நீங்கள் தேடியது "இளம்பெண் தூக்குபோட்டு தற்கொலை"

தாராபுரம்:

தாராபுரம் அருகே உள்ள திருமலைபாளையத்தை சேர்ந்தவர் ரங்கநாதன். செங்கல் சூளையில் வேலை பார்த்து வருகிறார். இவரது மனைவி பரிமளா (27). இவர்களுக்கு 2 பெண் குழந்தைகள் உள்ளனர். கணவன்-மனைவி இடையே அடிக்கடி வாய்த்தகராறு ஏற்பட்டு வந்தது.

சம்பவத்தன்று பரிமளா தனது குழந்தைகளை அடித்து உள்ளார். இதனை ரங்கநாதன் கண்டித்து திட்டியதாக கூறப்படுகிறது. இதனால் பரிமளா மனவேதனை அடைந்தார். தனது வீட்டுக்கு எதிரே இருந்த கழிவறைக்கு சென்ற பரிமளா அங்கு தனது சேலையால் தூக்குபோட்டு தற்கொலை செய்து கொண்டார். அவர் கழிவறைக்கு சென்று விட்டு வெளியே வராததால் அதிர்ச்சி அடைந்த அக்கம் பக்கத்தினர் கதவை உடைத்து பார்த்த போது பரிமளா தூக்கில் பிணமாக தொங்கியதை கண்டு அதிர்ச்சி அடைந்தனர்.

இது குறித்து அலங்கியம் போலீசுக்கு தகவல் தெரிவித்தனர். அவர்கள் சம்பவ இடத்திற்கு விரைந்து வந்து பரிமளா உடலை மீட்டு பிரே த பரிசோதனைக்காக அரசு ஆஸ்பத்திரிக்கு அனுப்பி வைத்தனர். பரிமளாவுக்கு திருமணமாகி 7 வருடமே ஆவதால் ஆர்.டி.ஓ. விசாரணையும் நடைபெற்று வருகிறது.

கோவை:

கோவை சாய்பாபா காலனி அருகே உள்ள கே.கே.புதூரை சேர்ந்தவர் செய்யது அபுதாகீர். இவரது மனைவி சபானா பர்வீன் (வயது 25). இவர்களுக்கு திருமணமாகி 2 குழந்தைகள் உள்ளனர்.

இந்த நிலையில் சபானா பர்வீனின் தந்தை விபத்தில் சிக்கினார். இதில் அவரது விரல்கள் சேதமடைந்தது. இதனால் சபானா பர்வீன் மிகுந்த மனவேதனை அடைந்தார்.

சம்பவத்தன்று வீட்டில் இருந்த இவர் வாழ்க்கையில் விரக்தி அடைந்து தூக்குபோட்டு தற்கொலை செய்து கொண்டார்.

இதனை பார்த்த அக்கம் பக்கத்தினர் இது குறித்து சாய்பாபா காலனி போலீசாருக்கு தகவல் தெரிவித்தனர். உடனடியாக போலீசார் சம்பவஇடத்துக்கு விரைந்து வந்து தற்கொலை செய்து கொண்ட சபானா பர்வீனின் உடலை மீட்டு கோவை அரசு ஆஸ்பத்திரிக்கு பிரேத பரிசோதனைக்கு அனுப்பி வைத்து விசாரணை நடத்தி வருகிறார்கள்.

புதுச்சேரி:

புதுவை முத்தியால் பேட்டை செயின்ட் சீமோன் பேட் காரல் மார்க்ஸ் தெருவை சேர்ந்தவர் விஜயபாலன் மீனவர். இவரது மகள் ராகினி (வயது 17). இவர் பிளஸ்-2 தேர்வில் தோல்வி அடைந்ததால் தையல் பயிற்சிக்கு சென்று வந்தார். இடையில் தையல் பயிற்சிக்கும் செல்லாமல் வீட்டில் இருந்து வந்தார்.

கடந்த 10-ந் தேதி பிறந்த நாளையொட்டி ராகினி தனது பெற்றோரிடம் புத்தாடை வாங்கி தரும்படி கேட்டார்.

ஆனால், அதற்கு பெற்றோர் தீபாவளி பண்டிகைக்கு 5 புத்தாடைகள் வாங்கி தந்ததால் அதில் ஒன்றை பிறந்த நாளுக்கு அணிந்து கொள்ளும்படி கூறினர்.

