நீங்கள் தேடியது "சீல்"

கன்னியாகுமரி:

குலசேகரம் அருகே சுருளோடு பகுதியில் பாறைகள் அதிகம் உள்ளது. இந்த பகுதியில் குவாரி ஒன்று செயல்பட்டு வந்தது.

இதுபற்றி திருவட்டார் தாசில்தார் தினேஷ்சுக்கு ரகசிய தகவல் கிடைத்தது. அவர் குவாரிக்கு சென்று ஆய்வு செய்தார். அப்போது குவாரி எந்தவித அரசு அனுமதி பெறாமல் இயங்கி வந்தது தெரியவந்தது.

மேலும் அந்த குவாரியை வேர்கிளம்பி காப்புவிளை பகுதியை சேர்ந்த சுபிஷ் (வயது 40) மற்றும் அவரது சகோதரர்கள் 2 பேர் சேர்ந்து நடத்தி வந்தது தெரிய வந்தது.

உரிய அனுமதி இல்லாமல் குவாரி நடத்தப்பட்டதால் அதனை தாசில்தார் தலைமையிலான அதிகாரிகள் பூட்டி சீல் வைத்தனர். மேலும் அங்கு கல் ஏற்றுவதற்காக நிறுத்தப்பட்டிருந்த டெம்போவை அதிகாரிகள் பறிமுதல் செய்து போலீசில் ஒப்படைத்தனர்.

மேலும் இது தொடர்பாக 3 பேர் மீது கொடுத்த புகாரின் பேரில் குலசேகரம் போலீசார் வழக்குபதிவு செய்து விசாரித்து வருகிறார்கள்.

நாகர்கோவில்:

நாகர்கோவிலில் அண்ணா விளையாட்டரங்கம் உள்ளது.இந்த பகுதியில் விளையாட்டு மேம்பாட்டு ஆணையத்தின் கீழ் சுமார் 23 கடைகள் உள்ளது. இந்த கடைகள் வாடகைக்கு விடப்பட்டிருந்தது.இந்த கடைகளில் வாடகை பிரச்சினை இருந்து வந்தது.

இதையடுத்து விளையாட்டு மேம்பாட்டு ஆணையம் சம்பந்தப்பட்ட கடைக்காரர்களுக்கு நோட்டீஸ் அனுப்பி இருந்தனர். இந்த நிலையில் இன்று கடைகளை சீல் வைக்க அவர்கள் நடவடிக்கை மேற்கொண்டனர்.இதற்கு கடைகாரர்கள் எதிர்ப்பு தெரிவித்தனர்.இதனால் அதிகாரிகளுக்கும் கடைக்காரர்களுக்கும் இடையே வாக்குவாதம் ஏற்பட்டது.

இதைத் தொடர்ந்து அகஸ்தீஸ்வரம் தாசில்தார் சேகர் மற்றும் வடசேரி போலீசார் சம்பவ இடத்திற்கு வந்தனர்.ஏற்கனவே இந்த கடைகளுக்கு பலமுறை கால அவகாசம் வழங்கி விட்டதாகவும் கடைகளை காலி செய்யுமாறு அதிகாரிகள் கூறினார்கள்.

ஆனால் கடைக்காரர் ஒருவர் தனது கடைக்குள் அமர்ந்து விட்டு வெளியே வருவதற்கு மறுப்பு தெரிவித்தார்.உடனே போலீசார் அவரை குண்டு கட்டாக தூக்கி வெளியேற்றினார்.இதை தொடர்ந்து அந்த கடைக்கு சீல் வைக்கப்பட்டது. இதேபோல் மீதமுள்ள கடைகளுக்கும் அதிகாரிகள் சீல் வைக்கும் பணியை மேற்கொண்டனர். கடைகளுக்கு சீல் வைக்கப்பட்ட சம்பவம் அந்த பகுதியில் பெரும் பரபரப்பை ஏற்படுத்தி உள்ளது.

குமாரபாளையம்:

குமாரபாளையம் பள்ளிப்பாளையம் பிரிவு சாலை அருகே மும்பை சவர்மா என்ற சிக்கன் வறுவல் கடையில் விற்கப்பட்ட சிக்கன் துர்நாற்றம் வீசியது. கடையில் ஆய்வு செய்ததில் கெட்டுப்போன இறைச்சி குளிர்சாதனப்பெட்டியில் இருந்ததை பறிமுதல் செய்தனர்.இது குறித்து உணவு பாதுகாப்பு அதிகாரிகளுக்கு தகவல் தரப்பட்டதையடுத்து நேற்று இந்த கடையை பூட்டினர்.

