கந்தர்வகோட்டை அரசு பள்ளியில் விழா

கந்தர்வகோட்டை:

புதுக்கோட்டை மாவட்டம் கந்தர்வகோட்டை ஒன்றியம் சங்கம் விடுதி ஊராட்சி ஒன்றிய நடுநிலைப்பள்ளியில் பள்ளி மாணவர்களுக்கு இருக்கைகள் வழங்கும் விழா ஊராட்சி மன்ற தலைவர் பெருமாள் தலைமையில் நடைபெற்றது. நிகழ்ச்சியில் சங்கம் விடுதி ஊராட்சிக்கு உட்பட்ட மனப்பட்டி தொடக்கப்பள்ளி, குருவாண்டான் தெரு தொடக்கப்பள்ளி, ஊராட்சி ஒன்றிய நடுநிலைப்பள்ளிகளுக்கு மாவட்ட கவுன்சிலர் ராஜேந்திரன் தனது நிதியிலிருந்து ரூ.7லட்சம் மதிப்பிலான இருக்கைகளை பள்ளிக்கு வழங்கி சிறப்புரையாற்றினார்.இதில் கவுன்சிலர் பூபதி, நெப்புகை ஊராட்சி மன்ற தலைவர் ஆறுமுகம், ஒன்றிய கழகச் செயலாளர் குமார், ஊராட்சி மன்ற உறுப்பினர்கள், பள்ளி தலைமை ஆசிரியர்கள், ஆசிரியர்கள் மற்றும் கிராம பொதுமக்கள் கலந்து கொண்டனர்.