் தங்கத்தேர் பக்தர்களால் இழுக்கப்பட்டது. இதற்கான ஏற்பாடுகளை வழிபாடு சபையின் தலைவர் பொன்.முத்துவிநாயகம், பொருளாளர் டி.ஏ.சேகரன் மற்றும் குழுவினர் செய்திருந்தனர். முன்னதாக பாதயாத்திரையாக கோவிலுக்கு வந்த முருக பக்தர்களை தக்கார் வெங்கடாசலம் ஆலோசனையின் பேரில் நிர்வாக அதிகாரி மாரிமுத்து மற்றும் திருக்கோவில் பணியாளர்கள் வரவேற்றனர்.
உடன்குடி:
குலசேகரன் பட்டினம் முத்தாரம்மன் கோவில் தசரா திருவிழாவிற்கு பெயர் பெற்ற திருத்தலமாகும். இங்கு வருடம் தோறும் ஆடிக் கொடை விழா நடைபெறும். இந்த வருட கொடைவிழா வருகிற 30-ந் தேதி இரவு 9 மணிக்கு மாக்காப்பு, தீபாராதனையுடன் தொடங்குகிறது. இரவு 10 மணிக்கு வில்லிசை நடக்கிறது.
31-ந் தேதி காலை 7 மணி, 8.30 மணிக்கு சிறப்பு அபிஷேகம் மற்றும் ஆராதனை, பகல் 11 மணி, இரவு 11 மணி ஆகிய நேரங்களில் சிறப்பு பூஜையுடன் கும்பம் தெரு வீதி உலா செல்லுதல், காலை 10 மணி, இரவு 10 மணிக்கு வில்லிசை மற்றும் மகுட இசை, பகல் 1 மணிக்கு அன்னதானம் நடக்கிறது.
1-ந் தேதி காலை 9 மணிக்கு மகுட இசை, 10 மணிக்கு வில்லிசை, காலை 11 மணிக்கு சிறப்பு பூஜையுடன் கும்பம் தெரு வீதி செல்லுதல், பகல் 1 மணிக்கு அன்னதானம், மாலை 5 மணிக்கு சுவாமிகள் மஞ்சள் நீராடுதல், இரவு 8 மணிக்கு சிறப்பு அபிஷேகம் மற்றும் ஆராதனைகளுடன் கொடை விழா நிறைவு பெறுகிறது.
கொடை விழாவிற்கான ஏற்பாடுகளை தூத்துக்குடி அறநிலையத்துறை உதவி ஆணையரும் கோவில் தக்காருமான ரோஜாலி சுமதா, செயல் அலுவலர் ராமசுப்பிரமணியன், ஆய்வாளர் பகவதி மற்றும் ஆலய ஊழியர்கள் செய்து வருகின்றனர்.
ஈரோடு:
ஆடி மாதம் என்றலே அம்மனுக்கு உகந்த மாதமாக கருதப்படும். ஆடி மாதத்தில் அம்மன் கோவில்களில் விஷேச பூஜை மற்றும் சிறப்பு அலங்காரம் செய்து அம்மனை பக்தர்கள் வழி படுவார்கள்.
வழக்கமாக வெள்ளிக் கிழமை மற்றும் செவ்வாய்க் கிழமைகளில் பெண் பக்தர்கள் அம்மன் கோவில்களுக்கு அதிகமாக வருவார்கள். இன்று ஆடி மாதம் 2-வது வெள்ளிக்கிழமை ஈரோடு மாவட்டத்தில் உள்ள அம்மன் கோவில்களில் பக்தர்கள் கூட்டம் வழக்கத்தை விட அதிகமாக காணப்பட்டது.
இதையொட்டி ஈரோடு பெரிய மாரியம்மன் கோவிலில் இன்று அம்மனுக்கு சிறப்பு அலங்காரம் செய்யப்பட்டு இருந்தது. இதனால் அதிகாலை முதலே பக்தர்கள் குறிப்பாக பெண் பக்தர்கள் குவிந்தனர். அவர்கள் அம்மனை தரிசனம் செய்தனர்.
மேலும் அன்னதானம், கூழ் மற்றும் பிரசாதம் வழங்கப்பட்டது. இதனால் கோவில் வளாகம் முழுவதும் திருவிழா போல காட்சி அளித்தது. மேலும் கோவிலில் விளக்கு பூஜையும் நடந்தது. இதில் பெண்கள் பலர் கலந்து கொண்டு விளக்கு பூஜை செய்தனர்.
