சாமிதோப்பு அருகே நகை திருட்டு வழக்கில் ரவுடிகள் உள்பட 3 பேர் கைது

நாகர்கோவில் :

சாமிதோப்பு அருகே கருப்பாட்டூர் பகுதியைச் சேர்ந்தவர் கண்ணதாசன். இவரது வீட்டில் இருந்த நகைகளை மர்ம நபர்கள் திருடி சென்ற னர்.

இதுகுறித்து தென்தாமரை குளம் போலீசார் வழக்கு பதிவு செய்து விசாரணை நடத்தினார்கள். மர்ம நபர்களை பிடிக்க தனிப்படை அமைக்கப் பட்டது. தனிப் படை போலீசார் தீவிர விசாரணை மேற்கொண்டனர்.

இந்த நிலையில் வழக்கு தொடர்பாக கரும்பாட்டூரை சேர்ந்த செல்வன் (வயது 37), மண்டைக்காட்டைச் சேர்ந்த வேல்முருகன் (36), கன்னங்குளத்தைச் சேர்ந்த சகாயராஜ் (51) ஆகிய 3 பேரை கைது செய்தனர். கைது செய்யப்பட்ட அவர்களிடம் இருந்து 18 கிராம் நகை மற்றும் வாட்ச் மீட்கப்பட்டது. கைது செய்யப்பட்ட செல்வம் மீது கொலை வழக்கு உட்பட 20 வழக்குகள் உள்ளது. ரவுடிகள் பட்டியலிலும் இவரது பெயர் இடம் பெற்றுள்ளது. வேல்முருகன் பெயரும் ரவுடிகள் பட்டியலில் இடம் பெற்றுள்ளது. அவர் மீது 6 பிடிவாரண்டு உள்ளது. மேலும் 15 வழக்குகள் உள்ளன. கைது செய்யப்பட்ட 3 பேரிடமும் போலீசார் விசாரணை நடத்தி வருகிறார்கள்