நீங்கள் தேடியது "slug 181030"

திருவனந்தபுரம்:

கேரள மாநிலம் கண்ணூர் ரெயில் நிலையத்தின் யார்டில் நிறுத்தி வைக்கப்பட்ட ஆலப்புழா எக்ஸ்பிரஸ் ரெயில் பெட்டி நேற்று அதிகாலை 1.30 மணிக்கு திடீரென தீப்பிடித்து எரிந்தது.

இதுபற்றிய தகவல் அறிந்ததும் தீயணைப்பு வீரர்கள் விரைந்து சென்று தீயை அணைத்தனர். என்றாலும் ரெயிலின் ஒரு பெட்டி முற்றிலுமாக எரிந்து நாசமானது. இதுதொடர்பாக கேரள ரெயில்வே போலீசார் நடத்திய விசாரணையில் மர்ம நபர் ஒருவர் இரவு நேரத்தில் ரெயில் பெட்டியின் அருகே கேன்களுடன் சுற்றி திரிந்தது தெரியவந்தது. இது தொடர்பான கண்காணிப்பு காட்சிகளை பார்த்த போது, ஒரு கும்பல் தீ வைப்பில் ஈடுபட்டிருக்கலாம் என கூறப்பட்டது.

இதையடுத்து தடயவியல் மற்றும் கைரேகை நிபுணர்கள் மோப்ப நாய் உதவியுடன் அந்த பகுதியில் சோதனை மேற்கொண்டனர். சம்பவ இடத்தில் மோப்பம் பிடித்த நாய், ரெயில்நிலைய யார்டில் இருந்து சிறிது தூரம் ஓடி விட்டு மீண்டும் யார்டுக்கு வந்தது.

இதற்கிடையே தீப்பிடித்து எரிந்த ரெயில் பெட்டியில் கைரேகை நிபுணர்கள் நடத்திய சோதனையில் 10 கைரேகைகள் சிக்கியது. அதனை போலீஸ் ஆவண காப்பகத்தில் இருந்த கைரேகையுடன் ஒப்பிட்டு பார்த்து குற்றவாளியை அடையாளம் காணும்பணி முடுக்கிவிடப்பட்டது. இதில் கண்ணூர் ரெயில் நிலையப்பகுதியில் சில நாட்களுக்கு முன்பு குப்பைகளை எரித்ததாக வடமாநில தொழிலாளி ஒருவரை ரெயில்வே போலீசார் பிடித்தனர். அந்த நபரின் கைரேகையுடன், தீ பிடித்த ரெயில் பெட்டியில் கிடைத்த கைரேகையை போலீசார் ஒப்பிட்டு பார்த்தனர்.

இதில் 4 கைரேகைகள் அந்த நபரின் கைரேகையுடன் ஒத்து போனது. இதையடுத்து போலீசார் அந்த நபரை தேடும் பணியில் ஈடுபட்டனர். நேற்றிரவு அந்த நபர் பிடிப்பட்டார்.

அந்த நபரின் பெயர் புஷன்ஜித் சித்கர் (வயது 40). மேற்கு வங்க மாநிலம் கொல்கத்தா பகுதியை சேர்ந்தவர். அவரை போலீசார் கைது செய்து போலீஸ் நிலையம் அழைத்து சென்றனர். அங்கு அவர் போலீசாரிடம் கூறும்போது, ரெயில் நிலைய பகுதியில் பிச்சை எடுத்து வந்ததாகவும், தனக்கு வேறுஎதுவும் தெரியாது என்றும் கூறினார். என்றாலும் போலீசார் அவரை ரகசிய இடத்தில் வைத்து விசாரணை நடத்தி வருகிறார்கள்.

கைதான புஷன்ஜித் சித்கர், ரெயில் நிலைய பகுதியில் சுற்றி திரிந்தது ஏன்? அவரது கைரேகை தீப்பிடித்த ரெயில் பெட்டியில் இருந்தது எப்படி? என்பது குறித்து விசாரணை நடந்து வருகிறது. மேலும் அவருக்கு தீவிரவாத கும்பலுடன் தொடர்பு உள்ளதா? என்பது பற்றியும் போலீஸ் தனிப்படை விசாரணை மேற்கொண்டுள்ளது.

