நீங்கள் தேடியது "slug 95362"

ராமநாதபுரம்

ராமநாதபுரம் புதிய பஸ் நிலையம் அருகே உள்ள சந்தை திடல் முன்பு எஸ்.டி.பி.ஐ. கட்சியின் சார்பில் பாராளுமன்ற தொகுதி மாநாடு நடந்தது. இஸ்லாமிய சிறைவாசிகளை விடுதலை செய்யவும்,தமிழக மீனவர்கள் நலனை பாதுகாக்கவும், அழிந்துவரும் விவசாயத் தொழிலை மீட்டெடுக்கவும், பனைத்தொழிலை பாதுகாக்கவும், தொழில்வளத்தை அதிகப்படுத்தக் கோரியும் இந்த மாநாடு நடந்தது. கிழக்கு மாவட்ட தலைவர் ரியாஸ்கான் தலைமை தாங்கினார். மாநில தலைவர் நெல்லை முபாரக் சிறப்பு விருந்தினராக கலந்துகொண்டு பேசினார்.

மாவட்ட பொதுச் செயலாளர் அப்துல்ஜமீல் வரவேற்றார். மாநில செயலாளர் அபுபக்கர் சித்திக் உள்ளிட்ட பலர் பேசினர். மாவட்ட பொதுச்செயலாளர் பாஞ்சுபீர் நன்றி கூறினார். இதற்கான ஏற்பாடுகளை மதுரை மண்டல சமூக ஊடக அணி பொறுப்பாளர் சுபைர் ஆப்தீன் செய்திருந்தார்.

மதுரை

திருப்பரங்குன்றம் வார்டு எண் 94,95, 96, மதுரை கிழக்கு தெற்கு ஒன்றியத்தைச் சேர்ந்த இலக்கியேந்தல், பனைக்குளம், ராஜாக்கூர், திண்டியூர், கருப்பாயூரணி,, வெள்ளி யங்குளம், அரும்பனூர், காதக்கிணறு, புதுப்பட்டி, சிட்டம்பட்டி, பூலாம்பட்டி, கொடிக்குளம், நரசிங்கம், ஒத்தக்கடை, திருமோகூர், புது தாமரைப்பட்டி உள்ளிட்ட பகுதிகளில் அ.தி.மு.க. புதிய உறுப்பினர் சேர்க்கை முகாம் நடந்தது.

திருப்பரங்குன்றத்தில் நடந்த முகாமிற்கு திருப்ப ரங்குன்றம் கிழக்குப்பகுதி செயலாளர் வக்கீல் ரமேஷ் தலைமை தாங்கினார். ஒன்றிய செயலாளர் நிலையூர் முருகன் முன்னிலை வகித்தார்.

இந்த நிகழ்ச்சிகளில் பெரியபுள்ளான் எம்.எல்.ஏ., மாவட்ட அவை தலைவர் எஸ்.என்.ராஜேந்திரன், மாவட்ட துணை செயலாளர் சந்திரன் உள்பட பலர் கலந்து கொண்டனர்.

இதில் ராஜன் செல்லப்பா எம்.எல்.ஏ. பேசியதாவது:-

தற்போது தி.மு.க. விழுந்து கொண்டு வருகிறது. நமக்கு இது சரியான தருணமாகும். தி.மு.க. தனது பலவீனத்தை மறைக்க உறுப்பினர் சேர்க்கையை தேடிச் செல்கிறது. ஆனாலும் யாரும் சேரவில்லை. இன்றைக்கு அ.தி.மு.க. உறுப்பினர் சேர்க்கையில் மக்கள் ஆர்வமாக இணைந்து வருகின்றனர். இதன் மூலம் நாம் பலம் வாய்ந்த இயக்கமாக உள்ளோம்.

மதுரை புறநகர் கிழக்கு மாவட்டத்தில் திருப்ப ரங்குன்றம், மதுரை கிழக்கு, மேலூர் ஆகிய 3 தொகுதிகள் உள்ளன. இந்த தொகுதிகளில் தலா 1 லட்சம் வீதம் 3 லட்சம் உறுப்பி னர்களை சேர்த்து விட வேண்டும். அதிகளவில் உறுப்பினர்களை சேர்க்கும் நிர்வாகிகளுக்கு வருகிற ஆகஸ்டு மாதம் 20-ந்தேதி மதுரையில் நடைபெறும் மாநாட்டில் எடப்பாடியாரின் கரங்களால் விருதுகள் வழங்கப்படும். தமிழகம் முழுவதும் அனுமதி இல்லாமல் மதுபார்கள் செயல்பட்டு வருகின்றன. இதன் மூலம் நாள்தோறும் பல லட்சம் ரூபாய் வரை சென்று கொண்டி ருக்கிறது. எத்தனை மது பார்கள் உரிமை பெற்றது? என்பதை வெள்ளை அறிக்கையாக வெளியிட வேண்டும்.

புதிய பாராளுமன்ற கட்டிடத்தில் தமிழகத்தின் பாரம்பரியமிக்க, கலாச்சார மிக்க செங்கோல் வைப்பது நமக்கு பெருமையாகும்.

வருகிற ஆகஸ்டு 20-ந் தேதி மதுரை ரிங் ரோடு அருகே 50 ஏக்கர் பரப்பளவில் மாபெரும் மாநாடு பொதுச் செயலாளர் எடப்பாடி பழனிசாமி தலைமையில் நடைபெறுகிறது. இதில் ஒரு கோடி தொண்டர்கள் பங்கேற்கின்றனர். இந்தியாவே திரும்பி பார்க்கிற வகையில் இந்த மாநாடு அமையும்.

இவ்வாறு அவர் பேசினார்.

சென்னை:

புதிதாக பொறுப்பேற்ற தொழில் துறை அமைச்சர் டி.ஆர்.பி.ராஜா சென்னையில் இருந்து இன்று சிங்கப்பூர் சென்றுள்ளார்.

சென்னையில் அடுத்த ஆண்டு ஜனவரி மாதம் உலக முதலீட்டாளர்கள் மாநாடு நடைபெற உள்ளது.

இந்த மாநாட்டின் மூலம் தமிழகத்திற்கு அதிக தொழில் முதலீடுகளை ஈர்க்க அரசு திட்டமிட்டு வருகிறது.

