நீங்கள் தேடியது "slug 127535"

வேதாரண்யம்:

உலக சுற்றுச்சூழல் தினம் அடுத்த மாதம் (ஜூன்) 5-ந்தேதி வருகிறது.

இதனை யொட்டி நாகப்பட்டினம் வன உயிரின காப்பாளர் யோகேஷ்குமார் மீனா அறிவுரையின்படி, முதற்கட்டமாக கோடியக்காட்டில் புயல் பாதுகாப்பு கட்டிட வளாகப்பகுதியில் ஊராட்சி தலைவர் தமிழ்மணி தலைமையில், கோடியக்கரை வனச்சரகர் அயூப் கான் மரக்கன்றுகளை நட்டு வைத்தார்.

நிகழ்ச்சியில் ஊராட்சி துணை தலைவர் சரவணன், கிராம நிர்வாக அலுவலர் இளங்கோவன், ஊராட்சி செயலாளர் சுபா, வனவர்கள் சதீஷ்குமார், ராமதாஸ் மற்றும் வனத்துறை பணியாளர்கள் 100 மரக்கன்றுகளை நட்டனர்.

தொடர்ந்து, உலக சுற்றுச்சூழல் தின உறுதிமொழி எடுத்துக்கொண்டனர்.

இதுகுறித்து கோடியக்கரை வனச்சரகர் அயூப் கான் கூறுகையில்:-

உலக சுற்றுச்சூழல் தினத்தை முன்னிட்டு வருகிற 22-ந் தேதி விழிப்புணர்வு முகாமும், 31-ந் தேதி பிளாஸ்டிக் ஒழிப்பு முகாமும், அடுத்த மாதம் (ஜூன்) 3-ந்தேதி கடற்கரை தூய்மை படுத்தும் பணியும், நிறைவாக 5-ந் தேதி உறுதிமொழி ஏற்கும் நிகழ்ச்சியும் நடைபெற உள்ளது.

இவ்வாறு அவர் கூறினார்.

திண்டுக்கல்:

தமிழகத்தில் நேற்று முதல் பிளாஸ்டிக் பொருட்கள் பயன்படுத்த மற்றும் உற்பத்தி செய்ய தடைவிதிக்கப்பட்டுள்ளது. சில பொருட்களுக்கு மட்டும் விதிவிலக்கு அளித்து மக்காத 14 வகையான பிளாஸ்டிக் பொருட்கள் பயன்படுத்த தடை விதித்து அரசு உத்தர விட்டது. திண்டுக்கல் மாவட்டத்தில் பிளாஸ்டிக் பயன்பாட்டை தடுப்பது குறித்து சில மாதங்களுக்கு முன்பிருந்தே விழிப்புணர்வு ஏற்படுத்தப்பட்டது. மேலும் மாவட்டம் முழுவதும் அதிகாரிகள் சோதனையில் ஈடுபட்டு பிளாஸ்டிக் பொருட்களை பறிமுதல் செய்தனர்.

மேலும் சில கடை உரிமையாளர்கள் தாங்களாகவே பிளாஸ்டிக் பொருட்களை அரசு அதிகாரிகளிடம் ஒப்படைத்தனர். மாவட்டம் முழுவதும் இதன்மூலம் 100 டன் பிளாஸ்டிக் பொருட்கள் சேகரிக்கப்பட்டுள்ளது.

இன்று காலை கலெக்டர் வினய் பஸ் நிலையம், பூமார்க்கெட், பிரபல ஜவுளிகடைகளில் அதிரடி சோதனை நடத்தினார். பிளாஸ்டிக் தடை குறித்து விழிப்புணர்வு ஏற்படுத்தி மாற்றுப்பொருட்கள் பயன் படுத்த அறிவுறுத்தினார்.

மேலும் அனைத்து கடைகளிலும் பிளாஸ்டிக் தடை செய்யப்பட்ட பகுதி என்ற அறிவுப்பு பலகை வைக்கவும் உத்தரவிட்டார். பிளாஸ்டிக் பொருட்களுக்கு தடை விதிக்கப்பட்டதால் வாழை இலை விலை திடீரென விலை உயர்ந்துள்ளது. இதனால் வியாபாரிகள் மற்றும் ஓட்டல் கடைக்காரர்கள் சிரமத்திற்கு உள்ளாகி வருகின்றனர். இலைகளில் கழிக்கப்படும் பகுதி கூட தற்போது ரூ.1-க்கு விற்பனை செய்யப்படுகிறது.

சிறிது காலத்தில் இது பழக்க மாகிவிடும். மேலும் பொது மக்களுக்கும் ஒத்துழைப்பு கொடுக்க வேண்டும் என அதிகாரிகள் தெரிவித்தனர்.

நிலக்கோட்டை:

நிலக்கோட்டை பூ மார்க்கெட்டிற்கு தினந்தோறும் ஏராளமான விவசாயிகள் பூக்களை விற்பனைக்காக கொண்டு வருகின்றனர். இதனை வாங்குவதற்கு உள்ளூர் மற்றும் வெளியூர் வியாபாரிகள் வருகின்றனர்.

