நீங்கள் தேடியது "காட்டுத்தீ"

நெல்லை:

தென்காசி மாவட்டம் செங்கோட்டை அருகே மேக்கரையில் அடவிநயினார் அணை உள்ளது. மொத்தம் 132 அடி கொள்ளளவு கொண்ட இந்த அணையானது மாவட்டத்தின் மிகப்பெரிய அணையாகும்.

இந்த அணையின் நீர்பிடிப்பை ஒட்டிய பகுதியில் உள்ள மேற்கு தொடர்ச்சி மலைப்பகுதியில் நேற்று திடீரென காட்டுத்தீ ஏற்பட்டது. காற்றின் வேகத்தின் காரணமாக தீ முழுவதும் வேகமாக பரவியது. தகவல் அறிந்த தீயணைப்பு துறையினர் அங்கு விரைந்து சென்று தீயை அணைக்க போராடினர்.

எனினும் காற்றின் வேகம் காரணமாக தீ அதிக வேகமாக பரவி வந்தது. இதையடுத்து 2-வது நாளாக இன்றும் காட்டுத்தீ பற்றி எரிந்தது. அதனை தீயணைப்பு வீரர்கள் போராடி அணைத்து கட்டுக்குள் கொண்டுவந்துள்ளனர்.

அரவேணு,

நீலகிரி மாவட்டம் கோத்தகிரி அருகே சக்தி மலை உள்ளது. இங்கு பிரசித்தி பெற்ற முருகன் கோவிலும், தனியார் பாலிடெக்னிக் கல்லூரியும் அமைந்துள்ளது. இதை சுற்றிலும் வனப்பகுதிகள் சூழ்ந்துள்ளது. இங்கு திடீரென நேற்று காட்டுத் தீ பரவியது. இதனையடுத்து கல்லூரியில் அமர்ந்திருந்த மாணவர்கள், ஆசிரியர்கள் புகை வருவதை கண்டு வெளியே வந்து பார்த்தனர். அப்போது காட்டுக்குள் தீ பரவிக் கொண்டிருந்தது. உடனடியாக கல்லூரி மாணவர்கள் அனைவரும் தண்ணீரை எடுத்து ஊற்றி தீயை அணைக்கும் பணியில் ஈடுபட்டனர். மேலும் கோத்தகிரி தீயணைப்பு துறையினருக்கு தகவல் தெரிவித்தனர். தீயணைப்பு துறையினரும் விரைந்து வந்து மாணவர்களுடன் சேர்ந்து தண்ணீரை பீய்ச்சி அடித்து காட்டுத் தீயை அணைத்து கட்டுக்குள் கொண்டு வந்தனர்.

நீலகிரி:

நீலகிரியில் உள்ள கவர்னர் சோலை, பார்சன்ஸ்வேலியில் உள்ள வனப்பகுதிகளில் இன்று திடீரென தீப்பற்றியது. இந்த காட்டுத்தீ வேகமாக பரவி காய்ந்த செடிகொடிகள், மரங்கள் பற்றி எரிந்தன.

நகரின் முக்கிய பகுதிகள் அருகே உள்ள குப்பை குழி பகுதியிலும் தீ பரவியது. இதனால் மின்விநியோகம் தடைப்பட்டது. முதுமலை புலிகள் காப்பகத்திற்கு உட்பட்ட வாழைத்தோட்டம் பகுதியிலும் தீ பரவியது. வனத்துறையினர், தீயணைப்பு துறையினர் மற்றும் உள்ளூர் மக்கள் இணைந்து தீயை அணைக்கும் பணியில் ஈடுபட்டுள்ளனர். இந்த காட்டுத் தீயால் நீலகிரியில் 200 ஏக்கர் வனப்பகுதி சாம்பலானது. உதகை நகரம் முழுவதும் புகை மூட்டமாக காணப்படுகிறது.

தீ பரவும் காட்டுப் பகுதிகளுக்கு பொதுமக்கள் செல்ல வேண்டாம் என வனத்துறை அறிவுறுத்தி உள்ளது. மேலும், காட்டுத் தீ பரவ சமூக விரோதிகள் யாராவது காரணமாக இருந்தால் அவர்கள் மீது கடும் நடவடிக்கை எடுக்கப்படும் என்றும் எச்சரிக்கப்பட்டுள்ளது.