இதற்காக முதலமைச்சர் மு.க.ஸ்டாலின் நாளை மறுநாள் (23-ந்தேதி) வெளிநாடு செல்கிறார். சிங்கப்பூர், ஜப்பான், இங்கிலாந்து ஆகிய நாடுகளுக்கு அரசு முறை பயணமாக சென்று தொழில் அதிபர்களை சந்தித்து தமிழ்நாட்டில் தொழில் தொடங்க அழைப்பு விடுக்க உள்ளார்.

இதையொட்டி முதலமைச்சரின் நிகழ்ச்சி முன்னேற்பாடுகளை கவனிக்க தொழில் துறை அமைச்சர் டி.ஆர்.பி.ராஜா இன்று சென்னையில் இருந்து விமானம் மூலம் சிங்கப்பூர் சென்றுள்ளார்.

முதலமைச்சருடன் இணைந்து ஒவ்வொரு நிகழ்ச்சிகளிலும் தொழில் துறை அமைச்சர் டி.ஆர்.பி. ராஜா பங்கேற்க இருப்பதால் முன் கூட்டியே அவர் சிங்கப்பூர் சென்றுள்ளதாக அதிகாரிகள் தெரிவித்தனர்.

திருப்பூர் :

நஞ்சராயன் குளம் பாதுகாப்பு இயக்கம் சார்பில், கோரிக்கை மாநாடு திருப்பூர் - ஊத்துக்குளி ரோடு, கூலிபாளையம் நால் ரோடு பகுதியில் நடந்தது. மாநாட்டுக்கு தலைமை வகித்து தமிழக விவசாயிகள் பாதுகாப்பு சங்க நிறுவனர் ஈசன் பேசினார்.

இதில் எம்.பி., சுப்பராயன் பேசுகையில், திருப்பூரின் வரலாற்றில் முக்கிய பங்குவகிக்கும் நஞ்சராயன் குளத்தின் வடிநிலப்பகுதிகள் பாதுகாப்பற்று கிடக்கின்றன. குளத்தை காப்பாற்றி பூங்கா அமைக்கவேண்டும் என்கிற நியாயமான கோரிக்கை வெற்றிபெறும் என்றார்.

மேயர் தினேஷ்குமார் பேசுகையில், நஞ்சராயன் குளம் பாதுகாப்பு இயக்கத்தின் கோரிக்கைகளை தமிழக முதல்வரின் கவனத்துக்கு கொண்டு சென்று, தீர்வு ஏற்படுத்தித்தருவோம்,' என்றார். தமிழக அரசு 17வது பறவைகள் சரணாலயமாக நஞ்சராயன் குளத்தை அறிவித்துள்ளது. குளக்கரையில் உள்ள 8.90 ஏக்கர் நிலம், கடந்த ஆட்சி காலத்தில், தனியாருக்கு முறைகேடாக வழங்கப்பட்டுள்ளது. நிலத்தை மீட்டு சுற்றுச்சூழல் பூங்கா அமைக்கவேண்டும் என்று தீர்மானிக்கப்பட்டது.

நஞ்சராயன் குளம் பாதுகாப்பு இயக்க பிரதிநிதி கிருஷ்ணசாமி, தமிழக விவசாயிகள் பாதுகாப்பு சங்க மாநில தலைவர் சண்முகசுந்தரம், கொங்கு மக்கள் தேசிய கட்சி மாநகர செயலாளர் ரவி, இயற்கை கழகம் ரவீந்திரன் உட்பட பலர் பங்கேற்றனர். 

ஸ்டாக்ஹோம்:

சுவீடன் நாட்டின் தலைநகர் ஸ்டாக்ஹோம் நகரில் ஐரோப்பிய கூட்டமைப்பு-இந்தோ பசிபிக் மந்திரிகள் மாநாடு நடந்து வருகிறது. அதில், மத்திய வெளியுறவுத்துறை மந்திரி ஜெய்சங்கர் கலந்து கொண்டார்.

மாநாட்டுக்கு வந்துள்ள பிற நாடுகளின் வெளியுறவு மந்திரிகளை மாநாட்டுக்கு இடையே ஜெய்சங்கர் சந்தித்து பேசினார். லாட்வியா, ஆஸ்திரியா, பிரான்ஸ், பெல்ஜியம், ருமேனியா, சைப்ரஸ், பல்கேரியா, லிதுவேனியா ஆகிய 8 நாடுகளின் வெளியுறவு மந்திரிகளுடன் பேச்சுவார்த்தை நடத்தினார்.

லாட்வியா வெளியுறவுத்துறை மந்திரி எட்கர்ஸ் ரிங்கெவிக்சுடனான பேச்சுவார்த்தையின்போது, இருதரப்பு உறவை வலுப்படுத்துவது பற்றி பேசினார். உக்ரைன் போரின் விளைவுகள் பற்றியும் இருவரும் விவாதித்தனர்.

அரசியல் ஒத்துழைப்பு, பொருளாதார ஒத்துழைப்பு பற்றியும், உணவு பாதுகாப்பு குறித்தும் பேசினர். ஆஸ்திரியா நாட்டின் வெளியுறவு மந்திரி அலெக்சாண்டர் ஸ்காலன்பெர்க்கை ஜெய்சங்கர் சந்தித்தார். அப்போது, ஆஸ்திரியாவுக்கு தேவையான பணியாளர்களை வரவழைத்துக்கொள்ளவும், சட்டவிரோத குடியேற்றத்தை கட்டுப்படுத்தவும் ஒப்பந்தம் கையெழுத்தானது.

இருவரும் உக்ரைன் போர் பற்றியும், இந்தோ-பசிபிக் விவகாரம் குறித்தும் ஆலோசித்தனர். பிரான்ஸ் வெளியுறவு மந்திரி கேத்தரின் கொலன்னாவை ஜெய்சங்கர் சந்தித்தபோது, பிரதமர் மோடி ஜூலை மாதம் பாரீ்ஸ் நகரில் நடக்கும் பிரான்ஸ் தேசிய தின கொண்டாட்டத்தில் சிறப்பு விருந்தினராக பங்கேற்பது பற்றி விவாதித்தனர். அந்த பயணத்தை வெற்றிகரமாக ஆக்குவது பற்றி பேசினர்.

