உள்ளூர் செய்திகள் (District)
- இலவச மருத்துவ முகாம் நடைபெற்றது
- 100க்கும் மேற்பட்ட பொதுமக்கள் பயன் பெற்றனர்.
பெரம்பலூர்:
பெரம்பலூர் மாவட்டம், ஆலத்தூர் வட்டம், செட்டிகுளம் அரசு மேல்நிலைப் பள்ளியில் தமிழக முதல்வரின் விரிவான மருத்துவக் காப்பீட்டுத் திட்டத்தின் கீழ் திருச்சி அட்லஸ் மருத்துவமனை, செட்டிகுளம் லயன்ஸ் சங்கம் சார்பில் இலவச மருத்துவ முகாமை நடைபெற்றது. முகாமை செட்டிகுளம் ஊராட்சி மன்ற தலைவர் கலாதங்கராசு,ஒன்றியக்குழு உறுப்பினர் திருநாவுக்கரசு ஆகியோர் தொடங்கி வைத்தனர்.
இந்த முகாமில் செட்டிகுளம்,பொம்மனப்பாடி,சத்திரமனை, நாட்டார்மங்கலம் கூத்தனூர் ஆலத்தூர்கேட் உள்ளிட்ட பல்வேறு கிராமங்களில் இருந்து100க்கும் மேற்பட்ட பொதுமக்கள் கலந்து கொண்டு பயன் பெற்றனர்.