இந்தாம்மா ஏய்.. படத்தில் காதலர்களை பிரித்த வில்லன் நடிகரை நேரில் பொளந்து கட்டிய ரசிகை - வீடியோ
- தெலுங்கில் சமீபத்தில் 'லவ் ரெட்டி' என்ற படம் வெளியானது
- இதை சற்றும் எதிர்பாராமல் ராமசாமி திகைத்து நிற்க சக நடிகர்கள் அந்த பெண்ணை தடுத்து நிறுத்த முயன்றனர்.
சினிமாவவில் காதலர்களைப் பிரித்ததால் வில்லன் நடிகரை ஆத்திரத்தில் பெண் ஒருவர் கன்னத்தில் அறைந்த சம்பவம் தெலங்கானாவில் நிகழ்ந்துள்ளது. தெலுங்கில் சமீபத்தில் வெளியான, 'லவ் ரெட்டி' என்ற படம் ஐதராபாத்தில் உள்ள திரையரங்கு ஒன்றில் திரையிடப்பட்டது.
படம் முடிந்ததும் அதில் நடித்தவர்கள் மேடையில் தோன்றி பேசினர். அப்போது மேடையில் ஏறிய நடுத்தர வயது பெண் ஒருவர் படத்தில் வில்லனாக நடித்த ராமசாமி யை சட்டையை கன்னத்தில் அறைந்து சரமாரியாகத் தாக்கத் தொடங்கினார். ஏன் காதலர்களுக்கு பிரச்சனை தருகிறாய் என்று கேட்டவாறே அவர் தாக்கினார்.
இதை சற்றும் எதிர்பாராமல் ராமசாமி திகைத்து நிற்க சக நடிகர்கள் அந்த பெண்ணை தடுத்து நிறுத்த முயன்றனர். இதனால் சற்று நேரம் அங்கு பரபரப்பான சூழல் ஏற்பட்டது.
படத்தில் காதலர்களை சேர விடாமல் வில்லன் பிரித்ததால் ஆத்திரமடைந்த பெண் நடிகர் ராமசாமியை தாக்கியுள்ளார். இதுதொடர்பான வீடியோ இணையத்தில் வைரலாக பரவி வருகிறது.