ஊட்டி,

கூடலூா் வனச் சரகத்தில் உள்ள நம்பாலக்கோட்டை மஞ்சமூலா இடைப்பட்ட பகுதியில் ஏற்பட்ட காட்டுத் தீயால் பல ஏக்கா் பரப்பிலான புல்வெளிகள் மற்றும் தாவர வகைகள் எரிந்து சாம்பலானது.

கட்டுப்படுத்தமுடியாத நிலையில் பரவிய காட்டுத் தீ, மலை முழுவதையும் எரித்து சாம்பலாக்கியது. விவசாயிகள் தங்களது தோட்டத்துக்குள் தீ பரவாமல் இருக்க ஏற்கெனவே தடுப்பு நடவடிக்கை எடுத்திருந்ததால் விவசாய நிலங்களுக்கு எந்த சேதமும் ஏற்படவில்லை. 

திருவட்டார்:

பேச்சிப்பாறையை சுற்றி உள்ள வனப்பகுதிகளான கோதையாறு, குற்றியாறு, மோதிரமலை, தச்சமலை போன்ற மலை பகுதிகள் பல உள்ளன. தற்போது கோடைகாலம் என்பதால் வெயிலின் தாக்கம் அதிகமாக உள்ளது. இதனால் வனப்பகுதிகளில் திடீர் என்று தீ பற்றி எரிகிறது. இதை அணைத்து கட்டுக்குள் கொண்டுவர முடியவில்லை குமரி மாவட்ட வனப்பகுதிகளில் கடந்த 5 நாட்களாக தொடர்ந்து தீ எரிந்து வருகிறது.

இந்த தீ கோதையாறு, குற்றியாறு வனப்பகுதிகளில் அதிகமாக எரிகிறது. இதனால் விலை உயர்ந்த மரங்கள் தீயில் எரிந்து சேதமாகியுள்ளன. மேலும் வன விலங்குகள், மற்றும் பிராணிகள், மரங்களில் முட்டையிட்டு குஞ்சு பொறிக்கும் பறவையினங்கள் பாதிக்கப்பட்டுள்ளன.

இந்நிலையில் வனப்பகுதிகளில் எரியும் தீயை வனத்துறையினர் தளைகளை வெட்டி அணைக்கும் முயற்சியில் ஈடுபட்டு வருகின்றனர். அதில் முழுமையான பலன் கிடைக்கவில்லை.

ஒரு புறம் தளைகளை வெட்டி அகற்றினாலும் மறுபுறம் தீ எரிகிறது. மேலும் உள்காடுகளில் சென்று தீயை அணைப்பதும் அவ்வளவு எளிதான செயல் அல்ல. வனத்துறையினர் கூடுதலாக வெளி மாவட்ட வனத்துறை ஊழியர்களை கொண்டு வந்து தீ அணைப்புப் பணிகளில் ஈடுபட வேண்டும் என்று வன ஆர்வலர்கள் வலியுறுத்தி உள்ளனர்.

இந்நிலையில் வனப்பகுதியில் ஏற்பட்டுள்ள தீ அரசு ரப்பர் கழக பகுதிகளில் வேகமாக பரவி வருகிறது. இதனால் அதிக அளவு சேதம் ஏற்பட வாய்ப்பு உள்ளது. அரசு ரப்பர் கழகம் குற்றியாறு பிரிவு கூப்பு எண் 60 மற்றும் 61-ல் ஏராளமான ரப்பர் மரங்கள் மற்றும் ரப்பர் செடிகள் தீயில் கருகியுள்ளதாக ரப்பர் கழக தொழிலாளர்கள் தெரிவித்தனர்.

இதே போன்று நேற்று மோதிரமலை மேல்பகுதியில் தீ பரவியுள்ளதாகவும், பழங்குடி மக்களுக்கு தீயினால் பழங்குடி மக்களுக்கு பாதிப்பு ஏற்படும் சூழல் நிலவுவதால் பழங்குடி மக்கள் தரப்பில் தெரிவித்தனர். இதனால் அதிக அளவில் பொருள் சேதமும், உயிர் சேதமும் ஏற்பட வாய்ப்பு உள்ளது.

இந்நிலையில் ரப்பர் கழக பகுதிகள் மற்றும் பழங்குடி பகுதிகளில் யானைகள் மற்றும் வன விலங்குகளில் நடமாட்டத்தை தடுக்கும் வகையில் வனப்பகுதியில் தீ வைக்கப்பட்டதா எனவும் வனத்துறையினர் விசாரணை நடத்தி வருகின்றனர். வனப்பகுதிகளில் பற்றி எரியும் தீயினால் வன விலங்குகளுக்கும் பெரும் பாதிப்பு ஏற்பட வாய்ப்பு உள்ளது.