இதே போல பண்ணாரியம்மன் கோவில், கோபி அடுத்த பாரியூர் அம்மன், ஈரோடு சின்ன மாரியம்மன், நடு மாரியம்மன், சூரம்பட்டி மாரியம்மன், வீரப்பன் சத்திரம் மாரியம்மன், கருங்கல்பாளையம் பெரிய மாரியம்மன், சின்ன மாரியம்மன், ஓங்காளியம்மன், பார்க் ரோடு எல்லை மாரியம்மன், ராஜாஜி புரம் மாகாளியம்மன், கள்ளுக்கடை மேடு பத்ரகாளியம்மன் கோவில் உள்பட ஈரோடு மாவட்டத்தில் உள்ள அனைத்து அம்மன் கோவில்களிலும் அம்மன் சிறப்பு அலங்காரத்தில் பக்தர்களுக்கு அருள் பாலித்தார்.
இதில் ஏரானமான பக்தர்கள் கலந்து கொண்டு சாமி தரிசனம் செய்தனர். #temple
விருதுநகர்:
விருதுநகர் மாவட்டம், தாணிப்பாறையில் சதுரகிரி சுந்தரமகாலிங்கம் கோவில் ஆடி அமாவாசை திருவிழாவினை முன்னிட்டு மேற்கொள்ளப்பட்டு வரும் முன்னேற்பாடு பணிகளை சந்திரபிரபா எம்.எல்.ஏ. முன்னிலையில் கலெக்டர் நடராஜன் நேரில் சென்று ஆய்வு செய்தார். அப்போது அவர் கூறியதாவது:-
வருகின்ற ஆடி 26-ந் தேதி (11.8.18) அன்று சதுரகிரி சுந்தரமகாலிங்கம் கோவில் ஆடி அமாவாசை திருவிழாவிற்கு தமிழகத்தின் பல்வேறு பகுதிகளில் இருந்து ஏராளமான பக்தர்கள் வந்து பங்கேற்பார்கள்.
விழாவில் பங்கேற்கும் பொதுமக்களுக்கும், பக்தர்களுக்கும் போதிய பாதுகாப்பு பணிகளை மேற்கொள்ளவும், கூட்ட நெரிசலை ஒழுங்குபடுத்தவும் காவல்துறையினர் மூலம் நடவடிக்கை மேற்கொள்ளப்படும்.
தரிசனம் செய்ய வருகின்ற பொதுமக்கள் மற்றும் பக்தர்களுக்கு தேவையான குடிநீர் வசதி மற்றும் சுகாதார வசதிகள் மேற்கொள்ளப்படும் வனத்துறையின் மூலம் சுற்றுச்சூழலை மாசு படுத்தாமல் முன்னேற்பாடு பணிகள் மேற்கொள்ளப்படும்.
எந்த நேரத்திலும் முதலுதவி சிகிச்சை அளித்திடும் வகையில் மருத்துவர்கள் மற்றும் மருத்துவப் பணியாளர்களுடன் கூடிய மருத்துவக் குழு அமைக்கப்பட உள்ளது. மேலும் ஆம்புலன்ஸ் வசதிகளும் ஏற்படுத்தப்பட உள்ளது.
சதுரகிரிக்கு செல்லும் பக்தர்கள் பிளாஸ்டிக் பொருட்கள், போதை வஸ்து போன்ற பொருட்கள் கொண்டு செல்ல தடை விதிக்கப்பட்டுள்ளது.
பிளாஸ்டிக் பொருட்களினால் ஏற்படும் தீமைகள் குறித்து பொதுமக்களிடையே எடுத்துக்கூறி சுற்றுச்சூழலுக்கு மாசு ஏற்படுத்தாத துணிப் பைகளை பொதுமக்களுக்கு வழங்க நடவடிக்கை எடுக்கப்படும்.
சதுரகிரிக்கு செல்லும் பக்தர்களின் வசதிக்கேற்ப மாவட்டத்தின் பல்வேறு பகுதிகளில் இருந்து சிறப்பு பஸ்கள் இயக்க தமிழ்நாடு அரசு போக்குவரத்துக் கழகம் மூலம் நடவடிக்கை எடுக்கப்பட உள்ளது.
இவ்வாறு அவர் கூறினார்.
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