கண்ணூரில் நேற்று தீப்பிடித்து எரிந்த ரெயிலில் கடந்த ஏப்ரல் மாதம் 2 -ந் தேதி டெல்லியை சேர்ந்த ஷாருக் ஷைபி என்ற நபர் பயணிகள் மீது பெட்ரோல் ஊற்றி தீவைத்தார். இதில் ஒரு குழந்தை உள்பட 3 பயணிகள் பரிதாபமாக இறந்தனர். இப்போது அதே ரெயிலில் மீண்டும் தீ வைப்பு சம்பவம் நடந்திருப்பது மத்திய உளவு துறைக்கு சந்தேகத்தை ஏற்படுத்தி உள்ளது.

நேற்று தீப்பிடித்து எரிந்த ரெயிலின் அருகில் தான் பெட்ரோல் சேமிப்பு நிலையமும், பெட்ரோல் ஏற்றிய டேங்கர் வேகனும் நின்றிருந்தது. அந்த பகுதிக்கு தீ பரவும் முன்பு அணைக்கப்பட்டதால் அங்கு நடக்க இருந்த பெரும் விபத்து தவிர்க்கப்பட்டது. எனவே நேற்று நடந்த சம்பவம் குறித்து தேசிய புலனாய்வு அமைப்பும் அரசிடம் அறிக்கை கேட்டுள்ளது.

கண்ணூர் ரெயில் நிலையத்தில் நேற்று நடந்த சம்பவத்திற்கு பாரதிய ஜனதா கட்சி கடும் கண்டனம் தெரிவித்து உள்ளது. மத்திய உளவு துறையின் நடவடிக்கை காரணமாகவே கேரளாவில் பெரும் விபத்துக்களும், அசம்பாவிதங்களும் தடுக்கப்பட்டு வருகிறது. இல்லையேல் கேரள மக்கள் தினமும் விபரீதங்களை சந்திக்க வேண்டியதிருக்கும், இதற்கு மாநில அரசே காரணம் என்றும் குற்றம் சாட்டியது.

இதுபோல கேரள காங்கிரஸ் கட்சியும், ஆளும் மார்க்சிஸ்டு கம்யூனிஸ்டு கூட்டணி அரசை குற்றம் சாட்டியுள்ளது. அரசின் திறமையின்மை காரணமாகவே இதுபோன்ற சம்பவங்கள் நடப்பதாக காங்கிரஸ் நிர்வாகிகள் குற்றம் சாட்டினர்.

கன்னியாகுமரி:

திருவட்டாரை அடுத்த செங்கோடி மாத்தாரை சேர்ந்தவர் மணிதாஸ் (வயது 59 ), பந்தல் தொழிலாளி.

இவர் மாத்தார் பகுதியில் உள்ள காவு கோவில் திருவிழாவுக்காக பந்தல் அமைக்கும் வேலையில் ஈடுபட்டார். அப்போது மேல் பகுதியில் இருந்து தவறி கீழே விழுந்தார். இதில் பலத்த காயமடைந்த மணிதாஸ், நாகர்கோவிலில் உள்ள தனியார் மருத்துவமனையில் சேர்க்கப்பட்டார்.

அங்கு சிகிச்சை பெற்று வந்த அவர், பின்னர் மேல் சிகிச்சைக்காக ஆசாரிப்பள்ளம் அரசு மருத்துவக்கல்லூரியில் சேர்க்கப்பட்டார். அங்கு அவருக்கு தீவிர சிகிச்சை அளிக்கப்பட்டு வந்தது.

இருப்பினும் சிகிச்சை பலனின்றி மணிதாஸ் பரிதாபமாக இறந்தார். சம்பவம் குறித்து திருவட்டார் போலீசார் வழக்குப்பதிவு செய்து விசாரணை நடத்தி வருகின்றனர். பிரேத பரிசோதனைக்கு பின்னர் மணிதாசின் உடல் உறவினர்களிடம் ஒப்ப டைக்கப்பட்டது. அவருக்கு மனைவியும், 3 பிள்ளைகளும் உள்ளனர்.

பரமத்தி வேலூர்:

தேனி மாவட்டம் சின்ன மனூர் அருகே மார்க்கேயன் கோட்டை பகுதியை சேர்ந்த வர் வெங்கடேஷ் (வயது 40). இவர் தையல் தொழில் செய்து வருகிறார். இவர் தற்பொழுது நாமக்கல் மாவட்டம் பரமத்திவேலூர் தாலுகா மணியனூர் பகுதி யில் தங்கி தையல் தொழில் செய்து வருகிறார்.

