சீர்காழி:

மயிலாடுதுறை மாவட்டம் சீர்காழியில் போக்குவரத்து துறை, மோட்டார் வாகன ஆய்வாளர் அலுவலகம் சார்பில் ஹெல்மெட் விழிப்புணர்வு பேரணி நடைபெற்றது.

சீர்காழி ஆர்டிஓ அர்ச்சனா, பைக் ஓட்டுனர்களுக்கு ஹெல்மெட் அணிவதின் அவசியம் குறித்து,

நடந்த விழிப்புணர்வு பேரணியை கொடி அசைத்து துவக்கி வைத்தார்.

பின்னர் வாகன ஓட்டுனர்களுக்கு துண்டு பிரசுரங்களை வழங்கி பேசினார்.

மயிலாடுதுறை வட்டார போக்குவரத்து அலுவலர் நாகராஜன், ,சீர்காழி மோட்டார் வாகன இன்ஸ்பெக்டர் விஸ்வநாதன், சீர்காழி காவல் இன்ஸ்பெ க்டர் சிவகுமார், தாசில்தார் செந்தில்குமார் கலந்து கொண்டு பேசினர்.

100க்கும் மேற்பட்ட ஹெல்மெட் அணிந்த பைக் ஓட்டிகள் சீர்காழி புதிய பேருந்து நிலையத்தில் இருந்து புறப்பட்டு கொள்ளிடம் முக்கூட்டு, ரயில் நிலையம் பழைய பேருந்து நிலையம் வழியாக மீண்டும் புதிய பேருந்து நிலையத்தில் முடிவுற்றது.

இந்த பேரணியில் 100க்கும் மேற்பட்ட நபர்கள் ஹெல்மெட் அணிந்து பொதுமக்களுக்கு விழிப்புணர்வு ஏற்படுத்தினர்.

இதில் ஓட்டுனர் பயிற்சிப் பள்ளியை சேர்ந்த, வீரபா ண்டியன், முத்து, ஜெயா, மற்றும் ராஜா பங்கேற்றனர்

நாகப்பட்டினம்:

நாகப்பட்டினம் மாவட்டம் பொது சுகாதார மற்றும் நோய் தடுப்பு மருந்து துறை துணை இயக்குனர் சுகாதார பணிகள் விஜயகுமார் உத்தரவின் பேரில் பொரவாச்சேரி ஆண்டவர் நர்சிங் கல்லூரியில் தேசிய டெங்கு தினம் மே 16 கடைபிடிக்கப்பட்டது.

மாவட்ட கொள்ளை நோய் தடுப்பு அதிகாரி மரு. லியாக்கத் அலி மாவட்ட நல கல்வி அலுவலர் மணவாளன் துணை இயக்குநர் சுகாதாரப் பணிகள் நேர்முக உதவியாளர் கோகுல்நாதன் வட்டார சுகாதார மேற்பா ர்வையாளர் பொறுப்பு செந்தில்குமார் ஆண்டவர் கல்லூரியின் தாளாளர் நடராஜன் மக்களை தேடி மருத்துவ திட்டத்தில் பணிபுரியும் சுகாதார ஆய்வாளர்கள் களப்பணி உதவியாளர்கள் டெங்கு காய்ச்சல் கொசுப்புழு ஒழிப்பு பணியாளர்கள் ஆகியோர் கலந்து கொண்டனர்.

இந்நிகழ்வில் கல்லூரியில் பயிலும் இருநூறுக்கும் மேற்பட்ட மாணவிகள் கலந்து கொண்டு பேரணி சென்றனர் கல்லூரி மாணவிகளுக்கு டெங்கு பற்றிய விழிப்புணர்வு நலக்கல்வி அளிக்கப்பட்டது மேலும் டெங்கு பற்றிய சுகாதார உறுதிமொழியை சுகாதார ஆய்வாளர் மணிமாறன் வாசித்தார்.

முடிவில் வடுகச்சேரி அரசு ஆரம்ப சுகாதார நிலையசுகாதார ஆய்வாளர் சுத்தானந்த கணேஷ் நன்றி கூறினார்.