இதையடுத்து பெற்றோரிடம் பிறந்த நாளை கேக் வெட்டி கொண்டாட வேண்டும் என்று ராகினி வலியுறுத்தினார். அதற்கு பெற்றோர் அடுத்த வருடம் கேக் வெட்டி கொண்டாடலாம் என்று பெற்றோர் தட்டிக் கழித்ததாக கூறப்படுகிறது.

மேலும் நேற்று ராகினியின் அண்ணன் விஜயராஜிக்கு புத்தாடை வாங்க பெற்றோர் பணம் கொடுத்தனர். இதனால் விரக்தி அடைந்த ராகினி தற்கொலை செய்து கொள்ள முடிவு செய்தார்.

நேற்று இரவு வீட்டின் பின்பக்கத்தில் குளியல் அறையில் துப்பட்டாவால் தூக்கு போட்டு தொங்கினார். அப்போது எதேச்சையாக ராகினியின் தாய் ஹேமமாலினி குளியல் அறைக்கு வந்த போது அங்கு மகள் தூக்கில் தொங்குவதை கண்டு அலறினார்.

பின்னர் அக்கம் பக்கத்தினர் உதவியுடன் தூக்கில் இருந்து ராகினியை மீட்டு புதுவை அரசு ஆஸ்பத்திரிக்கு கொண்டு சென்றனர். அங்கு பரிசோதித்த டாக்டர்கள் ராகினி வழியிலேயே இறந்து விட்டதாக தெரிவித்தனர்.

இதுகுறித்த புகாரின் பேரில் முத்தியால் பேட்டை போலீஸ் சப்-இன்ஸ் பெக்டர் ரமேஷ், உதவி சப்-இன்ஸ்பெக்டர் முருகையன் ஆகியோர் வழக்குபதிவு செய்து விசாரணை நடத்தி வருகிறார்கள்.

கோவை:

கோவை கவுண்டம்பாளையம் அருகே உள்ள அசோக் நகரை சேர்ந்தவர் செந்தில்குமார். இவரது மனைவி சோபனா (வயது 23). நேற்று இரவு வீட்டில் இருந்த இவர் திடீரென தூக்குபோட்டு தற்கொலை செய்து கொண்டார். இதனை பார்த்த அக்கம் பக்கத்தினர் இது குறித்து துடியலூர் போலீசாருக்கு தகவல் தெரிவித்தனர். 

உடனடியாக போலீசார் சம்பவஇடத்துக்கு விரைந்து வந்து தற்கொலை செய்து கொண்ட சோபனாவின் உடலை மீட்டு கோவை அரசு ஆஸ்பத்திரிக்கு பிரேத பரிசோதனைக்கு அனுப்பி வைத்தனர். 

மேலும் சோபனா தூக்குபோட்டு தற்கொலை செய்து கொண்டதற்கான காரணம் குறித்து விசாரணை நடத்தி வருகிறார்கள்.

கும்பகோணம்:

கும்பகோணம் அருகே சாத்தங்குடி பகுதியை சேர்ந்தவர் திவாகர் (வயது30). விவசாயி. இவரது மனைவி தேன்மொழி(26). திருமணமாகி 1½ வருடங்கள் ஆகிறது. 9 மாதத்தில் ஒரு ஆண் குழந்தை உள்ளது.

இந்நிலையில் திவாகர் தினமும் வீட்டிற்கு தாமதமாக வருவாராம். இதனால் கணவன்- மனைவி இடையே அடிக்கடி தகராறு ஏற்பட்டு வந்தது. இதேபோல் நேற்று இரவும் கணவர் தாமதமாக வந்ததால் இதுகுறித்து தேன்மொழி கேட்டதால் தகராறு ஏற்பட்டதாம். பின்னர் திவாகர் தூங்கி விட்டாராம்.

நள்ளிரவில் சத்தம் கேட்டு திவாகர் எழுந்து சென்று பார்த்தபோது பக்கத்து அறையில் தேன்மொழி தூக்குபோட்டு தற்கொலைக்கு முயன்றதை கண்டு திடுக்கிட்டார். உடனே திவாகர், மனைவியை மீட்டு கும்பகோணம் அரசு மருத்துவமனைக்கு கொண்டு சென்றார். அங்கு முதலுதவி சிகிச்சை அளிக்கப்பட்டு பின்னர் தஞ்சை மருத்துவக் கல்லூரி ஆஸ்பத்திரிக்கு கொண்டு சென்றனர். ஆனால் செல்லும் வழியிலேயே தேன்மொழி இறந்தார்.

இது குறித்து கும்பகோணம் தாலுகா போலீசார் வழக்குப்பதிவு செய்து விசாரித்து வருகின்றனர்.

