இந்தியா

சென்னை:

சென்னை மீனம்பாக்கம் விமான நிலையத்தில் கடந்த 7-ந்தேதி பா.ஜ.க ஒருங்கிணைப்பு குழு தலைவர் எச்.ராஜா நிருபர்களுக்கு பேட்டி அளித்தார். அப்போது அவர், த.மு.மு.க. தலைவர் ஜவாஹிருல்லா, திருமாவளவன் ஆகியோர் தேசிய விரோதிகள். அவர்கள் 2 பேரையும் கண்காணிக்க வேண்டும் என கூறியதாக தெரிகிறது.

இந்த நிலையில் வன்முறையை தூண்டும் விதமாக பேசிய எச்.ராஜா மீது நடவடிக்கை எடுக்க வேண்டும் என மனிதநேய மக்கள் கட்சியின் சார்பில் சென்னை விமான நிலைய போலீஸ் நிலையத்தில் புகார் செய்யப்பட்டது.

அதன்பேரில் விமான நிலைய போலீசார் எச்.ராஜா மீது கலவரத்தை தூண்டுதல், வன்முறையை தூண்ட முயற்சித்தல், பொய்யான தகவல் பரப்புதல், இருதரப்பினர் இடையே பகைமையை வளர்த்தல் ஆகிய 4 பிரிவுகளின் கீழ் வழக்குப்பதிவு செய்து உள்ளனர்.

திருமணம்...!

வீடுகளில் எளிமையாக நடைபெற்ற காலம் மாறி, தற்போது மண்டபங்களில்தான் பெரும்பாலும் நடக்கின்றன. சிலர், நடுக்கடலிலும், நடுவானிலும் கூட திருமணத்தை நடத்துகின்றனர்.

திருமண விழாக்களில் தங்களது வசதிக்கு ஏற்ப மண மேடை, உணவு அரங்கு உள்ளிட்டவற்றை அமைத்து கொள்கின்றனர். அப்படி ஓர் திருமண விழாதான், கோவை மாவட்டம் பொள்ளாச்சியில் நடைபெற்று உள்ளது.

அதாவது, பொள்ளாச்சியில் உள்ள ஒரு மண்டபத்தில் கடந்த சில நாட்களுக்கு முன்பு ஒரு திருமணம் நடைபெற்றது. அந்த திருமணத்திற்கு வந்தவர்களுக்கு சுவையான உணவு பரிமாறப்பட்டது. வழக்கமாக உணவு சாப்பிட 'டைனிங் டேபிள்'தான் போடப்பட்டு இருக்கும். ஆனால், பொள்ளாச்சி தென்னை நகரம் என்பதால், தேங்காய் வடிவில் 'டைனிங் டேபிள்' அமைத்து இருந்தனர். 100-க்கும் மேற்பட்ட தேங்காய் வடிவிலான 'டைனிங் டேபிள்' அமைக்கப்பட்டு இருந்தது.

இதனை திருமணத்திற்கு வந்தவர்கள் ஆச்சரியத்துடன் பார்த்தனர். மேலும் தேங்காய் வடிவில் உள்ள 'டைனிங் டேபிளில்' மகிழ்ச்சியுடன் அமர்ந்து விருந்து சாப்பிட்டனர். அத்துடன் தங்களது செல்போனில் புகைப்படம், வீடியோ எடுத்து சமூக வலைத்தளங்களில் பதிவிட்டனர். இந்த வீடியோ தற்போது வைரலாக பரவி வருகிறது.

மகாராஷ்டிரா மாநில சட்டசபை தேர்தலில் பா.ஜ.க தலைமையிலான தேசிய ஜனநாயகக் கூட்டணி 230 இடங்களைக் கைப்பற்றி ஆட்சியை தக்கவைத்துக் கொண்டது.

இந்தாண்டு நடைபெற்ற மக்களவை தேர்தலில் மகாராஷ்டிராவில் உள்ள 48 தொகுதிகளில் 30 தொகுதிகளை கைப்பற்றி இந்தியா கூட்டணி அபார வெற்றி பெற்றிருந்தது. பாஜக கூட்டணி 17 இடங்களில் மட்டுமே வெற்றி பெற்றிருந்தது.

மக்களவை தேர்தலில் மகாராஷ்டிராவில் பாஜக கூட்டணி சறுக்கினாலும் சட்டமன்ற தேர்தலில் அபார வெற்றி பெற்று ஆட்சியை தக்கவைத்துள்ளது.

இந்நிலையில், மகாராஷ்டிராவில் பாஜக கூட்டணியின் மிகப்பெரிய வெற்றி தொடர்பாக பேசிய உத்தவ் தாக்கரே, "2020-ம் ஆண்டு ஏற்பட்ட கொரோனா நோய்த்தொற்றின்போது மகாராஷ்டிரா மக்கள் ஒரு குடும்பத் தலைவனாக எனது பேச்சை கேட்டனர். ஆனால் இப்போது என்ன நடந்தது என்றே தெரியவில்லை.

கடந்த மே மாதம் நடந்த பாராளுமன்ற தேர்தலில் மகா விகாஸ் கூட்டணி அபார வெற்றி பெற்றது. அடுத்த 4 மாதங்களில் ஆளும் கட்சி இவ்வளவு பெரிய வெற்றியை பெற்றது என்று தெரியவில்லை. பாஜக கூட்டணியின் வெற்றியை புரிந்து கொள்ள முடியவில்லை.

