புரோ கபடி லீக்: தெலுங்கு டைட்டன்சுக்கு அதிர்ச்சி அளித்த உ.பி. யோதாஸ்

புனே:

11-வது புரோ கபடி லீக் தொடர் கடந்த அக்டோபர் 18-ம் தேதி ஐதராபாத்தில் தொடங்கியது. இந்த தொடரின் இரண்டாம் கட்ட லீக் ஆட்டங்கள் உத்தர பிரதேசத்தின் நொய்டாவில் நடைபெற்றது.

புரோ கபடி லீக்கின் மூன்றாம் கட்ட லீக் ஆட்டங்கள் மகாராஷ்டிராவின் புனே நகரில் நடந்து வருகிறது.

இதில், இன்று இரவு 8 மணிக்கு நடைபெற்ற முதல் ஆட்டத்தில் உ.பி. யோதாஸ், தெலுங்கு டைட்டன்ஸ் அணிகள் மோதின. இதில் இரு அணியினரும் சிறப்பாக ஆடினர்.

இறுதியில் உ.பி. யோதாஸ் அணி 36-33 என தெலுங்கு டைட்டன்ஸ் அணியை வீழ்த்தி 8வது வெற்றியைப் பதிவு செய்ததுடன் புள்ளிப் பட்டியலில் 5வது இடத்துக்கு முன்னேறியது.