கிரிக்கெட்
டி20 கிரிக்கெட்டில் 600 விக்கெட்டுகளை வீழ்த்திய 2-வது வீரர்: ரஷித்கான் சாதனை
- டி20 போட்டிகளில் இளம் வயதில் 600 விக்கெட்டுகளை வீழ்த்திய வீரர் என்ற சாதனையை ரஷித்கான் படைத்துள்ளார்.
- 438 போட்டிகளில் விளையாடி இந்த சாதனையை ரஷித்கான் படைத்துள்ளார்.
உலகில் சிறந்த சுழற்பந்து வீச்சாளர்களில் ரஷித் கான் (25) ஒருவராக உள்ளார். ஆப்கானிஸ்தான் அணியின் கேப்டனான இவர் டி20 போட்டிகளில் சிறப்பான பந்து வீச்சை வெளிப்படுத்தி வருகிறார். இந்த நிலையில் டி20 போட்டிகளில் இளம் வயதில் 600 விக்கெட்டுகளை வீழ்த்திய வீரர் என்ற சாதனையை ரஷித்கான் படைத்துள்ளார்.
இவர் 438 போட்டிகளில் விளையாடி இந்த சாதனையை படைத்துள்ளார். முதல் இடத்தில் வெஸ்ட் இண்டீஸ் வீரரான பிராவோ உள்ளார். அவர் 543 போட்டிகளில் விளையாடி 630 விக்கெட்டுகளை கைப்பற்றி உள்ளார்.
டி20 கிரிக்கெட்டில் அதிக விக்கெட்டுகள் வீழ்த்திய வீரர்கள் பட்டியல்:-
630 - டுவைன் பிராவோ (543 போட்டிகள்)
600 - ரஷித் கான் (438 போட்டிகள்)
502 - இம்ரான் தாஹிர் (388 போட்டிகள்)
492 - ஷாகிப் அல் ஹசன் (436 போட்டிகள்)