நாகப்பட்டினம்:

நாகை அடுத்த ஆழியூரில் மனசாட்சி நட்புகரங்கள் அறக்கட்டளையின் மாதாந்திர சிறப்பு கலந்தாய்வு கூட்டம், புதிய உறுப்பி னர்களின் அறிமுக கூட்டம் மற்றும் இஸ்தரி பெட்டி வழங்கும் நிகழ்ச்சி நடைபெற்றது.

நிகழ்ச்சியில் மாற்றுத்தி றனாளிகள் நலச்சேவை பிரிவின் நாகை மாவட்ட ஒருங்கிணைப்பாளர் ஆழியூர். ஹாஜா மைதீன் தலைமை தாங்கினார்.

மாநில ஒருங்கி ணைப்பா ளர்கள் முருகையன், பொ ருள்வை கண்ணுவாப்பா, ஜெம்பு கேசன், செல்வராஜ், பாலசுப்பிரமணியன், நாகை மாவட்ட ஒருங்கிணைப்பா ளர் வீராசாமி மற்றும் நாகை, திருவாரூர், காரைக்கால் மாவட்ட செய்தி தொடர்பாளர் சம்பத்குமார் ஆகியோர் முன்னிலை வகித்தனர்.

சிறப்பு அழைப்பாள ர்களாக நிறுவன தலைவர் சம்பத்குமார், தலைமை ஒருங்கிணைப்பாளர் பாலமுரளி, தலைமை சட்ட ஆலோசகர் வக்கீல் வைரவநாதன் கலந்து கொண்டனர்.

இதில் வறுமையில் வசித்து வரும் மஞ்சக்கொல்லை கிராமத்தை சேர்ந்த தொழிலாளி பிச்சை என்பவருக்கு சுமார் 6.500 கிலோ எடையுள்ள இஸ்தரி பெட்டி வழங்கப்பட்டது.

அதன் மூலம் அவர் தொழில் செய்ய வழிவகை செய்து கொடுக்கப்பட்டுள்ளது.

எம்.என்.கே. டிரஸ்டின் பொது சேவைகள் குறித்து அறிந்து புதிதாக 15-க்கும் மேற்பட்ட உறுப்பினர்கள் டிரஸ்டில் இணைந்தனர். புதிதாக இணைந்தவர்கள் சால்வை அணிவித்து கவுரவிக்கப்பட்டனர்.

முன்னதாக தலைமை ஒருங்கிணைப்பாளர் பாலமுரளி வரவேற்றார்.

முடிவில் மாநில ஒருங்கிணைப்பாளர் (பொது) பொருள்வை கண்ணுவாப்பா நன்றி கூறினார்.

இதில் ஜெயினுதின் உள்பட 50-க்கும் மேற்பட்டவர்கள் கலந்து கொண்டனர்.

தஞ்சாவூர்:

தஞ்சாவூர் மாவட்டம் வண்ணாரப்பேட்டை ஊராட்சியில் உள்ள முதலைமுத்து வாரியில் தூர்வாரும் பணியை இன்று மாவட்ட கலெக்டர் தினேஷ் பொன்ராஜ் ஆலிவர் நேரில் சென்று பார்வையிட்டு ஆய்வு செய்தார்.

அப்போது அவர் கூறியதாவது :-

2023-24-ம் ஆண்டு காவிரி டெல்டா மாவட்ட ங்களில் ஆறுகள், கால்வா ய்கள், வாய்க்கால்கள் மற்றும் வடிகால்களில் 691 பணிகள் 4773.13 கி.மீ நீளத்திற்கு ரூ.90.00 கோடி மதிப்பீட்டில் தூர்வாரும் பணிகள் மேற்கொள்ள அரசாணை வழங்கப்பட்டு உள்ளது.

தஞ்சாவூர் மாவட்டத்தில் உள்ள ஆறுகள், கால்வா ய்கள், வாய்க்கால்கள், வடிகால்கள் மற்றும் ஏரிகள் ஆகியவற்றில் 189 பணிகள்.

