ரோகித் இல்லை என்றால் அபிமன்யூ அல்லது ராகுல்: பும்ராதான் கேப்டன்- கவுதம் கம்பீர்

ஐந்து போட்டிகள் கொண்ட டெஸ்ட் கிரிக்கெட் தொடரில் விளையாடுவதற்காக இந்திய அணி இன்று ஆஸ்திரேலியா புறப்பட்டு சென்றது. இதற்கு முன்னதாக இந்திய அணியின் தலைமை பயிற்சியாளர் கவுத் கம்பீர் செய்தியாளர்களுக்கு பேட்டி அளித்தார்.

அப்போது கவுதம் கம்பீர் கூறியதாவது:-

தற்போது வரை ரோகித் சர்மா இடம் பெறுவாரா? இல்லையா? என்பது உறுதிப்படுத்தப்படவில்லை. அவர் முதல் டெஸ்டில் இடம் பெறுவார் என்ற நம்பிக்கை உள்ளது. ரோகித் சர்மா இல்லை என்றால் முதல் டெஸ்ட் தொடங்குவதற்கு முன் முடிவு எடுப்போம்.

கே.எல். ராகுல் உள்ளார். அபிமன்யூ ஈஸ்வரன் உள்ளார். சிறந்த ஆடும் லெவன் அணியை தேர்வு செய்து விளையாட முயற்சிப்போம். பும்ரா தற்போது துணை கேப்டனாக உள்ளார். ரோகித் சர்மா இல்லை என்றால், பும்ரா கேப்டனாக செயல்படுவார்.

இவ்வாறு கம்பீர் தெரிவித்துள்ளார்.