இந்நிலையில் குமரி வனப்பகுதிகளில் 5 நாட்களுக்கு மேலாக எரியும் தீ வனத்திற்கு பேரிழப்பாக அமைந்துள்ளதாகவே கூறப்படுகிறது. இந்நிலையில் தீ மேலும் பரவாமல் இருக்கும் வகையில் நவீன தொழில் நுட்பங்களைப் பயன்படுத்தி தீயை அணைக்க வனத்துறையினர் முன்வர வேண்டுமென்று சுற்றுச்சூழல் ஆர்வலர்கள் மற்றும் மலைவாழ் பொதுமக்கள் கோரிக்கை விடுத்துள்ளனர்.

குமரி மாவட்டத்தில் நேற்று பரவலாக மழை பெய்யும் என வானிலை அறிவிப்புகள் தெரிவித்த போதிலும் ஓரிரு துளிகளுடன் மழை நின்று விட்டது. கன மழை அல்லது சாரல் மழை பெய்திருந்தால் வனத்திற்குள் ஏற்பட்டுள்ள தீ அணையும் வாய்ப்புகள் ஏற்பட்டிருக்கும். எனவே மாவட்ட நிர்வாகம் துரித நடவடிக்கை எடுத்து காட்டுக்குள் பரவி வரும் தீயை உடனே கட்டுபடுத்த வேண்டும் என்று மலைவாழ் மக்கள் கோரிக்கை வைத்தனர்.

எடப்பாடி:

எடப்பாடியை அடுத்த தங்கையூர் ஊராட்சிக்கு உட்பட்ட கோணமோரி அரசு கலைக் கல்லூரியின் எதிர்புறம் சூரியன் மலைப்பகுதியில் வனத்துறை மற்றும் தனியாருக்கு சொந்தமான நிலங்களில் காடுகள் அமைந்துள்ளன. கடந்த சில வாரங்களாக இப்பகுதியில் பகல் நேரங்களில் கடும் வெயில் சுட்டெரித்து வரும் நிலையில், மரங்கள், செடிகள் காய்ந்து இருந்ததால், நேற்று திடீரென தீப்பற்றி எரியத் தொடங்கின. அப்பகுதியில் காற்றின் வேகம் அதிகமாக இருந்த நிலையில் தீ மேலும் பல பகுதிகளுக்கு பரவியது. அவ்வழியாக சென்ற வாகன ஓட்டிகள் இதுகுறித்து எடப்பாடி தீயணைப்பு நிலையத்திற்கு தகவல் தெரிவித்தனர்.

தகவல் அறிந்து சம்பவ இடத்திற்கு விரைந்து வந்த தீயணைப்புத் துறையினர் நீண்ட நேரமாக போராடி தீயிணை அணைத்து கட்டுக்குள் கொண்டு வந்தனர். தொடர்ந்து அப்பகுதியில் முகாமிட்டுள்ள எடப்பாடி வட்டாட்சியர் லெனின், காட்டுத் தீ மேலும் வேறு பகுதிகளுக்கு பரவாமல் தடுக்கும் வகையில் முன்னேற்பாடு பாதுகாப்புப் பணிகளை முடுக்கி விட்டுள்ளார்.

அப்பகுதியில் இருந்த சிறு செடி, கொடிகள் அகற்றப்பட்டு காற்றின் வேகத்தால் தீ வனப்பகுதியில் உள்ள மற்ற இடங்களுக்கு பரவாமல் தடுத்து நிறுத்தப்பட்டது.

அப்பகுதியில் முகாமிட்டுள்ள வனத்துறையினர் மற்றும் வருவாய்த்துறையினர் காட்டுத் தீ வேறு எங்கேனும் பரவி உள்ளதா என தொடர் கண்காணிப்பில் ஈடுபட்டு வருகின்றனர்.

இதுகுறித்து கொங்கணாபுரம் போலீசார் அப்பகுதியில் விசாரணை மேற்கொண்டனர்.