1068.45 கி.மீ நீளத்திற்கு ரூ.2045.51 லட்சம் மதிப்பீட்டிற்கு ஒப்பளிக்க ப்பட்டதை தொடர்ந்து, ஏப்ரல் 27ஆம் தேதி அன்று நீர்வளத்துறை அமைச்சர் தஞ்சாவூர் மாவட்டம், பூதலூர் வட்டம், ஆனந்தக்காவிரி வாய்க்கால் தூர்வாரும் பணியை தொடக்கி வைத்தார்.

மேற்காணும் தூர்வாரும் பணிகள் கீழ்காவிரி வடிநில வட்டத்தைச் சார்ந்த கோட்டங்களான காவிரி வடிநிலக் கோட்டம். தஞ்சாவூர், காவிரி வடிநிலக் கோட்டம், (கிழக்கு) மயிலாடுதுறை, வெண்ணாறு வடிநிலக் கோட்டம், தஞ்சா வூர், கல்லணைக்கால்வாய் கோட்டம், தஞ்சாவூர் அக்னியாறு வடிநிலக் கோட்டம், பட்டுக்கோட்டை மற்றும் திருச்சி, நடுக்காவிரி வடிநில வட்டத்தை சார்ந்த திருச்சி, ஆற்றுப்பாதுகாப்பு கோட்டங்களின் வாயிலாக மேற்கொள்ளப்பட்டு வருகிறது.

மேலும் அ l பிரிவு வாய்க்கால்கள் தூர்வாரும் பணி 31.05.2023 மற்றும் "ஆ" பிரிவு வாய்க்கால்கள் 10.06.2023க்குள் முடிக்க திட்டமிடப்பட்டுள்ளது.

தஞ்சாவூர் மாவட்டத்தில் 189 தூர்வாரும் பணி பணிகளில் பணிகள் 3 முடிக்கப்பட்டுள்ளது. மீதமுள்ள பணிகள் முன்னேற்றத்தில் உள்ளன.

ஆறுகள், கால்வாய்கள். வாய்க்கால்கள், வடிகால்கள் மற்றும் எரிகள் ஆகியவற்றில் தூர்வாரும் பணிகள் மேற்கொள்ளப்படுவதால் டெல்டா பாசனத்திற்காக மேட்டூர் அணையிலிருந்து திறந்து விடப்படும் தண்ணீர் கடைமடை வரை சென்றடையும். மேலும், மழை பெய்தால் தங்குதடையின்றி விரைவாக மற்றும் வெள்ளக்கா லங்களில் வயல்வெளிகளில் தேங்கும் நீரானது விரைவில் வடிந்து பயிர் சேதும் ஏற்படாமல் பாதுகாக்க ப்படும்.

இவ்வாறு அவர் கூறினார்.

இந்த ஆய்வின்போது பொதுப்பணி செயற்பொறியாளர் இளங்கோ காவேரி, மதன சுதாகர், (வெண்ணாறு) பவளக்கண்ணன், (கல்லணை கால்வாய் ) உதவி செயற்பொறியாளர் சிவகுமார், மலர்விழி, சபரிநாதன், ரேவதி சேந்தன் மற்றும் அரசு அலுவலர்கள் உடன் இருந்தனர்.

தஞ்சாவூர்:

தஞ்சாவூர் மேலவீதியில் அமைந்துள்ள விஜயராமர் கோவில் தஞ்சாவூர் அரண்மனை தேவஸ்தானத்தை சார்ந்த 88 கோவில்களில் ஒன்றாக திகழ்கிறது. இக்கோவிலில் ராமநவமி , வைகுண்ட ஏகாதசி , புரட்டாசி மாதம் சனிக்கிழமைகளில் ஆயிரக்கணக்கான பக்தர்கள் விஜய ராமரை தரிசனம் செய்வதை வழக்கமாகக் கொண்டுள்ளனர்.

இந்த கோவிலில் ஆண்டு தோறும் வைகாசி பிரமோற்சவம் 9 நாட்கள் நடைபெறும். இவ்வாண்டு இன்று (செவ்வாய்கிழமை) முதல் வரும் 24-ம்தேதி வரை வைகாசி பிரமோற்சவம் விழா நடைபெறுகிறது.