இந்நிலை யில் இரவு வெங்கடேஷ் மணியனூர் பிரிவில் உள்ள டீக்கடைக்குச் சென்று அங்கு டீ குடித்துவிட்டு தான் தங்கி உள்ள அறைக்கு செல்வ தற்காக பரமத்தி வேலூர்-திருச்செங்கோடு சாலை, மணியனூர் செய்யாம்பா ளையம் பிரிவு சாலை அருகே ரோட்டின் ஓரமாக நடந்து சென்று கொண்டிருந்தார்.

அப்போது அச்சாலையில் மோட்டார் சைக்கிள்ளில் அதிவேகமாக வந்த திருச்செங்கோடு பன்னீர் குத்தி பாளையம் பகுதியை சேர்ந்த தங்கமணி என்ப வரது மகன் பாபு, நடந்து சென்று கொண்டிருந்த வெங்கடேஷ் மீது மோதியதில் வெங்கடேஷ் நிலை தடுமாறி சாலையில் கீழே விழுந்தார். இதில் வெங்கடேசனுக்கு தலை மற்றும் பல்வேறு பகுதிகளில் பலத்த காயம் ஏற்பட்டது. அதை பார்த்த அக்கம் பக்கத்தில் இருந்தவர்கள் ஓடி வந்து 108 ஆம்புலன்ஸ் மூலம் அவரை திருச்செங்கோடு தனியார் மருத்துவமனைக்கு அனுப்பி வைத்தனர். அங்கு அவருக்கு தீவிர சிகிச்சை அளிக்கப்பட்டு வருகிறது.

இதுகுறித்து நல்லூர் போலீஸ் சிறப்பு போலீஸ் சப்-இன்ஸ்பெக்டர் கோவிந்தராஜ் வழக்கு பதிவு செய்து தீவிர விசாரணை நடத்தி வருகிறார்.

ஏற்காடு:

சேலம் சிவதாபுரம் ஆண்டிப்பட்டி பட்டகரை பகுதியைச் சேர்ந்தவர் ரமேஷ் (வயது 43). கூலி தொழிலாளியான இவர், நேற்று ஏற்காட்டிற்கு சென்றார். அங்கு பல்வேறு இடங்களை சுற்றிப் பார்த்துவிட்டு, நேற்று இரவு சுமார் 2 மணி அளவில் தனது இருசக்கர வாகனத்தில் சேலம் திரும்பி கொண்டிருந்தார்.

ஏற்காடு மலைப் பாதையின் உள்ள 60 அடி பாலம் அருகே வந்து கொண்டிருந்தபோது, திடீரென நிலை தடுமாறி சாலையோரம் இருந்த தடுப்பில் இருசக்கர வாகனத்துடன் மோதினார். இதில் தூக்கி வீசப்பட்ட அவர், 100 அடி பள்ளத்தில் விழுந்தார்.

இந்த நிலையில் இன்று காலை, நடைபயிற்சிக்கு வந்த சிலர், ரமேஷை பார்த்து, செவ்வாய்ப்பேட்டை தீயணைப்பு துறையினருக்கு தகவல் அளித்தனர். சம்பவ இடத்திற்கு விரைந்து வந்த தீயணைப்பு வீரர்கள், ரமேஷை பள்ளத்தில் இருந்து மீட்டனர்.

பள்ளத்தில் விழுந்ததில் அவருக்கு இடுப்பு மற்றும் காலில் பலத்த காயம் ஏற்பட்டிருந்தது. இதையடுத்து, ஆம்புலன்ஸ் வரவழைக்கப்பட்டு, அவர் சேலம் அரசு ஆஸ்பத்திரிக்கு சிகிச்சைக்கு அனுப்பி வைக்கப்பட்டார். இந்த சம்பவம் குறித்து ஏற்காடு போலீசார் விசாரணை நடத்தி வருகின்றனர்.