தேன்மொழிக்கு திருமணமாகி 1½ வருடங்களே ஆவதால் வரதட்சணை கொடுமையால் அவர் தற்கொலை செய்து கொண்டாரா? என கும்பகோணம் சப்-கலெக்டர் பிரதீப்குமார் மேல் விசாரணை நடத்தி வருகிறார்.

புதுச்சேரி:

முத்தியால்பேட்டை சோலைநகர் மந்தைவெளி மாரியம்மன் கோவில் தெருவை சேர்ந்தவர் சுந்தரமூர்த்தி, தச்சுதொழிலாளி. இவரது மனைவி நந்தினி (வயது24). இவர்களுக்கு 2 ஆண் குழந்தைகள் உள்ளனர். 2 குழந்தைகளும் அறுவை சிகிச்சை மூலம் பிறந்ததால் நந்தினிக்கு அடிக்கடி உடல்நிலை பாதிக்கப்பட்டது. இதனால் அவ்வப்போது வலியால் அவதிப்பட்டு வந்தார்.

இந்த நிலையில் நேற்று முன்தினம் இரவு நந்தினி கடும் வயிற்று வலியால் துடித்தார். இதனால் மனமுடைந்த நந்தினி தற்கொலை செய்து கொள்ள முடிவு செய்தார். நேற்று காலை சுந்தரமூர்த்தி தச்சு வேலைக்கு சென்ற பின்னர் மூத்தமகனை பள்ளிக்கு அனுப்பினார். இளைய மகனை அருகில் உள்ள உறவினர் வீட்டில் தங்க வைத்து விட்டு வீட்டுக்கு வந்து நந்தினி சேலையால் தூக்குபோட்டு தற்கொலை செய்து கொண்டார்.

இதுகுறித்த புகாரின் பேரில் சோலைநகர் போலீசார் வழக்குபதிவு செய்து விசாரணை நடத்தி வருகிறார்கள்.

இதேபோல் முத்தியால்பேட்டை கணேஷ்நகர் பாப்பம்மாள் கோவில் தெருவை சேர்ந்தவர் ராசு. இவரது மனைவி மல்லிகா. இவர்களது மகன் ரமேஷ் (வயது30), பெயிண்டர். மதுகுடிக்கும் பழக்கம் உள்ள ரமேஷ் அடிக்கடி வேலைக்கு செல்லாமல் கூலிவேலை செய்து வரும் மல்லிகாவிடம் பணம் வாங்கி மதுகுடிப்பது வழக்கம்.

அதுபோல நேற்று காலை ரமேஷ் வேலைக்கு செல்லாமல் மதுகுடிக்க மல்லிகாவிடம் பணம் கேட்டார். ஆனால் மல்லிகா பணம் கொடுக்க மறுத்து வேலைக்கு சென்று விட்டார்.

இதனால் விரக்தி அடைந்த ரமேஷ் வீட்டில் நைலான் கயிற்றால் மின்விசிறியில் தூக்குபோட்டு தற்கொலை செய்து கொண்டார்.

இதுகுறித்த புகாரின் பேரில் முத்தியால்பேட்டை போலீசார் வழக்குபதிவு செய்து விசாரணை நடத்தி வருகிறார்கள்.

புதுச்சேரி:

புதுவை முத்தியால்பேட்டை ரங்கவிலாஸ் தோட்டம் பகுதியை சேர்ந்தவர் பாண்டியன். மோட்டார் ரீவைண்டிங் செய்யும் தொழில் செய்து வருகிறார். இவரது மனைவி சித்ரா (வயது40). இவர்களுக்கு 2 மகள்கள் உள்ளனர். கடந்த சில மாதங்களுக்கு முன்பு சித்ரா உடல்நிலை பாதிக்கப்பட்டு இருந்தார். இதற்காக அறுவை சிகிச்சையும் செய்து கொண்டார். ஆனாலும் சித்ரா வலியால் அவதிப்பட்டு வந்தார்.

இதனால் மனமுடைந்த சித்ரா தற்கொலை செய்து கொள்ள முடிவு செய்தார். நேற்று முன்தினம் இரவு வீட்டில் அனைவரும் தூங்கிய பின்னர் மின்விசிறி கொக்கியில் சேலையால் சித்ரா தூக்கு போட்டு தற்கொலை செய்து கொண்டார்.

இதுகுறித்த புகாரின் பேரில் முத்தியால்பேட்டை உதவி சப்-இன்ஸ்பெக்டர் வீரவேலு வழக்குபதிவு செய்து விசாரணை நடத்தி வருகிறார்.