வைகாசி பிரமோற்சவம் விழாவை முன்னிட்டு முதல் நாளான இன்று காலை 9 மணிக்கு கொடியேற்றம் நடைபெற்றது. உற்சவர் சிறப்பு அலங்காரத்தில் கொடிமரம் முன்பு எழுந்தருளி பக்தர்களுக்கு காட்சி அளித்தார்.

வைகாசி பிரமோற்சவம் நடைபெறும் நாட்களில் காலை 8 மணிக்கு சிறப்பு திருமஞ்சனம் மற்றும் சிறப்பு அலங்காரம் தீபாராதனை நடைபெறும். மாலை 6.30மணிக்கு சிறப்பு அலங்காரத்தில் சுவாமி புறப்பாடு நான்கு ராஜ வீதிகளிலும் நடைபெறும்.

இன்று அன்னப் பட்சி வாகனமும், நாளை சிம்ம வாகனம், 18-ம்தேதி அனுமந்த வாகனம், 19-ம்தேதி சேஷ வாகனம், 20-ம்தேதி கருட சேவையும். 21-ம்தேதி யானை வாகனமும், 22-ம்தேதி திருக்கல்யா ணமும் , 23-ம்தேதி குதிரை வாகனமும் ,24-ம்தேதி திருத்தேரும் நடைபெறுகிறது.

இவ்விழாவிற்கான ஏற்பாடுகளை தஞ்சாவூர் அரண்மனை தேவஸ்தானம் பரம்பரை அறங்காவலர் பாபாஜி ராஜா பான்ஸ்லே, உதவி ஆணையர் கவிதா, கோவில் செயல் அலுவலர் மாதவன் மற்றும் உபயதா ரர்கள் செய்து வருகின்றனர்.

தஞ்சாவூர்:

தஞ்சாவூர் வருவாய் கோட்டாட்சியர் (பொ) பழனிவேல் வெளியிட்டுள்ள செய்திகுறிப்பில் கூறியிருப்பதாவது:-

தஞ்சாவூர் கோட்டத்திற்குட்பட்ட கோட்ட அளவிலான விவசாயிகள் குறைதீர்க்கும் நாள் கூட்டம் வருகிற 24-ந்தேதி (புதன்கிழமை) காலை 10.30 மணியளவில் தஞ்சாவூர் வருவாய் கோட்ட அலுவலகத்தில் நடைபெற உள்ளது.

எனவே, தஞ்சாவூர் கோட்டத்திற்குட்பட்ட தஞ்சாவூர், திருவையாறு, பூதலூர் மற்றும் ஒரத்தநாடு வட்ட விவசாயிகள் கூட்டத்தில் கலந்து கொண்டு பயன்பெறலாம்.

இவ்வாறு அதில் கூறப்பட்டுள்ளது.

தஞ்சாவூர்:

தஞ்சாவூர் மாவட்ட பிரிவு தமிழ்நாடு விளையாட்டு மேம்பாட்டு ஆணைய மாவட்ட அளவிலான கோடைகால பயிற்சி முகாம் நிறைவு நாள் நிகழ்ச்சி அன்னை சத்யா விளையாட்டு அரங்கில் இன்று நடைபெற்றது.

இந்த நிகழ்ச்சியில் எஸ். எஸ். பழநிமாணிக்கம் எம்.பி. கலந்து கொண்டு விளையாட்டு வீராங்கனை களுக்கு சான்றிதழ் வழங்கினார்.

இந்த கோடைகால பயிற்சி முகாமானது கடந்த மே 2-ம் தேதி தொடங்கி இன்று வரை நடைபெற்றது. இந்த பயிற்சியில் வாலிபால், தடகளம், கூடைபந்து ஆகிய போட்டிகளுக்கு பயிற்சி வழங்கப்பட்டது.

இதில் பங்கு பெற்ற விளையாட்டு வீரர்களிடம் அவர்கள் கற்றுக் கொண்டது மற்றும் அவர்களுக்கு வழங்கப்பட்ட உணவு பொருட்கள் குறித்து எஸ்.எஸ்.பழனிமாணிக்கம் எம்.பி. கேட்டறிந்தார்.