இது பற்றி மாவட்ட உணவு பாதுகாப்பு அலுவலர் அருண் கூறுகையில், பொதுமக்களுக்கு கேடு விளைவிக்கும் எந்த உணவு பொருள் கடையாக இருந்தாலும் தக்க நடவடிக்கை எடுக்கப்படும். நகரில் பல கடைகளில் ஆய்வு மேற்கொள்ளப்பட்டு தீவிர நடவடிக்கை எடுக்கப்படும் என்றார்.

சேலம்:

ஈரோட்டில் உள்ள ஒரு தனியார் மருத்துவமனையில் 16 வயது சிறுமியிடம் சட்டவிரோதமாக 8 முறை கருமுட்டை பெறப்பட்டது. பின்னர் இந்த கருமுட்டைகள் பல லட்ச ரூபாய்க்கு விற்கப்பட்டது.

இந்த செயலில் ஈடுபட்ட மருத்துவமனைகள் யவை? யவை? என அதிகாரிகள் விசாரணை நடத்தி கண்டுபிடித்தனர்.

இதையடுத்து அந்த மருத்துவமனைகளுக்கு சீல் வைக்கப்படும் என தமிழக அரசு கடந்த சில வாரங்களுக்கு முன்பு தெரிவித்தது.

அதன்படி சேலம் புதிய பஸ் நிலையம் அருகே பிருந்தாவன் ரோட்டில் உள்ள தனியார் மருத்துவமனையின்ஸ்கேன் சென்டர் கடந்த ஜூலை மாதம் 15-ந்தேதி பூட்டி சீல் வைக்கப்பட்டது.

அந்த மருத்துவமனையில் சிகிச்சை பெற்று வந்த 6 நோயாளிகள் வேறு மருத்துவமனைக்கு மாற்ற 15 நாட்கள் கால அவகாசம் கேட்கப்பட்டது. அதன்படி 30 கால அவகாசம் 30 நாட்கள் சுகாதார துறை வழங்கியது.

இந்த அவகாசம் நேற்றுடன் முடிந்ததும் சேலம் சுகாதாரப்பணிகள் இணை இயக்குநர் நெடுமாறன் மற்றும் அதிகாரிகள் அந்த மருத்துவமனைக்கு சென்றனர். அங்கு நோயாளிகள் இல்லை என்பதை உறுதி செய்த பின் மருத்துவமனையை பூட்டி சீல் வைத்தனர்.

நாகர்கோவில்:

நாகர்கோவில் ஆசாரி பள்ளம் அரசு ஆஸ்பத்திரிக்கு தினமும் நூற்றுக்கணக்கான நோயாளிகள் வந்து செல்கிறார்கள்.

மேலும் அங்கு ஆயிரக்கணக்கான நோயாளிகள் தங்கி சிகிச்சை பெற்று வருகிறார்கள். அவர்களுக்கு உணவருந்த வசதியாக ஆசாரிபள்ளம் ஆஸ்பத்திரி வளாகத்தில் அம்மா உணவகம் செயல்பட்டு வருகிறது.மேலும் தனியார் மூலமாகவும் உணவகம் நடத்தப்பட்டு வருகிறது.

இந்த உணவகத்தில் கடந்த சில நாட்களுக்கு முன்பு உணவருந்திய 4 பேருக்கு திடீர் வாந்தி மயக்கம் ஏற்பட்டது. இதையடுத்து 4 பேரும் சிகிச்சைக்காக ஆசாரிபள்ளம் அரசு ஆஸ்பத்திரியில் சேர்க்கப்பட்டனர்.

இது பற்றிய தகவல் அறிந்ததும் நாகர்கோவில் மாநகராட்சி மேயர் மகேஷ் அங்கு சென்று பார்வையிட்டார். ஆஸ்பத்திரியில் சிகிச்சை பெறுபவர்களிடம் நலம் விசாரித்தார். உணவு பாதுகாப்புத்துறை அதிகாரிகளும் உணவகத்தில் ஆய்வு மேற்கொண்டனர். மாநகராட்சி அதிகாரிகளும் சோதனை நடத்தினார்கள்.

