நீங்கள் தேடியது "slug 96649"

கவுண்டம்பாளையம்:

கோவை பெரியநாயக்கன் பாளையத்தை சேர்ந்தவர் 40 வயது இளம்பெண். இவருக்கு கடந்த 22 வருடங்களுக்கு முன்பு திருமணமாகி ஒரு மகன், ஒரு மகள் ஆகியோர் உள்ளனர். கணவர் கூலி வேலை செய்து வருகிறார்.

இந்த நிலையில் இளம்பெண்ணுக்கு அதே பகுதியை சேர்ந்த 19 வயது கல்லூரி மாணவர் ஒருவருடன் பழக்கம் ஏற்பட்டது. நாளடைவில் இது கள்ளக்காதலாக மாறியது. கணவர் வேலைக்கு செல்லும் நேரத்தில் இளம்பெண் மாணவரை தனது வீட்டிற்கு அழைத்து அவருடன் உல்லாசமாக இருந்து வந்தார். இந்த கள்ளக்காதல் விவகாரம் அக்கம் பக்கத்தினர் மூலமாக பெண்ணின் கணவருக்கு தெரிய வந்தது.

இதனால் அவர் தனது மனைவியை கண்டித்தார். மேலும் 19 வயது கல்லூரி மாணவருடனான கள்ளக்காதலை கைவிடுமாறு அறிவுரை கூறினார். ஆனால் இளம்பெண் கள்ளக்காதலை தொடர்ந்து வந்தார்.இதன்காரணமாக கணவன்-மனைவிக்கு இடையே அடிக்கடி தகராறு ஏற்பட்டு வந்தது.

சம்பவத்தன்று வீட்டில் இருந்த இளம்பெண் திடீரென மாயமாகி விட்டார். இதனையடுத்து அவரை அவரது கணவர் அக்கம் பக்கத்தில் தேடினார். அப்போது இளம்பெண் 19 வயது கல்லூரி மாணவருடன் ஓட்டம் பிடித்தது தெரிய வந்தது. அவரது செல்போ னுக்கு தொடர்பு கொண்ட போது அது சுவிட்ச் ஆப் செய்யப்பட்டு இருந்தது.

இது குறித்து பெண்ணின் கணவர் பெரியநாயக்கன்பாளையம் போலீசில் 19 வயது கல்லூரி மாணவருடன் ஓட்டம் பிடித்த தனது மனைவியை கண்டுபிடித்து தரும்படி புகார் செய்தார். புகாரின் பேரில் போலீசார் வழக்குப்பதிவு செய்து கல்லூரி மாணவருடன் ஓட்டம் பிடித்த 40 வயது பெண்ணை தேடி வருகிறார்கள்.

ராமநாதபுரம்:

ராமநாதபுரம் மாவட்டம் தேவிபட்டினம் அருகே உள்ள தாவுகாடு பகுதியைச் சேர்ந்தவர் கோகுலராஜ் (வயது24). இவரது மனைவி முத்துலட்சுமி. இவர்களுக்கு 5 மாத பெண் குழந்தை உள்ளது.

கோகுலராஜின் பெரி யப்பா சுப்பிரமணி மகன் கோபாலகிருஷ்ணன் (24). இவர் அப்பகுதியில் பனை மட்டையில் இருந்து தும்பு உற்பத்தி செய்யும் தொழில் செய்து வந்தார். இவரிடம் கோகுலராஜ் வேலை செய்து வந்தார்.

கோபாலகிருஷ்ண னுக்கும், கோகுலராஜின் மனைவி முத்துலட்சுமிக்கும் இடையே கள்ளத்தொடர்பு ஏற்பட்டது.

இந்த நிலையில் கடந்த செப்டம்பர் மாதம் கள்ளக்காதலர்கள் இருவரும் ஊரைவிட்டு வெளியேறி வெளியூர் சென்றனர். இதனால் அதிர்ச்சியடைந்த கோகுலராஜ் மற்றும் குடும்பத்தினர் 2 பேரையும் தேடி கண்டுபிடித்து சமரச பேச்சுவார்த்தை நடத்தினார்கள்.