ராஜபாளையம்

விருதுநகர் மாவட்டம் ராஜபாளையம் அருகே உள்ள ஆவாரம்பட்டி சிந்தாமணி தெருவைச் சேர்ந்தவர் பாலசுப்பிரமணி (வயது 36). இவர் குடும்ப தேவைக்காக பலரிடம் கடன் வாங்கியுள்ளார். ஆனால் திருப்பிக் கொடுக்க முடியவில்லை. கடன் கொடுத்தவர்கள் பணம் கேட்டு நெருக்கடி கொடுத்ததால் மன உளைச்சலில் இருந்ததாகக் கூறப்படுகிறது. இந்த நிலையில் வீட்டில் யாருமில்லாத நேரத்தில் விஷ பவுடரை கரைத்து குடித்து மயங்கிக் கிடந்தார். உறவினர்கள் அவரை மீட்டு ராஜபாளையம் அரசு ஆஸ்பத்திரிக்கு கொண்டு சென்றனர். அங்கு டாக்டர்கள் பரிசோதித்த போது அவர் ஏற்கனவே இறந்துவிட்டது தெரியவந்தது. இதுகுறித்து பாலசுப்பிர மணியம் மனைவி சங்கரேஸ்வரி ராஜபாளையம் வடக்கு போலீஸ் நிலையத்தில் புகார் கொடுத்தார். இன்ஸ்பெக்டர் ரமேஷ் கண்ணன் வழக்குப் பதிவு செய்து விசாரணை நடத்தி வருகிறார்.

வாலிபர்

ராஜபாளையம் அருகே உள்ள முறம்பு மவுண்ட் சீயோன் பகுதியைச் சேர்ந்தவர் கருப்பசாமி. இவரது மகன் ஈஸ்வரன் (26). வேலைக்கு செல்லாமல் வீட்டில் இருந்த இவரை அரசுத் தேர்வு பயிற்சி வகுப்புக்கு செல்லுமாறு பெற்றோர் கூறியுள்ளனர். இதனால் மனமுடைந்த அவர் வீட்டில் யாருமில்லாத நேரத்தில் விஷம் குடித்து மயங்கிக் கிடந்தார். உறவினர்கள் அவரை மீட்டு ராஜபாளையம் அரசு ஆஸ்பத்திரிக்கு கொண்டு சென்றனர். அங்கு முதலுதவி சிகிச்சை அளிக்கப்பட்டு மேல் சிகிச்சைக்காக பாளையங்கோட்டை அரசு ஆஸ்பத்திரிக்கு அனுப்பிவைக்கப்பட்டார். அங்கு அவர் சிகிச்சை பலனளிக்காமல் பரிதாபமாக இறந்தார். இதுகுறித்து ஈஸ்வரனின் உறவினர் மாரியப்பன் தளவாய்புரம் போலீஸ் நிலையத்தில் புகார் செய்தார். சப்-இன்ஸ்பெக்டர் செல்வம் வழக்குப்பதிவு செய்து விசாரணை நடத்தி வருகிறார்.

பரமத்திவேலூர்:

நாமக்கல் மாவட்டம் பரமத்திவேலூர் தாலுகா குப்புச்சிபாளையத்தைச் சேர்ந்தவர் நல்லாட்சி (வயது 74), கூலித் தொழிலாளி. இவர் கடந்த 24-ந் தேதி காலை வெற்றிலை கொடிக்காலுக்கு வேலைக்கு சென்றார். அதன்பின்னர் மீண்டும் வீடு திரும்பவில்லை. காணாமல் போன நல்லாட்சியை அவரது மகன்கள் செந்தில்குமார், பார்த்திபன் ஆகியோர் உறவினர் வீடுகள் மற்றும் பல்வேறு இடங்களில் தேடி வந்தனர்.

இந்நிலையில் நேற்று பரமத்திவேலூரில் இருந்து நன்செய் இடையாறு செல்லும் வழியில் உள்ள வாஞ்சி பிள்ளையார் கோவில் அருகே உள்ள ராஜா வாய்க்காலில் அடை யாளம் தெரியாத ஆண் சடலம் ஒன்று மிதப்ப தாக பரமத்திவேலூர் போலீ சாருக்கு தகவல் கிடைத்தது.

தகவலின் அடிப்படையில் சம்பவ இடத்திற்கு சென்ற போலீசார் ராஜா வாய்க்காலில் மிதந்த ஆண் பிணத்தை மீட்டு விசாரணை நடத்தினர். விசாரணையில் பிணமாக கிடந்தவர் அதே பகுதியை சேர்ந்த கூலி தொழிலாளி நல்லாட்சி என்பது தெரிய வந்தது.