இந்த நிலையில் உணவகத்தை சீல் வைத்து மூட மாநகராட்சி அதிகாரிகள் நடவடிக்கை மேற்கொண்டனர். இதையடுத்து மாநகர நகர்நல அதிகாரி பொறுப்பு ஜான் தலைமையில் சுகாதார ஆய்வாளர்கள் மாதவன் பிள்ளை, ராஜேஷ், தியாகராஜன், வருவாய் ஆய்வாளர் ஆல்ரின்,வருவாய் உதவியாளர் முருகன் ஆகியோர் இன்று காலை அந்த உணவகத்திற்கு சென்றனர்.

அங்கு மதியம் உணவு தயார் செய்து வைக்கப்பட்டிருந்தது. அந்த உணவை மாநகராட்சி அதிகாரிகள் பறிமுதல் செய்தனர். இதையடுத்து அங்கு தயார் செய்த உணவுகள் அனைத்தையும் மாநகராட்சி வண்டியில் ஏற்றினார்கள். பின்னர் அந்த உணவகத்திற்கு சீல் வைக்கப்பட்டது.

ஆசாரிபள்ளம் அரசு ஆஸ்பத்திரி உணவகம் சீல் வைக்கப்பட்டதையடுத்து அங்கு பரபரப்பு ஏற்பட்டது. இதுகுறித்து அதிகாரிகள் கூறுகையில் உணவகத்தில் உள்ள உணவு கூடம் மிக மோசமாக இருந்தது.

மேலும் இங்கு வாந்தி மயக்கம் ஏற்பட்டபோது தயாரிக்கப்பட்ட உணவு தரமற்ற முறையில் தயார் செய்து வைக்கப்பட்டிருந்தது தெரியவந்துள்ளது. இதன் காரணமாக இந்த நடவடிக்கை எடுக்கப்பட்ட தாக தெரிவித்தனர்.

ராசிபுரம்:

நாமக்கல் மாவட்டம், ராசிபுரம் தாலுகா, நாமகிரிப்பேட்டை அருகே உள்ள மங்களபுரத்தில் 30 ஆண்டுகளுக்கு மேலாக சந்தோஷ் ஸ்டார்ச் தொழிற்சாலை இயங்கி வருகிறது. இங்கு மக்காச்சோளத்தில் இருந்து சாக்லெட் தயாரிக்க பயன்படும் மூலப் பொருட்கள் உற்பத்தி செய்யப்படுகிறது. இந்த தொழிற்சாலையில் 400-க்கும் மேற்பட்ட தொழிலாளர்கள் வேலை செய்து வருகின்றனர்.

தொழிற்சாலையில் முறையாக அனுமதி பெறாமலும், வரிகள் செலுத்தாமலும் இருந்து வருவதாக கூறப்படுகிறது. மேலும் இந்த தொழிற்சாலைக்கு சொந்தமான 20 ஏக்கர் நிலத்தில் 100 அடி ஆழத்திற்கு 2 கிணறுகளை அமைத்து அதில் கழிவு நீர் சுத்திகரிப்பு செய்யாமல் விடுவதால் சுற்றுப்புறத்தில் சுமார் 7 கிலோமீட்டர் தொலைவிற்கு நிலத்தடி நீர், மண் வளம், காற்று போன்றவை மாசு அடைந்து வருவதால் விவசாயம் செய்ய முடியாத நிலை ஏற்பட்டுள்ளது.

இது தவிர கால்நடைகள் நோய்வாய்ப்பட்டு இறப்பதும் தொடர்கதையாக இருந்து வருகிறது. தொழிற்சாலையில் இருந்து வெளியேறும் காற்றில் ரசாயனம் கலந்த சாம்பல் கரித்துகள்கள் துர்நாற்றத்துடன் வீசுகிறது. தொழிற்சாலையின் கழிவுநீர் தேக்கத்தால் மக்களுக்கு தோல் நோய், கண் நோய், இதய நோய், நுரையீரல் பாதிப்பு, தோல் நோய் ஏற்பட்டுள்ளது. இது பற்றி பொதுமக்கள் அளித்த தொடர் புகாரின் அடிப்படையில் கடந்த ஜூன் மாதம் மாசு கட்டுப்பாட்டு வாரியம் தொழிற்சாலைக்கு சீல் வைத்தது.