இந்த தீ விபத்து குறித்து எடப்பாடி வட்டாட்சியர் லெனின் கூறியதாவது:-

தற்போது கோடை காலம் ஆரம்பமாகும் நிலையில், எடப்பாடியின் தெற்கு எல்லைப் புரத்தில் உள்ள தேவண்ணகவுண்டனூர் மற்றும் சூரியன் மலையை ஒட்டிய வனப்பகுதியில் மரம், செடி, கொடிகள் அதிக அளவில் காய்ந்து தீப்பற்றக்கூடிய நிலையில் இருப்பதைக் கருத்தில் கொண்டு, அப்பகுதியில் உள்ள பொதுமக்கள் விழிப்புடன் இருக்க வேண்டும். எளிதில் தீப்பற்றக்கூடிய எந்தப் பொருளையும் வனத்தை ஒட்டிய பகுதிக்குள் எடுத்துச் செல்லவோ வைத்திருக்கவோ அனுமதி இல்லை. வனப்பகுதியில் தீ விபத்து ஏற்படும் வகையில் யாரேனும் அஜாக்கிரதையாக செயல்பட்டால் அவர்கள் மீது கடும் நடவடிக்கை மேற்கொள்ளப்படும். இவ்வாறு அவர் கூறினார்.

பெரும்பாறை:

கொடைக்கானல் கீழ்மலைக் கிராமங்களான தாண்டிக்குடி, பெரும்பாறை வனப்பகுதியில் கடந்த சில வாரங்களாக சுட்டெரிக்கும் வெயில் வாட்டி வதைக்கிறது. இதனால் மலைப்பகுதியில் உள்ள புல்வெளிகள் கருகி வறட்சியின் பிடியில் சிக்கியுள்ளன. கோடைக்காலம் தொடங்கி விட்டால் வனப்பகுதியில் காட்டுத்தீ பற்றி எரிவது வழக்கமாக இருந்து வருகிறது.

அதன்படி நேற்று முன்தினம் மாலை சித்தரேவு- பெரும்பாறை வனப்பகுதியில் திடீரென காட்டுத்தீ பற்றி எரிந்தது. இதுகுறித்து தகவல் அறிந்த வத்தலகுண்டு வனத்துறையினர் விரைந்து சென்று தீயை அணைத்தனர். இருப்பினும் வனப்பகுதியில் இருந்த அரிய மூலிகைகள், மரங்கள் எரிந்து சேதமாகின.

இந்தநிலையில் 2-வது நாளாக தாண்டிக்குடியில் உள்ள கரியமாள் கோவில், அழிஞ்சோடை வனப்பகுதியில் திடீரென காட்டுத்தீ பற்றியது. சிறிது நேரத்தில் தீ மள மளவென பரவி கொழுந்து விட்டு எரிய தொடங்கியது.

இதுகுறித்து தகவல் அறிந்த வத்தலக்குண்டு வனச்சரகர் ராம்குமார் தலைமையிலான வனத்துறையினர் அங்கு சென்று தீயை அணைக்கும் பணியில் ஈடுபட்டு வருகின்றனர். தாண்டிக்குடி, பெரும்பாறை வனப்பகுதியில் பற்றி எரியும் காட்டுத்தீயை கட்டுப்படுத்த முடியாமல் வனத்துறையினர் தவித்து வருகின்றனர்.

ஊட்டி,

நீலகிரி மாவட்ட வனப்பகுதிகளில் கடந்த சில தினங்களாக வெப்பம் அதிகமாக காணப்படுகிறது. இதனால் அவ்வப்போது ஆங்காங்கே சில இடங்களில் காட்டு தீ ஏற்பட்டு வருகிறது. இதனை அணைக்கும் பணியில் வனத்துறையினர் ஈடுபட்டு வருகின்றனர்.

இன்று காலை கூடலூர் அருகே உள்ள வனத்தில் காட்டுத்தீ பற்றி எரிந்து கொண்டிருந்தது. அந்த பகுதி முழுவதும் தீ வேகமாக பரவியது. சுமார் 10 ஏக்கர் பரப்பளவு தீயில் எரிந்து விட்டதாக கூறப்படுகிறது. இதில் வனத்திற்குள் இருக்கும் சிறிய வகை உயிரினங்கள் உயிரிழந்திருக்க வாய்ப்புள்ளது.

காட்டுத்தீ பற்றிய தகவல் அறிந்ததும் வனத்துறையினர் விரைந்து வந்து தீயை அணைக்கும் பணியில் ஈடுபட்டு வருகிறார்கள்.