இந்த நிகழ்ச்சியில் மாவட்ட விளையாட்டு மற்றும் இளைஞர் நலன் அலுவலர் டேவிட் டேனியல், மாவட்ட ஹாக்கி கழக செயலாளர் ராஜ்குமார், மாவட்ட உடற்கல்வி ஆய்வாளர் கற்பகம், வாலிபால் மண்டல முதுநிலை மேலாளர் காந்தி மற்றும் வீராங்கனைகள் பங்கேற்றனர்.

தஞ்சாவூர்:

இந்திய மல்யுத்த வீராங்க னைகளுக்கு பாலியல் தொல்லை கொடுத்த புகாரில் சிக்கியுள்ள அகில இந்திய மல்யுத்த சம்மேளனத்தின் தலைவரும், பா.ஜ.க எம்.பி.யுமான பிரிட்ஜ் பூசன் சரண்சிங் கைது செய்ய வலியுறுத்தி தஞ்சாவூர் தலைமை தபால் நிலையம் முன்பு இந்திய மாதர் தேசிய சம்மேளனம், அனைத்திந்திய இளைஞர் பெருமன்றம் சார்பில் ஆர்ப்பாட்டம் நடை பெற்றது. மாதர் சங்க மாவட்ட செயலாளர் விஜயலட்சுமி, இளைஞர் பெருமன்ற மாவட்ட செயலாளர் காரல்மார்க்ஸ் ஆகியோர் தலைமை வகித்தனர்.

இந்திய கம்யூனிஸ்ட் கட்சி மாவட்ட செயலாளர் முத்து உத்திராபதி ஆர்ப்பா ட்த்தி னை தொடக்கி வைத்து உரையாற்றினார்.

ஏ.ஐ.டி.யூ.சி தேசிய நிர்வாக குழு உறுப்பினர் சந்திரகுமார் ஆர்ப்பா ட்டத்தை முடித்து வைத்து பேசினார்.

கோரிக்கைகளை விளக்கி கட்சி மாவட்ட நிர்வாக குழு உறுப்பினர் சேவையா, மாதர் சங்க மாவட்ட தலைவர் தனசீலி ஆகியோர் பேசினர். ஆர்ப்பாட்டத்தில் இந்திய மாதர் தேசிய சம்மேளன நிர்வாகிகள் ராஜலெட்சுமி, மீனா, சந்திரகலா, பானுமதி, சிலம்பரசி, இளைஞர் பெருமன்ற நிர்வாகிகள் பிரகாஷ், சந்தோஷ், அருள்மொழி ஈசுவரன், கம்யூனிஸ்ட் கட்சி மாநகர செயலாளர் பிரபாகர், துணை செயலாளர் முத்துக்குமரன், மூத்த தலைவர் கிருஷ்ணன், மாவட்ட குழு உறுப்பினர் குணசேகரன், ஏஐடியூசி மாவட்ட செயலாளர் துரை.மதிவாணன், ஆசிரியர் ஓய்வு சுந்தரமூர்த்தி உள்ளிட்ட பலர் கலந்து கொண்டனர்.

திருவாரூர்:

திருவாரூர் வருவாய் கோட்டாட்சியர் சங்கீதா வெளியிட்டுள்ள செய்திக்குறிப்பில் கூறியிருப்பதாவது:-

திருவாரூர் கோட்டத்தில் மாதந்தோறும் விவசாயிகள் குறைதீர்க்கும் கூட்டம் நடக்கிறது.

அதன்படி வருகிற 18-ந் தேதி (வியாழக்கிழமை) மாலை 4 மணியளவில் திருவாரூர் வருவாய் கோட்ட அலுவலகத்தில் விவசாயிகள் குறைதீர்க்கும் கூட்டம் நடக்கிறது.

இதில் திருவாரூர் வருவாய் கோட்டத்தில் உள்ள விவசாயிகள் கலந்து கொண்டு தங்கள் குறைகளை தெரிவிக்கலாம்.

இவ்வாறு அதில் கூறப்பட்டுள்ளது.