இருவரையும் கண்டித்த குடும்பத்தினர் மீண்டும் கோகுல ராஜூடன் முத்துலட்சுமியை சேர்த்து வைத்தனர். இதனால் கோபாலகிருஷ்ணன் மீது கோகுலராஜ் ஆத்திரத்தில் இருந்து வந்தார்.

நேற்று புதுவலசை பகுதியில் கோபால கிருஷ்ணன் சென்று கொண்டிருந்தார். அப்போது கோகுலராஜ் மற்றும் அவரது உறவினரான விஜயகுமார் உள்பட சிலர் வழிமறித்து கோபாலகிருஷ்ணனை அரிவாளால் வெட்டினார்கள்.

இதைப்பார்த்த அவரது சகோதரி இசக்கியம்மாள் (32) தடுக்க முயன்றார். அப்போது அவரையும் அந்த கும்பல் வெட்டியது. கொலை கும்பல் பிடியில் இருந்து கோபாலகிருஷ்ணன் தப்ப முயன்றார். ஆனால் அந்த கும்பல் அவரை ஓட, ஓட விரட்டி சரமாரியாக அரிவாளால் வெட்டியது.

இதில் ரத்த வெள்ளத்தில் கீழே சரிந்த கோபாலகிருஷ்ணன் சம்பவ இடத்திலேயே பரிதாபமாக இறந்தார்.

இது குறித்து தகவல் அறிந்த தேவிபட்டினம் போலீசார் சம்பவ இடத்துக்கு சென்று அவரது பிணத்தை கைப்பற்றி பிரேதப் பரிசோதனைக்காக ராமநாதபுரம் அரசு மருத்துவக் கல்லூரி மருத்துவமனைக்கு அனுப்பி வைத்தனர்.

மேலும் அரிவாள் வெட்டில் காயமடைந்த இசக்கியம்மாள் மருத்துவமனையில் சேர்க்கப்பட்டுள்ளார். அங்கு அவருக்கு சிகிச்சை அளிக்கப்பட்டு வருகிறது.

இந்த கொலையில் ஈடுபட்டவர்கள் தலைமறைவாகி விட்டனர். அந்த கும்பலை போலீசார் தீவிரமாக தேடி வருகின்றனர்.

இந்த சம்பவம் தேவி பட்டினம் பகுதியில் பரபரப்பை ஏற்படுத்தியுள்ளது.

பல்லடம்:

ஈரோடு எஸ்.எஸ்.பி.நகரை சேர்ந்தவர் மணிகண்டன் (வயது 31). இவருக்கு மைதிலி என்ற மனைவி உள்ளார். மணிகண்டன் ஈரோட்டில் உள்ள தனியார் ஜவுளி நிறுவனத்தில் வேலை பார்த்து வந்தார்.

அங்கு சந்தியா என்பவர் வேலை பார்த்து வந்தார். சந்தியாவுக்கு திருமணமாகி குழந்தை உள்ளது. இந்நிலையில் மணிகண்டனுக்கும், சந்தியாவுக்கும் இடையே கள்ளக்காதல் ஏற்பட்டது.

சந்தியாவின் குழந்தையை அவரது தாயார் வீட்டில் விட்டு விட்டு கடந்த 4 மாதங்களுக்கு முன்பு பல்லடம் லட்சுமி மில் பகுதியில் மணிகண்டனுடன் சந்தியா தனியாக வாடகை வீடு எடுத்து கணவன் மனைவியாக வாழ்ந்தனர்.

இந்தநிலையில் தனது கணவர் மணிகண்டனை காணவில்லை என்று அவரது மனைவி மைதிலி ஈரோடு காவல் நிலையத்தில் புகார் செய்தார். போலீசார் மணிகண்டனை தேடி வந்தனர்.