மேலும், இந்தோ-பசிபிக், ஜி20 மாநாடு ஆகியவை பற்றியும் கருத்துகளை பரிமாறிக்கொண்டனர். லிதுவேனியா, பெல்ஜியம் லிதுவேனியா நாட்டு வெளியுறவு மந்திரி கேப்ரியலியஸ் லேண்ட்ஸ்பெர்கிசுடனான சந்திப்பின்போது, இருதரப்பு ஒத்துழைப்பு பற்றி பேசப்பட்டது. உலக நிகழ்வுகள் குறித்த ஐரோப்பாவின் பார்வை பற்றியும் விவாதிக்கப்பட்டது. பெல்ஜியம் வெளியுறவு மந்திரி ஹட்ஜா லபிப்பை ஜெய்சங்கர் சந்தித்தபோது, இருதரப்பு உறவை மேலும் முன்னெடுத்து செல்வது பற்றி இருவரும் ஆலோசனை மேற்கொண்டனர். பொருளாதார, வர்த்தக உறவுகளை வலுப்படுத்த உறுதி எடுத்துக்கொண்டனர்.

அடிக்கடி சந்திக்க சம்மதம் தெரிவித்தனர். பல்கேரியா வெளியுறவு மந்திரி இவான் கொண்டோவுடனான சந்திப்பின்போது, இருதரப்பு உறவு குறித்து பேசப்பட்டது. மாணவர்கள் மீட்புக்கு உதவி ருமேனியா வெளியுறவு மந்திரி போக்டன் அவுரெஸ்குவை ஜெய்சங்கர் சந்தித்தபோது, கடந்த ஆண்டு உக்ரைனில் இருந்து இந்திய மாணவர்களை மீட்பதில் ருமேனிய அரசு அளித்த உதவிக்கு நன்றி தெரிவித்துக்கொண்டார். பாதுகாப்பு, எரிசக்தி ஒத்துழைப்பு குறித்தும் பேசினர். சைப்ரஸ் வெளியுறவு மந்திரி கான்ஸ்டன்டினோஸ் காம்போசை சந்தித்த ஜெய்சங்கர், சுற்றுலா உள்ளிட்ட துறைகளில் இருதரப்பு ஒத்துழைப்புக்கான தேவை குறித்து ஆலோசித்தார்.

மதுரை

மதுரை மண்டல அ.தி.மு.க. தகவல் தொழில்நுட்ப பிரிவு சார்பில் நாகமலை புதுக்கோட்டையில் எடப்பாடியார் கோப்பைக்கான இறகுப்பந்து போட்டி நடந்தது. அ.தி.மு.க. பொதுச்செயலாளர் எடப்பாடி பழனிசாமியின் 69-வது பிறந்தநாள் விழாவை யொட்டி நடந்த இந்த

ேபாட்டிக்கு மதுரை மண்டல தகவல் தொழில்நுட்ப பிரிவுச் செயலாளர் வி.வி.ஆர். ராஜ்சத்யன் தலைமை தாங்கினார்.

மதுரை புறநகர் கிழக்கு மாவட்ட அ.தி.மு.க. செயலாளர் ராஜன்செல்லப்பா எம்.எல்.ஏ. சிறப்பு விருந்தினராக கலந்து கொண்டு போட்டியை தொடங்கிவைத்தார்.

இந்த போட்டியானது ஜூனியர் மற்றும் சீனியர் என 2 பிரிவில் ஆடவர் ஒற்றையர், ஆடவர் இரட்டையர், கலப்பு இரட்டையர் என பல உட்பிரிவுகளில் நடந்தது. இதில் வெற்றி பெற்றவர்க ளுக்கு சிறப்பு பரிசுகளும், கோப்பைகளும், மெடல்களும் வழங்கப்பட்டன.

இதில் ராஜன்செல்லப்பா எம்.எல்.ஏ. பேசுகையில், இது இளைஞர்களுக்கான போட்டியாகவும், அவர்களது திறனை வெளிப்படுத்தும் முயற்சியாகவும், மாண வர்களுக்கு பேச்சுப்போட்டி மற்றும் பல்வேறு போட்டிகள் அ.தி.மு.க. தகவல் தொழில்நுட்பத் துறை சார்பில் நடத்தப்பட்டுள்ளது. இதை அ.தி.மு.க. மாவட்ட கழகத்தின் சார்பில் வரவேற்கிறோம்.

அ.தி.மு.க. பொதுச்செயலாளர் எடப்பாடியார் தலைமையில் மிகப்பெரிய விளையாட்டு போட்டியை ஏற்பாடு செய்து அதில் பங்கேற்கும் சிறந்த வீரர்கள் மற்றும் மாற்றுத் திறனாளி வீரர்களுக்கு மதுரை தகவல் தொழில் நுட்பத்துறை சார்பில் அவர்களுக்கு தேவையான அனைத்து வசதிகளும் செய்து கொடுக்கப்படும் என்று வாக்குறுதி அளித்து இருக்கின்றனர் என்றார்.

இதனைத் தொடர்ந்து மதுரை அ.தி.மு.க. தகவல் தொழில்நுட்பத்துறை மண்டல செயலாளர் வி.வி.ஆர்.ராஜ்சத்யன் கூறியதாவது:-

நாட்டு நடப்புகள் எவ்வாறு வெளிவர வேண்டும் என்பதற்கு சோசியல் மீடியா மூலதனமாக இன்றைக்கு செயல்பட்டு வருகிறது. நாளைய ஆட்சியை தீர்மானிப்பது, தகவல் தொழில்நுட்பம் மற்றும் சோசியல் மீடியாவாகத்தான் இருக்கும். மதுரையில் வருகிற ஆகஸ்டு மாதம் 20-ந்தேதி அ.தி.மு.க. மாநாடு அறிவிக்கப்பட்டுள்ளது.