கூலி வேலைக்கு சென்ற நல்லாட்சி, வீட்டிற்கு திரும்பு கையில் ராஜா வாய்க்கால் கரையில் நடந்து சென்றார். அப்போது வாய்க்கால் கரையோரத்தில் கீழே விழுந்து கிடந்த தேங்காயை எடுக்க முயன்ற போது, திடீ ரென எதிர்பாராத விதமாக மயங்கி ராஜா வாய்க்காலில் விழுந்துள்ளார். இதில் மேலே வரமுடியாமல் தத்தளித்த நல்லாட்சி, தண்ணீரில் மூழ்கி உயிரிழந்தது தெரியவந்தது.

இதனையடுத்து அவரது உடலை பிரேத பரிசோ தனைக்காக பரமத்திவேலூர் அரசு ஆஸ்பத்திரிக்கு அனுப்பி வைத்தபோலீசார், சம்பவம் குறித்து வழக்கு பதிவு செய்து விசாரணை நடத்தி வருகின்றனர்.

விருதுநகர்

விருதுநகர் அருகே உள்ள சிவந்திபுரம் ஆத்துமேடு பகுதியை சேர்ந்தவர் கலாவதி. இவரது மகன் லூர்துராஜ்(வயது36). அதே பகுதியில் உள்ள ஒரு தொழிற்சாலையில் வேலை பார்த்து வந்தார். இவரது முதல் மனைவி சில வருடங் களுக்கு முன்பு இறந்து விட்டார். இதை யடுத்து லூர்துராஜ், பிரியங்கா என்பவரை 2-வதாக திருமணம் செய்து கொண்டார்.

இந்த நிலையில் லூர்து ராஜ் மது குடித்துவிட்டு அடிக்கடி மனைவியிடம் தகராறு செய்து வந்ததாக கூறப்படு கிறது. இதில் பிரியங்கா கோபித்துக் கொண்டு தனது தாய் வீட்டுக்கு சென்று விட்டார்.

சம்பவத்தன்று லூர்து ராஜ் அதே பகுதியில் உள்ள ரோட்டில் கை, கால்களில் ரத்த காயங்களுடன் உயிருக்கு போராடிக் கொண்டிருந்தார். இதுகுறித்து தகவல் அறிந்த குடும்பத்தினர் அவரை மீட்டு மதுரை அரசு ஆஸ்பத்திரியில் சேர்த்தனர். ஆனால் அங்கு அவர் சிகிச்சை பலனின்றி இறந்தார். இதுகுறித்து கலாவதி கொடுத்த புகாரின் பேரில் விருதுநகர் கிழக்கு போலீசார் வழக்குப்பதிவு செய்து லூர்துராஜ் எப்படி இறந்தார்? என விசாரணை நடத்தி வருகின்றனர். 

கன்னியாகுமரி :

குலசேகரம் அருகே நாகரத்துவிளை, உண்னீயூர் கோணம் பகுதியை சேர்ந்தவர் ஹரிஹரன் (வயது 52). ரப்பர் பால் வெட்டும் தொழில் செய்து வந்தார். இவருக்கு மனைவியும், 2 மகன்களும் உள்ளனர்.

ஹரிஹரன் கடந்த 2 நாட்களுக்கு முன்பு பினந்தோடு பகுதியில் நண்பனின் திருமண நிகழ்ச்சிக்கு சென்று விட்டு இரவு தனது இரு சக்கர வாகனத்தில் வீட்டுக்கு வந்து கொண்டிருந்தார்.

இந்நிலையில் சேக்கல் பகுதியை சேர்ந்த கூலி தொழிலாளியான ஜெப சாமுவேல் (26) பின்னால் மோட்டார் சைக்கிளில் வந்தார். அப்போது எதிர்பாராதவிதமாக ஹரிஹரன் மோட்டார் சைக்கிள் மீது மோதியது. இதில் பலத்த காய மடைந்த ஹரி ஹரனை மீட்டு குலசே கரம் தனி யார் மருத்துவமனை யில் சேர்த்த னர். பின்னர் மேல் சிகிச்சைக்காக திருவனந்தபுரம் தனியார் மருத்துவ மனையில் கொண்டு சேர்த்த னர். அங்கு 2 நாள் சிகிச்சை அளித்தும் சிகிச்சை பலன் இல்லாமல் நேற்று மாலை அவர் பரிதா பமாக இறந்தார். இவரது மகன் நிஷாந்த் கொடுத்த புகாரின் பேரில் குலசேகரம் போலீசார் வழக்குப்பதிவு செய்து பிணத்தை கைப்பற்றி விசாரனை செய்து வருகிறார்கள்.