இவர்களுக்கு பூக்கள் பிளாஸ்டிக் பைகளிலேயே வழங்கப்பட்டு வந்தது. நேற்று முதல் தமிழகம் முழுவதும் பிளாஸ்டிக் பொருட்களுக்கு தடை விதிக்கப்பட்டதால் அதிகாரிகள் ஆய்வு செய்து வருகின்றனர். அதன்படி நிலக்கோட்டை பேரூராட்சி செயல் அலுவலர் கோட்டைச்சாமி தலைமையில் இன்று அதிகாரிகள் ஆய்வுக்கு சென்றனர்.

பிளாஸ்டிக் பைகளில் பூக்களை வாங்கிச்சென்ற வியாபாரிகளிடம் அதனை பறிமுதல் செய்தனர். இதனால் ஆவேசமடைந்த வியாபாரிகள் எங்கு பிளாஸ்டிக் தயாரிக்கப்படுகிறதோ அங்கு பறிமுதல் செய்யாமல் எங்களை ஏன் தடுக்கிறீர்கள் என அவருடன் வாக்குவாதத்தில் ஈடுபட்டனர்.

பூமார்க்கெட்டில் இருந்த பல கடைகளிலும் பிளாஸ்டிக் பைகள் பயன்படுத்தியதை பார்த்து அதனை பறிமுதல் செய்தனர். இதனால் வியாபாரிகளுக்கும், அதிகாரிகளுக்கும் இடையே வாக்கு வாதம் ஏற்பட்டது. அதன்பின்னர் இன்று ஒருநாள் அவகாசம் கொடுப்பதாகவும், நாளைமுதல் பிளாஸ்டிக் பொருட்கள் பயன்படுவத்துவது தெரியவந்தால் அதனை பறிமுதல் செய்வதோடு அபராதமும் விதிக்கப்படும் என எச்சரித்து சென்றனர்.

இந்த சம்பவத்தனால் பூ மார்க்கெட்டில் பரபரப்பு ஏற்பட்டது.

சென்னை:

கோயம்பேடு மார்க்கெட் மானேஜிங் கமிட்டி முதன்மை நிர்வாக அலுவலர் ராஜேந்திரன் தலைமையில் அதிகாரிகள் மற்றும் ஊழியர்கள் இன்று காலை கோயம்பேடு மார்க்கெட்டில் அதிரடி சோதனை நடத்தினர்.

காய்கறி, பழம், பூ மார்க்கெட்டுகளில் ஒவ்வொரு கடையாக சென்று ஆய்வு செய்தனர். அப்போது தடை செய்யப்பட்ட பிளாஸ்டிக் பைகள் மற்றும் பிளாஸ்டிக் கப் மற்றும் பொருட்கள் விற்பனைக்கு இருந்தது கண்டு பிடிக்கப்பட்டது. அவற்றை பறிமுதல் செய்தனர்.

இதேபோல் அனைத்து கடைகளிலும் ஏராளமான பிளாஸ்டிக் பொருட்கள் பறிமுதல் செய்யப்பட்டது. அவற்றை சரக்கு ஆட்டோவில் ஏற்றி கொண்டு சென்றனர். சுமார் ஒரு டன் அளவுக்கு பிளாஸ்டிக் பொருட்கள் பறிமுதல் செய்யப்பட்டன. தடை செய்யப்பட்ட பிளாஸ்டிக் பொருட்களை விற்பனை செய்தால் நடவடிக்கை எடுக்கப்படும் என்று வியாபாரிகளுக்கு அதிகாரிகள் எச்சரிக்கை விடுத்தனர். இந்த அதிரடி சோதனையால் கோயம்பேடு மார்க்கெட் வளாகம் பரபரப்பாக காணப்பட்டது. #plasticmaterials #Koyambedumarket

கரூர்:

கரூர் மாவட்ட பிளாஸ்டிக் உற்பத்தியாளர்கள் சங்க ஆலோசனைக்கூட்டம் கரூரில் நடந்தது. மாவட்டத் தலைவர் மணிவண்ணன் தலைமை தாங்கினார். செயலாளர் மோகன்குமார், பொருளாளர் மோர்சிங் ஆகியோர் முன்னிலை வகித்தனர். கூட்டத்தில் பிளாஸ்டிக் உற்பத்தியாளர்கள் பேசுகையில், தமிழக அரசு 2019 புத்தாண்டு முதல் 14 வகையான பிளாஸ்டிக் உற்பத்திக்கு தடை விதித்துள்ளது. மேலும் அதனை விற்பனை செய்வோர் மீது கடும் நடவடிக்கை எடுக்கப்படும் என தெரிவித்துள்ளது. இந்த உத்தரவை வரவேற்கிறோம்.