இந்த மாநாடு ஆங்காங்கே சாதாரணமாக நடக்கிற பொதுக்கூட்டமாக இருக்காது. இது கூடி கலையும் நிகழ்வுமல்ல. அ.தி.மு.க. தொண்டர்கள் அனைவரும் ஒன்றிணைகிற மிகப்பெரிய சங்கமமாக இருக்கும். தி.மு.க.வில் மிகப்பெரிய சினிமா தயாரிப்பு நிறுவ னங்கள் தொடர்பு கொண்டு இயங்கி வருகிறது. அதனால் திரைத்துறையினர் தொடர்ந்து தி.மு.க.வினருக்கு ஆதரவளித்து வருகிறார்கள்.

ஆனால் அ.தி.மு.க. சார்பில் எந்த ஒரு பெரிய சினிமா தயாரிப்பு நிறுவ னமும் கிடையாது. அதனால் திரைத்துறையினர்

அ.தி.மு.க.வினரை கண்டு கொள்ளவில்லை.

இவ்வாறு அவர் கூறினார்.

ஈரோடு:

ஈரோடு டெக்ஸ்வேலி மைதானத்தில் இன்று வணிகர் சங்கங்களின் பேரமைப்பு சார்பில் உரிமை முழக்க மாநாடு மாநிலத்தலைவர் விக்கிரமராஜா தலைமையில் நடந்தது. இந்த மாநாட்டில் 23 தீர்மானங்கள் நிறைவேற்றப்பட்டது.

உள்ளாச்சி, நகராட்சி, மாநகராட்சி, அறநிலையத்துறை கடைகளுக்கான முன்தேதியிட்ட வாடகை விதிப்பு அறிவிப்பை திரும்ப பெற்றுக்க் கொள்ளுமாறும், 2007-ம் ஆண்டு அரசு அறிவிப்பின்படி சந்தை, மதிப்பீட்டின் அடிப்படையில் வாடகை நிர்ணயித்திடவும் வழக்குகள் அனைத்தையும் திரும்ப பெற்று தற்போது உள்ள உரிமையாளர்களின் பெயரில் மாற்றம் செய்திட அரசு துரித நடவடிக்கை எடுத்திட வேண்டும்.

வணிக உரிமைகள் அனைத்தும் ஒரே இடத்தில், ஒரே நேரத்தில் ஒற்றை சாளர முறையில் ஆயுள் உரிமமாக வழங்கிட வேண்டும். அல்லது 5 ஆண்டுகளுக்கு ஒரு முறை புதுப்பித்திடும் முறையை அரசு அறிவித்திட வேண்டும்.

விதிமீறல் கட்டிடங்களுக்கு கட்டிட வரைமுறை கால நீட்டிப்பு நகரமைப்பு சட்டங்களில் குடியிருப்பு மற்றும் வணிக கட்டிட பகுதிகளை கால இடைவெளி உடன் இனம் காண தமிழகம் முழுவதும் சட்ட திருத்தம் வேண்டும்.

நாட்டின் பொருளாதார வளர்ச்சிக்கு பெரிதும் துணை நிற்கும் வணிகர்களுக்கு அவர்கள் செலுத்தும் வரியின் அடிப்படையில் ஓய்வூதியமும், காப்பீடும், குடும்ப நல நிதியும், இயற்கை பேரிடர் மற்றும் தீ விபத்துகளால் பாதிக்கப்படும் காலங்களில் வணிகர்களுக்கும், வணிக குடும்பங்களுக்கும் அரசே காப்பீடு செலுத்தும் முறையை நடை முறைப்படுத்த வேண்டும். இழப்பீடுகள், வழங்கிடவும் வேண்டும்.

ஜி.எஸ்டி. வரிமுறையில் செய்யப்பட்டு வரும் தினசரி மாறுதல் மற்றும் திருத்தங்கள் காரணமாக தொழில் வணிகத்துறை மிகுந்த குழப்பத்தில் பல்வேறு இனங்களை சந்தித்து வருகிறது. எளிய வரி என்கிற இலக்கை எட்ட மத்திய அரசு ஜி.எஸ்டி வரியை மறு சீராய்வு செய்து ஒரே நாடு ஒரே வரி என்ற பிரதமரின் கொள்கையை உறுதிப்படுத்தி சரியான வரியை நிர்ணயம் செய்ய வேண்டும்.

சிறுகுறு வணிகர்களும் எளிதாக கையாளும் விதமாகவும், வணிகர்களுக்கு எதிரான ஜி.எஸ்டி. வரி குளறுப்படியை மற்றும் முரண்பாடுகளை கலைத்திட வேண்டும். இதற்காக வணிகப் பிரதிநிதிகள் இணைந்து ஒரு உயர்மட்ட குழுவை அமைத்திடவும் பழைய பொருட்களுக்கான ஜி.எஸ்டி. வரி ஒரே நிலையில் அதாவது 5 சதவீதம் மட்டுமே அமல்படுத்திட பேரமைப்பு வலியுறுத்துகிறது.

நடைமுறையில் உள்ள உணவு பாதுகாப்பு தர நிர்ணய சட்டத்தில் உள்ள முரண்பாடுகளை உரிய ஆய்வுகளுடன் களைந்து, ஆயுள் உரிமமாக அறிவித்திடவும், சாலையோர கடைகளை முறைப்படுத்திடவும், அபராதம் மற்றும் தண்டனைச் சட்டங்களில் உரிய மாற்றங்களை செய்திடவும் வலியுறுத்தப்படுகிறது.

தமிழகத்தில் வேலைவாய்ப்பு பெருகிட பொருளாதார வளர்ச்சிக்கு வித்திடவும் உற்பத்தி சார் தொழில்களை ஊக்குவிக்கவும், பெருநகரங்கள் நோக்கி பொதுமக்கள் புலம் பெயர்வதை தடுத்திடவும், தொழில் பூங்காக்கள் குறிப்பாக தென் மாவட்டங்களில் திருநெல்வேலி, தூத்துக்குடி, மதுரை, விருதுநகர், ராமநா தபுரம் மாவட்டங்களில் அமைத்திட தமிழக அரசு துரித நடவடிக்கை எடுத்திட வேண்டும்.