திருவாரூர்:

திருவாரூர் மாவட்டம், திருமக்கோட்டை அருகே மகாராஜபுரத்தில் திரவுபதி அம்மன் கோவில் உள்ளது. இக்கோவிலில் சித்திரை திருவிழா கொடியேற்றத்துடன் தொடங்கி நடைபெற்று வருகிறது.

இதில் அரவான் களப்பலி, அர்ஜுனன் தபசு, சக்தி கிரகம், பீமன் சபதம், திரவுபதி கூந்தல் முடிப்பு போன்ற நிகழ்ச்சிகள் நடைபெற்று திருக்கல்யாணம் நடந்தது.

முன்னதாக அம்மனுக்கு பால், பன்னீர், இளநீர், சந்தனம், திரவியப்பொடி உள்ளிட்ட பொருட்களால் அபிஷேக ஆராதனை நடந்தது. பின்னர் அம்மன் வண்ண மலர்களால் அலங்கரிக்கப்பட்டு தீபாராதனை காண்பிக்கப்பட்டது. தொடர்ந்து விழாவின் முக்கிய நிகழ்ச்சியான தீமிதி திருவிழா நேற்று நடந்தது.

இதில் அம்மனுக்கு விரதம் இருந்த நூற்றுக்கணக்கான பக்தர்கள் தீக்குண்டத்தில் இறங்கி தங்களது நேர்த்திக்கடனை அம்மனுக்கு செலுத்தினர்.

நிகழ்ச்சி ஏற்பாடுகளை மகாராஜபுரம் கிராமமக்கள் செய்திருந்தனர். முன்னதாக பாதுகாப்பு ஏற்பாடுகளை திருமக்கோட்டை போலீசார் செய்திருந்தனர்.

வேதாரண்யம்:

வேதாரண்யம் அருகே வேட்டைக்காரனிருப்பு தெற்கு சல்லிக்குளம் பகுதியை சேர்ந்தவர் ஜீவானந்தம். விவசாயி.

இவருடைய மனைவி காந்திமதி (வயது54).

இவர் நேற்று வீட்டில் இருந்தபோது காலில் கட்டு விரியன் பாம்பு கடித்து விட்டது. இதையடுத்து அவரை அக்கம்பக்கத்தில் இருந்தவர்கள் மீட்டு வேதாரண்யம் அரசு ஆஸ்பத்திரிக்கு கொண்டு சென்றனர்.

அங்கு டாக்டர்கள் பரிசோதனை செய்து பார்த்ததில் காந்திமதி இறந்து விட்டது தெரியவந்தது. இதுகுறித்து வேட்டைக்காரனிருப்பு போலீஸ் இன்ஸ்பெக்டர் (பொறுப்பு) ராதாகிருஷ்ணன் மற்றும் போலீசார் வழக்குப்பதிவு செய்து விசாரணை நடத்தி வருகிறார்கள்.

மெலட்டூர்:

தஞ்சாவூர் மாவட்டம் பாபநாசம் அருகே உள்ள கபிஸ்தலத்தில் மறைந்த முன்னாள் வேளாண்மை துறை அமைச்சர் துரைக்கண்ணு உருவ சிலை திறப்புவிழா முன்னாள் அமைச்சர் இரா.காமராஜ் எம்.எல்.ஏ. தலைமையில் நடைபெற்றது.

இதில் முன்னாள் முதல்வரும், அ.தி.மு.க பொதுச் செயலாளருமான எடப்பாடி பழனிச்சாமி கலந்து கொண்டு முன்னாள் அமைச்சர் துரைக்கண்ணு உருவ சிலையை திறந்து வைத்தார்.

அப்போது அவர் பேசியதாவது:-

மறைந்த முன்னாள் அமைச்சர் துரைக்கண்ணு எளிமையாக வாழ்ந்தவர். அனைத்து தரப்பு மக்களிடமும் எளிமையாக அணுக கூடியவர்.

தனக்காக எந்த சிபாரிசும், உதவியும் அவர் கேட்டதில்லை. தனது தொகுதி மக்களுக்கான நியாயமான சிபாரிசுகளை மட்டுமே அவர் அமைச்சராக இருக்கும் போது என்னிடம் கேட்பார்.