சந்தியா தனது குழந்தையை பார்த்து விட்டு வருவதாக ஈரோடு சென்றார். அங்கு மனம் மாறி திரும்பி வராமல் இருந்தார். சந்தியாவை செல்போன் மூலம் தொடர்பு கொண்டு

மீண்டும் வருமாறு மணிகண்டன் அழைத்தார். ஆனால் அவர் வரமறுத்து விட்டார்.

இதனால் மனம் உடைந்த மணிகண்டன் இரவு வீட்டில் தூக்குப்போட்டு தற்கொலை செய்து கொண்டார். மணிகண்டன் மனைவி மைதிலி கொடுத்த புகாரின் பேரில் பல்லடம் போலீசார் வழக்குப்பதிவு செய்து விசாரணை செய்து வருகின்றனர்.

பேரையூர்:

மதுரை மாவட்டம், திருமங்கலம் அருகே உள்ள வில்லூர் கிழக்குத்தெருவைச் சேர்ந்தவர் சின்ன முனியாண்டி (வயது42). இவருக்கு ராக்கம்மாள் என்ற மனைவியும், குழந்தைகளும் உள்ளனர்.

சின்ன முனியாண்டி கோவில்பட்டியில் உள்ள துடைப்பம் தயாரிக்கும் கம்பெனியில் வேலை பார்த்து வந்தார். அதே கம்பெனியில் வில்லூரைச் சேர்ந்த மீனா (22) என்பவரும் வேலை பார்த்தார். கணவருடன் ஏற்பட்ட கருத்து வேறுபாடு காரணமாக மீனா பிரிந்து வாழ்ந்து வந்தார்.

இந்த நிலையில் சின்ன முனியாண்டிக்கும், மீனாவுக்கும் இடையே பழக்கம் ஏற்பட்டது. இதனை உறவினர்கள் கண்டித்தனர்.

சில நாட்களுக்கு முன்பு இது தொடர்பாக போலீசிலும் புகார் செய்யப்பட்டது. போலீசார் இரு தரப்பினரையும் அழைத்து சமரசம் செய்து வைத்தனர். மேலும் சின்ன முனியாண்டியிடம், மனைவியுடன் சேர்ந்து வாழுமாறு அறிவுறுத்தினர்.

போலீசில் புகார் செய்யப்பட்டதால் மீனா ஆத்திரத்தில் இருந்தார். இந்த நிலையில் நேற்று இரவு சின்ன முனியாண்டி சிவகாசி சென்று விட்டு ஊருக்கு பஸ்சில் வந்தார். கண்டியத்தேவன்பட்டியில் இறங்கிய அவர் அங்கிருந்து வில்லூருக்கு நடந்து சென்று கொண்டிருந்தார்.

அப்போது ஒரு காரில் வந்த மர்ம கும்பல் சின்ன முனியாண்டியை காரில் கடத்தியது. பின்னர் வலுக்கட்டாயமாக சின்ன முனியாண்டி வாயில் அந்த கும்பல் வி‌ஷத்தை ஊற்றிவிட்டு தப்பியது.

இதில் உடல் நலம் பாதிக்கப்பட்ட சின்ன முனியாண்டி, வில்லூர் சுடுகாடு அருகே மயங்கி விழுந்து இறந்தார். இது குறித்து அவரது மனைவி ராக்கம்மாள், வில்லூர் போலீசில் புகார் செய்துள்ளார். அதில் மீனா, அவரது அண்ணன் காளியப்பன், காளிமுத்து, ராஜா, ஜோதிமணி, பாறைபாண்டி, பாண்டியம்மாள், சின்ன முனியம்மாள், தாஸ் ஆகியோர் தான் கொலை செய்திருக்கலாம் என்று குறிப்பிட்டுள்ளார். அதன் அடிப்படையில் 9 பேர் மீதும் போலீசார் வழக்குப்பதிவு செய்துள்ளனர்.