மேலும் மத்திய மாநில அரசுகளே அனுமதி வழங்கி அதற்கு முரண்பட்ட காரணங்களை சொல்லி முடக்கி வைக்கின்ற தொழில் நிறுவனங்களை மீண்டும் திறந்து வேலை வாய்ப்பை உருவாக்கி சமூக கட்டமைப்பை சீரமைத்திட நடவடிக்கை எடுக்க வேண்டும்.

உயிர்காக்கும் மருந்து பொருட்களை ஆன்லைனில் விற்பனை செய்யப்படுவதை கண்டிப்பாக தடுக்கப்பட வேண்டும். அந்நிய நேரடி முதலீட்டு ஆன்லைன் வர்த்தகத்தை முறைப்படுத்திட வேண்டும்.

ஜவுளித்துறை நூல் மூலப்பொருள் விலை ஏற்றம் கட்டுப்படுத்திட வரி குறைப்பு செய்திட வேண்டும். ஈரோடு பெருநகரின் சுற்றுச்சூழலை பாதிக்கும் தோல் பதனிடும் தொழில் மற்றும் சாய கழிவுகள் சுத்திகரிக்கப்பட, ஒரு மைய சுத்திகரிப்பு நிலையம் உடனடியாக அமைத்திட அரசு நடவடிக்கை எடுக்க வேண்டும்.

ஈரோடு போக்குவரத்து நெரிசல் அதிகரிப்பதை தவிர்த்திடும் வகையில் வெளிப்புற சுற்றுவட்ட பாதை காவிரி கரையை ஒட்டி நெடுஞ்சாலை அமைத்து இதர மாவட்ட ங்களோடு போக்குவரத்தை இணைத்திட நடவடிக்கை எடுக்க வேண்டும்.

வணிகர் நல வாரியம் நலவாரிய உறுப்பினர்கள், நிர்வாகிகள் நியமனத்தோடு முழுமைபெற்ற வாரியமாக வணிகர் நலன்காத்திட பேரமைப்பு வலியுறுத்துகின்றது.

ஸ்மார்ட் சிட்டி, மெட்ரோ பணிகளால் பாதிக்கப்பட்ட வணிகர்களுக்கு, மீண்டும் கடைகளை திருப்பி அளித்து, முழுமைபெறாத ஸ்மார்ட்சிட்டி பணிகளை விரைந்து முடித்து வணிகர்களின் வாழ்வாதாரம் காத்திட வேண்டுமென இம்மாநாடு வலியுறுத்துகின்றது.

தமிழகத்தில் டிஜிட்டல் தொழிலில் ஈடுபடும் சுமார் 6 லட்சம் குடும்பங்களின் வாழ்வாதாரத்தை காக்கவேண்டி, குறிப்பிட்ட இடங்களில் பேனர்கள் வைக்க அனுமதி வழங்கி வரைமுறை படுத்திடவும், அதற்கான உரிமங்களை பெற எளிய முறையை வகுத்திடவும் இம்மாநாடு கேட்டுக்கொள்கின்றது.

பொட்டலப் பொருட்கள் மற்றும் எடையளவு உரிமம் பெற தொழிலாளர் நலத்துறை மற்றும் உணவு பாதுகாப்புத்துறை என இருவேறு துறைகளின் இரட்டை உரிம முறையை பெறவேண்டும் என்ற நிலை சட்ட முரண்பாடுடையது. நீக்கி ஒரே துறையின் கீழ் அதாவது உணவுப்பாதுகாப்பு துறையின் கீழ் மட்டுமே உரிமம் பெற்றால் போதும் என சட்ட விதிகளை மாற்றி அமைத்திட பேரமைப்பு வலியுறுத்துகின்றது.

காலம் கடந்த எடையளவு முத்திரை, தராசு முத்திரை பதித்தலுக்கும் அபராதத் தொகை ரூபாய் முறையே 50, 150 என்று இருப்பதை ரூ.5000 அபராதம் என மாற்றி அறிவித்திருப்பதை திரும்பப் பெற பேரமைப்பு வலியுறுத்துகின்றது. தொழிலாளர் நலத்துறை லேபிள், மிஸ்பிராண்ட், பேட்ஜ் நெம்பர், பிரிண்டிங் குறைபாடுகளுக்கு வணிகர்கள் மீது தண்டனை மற்றும் அபராதச் சட்ட நடவடிக்கைகள் ரத்து செய்யப்பட்டு உணவுப்பாதுகாப்பு தரநிர்ணயச் சட்டப் பிரிவுகளின் கீழ் கொண்டுவர வேண்டும்.

வேளாண் இடுபொருட்கள் விதைகள், உபகரணங்கள், உரம், பூச்சி மருந்துகளுக்கான ஜி.எஸ்.டி வரியை விவசாயிகள் நலன்கருதி ரத்துசெய்யப்பட வேண்டும்.

வருமான வரி செலுத்துவோரின் எண்ணிக்கையை அதிகப்படுத்தும் விதமாகவும், வளர்ந்து வரும் தனிநபர் வருமானத்தை கருத்தில் கொண்டும், மத்திய அரசு தனிநபர் வருமான வரி உச்சவரம்பு ரூபாய்-10 லட்சம் என உயர்த்தி அறிவித்திட இம்மாநாடு வலியுறுத்துகின்றது.

இளைய தலைமுறை வணிகத்தை ஊக்குவித்து, புதிய வேலை வாய்ப்பு மற்றும் வணிக வழிகாட்டு மேலாண்மை அமைப்பின் மூலம் மாவட்ட வாரியாக ஆலோசனை மையங்கள் அமைத்து வணிகத்தை மேம்படுத்த பேரமைப்பு நிதி ஏற்படுத்துவதற்கான சூழல்களை ஆராய்ந்து, மாநில அளவில் மேற்கொள்ள பேரமைப்பு இம்மாநாடு மூலம் தீர்மானிக்கிறது.

மத்திய அரசு டீசல்-பெட்ரோல் எரிபொருட்களை ஜி.எஸ்.டி வரம்பிற்குள் கொண்டுவந்து, விலையேற்றத்தை தவிர்த்திட வேண்டும். கியாஸ் சிலிண்டர்கள் அவ்வப்போது விலையேற்றம் செய்யும் நடைமுறையை மத்திய அரசு முழுமையாக தவிர்த்திட இம்மாநாடு கேட்டுக்கொள்கின்றது.