இந்த நிலையில் கடந்த திங்கட்கிழமை மங்களபுரத்தைச் சேர்ந்த பொதுமக்கள் கலெக்டரின் மக்கள் குறை தீர்ப்பு கூட்டத்தில் மூடி கிடக்கும் தொழிற்சாலையில் இருந்து விஷவாயு வெளியேற வாய்ப்புள்ளதாகவும் எனவே இது பற்றி நடவடிக்கை எடுக்க வேண்டும் என்று மனு அளித்தனர்.

இது தொடர்பாக கலெக்டர் ஸ்ரேயா சிங், மாசு கட்டுப்பாட்டு வாரிய அதிகாரிகள், ராசிபுரம் தாசில்தார் கார்த்திகேயன் மங்களபுரத்திற்கு சென்று சம்பந்தப்பட்ட பகுதியில் ஆய்வு மேற்கொண்டனர். மேலும் சென்னையில் இருந்து ஒரு குழுவினர் வந்திருந்து ஆய்வை மேற்கொண்டனர்.

பிறகு கலெக்டர் ஸ்ரேயா சிங் கூறியதாவது:-

பொதுமக்களின் புகாரை அடுத்து சம்பந்தப்பட்ட தனியார் தொழிற்சாலையில் ஆய்வு மேற்கொள்ளப்பட்டு மின்சாரம் துண்டிக்கப்பட்டுள்ளது. மேலும் சென்னையில் இருந்து தனிக்குழு ஒன்று வரவழைக்கப்பட்டு தொழிற்சாலையில் ஆய்வு மேற்கொண்டு ரசாயன கழிவு அகற்றுவதற்கு நடவடிக்கை மேற்கொள்ளப்படும். எனவே பொதுமக்கள் யாரும் அச்சப்படத் தேவை–யில்லை என கூறினார்.

இது பற்றி பொதுமக்கள் கூறியதாவது:-

தொழிற்சாலை கடந்த மாதம் மூடப்பட்டது தொடர்ந்து அங்கு தொழிற்–சாலை காவ–லர்கள் பணியில் இருந்து வருகின்றனர் தொழிற்சாலையில் இருந்து ஒரு விதமான துர்நாற்றம் வீசுவதால் விஷவாயு தாக்குமோ என்ற அச்சத்தில் மனு கொடுத்தோம் இதை அடுத்து அதிகாரிகள் உடனடி–யாக ஆய்வு மேற்கொண்டு வருகின்றனர்.

இந்த தொழிற்சாலையின் கழிவு நீரால் சுற்றுவட்டார பகுதிகளில் நிலத்தடி நீர் காற்று போன்றவை மாசுபட்டு உள்ளன எனவே இந்த தொழிற்சாலையை நிரந்தரமாக மூடுவதற்கு மாவட்ட நிர்வாகம் நடவடிக்கை எடுக்க வேண்டும் என்று கூறினர்.

கடலூர்:

சிதம்பரம் இளமையாக்கினார் கோயில்தெருவை சேர்ந்தசெந்தில் என்பவர்சிதம்பரம் புறவழிச்சாலையில் வெடிபொருள் தயார் செய்துவிற்பனை செய்வதற்கு உரிமம் பெற்றுள்ளார். கடந்த 2021ம்ஆண்டு தேர்தல் நேரத்தில் பறக்கும் படை அதிகாரி கள் இந்த குடோனில் திடீர் சோதனை செய்தபோது அனுமதித்த அளவுக்கு அதிகமாக வெடி பொருள்கள் இருந்தது கண்டறியப்பட்டது. இதுகுறித்து அண்ணாமலைநகர் போலீசார் வழக்குப் பதிவு செய்தனர். பின்னர் அதிகாரிகளின் தொடர் விசாரணையில் கடலூர் மாவட்ட கூடுதல் ஆட்சியரால் இந்த உரிமம் ரத்து செய்யப்பட்டதாக கூறப்படுகிறது.