சான்டியாகோ:

சிலி நாட்டில் கடும் வெப்பம் நிலவி வருகிறது. இதன் காரணமாக வெப்பக்காற்றுகள் வீசி காட்டுத்தீ ஏற்பட்டு வருகிறது. நாடு முழுவதும் வெப்பக்காற்று காரணமாக 150க்கும் இடங்களில் காட்டுத்தீ ஏற்பட்டுள்ளது. காட்டுத்தீயை அணைக்க தீயணைப்பு துறையினர் தீவிர நடவடிக்கை எடுத்து வருகின்றனர். மொத்தம் 34 ஆயிரத்து 500 ஏக்கர் நிலப்பரப்பில் காட்டுத்தீ பரவி உள்ளதாகவும், இதுவரை 65 காட்டுத்தீ சம்பவங்கள் கட்டுப்படுத்தப்பட்டுள்ளதாகவும் அதிகாரிகள் தெரிவித்துள்ளனர்.

இதற்கிடையே, நாடு முழுவதும் பரவி வரும் காட்டுத்தீயில் சிக்கி 13 பேர் உயிரிழந்ததாக முதல் கட்ட தகவல் வெளியானது. மேலும், பலர் படுகாயமடைந்துள்ளனர். காட்டுத்தீயை அணைக்க தீவிர நடவடிக்கை எடுக்கப்பட்டு வருகிறது.

இந்நிலையில், சிலியில் காட்டுத்தீயில் சிக்கி பலியானோர் எண்ணிக்கை 22 ஆக அதிகரித்துள்ளது. பயோபியா பகுதியில் 16 பேர், லா அருணாசியாவில் 5 பேர், நுபில் பகுதியில் ஒருவர் உயிரிழந்துள்ளனர். மேலும், 500க்கும் அதிகமானோர் படுகாயம் அடைந்து சிகிச்சை பெற்று வருகின்றனர். இதில் 16 பேரின் நிலைமை கவலைக்கிடமாக உள்ளது. இதனால் பலி எண்ணிக்கை அதிகரிக்கலாம் என அதிகாரிகள் தெரிவித்தனர்.

சிலி நாட்டில் கடும் வெப்பம் நிலவி வருகிறது. இதன் காரணமாக வெப்பக்காற்றுகள் வீசி காட்டுத்தீ ஏற்பட்டு வருகிறது. நாடு முழுவதும் வெப்பக்காற்று காரணமாக 150க்கும் இடங்களில் காட்டுத்தீ ஏற்பட்டுள்ளது.

காட்டுத்தீயை அணைக்க தீயணைப்பு துறையினர் தீவிர நடவடிக்கை எடுத்து வருகின்றனர். மொத்தம் 34 ஆயிரத்து 500 ஏக்கர் நிலப்பரப்பில் காட்டுத்தீ பரவி உள்ளதாகவும், இதுவரை 65 காட்டுத்தீ சம்பவங்கள் கட்டுப்படுத்தப்பட்டுள்ளதாகவும் அதிகாரிகள் தெரிவித்துள்ளனர்.

இந்நிலையில், நாடு முழுவதும் பரவி வரும் காட்டுத்தீயில் சிக்கி 13 பேர் உயிரிழந்துள்ளனர். மேலும், பலர் படுகாயமடைந்துள்ளனர். காட்டுத்தீயை அணைக்க தீவிர நடவடிக்கை எடுக்கப்பட்டு வருகிறது.

தஞ்சாவூர்:

முதலமைச்சர் உத்தரவுக்கிணங்க தஞ்சாவூர் மாவட்டத்தில் தமிழ்நாடு பேரிடர் அபாய குறைப்பு முகமை மற்றும் தஞ்சாவூர் மாவட்ட பேரிடர் மேலாண்மை ஆணையம் சார்பில் இந்தியன் ரெட்கிராஸ் சொசைட்டி மூலம் பேரிடர் மீட்பாளர்களுக்கான 12 நாட்கள் பயிற்சி ஆத்த மித்ரா திட்டத்தின் கீழ் இன்று முதல்வருகிற 2-ந்தேதிவரை ரெட்கிராஸ் பேரிடர் பயிற்சி அரங்கில் நடைபெறுகிறது.