மத்திய அரசின் அறிவிப்பின்படி 60 கிலோ மீட்டருக்கு ஒரு சுங்கச்சாவடி மட்டுமே என்ற அடிப்படையில் நீக்கப்பட வேண்டிய சுங்கச் சாவடிகளை விரைந்து நீக்கிடவும், ஆண்டு தோறும் சுங்கச்சாவடி கட்டண உயர்வு என்பதை மறு ஆய்வு செய்திடவும், காலாவதி அடைந்த சுங்கச்சாவடிகளை அடையாளம் கண்டு நீக்கிடவும் இம்மாநாடு வலியுறுத்துகின்றது.

மக்கள் புழக்கம் அதிகம் உள்ள இடங்கள், பெண்கள் நடமாடும் மார்க்கெட் பகுதிகள், கோவில்கள், பள்ளி, கல்லூரிகள், வணிக வளாகங்கள் அமைந்துள்ள இடங்களில் இருக்கின்ற டாஸ்மாக் கடைகளை, பொதுமக்கள் நலன்கருதி தமிழக அரசு உடனடியாக அகற்றிட இம்மாநாடு வலியுறுத்துகின்றது.

தமிழக அரசு பிளாஸ்டிக் தடைக்கான உயர்நீதிமன்ற வழக்கில், அரசாணை எண்.37-ன்படி, மறுசுழற்சி இல்லா பிளாஸ்டிக்கை தடை செய்ததை, திரும்பப் பெறுவதற்கான பிரமாண பத்திரம் தாக்கல் செய்திருப்பது ஒருதலைப் பட்சமானது என்பதனால், மறு சுழற்சி செய்யக்கூடிய பிளாஸ்டிக் தடை அரசாணை எண்.84-யும் இயற்கை நீதியின்படி திரும்பப்பெற வேண்டுமென இம்மாநாடு வலியுறுத்துகின்றது.

எம்.எஸ்.எம்.இ பதிவு பெற்ற நிறுவனங்களுக்கு வழங்கப்படும் மின் கட்டண சலுகையினை வணிக நிறுவனங்களுக்கும் அமல்படுத்திடவும், உச்ச நேர மின் பயன்பாட்டுக் கட்டணம் என்பதை முழுமையாக தவிர்த்து ஒரே சீரான சாதாரண மின் கட்டணத்தை முழுநேர பயன்பாட்டுக் கட்டணமாக அறிவித்திடவும் இம்மாநாடு வலியுறுத்துகின்றது.

மேலும் புதிய மின் இணைப்புக்கு கட்டிட முழுமைச்சான்று 8,400 சதுரஅடி வரை உள்ள குடியிருப்பு கட்டிடங்களுக்கு தேவை இல்லை என்று அறிவித்திருப்பதை, குடியிருப்பு மற்றும் வணிக கட்டிடங்களுக்கு தேவையில்லை என்று மாற்றி அறிவித்து புதிய மின் கட்டண இணைப்புக்கு முறைகேடுகளை தவிர்த்திட இம்மாநாடு வலியுறுத்துகின்றது.

விருத்தாச்சலம், துறையூர், ஆரணி, பொள்ளாச்சி ஆகிய நகரங்களை புதிய மாவட்டங்களாக அறிவித்து விருத்தாச்சலம், துறையூர் ஆரணி மற்றும் பொள்ளாச்சி சுற்று வட்டார பகுதி வளர்ச்சிக்கு வழிவகுத்திடுமாறு தமிழக அரசை இம்மாநாடு வலியுறுத்துகின்றது.

இவ்வாறு தீர்மானங்கள் நிறைவேற்றப்பட்டது.

கடலூர்:

பண்ருட்டியில் வணிகர்கள் தினத்தையொட்டி கடைகள் அடைக்க ப்பட்டுள்ளது.

வணிகர்கள் மே 5-ந்தேதியை வணிகர் தினமாக கொண்டாடி வருகின்றனர்.இதையொட்டி ஒவ்வொரு வணிகர் சங்கமும் தங்களது சங்க நிர்வாகிகளை திரட்டி மாநாடு நடத்துகின்றனர்.வியாபாரிகளுக்கு ஏற்படும் இன்னல்கள்,அதை களை வதற்கான ஏற்பாடுகள்கு றித்துஇதில்விரிவாக விவாதிக்கிறார்கள். அது மட்டுமின்றி வியாபாரிகளுக்கு அரசின் சார்பில் என்ன உதவி வேண்டும் என்பது பற்றியும் கோரிக்கை வைக்கின்றனர். இதற்காக பண்ருட்டியில் வியாாரிகள் கடைகளுக்கு விடுமுறை அளித்து மாநாட்டுக்கு செல்கின்றனர். இது தொடர்பாக சங்க செயலாள ர் வீரப்பன் வெளியிட்டுள்ள அறிக்கையில் கூறி இருப்பதாவது:-

வணிகர் சங்கங்களின் பேரமைப்பு மாநிலத் தலைவர் ஏ.எம்.விக்கிர மராஜா முதல்-அமைச்சர் மு.க.ஸ்டாலினை சந்தித்து மாநாட்டுக்கு வருமாறு அழைப்பு விடுத்த நிலையில் அதன்தொடர்ச்சியாக வணிகர்களின் ஒற்றுமையை பறைசாற்றவும் வணிக சகோதரத்தை நிலை நாட்டவும் மே 5-ந்தேதி வணிகர் தினத்தன்று கடைகளுக்கு விடுமுறை அளிக்க கோரிக்கை வைத்தார். அதை ஏற்று வணிக நிறுவனங்களுக்கு 5-ந்தேதி விடுமுறை அளித்து வணிக ஒற்று மையை உணர்த்திட முடிவு எடுக்கப்பட்டுள்ளது.இவ்வாறு அதில் கூறி உள்ளார். மாநாட்டுக்கு செல்லும் வியாபாரிகளின் கடைகள் மூடப்பட்டு இருக்கும் என்று காய்கனி வியாபாரிகள் சங்க தலைவர் சிவா தெரிவித்தார். தமிழ்நாடு வணிகர் சங்கங்களின் பேரவை 40 - வது மாநில மாநாடுஇன்று சென்னை அச்சரப்பாக்கத்தில் நடைபெற உள்ளது.கடைகளுக்கு விடுமுறை அளித்துமாநாட்டுக்கு வரவேண்டும் என்றுமளிகை வியாபாரிகள் சங்க செய லாளர் மோகனகிருஷ்ணன், வணிகர் சங்க பேரவை மாவட்ட செயலாளர் வானவில் ராஜா வேண்டு கோள் விடுத்துள்ளனர்.