குழித்துறை அரசு மருத்துவமனையில் இன்று பலியானவரின் பிரேத பரிசோதனை நடைபெறுகிறது. பின்னர் அவரது உடல் உறவி னர்களிடம் ஒப்படைக்கப்படுகிறது. மேலும் விபத்தில் காய மடைந்த ஜெப சாமுவேல் மார்த்தாண்டம் தனியார் மருத்துவமனையில் சிகிச்சை பெற்று வருகிறார். போலீசார் அவரிடம் விசாரணை மேற்கொண்டு வருகிறார்கள்.

கன்னியாகுமரி:

கன்னியாகுமரி மாவட்டம் தேங்காய்பட்டணம் குதிரால்விளையை சேர்ந்தவர் தாசையன் (வயது 55), கட்டிட தொழிலாளி. இவருக்கு திருமணமாகி மனைவி மற்றும் குழந்தைகள் உள்ளனர். தாசையன் மார்த்தாண்டத்தை அடுத்த விரிகோடு பகுதியில் மதில் சுவர் கட்டும் பணியில் ஈடுபட்டிருந்தார்.

அப்போது சிமெண்ட் கட்டையை தலையில் சுமந்து சென்ற போது எதிர்பாராதவிதமாக 8 அடி பள்ளத்தில் தவறி விழுந்தார். இதில் படுகாயம் அடைந்த தாசையனை மீட்டு குழித் துறை அரசு மருத்துவ மனையில் சிகிச்சைக்காக சேர்த்தனர். அங்கு அவருக்கு தீவிர சிகிச்சை அளிக்கப் பட்டது. எனினும் சிகிச்சை பலனின்றி தாசையன் பரிதாபமாக இறந்தார்.

இதுகுறித்து மார்த்தாண்டம் போலீசார் வழக்குப்பதிவு செய்து விசாரணை நடத்தி வருகின்றனர்.

கன்னியாகுமரி:

பூதப்பாண்டி அருகே உள்ள திட்டுவிளை பெருங் கடையை சேர்ந்தவர் பவுல் (வயது 73). இவரது மனைவி அமலோற்பவம் (70). இவர்களுக்கு மோகன்தாஸ் (52) என்ற மகனும் 2 மகள் களும் உள்ளனர். 3 பேருக்கும் திருமணமாகி விட்டது.

மோகன்தாஸ் தொழி லாளியாக வேலை செய்ததுடன் ஆட்டோவும் ஓட்டி வந்தார். இவருக்கு மனைவியும் 2 மகன்களும் உள்ளனர். மோகன்தாஸ் தாய்-தந்தையுடன் வசித்து வந்தார். சொத்து பிரச்சினை காரணமாக மோகன்தாசுக்கும் அவரது பெற்றோருக்கும் இடையே தகராறு ஏற்பட்டு வந்தது.

நேற்று முன்தினம் இரவு மோகன் தாஸ் குடிபோதையில் தாய்-தந்தை வீட்டிற்கு சென்று தகராறில் ஈடுபட்டார். அப்போது ஆத்திரமடைந்த அவர் இருவரையும் சரமாரியாக வெட்டினார். இதில் அமலோற்பவம் சம்பவ இடத்திலேயே பலியானார். ரத்த வெள்ளத்தில் கிடந்த பவுலை மீட்டு சிகிச்சைக்காக ஆசாரிப்பள்ளம் அரசு ஆஸ்பத்திரியில் சேர்த்தனர். அங்கு அவருக்கு தீவிர சிகிச்சை அளிக்கப்பட்டு வருகிறது.

இது குறித்து பூதப்பாண்டி போலீசார் வழக்கு பதிவு செய்து மோகன்தாசை கைது செய்தனர். கைது செய்யப்பட்ட மோகன்தாஸ் போலீசாரிடம் அளித்துள்ள வாக்குமூலத்தில் கூறியிருப்பதாவது:-

நான் வேறு மதத்தைச் சேர்ந்த பெண்ணை திருமணம் செய்து கொண்டேன். இதனால் எனக்கும், எனது தந்தைக்கும் இடையே தகராறு ஏற்பட்டு வந்தது. அவரது சொத்துக்களை எனக்கு தரவில்லை.