இந்நிலையில் சிதம்பரம் கோட்டாட்சியர் ரவிநேற்று மாலை இந்த வெடிமருந்து குடோனில் திடீர் ஆய்வு செய்தார். அப்போது ஆவணங்கள் சரிபார்க்கப் பட்டதில் உரிய ஆவணங்கள் எதுவும் இல்லாமல் வெடிபொருள் தயாரிப்பு மற்றும் விற்பனைக்கு தயார் நிலையில் இருந்தது கண்டுபிடிக்கப்பட்டது. அங்கு 582 வானவெடிகள், 35 நாட்டு சணல் வெடிகுண்டு,7 கிலோ கரி, 250 கிராம் சல்பர், 300 கிராம் பொட்டாசியம், வெடி மருந்து 1800 கிராம் உள்ளிட்ட பல்வேறு பொருள்கள் இருந்தது கண்டு பிடிக்கப்பட்டது. இதையடுத்து சிதம்பரம் கோட்டாட்சியர் ரவிஅந்த வெடிமருந்து குடோனுக்கு சீல் வைத்தார். பின்னர் வெடி மருந்து குடோனுக்கு சீல் வைக்கப்பட்டதுகுறித்து கோட்டாட்சியர் ரவி, கடலூர் மாவட்ட கலெக்டருக்கு அறிக்கை அனுப்பினார்.

ஆர்.எஸ்.மங்கலம்

ராமநாதபுரம் மாவட்டம் ஆர்.எஸ். மங்கலம் தாலுகா கடலூர் ஊராட்சி மோர்ப்பண்ணை கிராமத்தில் அசாருதீன் என்பவர் பேபி என்ற பெயரில் மருந்து கடை நடத்தி வந்தார்.

அரசு அனுமதி பெறாமல் இந்த கடையை நடத்தி வந்ததாக தெரிகிறது. மேலும் அசாருதீன் நோயாளிகளுக்கு ஊசி செலுத்தி சிகிச்சை அளிக்கும் வீடியோ ராமநாதபுரம் கலெக்டருக்கு கிடைத்தது.இதைத்தொடர்ந்து கலெக்டர் ஜானி டாம் வர்கீஸ் உத்தரவின் பேரில் ராமநாதபுரம் மாவட்ட மருத்துவ இணை இயக்குநர் சகாய ஸ்டீபன்ராஜ் தலைமையில் ஆர்.எஸ்.மங்கலம் தாசில்தார் சேகர், மாவட்ட மருந்து கட்டுப்பாட்டு ஆய்வாளர், திருவாடானை முதன்மை மருத்துவ அலுவலர் எட்வின், உப்பூர் கிராம நிர்வாக அலுவலர் மலர்விழி ஆகியோர் சம்பவ இடத்திற்கு ஆய்வு செய்ய சென்றனர்.

இதனை முன்கூட்டியே அறிந்த போலி டாக்டர் அசாருதீன் கடையை பூட்டிவிட்டு தப்பி ஓடிவிட்டார்.இதையடுத்து மருத்துவ அதிகாரிகள் திருப்பாலைக்குடி போலீஸ் உதவியுடன் கடையின் கதவை உடைத்து உள்ளே சென்று சோதனை செய்தபோது அரசு அனுமதி பெறாமல் மருந்துகளை விற்பனை செய்து வந்ததும், பொதுமக்களுக்கு ஊசி செலுத்தி சிகிச்சை அளித்ததும் கண்டறியப்பட்டது.

பின்னர் அந்த மருந்து கடைக்கு சீல் வைத்த அதிகாரிகள்,கடையின் உள்புறத்தை வீடியோ எடுத்து அங்கிருந்த ரூ.10 ஆயிரத்து 210-ஐ கைப்பற்றினர். மேலும் நோயாளிக்கு சிகிச்சை அளிக்கும் வீடியோ காட்சியை திருப்பாலைக்குடி போலீசில் ஒப்படைத்தனர்.

இதுகுறித்து திருப்பாலைக்குடி போலீஸ் இன்ஸ்பெக்டர் பாலசிங்கம் வழக்குப்பதிவு செய்து தப்பி ஓடிய போலி டாக்டர் அசாருதீனை தேடி வருகிறார்.