ஈரோடு:

தமிழ்நாடு வணிகர் சங்கங்களின் பேரமைப்பு சார்பில் 40-வது வணிகர் தினத்தையொட்டி வணிகர் உரிமை முழக்க மாநாடு இன்று ஈரோடு டெக்ஸ்வேலி மைதானத்தில் தொடங்கியது. மாநாட்டுக்கு மாநிலத்தலைவர் ஏ.எம். விக்கிரமராஜா தலைமை தங்கினார்.

மாநாடு இசை நிகழ்ச்சியுடன் தொடங்கியது. அதைத்தொடர்ந்து வணிகக்கொடி ஏற்றும் விழா நடைபெற்றது. 40-வது மாநாட்டை குறிக்கும் வகையில் 40 அடி உயரத்தில் கொடி கம்பம் அமைக்கப்பட்டிருந்தது.

மாநிலத்தலைவர் விக்கிரமராஜா, மாநில பொதுச்செயலாளர் கோவிந்தராஜுலு, மாநில பொருளாளர் சதக்கத்துல்லா, கோவை மண்டல தலைவர் சூலூர் டி.ஆர்.சந்திரசேகரன் ஆகியோர் வணிகக்கொடியை ஏற்றி வைத்தனர்.

அகில இந்திய வணிகர் சம்மேளனம் தேசிய தலைவர் பி.சி.பார்டியா, தேசிய பொதுச்செயலாளர் பிரவீன் கண்டேல்வால் ஆகியோர் மாநாட்டினை தொடங்கி வைத்தனர். ஈரோடு மாவட்ட தலைவர் சண்முகவேல், மாவட்ட செயலாளர் ராமச்சந்திரன், மாவட்ட பொருளாளர் உதயம் செல்வம் ஆகியோர் முன்னிலை வகித்தனர்.

அதைத் தொடர்ந்து பரதநாட்டிய நிகழ்ச்சி நடைபெற்றது. தொடர்ந்து மாணவர்களுக்கு கல்வி உதவித்தொகை, நலிந்த வணிகர்களுக்கு நலத்திட்ட உதவிகள் வழங்கப்படுகிறது. 39-வது வணிகர் தினம் மாநில மாநாட்டை சிறப்பாக திருச்சியில் நடத்திய நிர்வாகிகள் கவுரவிக்கப்படுகிறார்கள்.

இதனைத்தொடர்ந்து மாநாட்டில் தீர்மானங்கள் நிறைவேற்றப்படுகிறது.

முன்னதாக செய்தித்துறை அமைச்சர் மு.பெ.சாமிநாதன் மாநாட்டு திடலில் அமைந்துள்ள ஷாப்பிங் ஸ்டால்களை நேற்று மாலை திறந்து வைத்தார். தமிழக அனைத்து சிறு, குறு நிறுவனங்கள் தங்களின் நிறுவனப் பொருட்களை காட்சிப்படுத்தும் வகையில் 115-க்கும் மேற்பட்ட ஷாப்பிங் ஸ்டால்களை அமைத்துள்ளன. அந்த ஸ்டால்களை அமைச்சர் சாமிநாதன் பார்வையிட்டார்.

மதுரை

முன்னாள் முதல்-அமைச்சர் ஓ.பன்னீர்செல்வம் இன்று மதுரை வந்தார். அவர் நிருபர்க ளிடம் கூறியதாவது:-

எடப்பாடி பழனிசாமி, நான் அவருக்கு தூது விட்டதாக கூறுவது அண்ட புழுகு, ஆகாச புழுகு. நான் அவருக்கு தூது விடவில்லை. திருச்சியில் நடத்தியது போல வேறு இடங்களிலும் மாநாடு நடத்தப்படும். விரைவில் அடுத்த மாநாடு குறித்த தகவலை வெளியிடுவேன்.

பொதுச்செயலாளர் தேர்வு தொடர்பாக உச்ச நீதிமன்றம் எழுப்பியுள்ள கேள்விக்கு தேர்தல் ஆணையமும், எடப்பாடி பழனிசாமியும் தான் பதில் சொல்ல வேண்டும். அது தொடர்பாக நான் கருத்து கூற முடியாது.

இவ்வாறு அவர் கூறினார்.

முன்னதாக ஓ.பன்னீர் ெசல்வத்தை மாவட்ட செயலாளர்கள் அய்யப்பன் எம்.எல்.ஏ., முன்னாள் எம்.பி.கோபால கிருஷ்ணன், முரு கேசன் மற்றும் மாநில இளைஞரணி வி.ஆர்.ராஜ்மோகன், கனிஷ்கா சிவக்குமார், கருப்பையா, கண்ணன், கிரி, மகாலிங்கம், வி.கே.எஸ்.மாரிச்சாமி, ஊராட்சி தலைவர் முத்தையா, மனோகரன், அர்ஜூனன், ஜெயக்குமார், ராமநாதன் ஆகியோர் வரவேற்றனர்.

சென்னை:

மே 5 வணிகர் தினத்தையொட்டி வணிகர் சங்கங்கள் நாளை மாநாடுகள் நடத்துகின்றன. இதில் தமிழ்நாடு வணிகர் சங்கங்களின் பேரமைப்பு சார்பில் ஈரோட்டில் மாநாடு நடைபெறுகிறது. பேரமைப்பு மாநிலத் தலைவர் ஏ.எம்.விக்கிரமராஜா நடத்தும் இந்த மாநாட்டில் அமைச்சர்கள் முத்துசாமி, செந்தில் பாலாஜி, வெள்ளக் கோவில் சாமிநாதன், பி.மூர்த்தி, மா.சுப்பிரமணியன் ஆகியோர் பங்கேற்று சிறப்புரையாற்றி விருதுகள் வழங்குகிறார்கள்.

