குமரி மாவட்டத்தில் 25 பேருக்கு கொரோனா

நாகர்கோவில் :

குமரி மாவட்டத்தில் கொரோனா பாதிப்பு தொடர்ந்து அதிகரித்து வருகிறது.நேற்று ஒரே நாளில் 25 பேருக்கு தொற்று உறுதி செய்யப்பட்டுள்ளது. ஆண்கள் 8 பேரும் பெண்கள் 16 பேரும் ஒரு குழந்தையும் பாதிப்புக்கு உள்ளாகி உள்ளனர். ஆண்களை விட பெண்களே தற்பொழுது அதிகளவு பாதிக்கப்பட்டு வருகிறார்கள். பாதிப்பை கட்டுப்படுத்த சுகாதாரத் துறை அதிகாரிகள் நடவடிக்கை மேற்கொண்டாலும் மாவட்டம் முழுவதும் கொரோனா பரவி வருகிறது. எனவே பொதுமக்கள் எச்சரிக்கையுடன் இருக்குமாறு சுகாதாரத் துறை அதிகாரிகள் வேண்டுகோள் விடுத்துள்ளனர்.