தீ விபத்தில் வீடு இழந்து பாதிக்கப்பட்டவருக்கு நிவாரண உதவி-துரை.சந்திரசேகரன் எம்.எல்.ஏ. வழங்கினார்

தஞ்சாவூர்:

தஞ்சாவூர் தாலுகா ராமாபுரம் சரகம் 35 திருவேதுகுடி கிராமம் வடக்கு தெருவை சேர்ந்த சுந்தரமூர்த்தி என்பவரது குடிசை வீடு எதிர்பாராத விதமாக தீப்பிடித்து எரிந்து சேதமானது. இதில் வீட்டில் இருந்த அனைத்து பொருட்களும் எரிந்தது.

இந்த நிலையில் தீ விபத்து நடந்த இடத்தை துரை சந்திரசேகரன் எம்.எல்.ஏ. பார்வையிட்டு சுந்தரமூர்த்திக்கு ஆறுதல் கூறினார். மேலும் அரசால் வழங்கப்படும் நலத்திட்ட உதவிகளை வழங்கினார்.

இந்த நிகழ்வில் தஞ்சாவூர் தாசில்தார் சக்திவேல், ராமாபுரம் சரக வருவாய் ஆய்வாளர் மற்றும் திருவேணிகுடி கிராம நிர்வாக அலுவலர் உடன் இருந்தனர்.