பேரமைப்பு மாநில பொதுச் செயலாளர் கோவிந்தராஜூலு வரவேற்புரை நிகழ்த்த மாநில பொருளாளர் ஹாஜி ஏ.எம்.சதக்கத் துல்லா மாநாட்டு தீர்மானங்களை பிரகடனபடுத்தி முன் மொழிந்து பேசுகிறார். வணிகர் உரிமை முழக்க மாநாடாக நடத்தப்படும் இந்த மாநாட்டில் வணிகர்களின் உரிமையை வென்றெடுக்க பேரமைப்பின் கள நிகழ்வினை முன்னிறுத்தும் மாநாடாக இது நடத்தப்படுகிறது. இதில் வெளிநாடு தொழில் முனைவோர்களும் பங்கேற்க உள்ளனர். அகில இந்திய வணிகர் சம்மேளன தேசிய தலைவர் பார்டியா, தேசிய பொதுச் செயலாளர் பிரவீன் கண்டேல்வால் பாராட்டுரை வழங்குகிறார்கள்.

மாநாட்டு திடலில் 20 ஏக்கர் பரப்பளவில் பந்தல் அமைக்கப்பட்டுள்ளதுடன் பஸ், கார், வேன், இரு சக்கர வாகனங்கள் நிறுத்தவும் ஏற்பாடு செய்யப்பட்டு உள்ளது. காலை சிற்றுண்டி, மதிய உணவு, மாலை சிற்றுண்டி என 3 லட்சம் பேருக்கு மாநாட்டில் உணவு வழங்கப்படுகிறது.

மாநாட்டையொட்டி நாளை (5-ந்தேதி) தமிழகத்தில் கடைகள், வணிக வளாகங்கள், மொத்த சில்லரை வணிக நிறுவனங்கள், மார்க்கெட்டுகள், உணவகங்கள், மால்கள் ஆகியவற்றுக்கு விடுமுறை அளிக்கப்படுவதாக தெரிவித்து உள்ளனர். இதையொட்டி இன்று (4-ந்தேதி) மாநாட்டு திடலில் சிறு-குறு நிறுவனங்கள் தங்களது நிறுவன பொருட்களை காட்சிப்படுத்தும் வகையில் 200-க்கும் மேற்பட்ட ஸ்டால்கள் (கண் காட்சி) அமைத்துள்ளன. இதை இன்று மாலை 4 மணிக்கு அமைச்சர் மு.பெ.சாமிநாதன் திறந்து வைக்கிறார்.

ஈரோடு மாவட்டத் தலைவர் சண்முகவேல் தலைமையில் கோவை மண்டலத் தலைவர் சூலூர் சந்திரசேகரன் வணிக கொடியை ஏற்றி வைக்கிறார். சங்க தலைமை செயலாளர் பேராசிரியர் ராஜ்குமார், கே.ஜோதிலிங்கம், ஆம்பூர் கிருஷ்ணன் அமல்ராஜ் உள்ளிட்ட மண்டல தலைவர்கள், வி.பி.மணி, செய்தி தொடர்பாளர் பி.பாண்டியராஜன் உள்பட பலர் மாநாட்டு பணிகளை செய்து வருகின்றனர்.

மதுரை

தமிழ்நாடு வியாபாரிகள் சங்க பேரவையின் மதுரை மண்டல தலைவர் மைக்கேல் ராஜ் வெளியிட்டுள்ள அறிக்கையில் கூறியிருப்பதாவது:-

தமிழ்நாடு வியாபாரிகள் சங்க பேரவை தமிழ்நாடு வியாபாரிகள் சங்க பேரவை சார்பில் 40-வது வணிகர் தின விழாவை முன்னிட்டு வருகிற 5-ந் தேதி சென்னை கிழக்கு கடற்கரை சாலையில் உள்ள வி.ஜி.பி. தங்க கடற்கரையில் சுதேசி விழிப்புணர்வு மாநாடு நடைபெறுகிறது. அன்று காலை 9 மணிக்கு கொடியேற்றுதல் நிகழ்ச்சி நடைபெறுகிறது.

இதில் நான் (மைக்கேல் ராஜ்) தலைமை தாங்குகிறேன். சங்கத்தின் பல்வேறு நிர்வாகிகள் முன்னிலை வகிக்கிறார்கள். மாநில தலைவர் முத்துக்குமார் கொடியேற்றி வைத்து சிறப்புரையாற்றுகிறார். தொடர்ந்து காலை 9.30 மணிக்கு கலைநிகழ்ச்சி நடக்கிறது.

அதனை தொடர்ந்து சுதேசி விழிப்புணர்வு மாநாடு கூட்டம் நடைபெறுகிறது. இதில் முன்னாள் முதல்-அமைச்சர் எடப்பாடி பழனிசாமி சிறப்புரையாற்றுகிறார். த.மா.கா. தலைவர் ஜி.கே.வாசன் நலத்திட்ட உதவிகளை வழங்கி பேசுகிறார்.

இதில் பல்வேறு அரசியல் கட்சி தலைவர்கள் கலந்து கொள்கிறார்கள். சென்னையில் நடக்கும் இந்த மாநாட்டில் மதுரை மண்டலத்தின் சார்பில் நிர்வாகிகள் சூசை அந்தோணி, தங்கராஜ், சில்வர் சிவா, குட்டி என்ற அந்தோணி ராஜ், ஸ்வீட் ராஜன், ஜெயக்குமார், தேனப்பன், வக்கீல் கண்ணன், , சுருளி, ஆன்ந்த், அப்பாஸ், ராமர், கரன்சிங், வாசுதேவன், மூங்கில் கடை ரவி, பிச்சைப்பழம், சரவணன் உள்ளிட்ட பலர் கலந்து கொள்கிறார்கள்.

மதுரை மண்டலத்தில் இருந்து தமிழ்நாடு வியாபாரிகள் சங்க பேரவையினர் கார், வேன்கள் மூலம் மாநாட்டில் திரளாக பங்கேற்க வேண்டும் என கேட்டுக்கொள்கிறேன்.

இவ்வாறு அதில் குறிப்பிட்டிருந்தார்.