நீங்கள் தேடியது "slug 98174"

நாகப்பட்டினம்:

வடகிழக்கு பருவ மழை கடந்த 1-ந் தேதி தொடங்கியது.

டெல்டா மாவட்டங்களில் வடகிழக்கு பருவ மழை தொடங்கியதையடுத்து பரவலாக மழை பெய்து வருகிறது. 1-ந் தேதி முதல் 4-ந் தேதி முதல் மழை பெய்தது.

நேற்று ஒரு சில இடங்களில் லேசாக மழை பெய்தது. நாகை. வேதாரண்யம், கோடியக்கரை, ஆறுக்காட்டுத்துறை ஆகிய பகுதிகளை சேர்ந்த மீனவர்கள் சுமார் 5 ஆயிரம் பேர் கடந்த 4 நாட்களாக கடலுக்கு செல்லாமல் இருந்தனர். இதனால் மீனவர்கள் வருமானமின்றி தவித்து வந்தனர்.

இதற்கிடையே நாளை (6-ந் தேதி) முதல் 3 நாட்களுக்கு தமிழகம் மற்றும் புதுச்சேரியில் கனமழை பெய்யும் என்று வானிலை ஆய்வு மையம் அறிவித்துள்ளது.

இதனால் நாகை மாவட்ட மீனவர்கள் இன்றும் 5-வது நாளாக கடலுக்கு செல்லவில்லை. மேலும் கரையோரங்களில் தங்களது விசைப்படகுகள் மற்றும் பைபர் படகுகளை பாதுகாப்பாக நிறுத்தி வைத்துள்ளனர்.

இதேபோல் தொடர்ந்து பெய்யும் மழை காரணமாக வேதாரண்யம் பகுதியில் உப்பள தொழில் பாதிக்கப்பட்டுள்ளது. இதை நம்பியுள்ள சுமார் 2 ஆயிரத்துக்கும் மேற்பட்ட தொழிலாளர்கள் வருமானமின்றி அவதிப்பட்டு வருகிறார்கள்.

தஞ்சை மாவட்டத்தில் மல்லிபட்டினம், சேதுபாவா சத்திரம் பகுதிகளை சேர்ந்த மீனவர்கள் இன்று 5 -வது நாளாக கடலுக்கு செல்ல வில்லை.

வேதாரண்யம்:

கோடியக்கரையில் மீன்பிடி சீசன் அக்டோபர் மாதம் துவங்கி மார்ச் வரை நடைபெறும். நாள்தோறும் 10 டன் முதல் 25 டன் மீன்கள் பிடிக்கப்பட்டு கோடியக்கரையில் இருந்து தமிழகத்தின் பல்வேறு பகுதிகளுக்கும் மேலும் கர்நாடகா, கேரளா, மற்றும் சிங்கப்பூர் ஆகியவற்றுக்கும் ஏற்றுமதி செய்யப்படுகிறது.

இந்நிலையில் நேற்று கோடியக்கரையில் ஒரே நாளில் 10 டன் மீன்கள், நண்டுகள் சிக்கின. கடந்த ஒரு வார காலமாக கோடியக்கரை, ஆறுகாட்டுத்துறை, புஷ்பவனம், வெள்ளப்பள்ளம் உள்ளிட்ட 10-க்கும் மேற்பட்ட மீனவர் கிராமங்களில் அதிக அளவில் காலா மீன்கள் கிடைக்கின்றன. நாள் ஒன்றுக்கு 5 முதல் 15 டன் வரை காலா மீன்களை மீனவர்கள் பிடித்து வருகின்றனர்.

மீனவர்களது வலையில் காலா, நண்டு, புள்ளி நண்டு. வாவல், ஷீலா, ஏமீன் டன் கணக்கில் கிடைக்கின்றன. இதனால் மீனவர்கள் மகிழ்சசி அடைந்தனர். வாவல் மீன்கள் ரூ.600க்கும் காலா ரூ.300க்கும், நீலக்கால் நண்டு ரூ.400க்கும், ஏமீன்கள் ரூ.250க்கும், சிறிய வகை இறால்கள் ரூ.100 முதல் 300 வரைக்கும், சிறிய ரக மீன்கள் ரூ.150க்கும் ஏலம் போனது. காலா மீன்கள் சென்றவாரம் கிலோ ரூ.500-க்கு விற்பனையானது. தற்சமயம் அதிகளவில் கிடைப்பதால் சரிபாதியாக விலை வீழ்ச்சி அடைந்துள்ளது.

