லைவ் அப்டேட்ஸ்- வயநாட்டு முகாமில் உள்ளவர்களுக்கு பிரதமர் மோடி ஆறுதல்
- வயநாடு நிலச்சரிவில் 400-க்கும் மேற்பட்டோர் பலியானார்கள்.
- வயநாட்டில் மீட்புப் பணி இன்னும் நடைபெற்று வருகிறது.
கேரள மாநிலம் வயநாடு, சூரல் மலை, முண்டகை, பூஞ்சிரித்தோடு, அட்டமலை ஆகிய இடங்களில் கடந்த மாதம் 30-ம் தேதி அதிகாலையில் நிலச்சரிவு ஏற்பட்டது. இதில் 400-க்கும் மேற்பட்டோர் பலியானார்கள். பலர் மாயமாகிவிட்டனர். மீட்புப் பணி இன்னும் நடைபெற்று வருகிறது.
பாதிக்கப்பட்ட பகுதிகளுக்கு மக்களவை எதிர்க்கட்சி தலைவர் ராகுல்காந்தி, பிரியங்கா காந்தி, கேரள முதல்-மந்திரி பினராயி விஜயன், மத்திய மந்திரி சுரேஷ் கோபி உள்பட பலர் சென்று, பாதிக்கப்பட்ட மக்களை சந்தித்து ஆறுதல் கூறினர்.
இந்த நிலையில் வயநாடு நிலச்சரிவு பாதிப்புகளை பார்வையிடுவதற்காக பிரதமர் மோடி இன்று கேரளா சென்றடைந்தார்.
வயநாடு நிலச்சரிவு பாதிப்புகளை ஆய்வு செய்த பிரதமர் மோடி, மீட்புப்பணி தொடர்பான ஆய்வுக் கூட்டம் அவரது தலைமையில் நடைபெற்றது.
வயநாடு நிலச்சரிவில் பாதிக்கப்பட்டுள்ள மக்கள் பள்ளி முகாமில் தங்கவைப்பட்டுள்ளனர். அங்கு சென்ற பிரதமர் மோடி கண்கலங்கி நின்ற பாதிக்கப்பட்ட மக்களின் கைகளை பிடித்து ஆறுதல் கூறினார்.
நிலச்சரிவின் கோரத்தால் முண்டகை கிராமம் எவ்வாறு உருக்குலைந்துள்ளது என அதிகாரிகள் விளக்கி கூறினர்.
முண்டகை கிராமத்தில் ராணுவத்தால் அமைக்கப்பட்ட தற்காலிக பாலத்தில் சென்று பிரதமர் மோடி ஆய்வு மேற்கொள்கிறார்.
நிலச்சரிவால் பாதிக்கப்பட்ட முண்டகை கிராமத்தில் பிரதமர் மோடி ஆய்வு மேற்கொண்டு வருகிறார்.
ராணுவ அதிகாரிகள் நிலச்சரிவின் கோரம் குறித்து பிரதமர் மோடியிடம் விளக்கி வருகின்றனர்.
பிரதமருடன் இணைந்து கேரள கவர்னர் ஆரிப்கானும் ஆய்வு மேற்கொண்டு வருகிறார். ஆய்வின்போது மத்திய அமைச்சர் சுரேஷ் கோபி உடன் இருந்தார்.
நிலச்சரிவால் பாதிக்கப்பட்ட சூரல்மலையில் பிரதமர் மோடி நேரடியாக சென்று ஆய்வு மேற்கொண்டு வருகிறார்.
வயநாட்டில் புஞ்சிரிமட்டம், முண்டகை, சூரல்மலை ஆகிய பகுதிகளை பிரதமர் மோடி பார்வையிட்டார்.
ஹெலிகாப்டர் மூலமாக பிரதமர் மோடி ஆய்வு மேற்கொண்டபோது இருவழிஞ்சி புழா (ஆறு) பிறப்பிடமாக இருக்கும் பகுதியில் ஏற்பட்டுள்ள நிலச்சரிவை பார்வையிட்டார்.