மேலும் அவர் இந்த பகுதி மக்களுக்காக ஆற்றிய பணிகள் ஏராளம். முன்னாள் அமைச்சர் துரைக்கண்ணு சிலையை திறப்பதற்கு தடையை ஏற்படுத்தியவர் தான் வைத்தியலிங்கம்.

தற்போது அவருடைய சிலையை மக்களின் பேராதரவோடும், அ.தி.மு.க.வின் தொண்டர்கள் ஆதரவோடும் திறந்து வைத்துள்ளேன்.

பாபநாசம் தொகுதியை பொறுத்தவரை ஒரு தொண்டனாக இருக்க வேண்டுமென நினைத்தவர் தான் துரைக்கண்ணு . அவர் வேளாண்துறை அமைச்சராக இருந்தபோது பல்வேறு சாதனைகளை புரிந்தவர்.

விவசாய குடும்பத்தில் பிறந்தவராக இருந்ததால், விவசாயிகள் குறைகளை ஜெயலலிதாவிடம் பேசி உடனடியாக தீர்வு கண்டவர்.

அவரது சிலையை திறந்து வைப்பதை பாக்கியமாக கருதுகிறேன். இவ்வாறு அவர் பேசினார்.

முடிவில் இளைஞர் இளம்பெண்கள் மாவட்ட செயலாளர் துரை.சண்முகபிரபு நன்றி கூறினார்.

முன்னதாக கபிஸ்தலம் வந்த எடப்பாடி பழனிச்சா மிக்கு மறைந்த இரா.துரைக்கண்ணு குடும்பத்தினர், அ.தி.மு.க கட்சி நிர்வாகிகள் சார்பில் கேரளா செண்டை மேளம் முழங்க கதக்களி நடனம், மயிலாட்ட்டம், ஒயிலாட்டம், தாரை, தப்பட்டைகள் அடித்தும் சிறப்பான வரவேற்பு அளித்தனர்.

விழாவில் , முன்னாள்,அமைச்சர்கள் தமிழ்மகன் உசேன், முனுசாமி, வேலுமணி, சீனிவாசன், விஜயபாஸ்கர், ஓஎஸ்.மணியன், முன்னாள் எம்.பி பாரதிமோகன், முன்னாள் எம்.எல்.ஏ.க்கள் ராமநாதன், தவமணி, இளமதி சுப்ரமணியன், ஒன்றிய செயலாளர்கள் பழனிச்சாமி, ஓ.ஏ.ராமச்ச ந்திரன், கோபிநாதன், எம்.ஜி.ஆர் இளைஞரணி சதீஷ்குமார், பொதுக்குழு உறுப்பினர் மோகன், முன்னாள் மயிலாடுதுறை தொகுதி எம்.பி. ஆர். கே. பாரதி மோகன், கும்பகோணம் ஒன்றிய கழகச் செயலாளரும் நிலவள வங்கி தலைவருமான சோழபுரம் அறிவழகன், திருவிடைமருதூர் வடக்கு ஒன்றிய செயலாளரும் முன்னாள் திருவிடைமருதூர் ஒன்றிய பெருந்தலை வருமான ஏ.வி.கே அசோக்குமார், திருப்பன ந்தாள் வடக்கு ஒன்றிய செயலாளர் கருணாநிதி, திருவிடைமருதூர் தெற்கு ஒன்றிய செயலாளர் முத்துகிருஷ்ணன், ஒன்றிய கவுன்சிலர் சுப்பு அறிவழகன், மாவட்ட வழக்கறிஞர் பிரிவு தலைவர் பாலமுருகன், ஒன்றிய தகவல் தொழில்நுட்ப பிரிவு பொருளாளர் ரகுவரன் , சாக்கோட்டை சபேசன் என்கிற சத்தியநாதன் உள்பட ஏராளமானோர் கலந்து கொண்டனர். விழா ஏற்பாடுகளை பானுமதி துரைக்கண்ணு, துரை.சண்முகபிரபு மற்றும் அ.தி.மு.க நிர்வாகிகள் செய்து இருந்தனர்.