மீன் வியாபாரிகள் அதிகளவில் கிடைக்கும்.காலா மீன்களை கொள்முதல் செய்து விற்பனை செய்வதற்கு சிரமப்படுகின்றனர். இதே சீசன் இன்னும் 15 நாட்களுக்கு நீடிக்கும் என்று வியாபாரி சுப்பிரமணியன் தெரிவித்தார்.

தற்போது அதிக அளவில் காலா மீன் கிடைப்பதற்கு காலா மீன்கள் குஞ்சு பொறிப்பதற்காக ஆழ்கடல் பகுதியிலிருந்து அதிகளவில் வேதாரண்யம் சேற்று கடல் பகுதிக்கு வருவதே காரணம் ஆகும். பிடிபடும் அனைத்து மீன்களும் சினையுடனே காணப்படுகிறது என்றும் மீனவர்கள் தெரிவித்தனர்.

ராமேசுவரம்:

இலங்கை கடற்படையால் தமிழக மீனவர்கள் மற்றும் அவர்களது படகுகள் அடிக்கடி சிறைபிடிக்கப்படுவது வாடிக்கையாக நடந்து வருகிறது.

இதில் மீனவர்கள் விடுவிக்கப்பட்டாலும் அவர்களது படகுகள் மட்டும் விடுவிக்கப்படாத நிலை உள்ளது.

இலங்கையில் நீதிமன்ற பாதுகாப்பில் உள்ள படகுகளை மீட்கக்கோரி தமிழக மீனவர்கள் மத்திய, மாநில அரசுகளுக்கு கோரிக்கை விடுத்தனர்.

இதன் அடிப்படையில் இந்திய வெளியுறவுத்துறை அமைச்சகம், இலங்கை அரசுடன் பேசியது. இதனைத் தொடர்ந்து நல்லெண்ண அடிப்படையில் கடந்த 2015-ம் ஆண்டு முதல் 2017-ம் ஆண்டு டிசம்பர் வரையில் சிறைபிடிக்கப்பட்ட 184 படகுகளை விடுதலை செய்து இலங்கை கோர்ட்டு உத்தரவிட்டது.

அதனைத் தொடர்ந்து படகுகளை எடுத்துச் செல்ல இலங்கை அரசு அனுமதி வழங்கியுள்ளது.

184 படகுகளையும் தமிழகம் கொண்டு வர முடியுமா? அவை சேதம் அடைந்துள்ளதா? என்பவை குறித்து ஆய்வு செய்வதற்காக தமிழக மீன்வளத்துறை அதிகாரிகள் மற்றும் மீனவர்கள் குழுவினர் இன்று மாலை மதுரையில் இருந்து விமானம் மூலம் இலங்கை செல்கின்றனர்.

ராமேசுவரம், புதுக்கோட்டை, காரைக்காலைச் சேர்ந்த 11 மீனவர்கள் மற்றும் 5 மீன்வளத்துறை அதிகாரிகள் குழுவில் இடம் பெற்றுள்ளனர்.

இதற்காக ராமேசுவரம் மீனவ சங்கத்தலைவர்கள் சேசுராஜா, ஆல்வின் பெர் னாண்டோ, அடைக்கலம், காளிமுத்து, ராஜேந்திரன் ஆகியோர் மண்டபம் மீன்வளத்துறை உதவி இயக்குநர் கோபிநாத் தலைமையில் இன்று காலை மதுரை புறப்பட்டனர்.

மீன்வளத்துறை உதவி இயக்குநர்கள் கதிரேசன் (ராமநாதபுரம்), முருகேசன் (புதுக்கோட்டை) மற்றும் அலுவலர் கார்த்திகேயன் ஆகியோரும் மீட்புக்குழுவில் இடம் பெற்றுள்ளனர்.

இவர்கள் அனைவரும் ராமநாதபுரம் மாவட்ட மீன்வளத்துறை கூடுதல் இயக்குநர் ஜானி டாம் வர்கீஸ் தலைமையில் இலங்கை செல்கின்றனர்.