எனது சகோதரிகளுக்கு மட்டும் கொடுத்து வந்தார். கடந்த 2 வாரங்களுக்கு முன்பு முக்கடல் அணை பகுதியில் கிடந்த நிலம் ஒன்றை விற்பனை செய்தார். அதன் மூலமாக ரூ.30 லட்சம் கிடைத்தது. அந்த பணத்தில் ரூ.15 லட்சத்தை எனது சகோதரிகளுக்கு கொடுத் தார். மீதமுள்ள பணத்தை அவர் வைத்திருந்தார்.

நான் அவரிடம் பணம் கேட்டு தகராறு செய்தேன். ஆனால் அவர் பணம் தரவில்லை. இது எனக்கு ஆத்திரத்தை ஏற்படுத்தியது. இதனால் தந்தை பவுல், தாயார் அமலோற்பவத்தை வெட்டினேன்.இவ்வாறு அவர் கூறினார்.

கைது செய்யப்பட்ட மோகன்தாஸை போலீசார் கோர்ட்டில் ஆஜர்படுத்தி னார்கள். பின்னர் அவர் நாகர்கோவில் ஜெயிலில் அடைக்கப்பட்டார்.

திருப்பூர் :

திருப்பூர் ரெயில் நிலையம் அருகே உள்ள ரெயில்வே குடியிருப்பு பகுதியில் பாழடைந்த கட்டிடத்திலிருந்து நேற்று கடும் துர்நாற்றம் வீசியது. உடனடியாக இது குறித்து திருப்பூர் வடக்கு போலீஸ் நிலையத்திற்கு தகவல் தெரிவிக்கப்பட்டது. போலீசார் சம்பவ இடத்துக்கு சென்று சோதனை நடத்திய போது அங்கு ஆண் ஒருவர் இறந்து கிடந்தது தெரியவந்தது. உடல் அழுகிய நிலையில் காணப்பட்டது.

5 நாட்களுக்கு முன்பு அவர் இறந்திருக்கலாம் என்று போலீசார் தெரிவித்தனர். விசாரணையில் இறந்தவர் அனுப்பர்பாளையத்தை சேர்ந்த ஈஸ்வரன் (வயது 54) என்பதும், உடல் நலக்குறைவால் சிகிச்சை பெற்று வந்தவர் இந்த பாழடைந்த கட்டிடத்தில் தங்கி கூலி வேலை செய்து வந்ததும், உடல்நல குறைவால் இறந்ததும் தெரியவந்தது. போலீசார் வழக்குப்பதிவு செய்து விசாரணை நடத்தி வருகின்றனர்.

திருவாரூர்:

கரூர் மாவட்டம் பாப்பாபட்டி பகுதியை சேர்ந்தவர் சக்திவேல் (வயது 38). இவர், திருவாரூரில் தங்கி இருந்து கோவில் கட்டுமான பணி செய்து வந்தார்.

நேற்று முன்தினம் இவர் திருவாரூர் பழைய பஸ் நிலையத்தில் நின்று கொண்டிருந்தார். பின்னர் அங்கிருந்து பஸ்நிலையம் எதிரில் உள்ள கடைக்கு செல்வதற்காக பஸ் நிலையத்தில் இருந்து வெளியே வந்தார். அப்போது அந்த வழியாக வந்த அரசு பஸ் ஒன்று எதிர்பாராதவிதமாக சக்திவேல் மீது மோதியது.

இதில் தலையில் படுகாயம் அடைந்த அவரை அக்கம், பக்கத்தினர் மீட்டு சிகிச்சைக்காக திருவாரூர் அரசு மருத்துவக்கல்லூரி ஆஸ்பத்திரிக்கு அனுப்பி வைத்தனர்.

அங்கு சிகிச்சை பெற்று வந்த அவர் நேற்று சிகிச்சை பலனின்றி இறந்தார். இதுகுறித்து திருவாரூர் நகர போலீஸ் இன்ஸ்பெக்டர் ஜெகதீஸ்வரன் வழக்குப்பதிவு செய்து விசாரணை நடத்தி வருகிறார்.