கடனுக்காக சிறுமியை அறையில் வைத்து பூட்டிய தம்பதி உள்பட 3 பேர் மீது வழக்கு

வடமதுரை:

திண்டுக்கல் மாவட்டம் வடமதுரை எம்.ஜி.ஆர்.நகரை சேர்ந்தவர் கவிதா (வயது 40). இவர் அதே பகுதியை சேர்ந்த ரவி மனைவி மாணிக்கவள்ளி என்பவரிடம் ரூ.50 ஆயிரம் கடன் வாங்கியிருந்தார்.

இதற்காக மாதந்தோறும் வட்டி கட்டி வந்த நிலையில் கடந்த சில மாதங்களாக வட்டி கட்ட முடியவில்லை. இதனால் அடிக்கடி ரவி மற்றும் அவரது மனைவி மாணிக்கவள்ளி ஆகியோர் கவிதா வீட்டிற்கு சென்று தகராறு செய்து வந்துள்ளனர்.

பணம் தர தாமதமானதால் கவிதாவின் மகள் கனிமொழி என்ற சிறுமியை அறையில் அடைத்து வைத்தனர். இதுகுறித்து கவிதா வடமதுரை போலீஸ் நிலையத்தில் புகார் அளித்தார்.

அதன்பேரில் மாணிக்கவள்ளி, ரவி, உறவினர் உமா ஆகிய 3 பேர் மீதும் போலீசார் வழக்குப்பதிவு செய்து விசாரணை நடத்தி வருகின்றனர்.