அங்கு 15-ந் தேதி வரை தங்கி இருந்து மன்னார், ஊர்க்காவல்துறை, திரிகோணமலை, யாழ்ப் பாணம் பகுதிகளில் உள்ள படகுகளின் நிலை குறித்து இந்தக்குழு ஆய்வு செய்ய உள்ளது. #Fisherman #Srilanka #Fishermanboat

ராமநாதபுரம்:

ராமநாதபுரம் மாவட்டத்தில் நேற்று முன்தினம் முதல் பரவலாக மழை பெய்து வருகிறது. நேற்று இரவு மழை ஓய்ந்திருந்த நிலையில், இன்று அதிகாலை 3 மணி முதல் கனமழை பெய்தது. 9 மணி வரை மழை நீடித்ததால் மாணவ-மாணவிகள், வேலைக்கு செல்வோர் கடும் அவதியடைந்தனர்.

பரமக்குடி, திருவாடானை, திருப்புல்லாணி, கமுதி, சாயல்குடி ஆகிய பகுதிகளில் பெய்து வரும் மழை காரணமாக கண்மாய், ஏரிகளில் நீர்வரத்து ஏற்பட்டுள்ளது. இதனால் அப்பகுதிகளில் விவசாய பணிகள் தீவிர மடைந்துள்ளன.

மண்டபம், ராமேசுவரம், தங்கச்சிமடம் ஆகிய பகுதிகளில் பலத்த காற்றுடன் கடல் சீற்றத்துடன் காணப்படுவதால், மீனவர்கள் மீன்பிடிக்க செல்லவில்லை. ஏற்கனவே கடலுக்கு சென்றுள்ள மீனவர்களை உடனே கரைக்கு திரும்புமாறு மீன்வளத்துறை அதிகாரிகள் உத்தரவிட்டுள்ளனர்.

ராமேசுவரத்தில் நேற்று இரவு முதல் தொடர் மழை பெய்து வருகிறது. இன்று காலையிலும் சாரல் மழை பெய்து வருவதால் சுற்றுலா பயணிகளின் வருகை வெகுவாக குறைந்தது. ராமேசுவரம் பஸ் நிலையம், கோவில், பேக்கரும்பில் உள்ள அப்துல் கலாம் மணி மண்டபம் பகுதிகளில் மழை நீர் தேங்கியுள்ளது.

குறிப்பாக தனுஷ்கோடி பகுதியில் வழக்கத்தை விட கடல் அதிக சீற்றத்துடன் காணப்படுகிறது. அலைகள் பனைமர உயரத்துக்கு எழும்புகின்றன. மேலும் காற்று காரணமாக தனுஷ்கோடி சாலை மணலால் மூடப்பட்டதால் போக்குவரத்தும் பாதிக்கப்பட்டுள்ளது.

ராமநாதபுரம் மாவட்டத்தில் நீண்ட நாட்களுக்கு பிறகு மழை பெய்து வருவதால் பொதுமக்கள் மகிழ்ச்சியடைந்துள்ளனர்.

சிவகங்கை மாவட்டத்தில் நேற்று முன்தினம் பரவலாக மழை பெய்து வந்த நிலையில், இன்று சில பகுதிகளில் மட்டுமே மழை பெய்தது. வானம் மேகமூட்டத்துடன் காணப்பட்டது.

விருதுநகர் மாவட்டத் தில் மேற்கு தொடர்ச்சி மலையையொட்டியுள்ள ராஜபாளையம், ஸ்ரீவில்லிபுத்தூர் ஆகிய பகுதிகளில் மட்டுமே பரவலாக மழை பெய்து வருகிறது. விருதுநகர், சாத்தூர், சிவகாசி, திருத்தங்கல் பகுதிகளில அவ்வப்போது லேசான மழை பெய்தது.

ராஜபாளையம் மேற்கு தொடர்ச்சி மலையில் பெய்து வரும் மழை காரணமாக அய்யனார் கோவில் ஆறு, முள்ளியாறு, பேயனாற்றில் நீர்வரத்து ஏற்பட்டுள்ளது. இதனால் குடிநீர் மற்றும் விவசாயத்திற்கு ஆதாரமாக உள்ள 6-வது மைல் ஏரியின் நீர்மட்டம் கணிசமாக உயர்ந்து வருகிறது.