பெரம்பலூர் :

பெரம்பலூர் அருகே எளம்பலூர் ஊராட்சிக்குட்பட்ட தண்ணீர் பந்தல் பகுதியில் தேவேந்திரன் என்பவர் டீக்கடை வைத்து தொழில் செய்து வருகிறார். இவரது கடையில் அரசால் தடை செய்யப்பட்ட புகையிலைப் பொருட்கள் விற்பதாக கடந்த 6 மாதத்திற்கு முன்பு புகார் எழுந்தது. இதன்பேரில் பெரம்பலூர் மாவட்ட உணவு பாதுகாப்பு துறை அலுவலர்கள் அந்த டீக்கடைக்கு சென்று ஆய்வு செய்தபோது குட்கா புகையிலை பொருட்கள் விற்பனை செய்வது தெரிய வந்ததையடுத்து அப்பொருட்களை பறிமுதல் செய்து ரூ. 5 ஆயிரம் அபராதம் விதித்தனர்.

இந்நிலையில் மீண்டும் தொடர்ந்து தேவேந்திரன் டீக்கடையில் அரசால் தடை செய்யப்பட்ட புகையிலை பொருட்கள் விற்பனை செய்யப்பட்டு வருவதையறிந்த பெரம்பலூர் மாவட்ட உணவு பாதுகாப்பு நியமன அலுவலர் கவிக்குமார் தலைமையில் உணவு பாதுகாப்பு அலுவலர்கள் சின்னமுத்து, இளங்கோவன், ரவி ஆகியோர் தேவேந்திர டீக்கடைக்கு சென்று ஆய்வு செய்தனர். அப்போது அந்த கடையினுள் அரசால் தடை செய்யப்பட்ட புகையிலைப் பொருட்கள் 750 கிராம் இருந்தது தெரியவந்ததையடுத்து அவற்றை பறிமுதல் செய்து டீக்கடைக்கு சீல் வைத்தனர்.

பின்னர் மாவட்ட நியமன அலுவலர் கவிக்குமா கூறுகையில், தேவேந்திரன் என்பவரது டீக்கடையில் அரசால் தடை செய்யப்பட்ட குட்கா மற்றும் பான்மசாலா பொருட்கள் விற்பனைக்கு இருப்பு வைத்திருந்தது தெரியவந்தது. இதையடுந்த அந்த பொருட்கள் பறிமுதல் செய்யப்பட்டு கடைக்கு சீல் வைக்கப்பட்டுள்ளது. மேலும் அந்த கடைக்கு உணவு பாதுகாப்பு பதிவு சான்றிதழ் எண்ணை ரத்து செய்து உத்தரவிடப்பட்டுள்ளது. மறு அறிவிப்பு வரும் வரை இக்கடையில் வணிகம் செய்வது உணவு பாதுகாப்பு தரங்கள் சட்டத்தின் படி சட்ட விரோதமானதாகும். இந்த அறிவிப்பாணையே அல்லது பூட்டின் மீதுள்ள அரக்கு சீலையோ அகற்றுவது உணவு பாதுகாப்பு தரங்கள் சட்டத்தின் படி தண்டனைக்குரிய குற்றமாகும் என தெரிவித்தார்.

சிவகங்கை

சிவகங்கை ெரயில் நிலையம் செல்லும் பாதையில் ஆக்கிரமிக்கப்பட்டிருந்த மீன் கடைகளால் துர்நாற்றம் வீசுகிறது என்று பொதுமக்கள் புகார் தெரிவித்தனர். இதை யடுத்து மீன் கடை களை ஆய்வு செய்து அதில் வைக்கப்பட்டிருந்த அழு கிப்போன மீன்களையும், நண்டுகளையும் சிவகங்கை நகரசபை தலைவர் சி.எம்.துரை ஆனந்த் தலைமையில் நகராட்சி ஆணையாளர் பாஸ்கரன், உணவு பாதுகாப்பு துறை அலுவலர் சரவணன், சுகாதார அலுவலர் முத்துகணேஷ், கவுன்சிலர்கள் அயூப்கான், சீமான் கார்த்திகேயன் ஆகியோர் பறிமுதல் செய்தனர்.

மேலும் கெட்டுப்போன மீன்களை வைத்திருந்த கடைகளை அந்த இடத்தில் இருந்து அப்புறப்படுத்தினர். தரமற்ற மீன்கள் விற்பனை செய்த கடைகளுக்கு அதிகாரிகள் சீல் வைத்தனர்.

