விரைவில் வெளியாகும் நோக்கியா ஸ்மார்ட்போன்கள்

புதுடெல்லி:

ஹெச்எம்டி குளோபல் நிறுவனம் இம்மாத இறுதுயில் ஊடக விழாவிற்கு ஏற்பாடு செய்துள்ளது. இதற்கான அழைப்புகள் வெளியாகி இருக்கும் நிலையில், இவ்விழாவில் அந்நிறுவனம் புதிய நோக்கியா போன்களை அறிமுகம் செய்யலாம் என எதிர்பார்க்கப்படுகிறது. 

ஹெச்எம்டி குளோபல் ஊடக விழாவில் அந்நிறுவனத்தின் ஃப்ளோரியன் செய்ச், பெக்கா ரன்டாலா மற்றும் ஜூஹோ சர்விகாஸ் உள்ளிட்டோர் கலந்து கொள்கின்றனர். ஹெச்எம்டி குளோபல் அழைப்பிதழில் புதிய நோக்கியா போன்களுக்கான சர்வதேச வெளியீட்டுக்கு வரவேற்கிறோம் என குறிப்பிடப்பட்டுள்ளது.

சர்வதேச வெளியீடு என்பதால் புதிய நோக்கியா போன்களின் விவரங்கள் மற்றும் அதன் சிறப்பம்சங்கள் சார்ந்த தகவல்கள் ரகசியமாக வைக்கப்பட்டுள்ளது. சமீபத்தில் TA-1075, TA-1105 மற்றும் TA-1116 மாடல் நம்பர் கொண்ட நோக்கியா போன்கள் ரஷ்யாவில் சான்றளிக்கப்பட்டன. இவற்றின் பெயர்களும் இதுவரை அறியப்படவில்லை.

நோக்கியா 8 சிரோக்கோ மற்றும் நோக்கியா 8110 4ஜி தவிர நோக்கியாவின் 2018 மாடல்கள் ஏற்கனவே ரஷ்யாவில் விற்பனை செய்யப்படுகின்றன. அந்த வகையில் மே 29-ம் தேதி நடைபெற இருக்கும் விழாவில் நோக்கியா 2, நோக்கியா 3 மற்றும் நோக்கியா 5 ஸ்மார்ட்போன்களின் 2018 வெர்ஷன் வெளியிடப்படலாம் என எதிர்பார்க்கப்படுகிறது.

முன்னதாக ஹெச்எம்டி குளோபல் நிறுவனம் தனது நோக்கியா X6 ஸ்மார்ட்போனினை சீனாவில் வெளியிட்டது. ஐபோன் X தோற்றம் கொண்ட நோக்கியா X6 ஸ்மார்ட்போன் பட்ஜெட் விலையில் கிடைக்கிறது. புதிய நோக்கியா X6 மற்ற நாடுகளில் வெளியாவது குறித்து இதுவரை எவ்வித தகவலும் இல்லை.