முகாமில் பேரிடர் மேலாண்மை பற்றி விளக்கம், பேரிடர் தயார் நிலை, நிலநடுக்கமும், நிலச்சரிவு, வெள்ளம், சுனாமி, ரத்தப்போக்கை கட்டுப்படுத்துதல், தசைக்கட்டு காயங்கள், அடிப்படை உயிர் காக்கும் மருத்துவ சேவை, நோயாளிகளை தூக்குதல் -நகர்த்துதல், பாம்பு கடி விலங்குகள் கடி, கயிறு மூலம் மீட்பு நடவடிக்கை, தீயிலிருந்து பாதுகாத்தல், காட்டுத்தீ, ரசாயன அவசர நிலை, உயிரியல் அவசர நிலை, கதிரியக்க அணுசக்தி மற்றும் அவசர காலநிலை உள்ளிட்ட பயிற்சிகள் வழங்கப்பட உள்ளது.

முகாமை தொடங்கி வைத்து காட்சிப்படுத்தப்ட்ட உபகரணங்களை கலெக்டர் தினேஷ் பொன்ராஜ் ஆலிவர் பார்வையிட்டார். இதில் தீயணைப்பு துறையினர், பேரிடம் மீட்பு குழுவினர் உள்ளிட்ட பலர் கலந்து கொண்டனர்.

உத்தமபாளையம்:

தேனி மாவட்டம் சின்னமனூர் வனச்சரகத்திற்குட்பட்ட மேற்குத் தொடர்ச்சி மலையில் தொடர்ந்து பற்றி எரியும் காடடுத்தீயால் வனப்பகுதி அழிந்து வருவதாக பொதுமக்கள் புகார் தெரிவித்தனர்.

இந்த மலைத்தொடரில் எரசக்கநாயக்கனூர் பெருமாள்மலை அமைந்துள்ளது. தவிர சிறிய அளவில் ஏராளமான மலைக்குன்றுகள் காணப்படுகின்றன. இந்த மலைக்குன்றுகளில் பெய்யும் மழைநீர் அங்குள்ள மஞ்சள் நதி நீர்த்தேக்கத்தில் தேங்கும்.

45 ஏக்கர் பரபரப்பளவில் அமைந்துள்ள இந்த நீர்த்தேக்கம் சுற்றியுள்ள எரசக்கநாயக்கனூர் உள்பட 10-க்கும் மேற்பட்ட கிராமங்களுக்கு குடிநீர் தேவையை பூர்த்தி செய்கிறது. தவிர விவசாய நிலங்களிலுள்ள கிணறு மற்றும் ஆழ்துளை கிணறுகளுக்கு முக்கிய நீராதாரமாகவும் உள்ளது.

இந்நிலையில் மஞ்சள் நதி அணைக்கு நீர் வரத்து கடந்த சில ஆண்டுகளாக குறைந்து விட்டது. இதற்கு முக்கிய காரணம் பெருமாள்மலை, ஹைவேவிஸ் மேற்குத் தொடர்ச்சி மலைகளில் பெய்யும் மழைநீரின் வழித்தடங்கள் ஆக்கிரமிப்பில் சிக்கியுள்ளன. இதனால் அணைக்கு வரும் நீர்வரத்து குறைந்ததால் அணையில் நீர் தேங்கு பகுதிகள் தென்னந்தோப்புகளாக மாறிவிட்டன.

இதற்கிடையே இந்த வனப்பகுதியில் தொடர்ந்து பற்றி எரியும் காட்டுத்தீயால் வனப்பகுதியில் மழைப் பொழிவை ஏற்படுத்தும் அரியவகை மரங்கள் தீயில் எரிந்து, கடந்த சில ஆண்டுகளாக மழைப்பொழிவு வெகுவாக குறைந்து வருகிறது.

இதனால் இந்த நீர்த்தேக்கத்தை நம்பியிருக்கும் ஆயிரக்கணக்கான மக்கள், கால்நடைகளை பாதிக்கும் சூழ்நிலை ஏற்பட்டுள்ளதாக புகார் எழுந்துள்ளது.

எனவே மேற்குத்தொடர்ச்சி மலைத் தொடர்களில் பற்றி எரியும் காட்டுத்தீயை கட்டுப்படுத்த வேண்டும்.

மழைநீர் செல்லும் வழித்தடங்களிலுள்ள ஆக்கிரமிப்புகளை அகற்றி மஞ்சள் நதி நீர்த்தேக்க அணையில் மழைநீரை சேமிக்க மாவட்ட நிர்வாகம் உரிய நடவடிக்கை எடுக்க வேண்டும் என பொதுமக்கள் மற்றும் விவசாயிகள் கோரிக்கை விடுத்துள்ளனர்.