இருப்பினும் இந்த தொழிலை நம்பி தமிழகம் முழுவதும் 1 லட்சத்துக்கும் மேற்பட்ட தொழிலாளர்கள் உள்ளனர். மேலும் 14 வகையான தடை செய்யப்பட்ட பொருட்களில் பிளாஸ்டிக் கப் குறித்த அறிவிப்பு இல்லை. ஆனால் அதிகாரிகள் சோதனை என்ற பெயரில் அனைத்து வகையான பிளாஸ்டிக்கையும் நகராட்சி அதிகாரிகள் மற்றும் மாசுக்கட்டுப்பாட்டு அதிகாரிகள் பறிமுதல் செய்கிறார்கள். இதனை செய்யக்கூடாது என அரசு அதிகாரிகளுக்கு உத்தரவிட வேண்டும். மேலும் 14 வகையான பொருட்களுக்கு விதிக்கப்பட்டுள்ள தடையால் பெருமளவில் எங்களது தொழில் பாதிக்கப்பட்டுள்ளது. இதனால் எங்களது வங்கிக்கடனை முழுமையாக அரசு தள்ளுபடி செய்ய வேண்டும்.

தொழிலை நம்பியுள்ளவர்களுக்கு மாற்றுத்தொழில் ஏற்பாடு செய்ய வேண்டும். இந்த கோரிக்கைகளை வலியுறுத்தி இன்று முதல் கடையடைப்பு போராட்டம் நடத்த உள்ளோம் என்று தெரிவித்தனர்.

கூட்டத்தில் சங்க பொறுப்பாளர்கள் உள்ளிட்டோர் திரளாக பங்கேற்றனர்.

வேலூர்:

வேலூர் மாவட்ட மாசு கட்டுப்பாட்டு வாரியம் சார்பில் ஒருமுறை உபயோகித்து தூக்கி எறியப்படும் பிளாஸ்டிக் பொருட்களின் பயன்பாடுகளை தவிர்த்து அதற்கான மாற்றுப் பொருள் குறித்த விழிப்புணர்வு பயிலரங்கம் வேலூரில் இன்று நடந்தது. கலெக்டர் ராமன் தொடங்கி வைத்தார்.

இன்றைய காலத்தில் பிளாஸ்டிக் பொருட்கள் மனிதனின் வாழ்க்கையில் ஒன்றினைந்து விட்டது. இதற்கான காரணம் பெரும்பாலும் பொருட்களை கட்டுவதற்கு துணிகளை காட்டிலும் பேப்பரை காட்டிலும் பிளாஸ்டிக் வைத்து கட்டுவதற்கு மிகவும் எளிமையாகவும், சுலபமாகவும் உள்ளது.

மிக முக்கியமாக சரக்கு போக்குவரத்திலும், துணிக்கடைகள், நொறுக்கு தீனிகள் போன்ற எல்லா கடைகளிலும் பொருட்களை கட்டுவதற்கு பிளாஸ்டிக், தெர்மாகோல் ஆகியவற்றின் பயன்பாடு அதிகளவில் இருந்து வருகிறது.

பிளாஸ்டிக் பொருட்கள் உபயோகப்படுத்துவதால் அதனுடைய தாக்கம் பூமியின் சூழ்நிலையை கெடுக்கிறது என்று அமெரிக்கா 1960-ம் ஆண்டு கண்டறிந்தது.

மேலும் பயன்படுத்தும் பிளாஸ்டிக் பொருட்கள் அனைத்தும் கடலில் தான் கலக்கிறது என்பதையும் கண்டறிந்தன. மற்றொரு ஆச்சரியமான தகவல் என்ன வென்றால் 2002-ம் ஆண்டு பங்களாதேஷ் என்ற சிறிய நாடு தான் முதன் முதலில் பிளாஸ்டிக் பொருட்களை தடை செய்துள்ளது.

இதற்கான காரணம் பங்களாதேஷ் நாட்டில் புயல் மற்றும் மழை வெள்ள காலத்தில் தண்ணீர் அடைப்பு ஏற்பட்டு வெளியேறாமல் தங்கிவிட்டதை ஆராய்ந்து பிளாஸ்டிக் பொருட்களால் தான் அடைப்பு ஏற்பட்டுள்ளது என்பதை கண்டறிந்து முற்றிலும் பிளாஸ்டிக் பயன்பாட்டை தடைசெய்தது. இதனை தொடர்ந்து உலக நாடுகள் மற்றும் இந்தியா பிளாஸ்டிக் பொருட்களை தடைசெய்து வருகிறது.

தமிழகத்தில் கிராமங்களில் அதிகளவில் பிளாஸ்டிக் குப்பை உள்ளது. இதனை தடுக்க உள்ளாட்சி அமைப்புகள் மூலம் விழிப்புணர்வு நிகழ்ச்சிகள் நடத்தப்படுகிறது.

வேலூரை பிளாஸ்டிக் இல்லாத மாவட்டமாக மாற்றிட அனைவரும் ஒத்துழைக்க வேண்டும்.

இவ்வாறு அவர் பேசினார்.

கூட்டத்தில் போலீஸ் சூப்பிரண்டு பிரவேஷ்குமார் சுற்றுசூழல் பொறியாளர் ராஜகோபால், மாவட்ட பொறியாளர் ரதி, பன்னீர் செல்வம், நகராட்சிகளின் மண்டல கமி‌ஷனர் விஜயகுமார் மற்றும் பலர் கலந்து கொண்டனர்.