மதுரை மாவட்டத்தில் வாடிப்பட்டி, சோழவந்தான், மேலூர் உள்ளிட்ட பகுதிகளில் வானம் மேகமூட்டத்துடன் காணப்பட்டது. நகரில் இன்று காலை அரைமணி நேரம் மழை பெய்தது. மற்ற இடங்களில் அவ்வப்போது சாரல் மழை பெய்து வருகிறது.

ராமேசுவரம்:

தமிழக மீனவர்கள் கச்சத்தீவு அருகே மீன் பிடிக்கும்போது இலங்கை கடற்படையினரால் தாக்கப்படுவது வாடிக்கையாக நடந்து வருகிறது. கடந்த சில நாட்களாக இந்த தாக்குதல் அதிகரித்துள்ளது.

நேற்று ராமேசுவரத்தில் இருந்து 100-க்கும் மேற்பட்ட விசைப்படகுகளில் சுமார் 600 மீனவர்கள் கடலுக்கு மீன் பிடிக்க சென்றனர்.

அவர்கள் கச்சத்தீவு அருகே மீன்பிடித்துக் கொண்டிருந்தனர். அப்போது அங்கு 7 குட்டி ரோந்து கப்பல்களில் இலங்கை கடற் படையினர் வந்தனர்.

அவர்கள் தங்கள் படகை, விசைப்படகுகளின் மீது மோதுவது போல் வந்ததால் மீனவர்கள் அச்சம் அடைந்தனர். இங்கு மீன்பிடிக்கக்கூடாது என எச்சரித்த இலங்கை கடற்படையினர் மீனவர்களை அங்கிருந்து விரட்டியடித்தனர்.

இதனைத் தொடர்ந்து மீனவர்கள் அவசரம் அவசரமாக புறப்பட்டனர். அப்போது அவர்களது வலைகளை இலங்கை கடற்படையினர் அறுத்து எறிந்து சேதப்படுத்தனர். இதனால் மீனவர்கள் அச்சத்துடன் கரை திரும்பினர். அவர்கள் கூறுகையில், கடந்த ஒரு வாரத்தில் இது 2-வது தாக்குதல் ஆகும்.

இதனால் எங்கள் வாழ் வாதாரம் பாதிக்கப்பட்டுள்ளது. மீன்பிடிக்க முடியாத நிலையிலும் வலை உள்ளிட்ட உடமைகளும் சேதப்படுத்தப்பட்டதால் நாங்கள் பெரும் நஷ்டத்திற்கு ஆளாகி உள்ளோம் என்றனர்.

சென்னை:

த.மா.கா. தலைவர் ஜி.கே.வாசன் வெளியிட்டுள்ள அறிக்கையில் கூறியிருப்பதாவது:-

நாகை மாவட்ட மீனவர்கள் கடலில் மீன்பிடித்த போது கடற்கொள்ளையர்களால் தாக்கப்பட்டது மிகவும் கண்டிக்கத்தக்கது. கடந்த நாட்களில் 8 பேர் தாக்கப்பட்டுள்ளார்கள். இப்படி மீனவர்கள் தாக்கப்படுவதும், லட்சக்கணக்கில் நஷ்டம் அடைவதும், கடற்கொள்ளையர்களின் அட்டகாசம் தொடர்வதும் நீடித்துக் கொண்டு தான் இருக்கின்றது.

இது வரையில் தமிழக மீனவர்கள் பிரச்சினைக்கு நல்ல தீர்வு ஏற்படுத்திக்கொடுக்க தவறிய அரசாக மத்திய மாநில அரசுகள் ஆட்சி செய்கின்றன. எனவே மத்திய மாநில அரசுகள் இனியும் காலம் தாழ்த்தாமல் மீனவர்கள் பிரச்சினைக்கு நல்ல தீர்வு ஏற்படுத்திக்கொடுக்க, மீனவப் பிரதி நிதிகளை அழைத்துப் பேச்சு வார்த்தை நடத்தி அவர்களின் கோரிக்கைகளுக்கு ஏற்ப நடவடிக்கைகள் எடுக்க முன்வர வேண்டும்.

இவ்வாறு அதில் கூறி உள்ளார்.