தென்காசி:

தென்காசி மாவட்ட போலீஸ் சூப்பிரண்டு கிருஷ்ணராஜ் உத்தரவின்பேரில் பொதுமக்களுக்கு இடையூறு செய்தல் போன்ற பல்வேறு குற்றச்செயல்களில் ஈடுபட்டதாக இந்த ஆண்டில் இதுவரை 66 பேர் குண்டர் தடுப்புச் சட்டத்தின் கீழ் கைது செய்யப்பட்டு சிறையில் அடைக்கப்பட்டுள்ளனர்.

கஞ்சா விற்பனை

தொடர்ந்து மாவட்டம் முழுவதும் போலீசார் கஞ்சா விற்பனையை தடுக்கும் பொருட்டு தீவிர ரோந்து பணியில் ஈடுபட்டு வருகின்றனர்.

இந்த ஆண்டில் இதுவரை சட்டவிரோதமாக கஞ்சா விற்பனை செய்ததாக 79 வழக்குகள் பதிவு செய்யப்பட்டு 106 பேர் கைது செய்யப்பட்டு, அவர்களிடமிருந்து விற்பனைக்காக வைக்கப்பட்டிருந்த 49.6 கிலோ கஞ்சா பறிமுதல் செய்யப்பட்டுள்ளது.

14 பேர் மீது குண்டர் சட்டம்

தொடர் கஞ்சா விற்பனை செய்ததாக இதுவரை 14 பேர் குண்டர் தடுப்பு சட்டத்தின் கீழ் கைது செய்யப்பட்டுள்ளனர்.

மேலும் கஞ்சா விற்பனை செய்தவர்கள் மற்றும் அவர்களின் குடும்ப உறுப்பினர்கள் உட்பட 37 பேரின் வங்கி கணக்குகள் முடக்கம் செய்யப்பட்டு நடவடிக்கை எடுக்கப்பட்டுள்ளது.

409 வழக்கு

சட்டவிரோதமாக குட்கா விற்பனை செய்ததாக 409 வழக்குகள் பதிவு செய்யப்பட்டு 429 பேர் கைது செய்யப்பட்டனர். அவர்களிடமிருந்து 2,340 கிலோ புகையிலை பொருட்கள் பறிமுதல் செய்யப்பட்டுள்ளது.

மேலும் புகையிலை பொருட்கள் விற்பனை செய்தவர்களின் கடைகளுக்கு உணவு பாதுகாப்பு துறை அதிகாரிகளின் மூலம் ரூ. 2 லட்சத்து 95 ஆயிரம் அபராதம் விதிக்கப்பட்டு 49 கடைகளுக்கு சீல் வைக்கப்பட்டுள்ளது.

எஸ்.பி. எச்சரிக்கை

மாவட்டத்தில் கஞ்சா, குட்கா விற்பனையில் ஈடுபடுபவர்கள் மீது கடும் நடவடிக்கை எடுக்கப்படும் என மாவட்ட போலீஸ் சூப்பிரண்டு கிருஷ்ணராஜ் எச்சரிக்கை விடுத்துள்ளார்.

திருப்பூர் :

திருப்பூர் மாவட்டத்தில் 250 டாஸ்மாக் கடைகள் செயல்பட்டு வருகிறது. கடையின் அருகே பார்களும் செயல்பட்டு வருகிறது.இந்த நிலையில் அனுமதி பெறாமல் பல்வேறு இடங்களில் முறைகேடாக டாஸ்மாக் பார்கள் செயல்பட்டு வருவதாக திருப்பூர் மாவட்ட டாஸ்மாக்மேலாளருக்கு புகார்கள் வந்தன.

அந்தப் புகாரின் அடிப்படையில் டாஸ்மாக் அதிகாரிகள் கடந்த இரண்டு தினங்களாக மாவட்ட முழுவதும் அதிரடி சோதனை நடத்தினர்.

அந்த சோதனையில் மாவட்டத்தில் 19 இடங்களில் முறைகேடாக பார்கள் செயல்பட்டு வந்தது கண்டுபிடிக்கப்பட்டது. இதனையடுத்து அதனை பூட்டி சீல் வைத்தனர். மேலும் முறைகேடாக டாஸ்மாக் பார் நடத்தியவர்கள் மீது நடவடிக்கை எடுக்க கோரி திருப்பூர் மாவட்ட மதுவிலக்கு போலீசருக்கு புகார் தெரிவித்தனர். புகாரின் பேரில் போலீசார் வழக்கு பதிவு செய்து விசாரணை நடத்தி வருகின்றனர்.