ஏக்நாத் ஷிண்டே, இனி பட்னாவிசின் கீழ் தான் பணிபுரிய வேண்டும். மகாராஷ்டிரா முதல்வரின் அதிகாரப்பூர்வ இல்லத்தை அவர் காலி செய்ய வேண்டும்.

இந்த நாட்டில் ஒரே கட்சி தான் இருக்கும் என பாஜக தலைவர் நட்டா கூறியிருந்தார். தற்போது நடப்பதை பார்க்கும்போது இந்த நாடு ஒரே கட்சி ஒரே ஆட்சி என்ற திசையில் நகர்வது போல் தெரிகிறது. மக்கள் நம்பிக்கையை இழக்க வேண்டாம் என்று நான் கேட்டுக்கொள்கிறேன்" என்று தெரிவித்துள்ளார்.

மகாராஷ்டிராவில் 89 தொகுதிகளில் போட்டியிட்ட உத்தவ் தாக்கரேவின் சிவசேனா 20 இடங்களில் மட்டுமே வென்றது குறிப்பிடத்தக்கது.

லக்னோ:

உத்தரபிரதேச மாநிலம் சஹாரன்பூர் மாவட்டத்தில் உள்ள பள்ளி என்ற கிராமத்தில் அரசு தொடக்க பள்ளி ஒன்று உள்ளது. இந்த பள்ளிக்கூடத்தில் ஆசிரியர்கள் அருகில் இருக்க மாணவர்கள் சிலர் காரை கழுவிய வீடியோ சமூக வலைத்தளத்தில் வெளியாகி பரபரப்பை ஏற்படுத்தி உள்ளது.

இது தொடர்பாக மாவட்ட கல்வி அதிகாரியிடம் புகார் அளிக்கப்பட்டுள்ளது. இது தொடர்பாக விசாரணை நடத்தி சம்பந்தப்பட்ட நபர்கள் மீது உரிய நடவடிக்கை எடுக்கப்படும் என மாவட்ட கல்வி அதிகாரி உறுதி அளித்துள்ளார்.

சென்னை:

தமிழகத்தில் புதிய யு.பி.ஐ. மோசடி அரங்கேறி வருகிறது. இந்த மாதம் மட்டும் 7 புகார்கள் 'சைபர் கிரைம்' போலீசாருக்கு வந்துள்ளது. இந்த மோசடி எப்படி நடக்கிறது?, பாதுகாப்பு நடைமுறைகள் என்ன? என்பது குறித்து 'சைபர் கிரைம் போலீசார் வெளியிட்டுள்ள செய்திக்குறிப்பில் கூறியிருப்பதாவது:-

பிரதம மந்திரியின் 'கிஷான் யோஜனா' என்ற திட்டத்தின் பெயரில் மோசடி செயலியை உருவாக்கி அதனை வாட்ஸ்அப் மூலம் மோசடி கும்பல் பகிர்கிறது. இந்த செயலியின் லிங்கை திறந்தால், பெயர், ஆதார் எண், பான் கார்டு, பிறந்த தேதி போன்ற முக்கிய தனிப்பட்ட தரவுகள் மோசடி கும்பல் கைவசம் சென்றுவிடுகிறது. இந்த தரவுகள் மூலம் யு.பி.ஐ. செயலிகளை பயன்படுத்தி மோசடி கும்பல் பண பரிவர்த்தனைகளை மேற்கொள்கிறது. இந்த அதிநவீன மோசடி தாக்குதலால் நிதி இழப்பு மற்றும் மன உளைச்சலுக்கு மக்கள் உள்ளாகின்றனர். மேலும் அரசாங்கத்தின் நலத்திட்டங்கள் மீது தேவையில்லாத அச்சத்தையும் மோசடி கும்பல் உருவாக்கி உள்ளது.

இதுபோன்ற புதிய வகை மோசடியில் சிக்கி கொள்ளாமல் இருக்க, பொதுமக்கள் தங்கள் வங்கிக்கணக்கின் நடவடிக்கைகளை அடிக்கடி கண்காணிக்க வேண்டும். செல்போன்களில் தெரியாத இணைப்புகளை கிளிக் செய்யக்கூடாது. நிதி பரிமாற்றங்களுக்கு எப்போதும் அதிகாரப்பூர்வ செயலிகள் மற்றும் இணையதளங்களை பயன்படுத்த வேண்டும்.

இவ்வாறு அதில் கூறப்பட்டுள்ளது.

மகாராஷ்டிரா மாநில சட்டசபை தேர்தலில் பா.ஜ.க தலைமையிலான தேசிய ஜனநாயகக் கூட்டணி 230 இடங்களைக் கைப்பற்றி ஆட்சியை தக்கவைத்துக் கொண்டது.

இந்தாண்டு நடைபெற்ற மக்களவை தேர்தலில் மகாராஷ்டிராவில் உள்ள 48 தொகுதிகளில் 30 தொகுதிகளை கைப்பற்றி இந்தியா கூட்டணி அபார வெற்றி பெற்றிருந்தது. பாஜக கூட்டணி 17 இடங்களில் மட்டுமே வெற்றி பெற்றிருந்தது.

மக்களவை தேர்தலில் மகாராஷ்டிராவில் பாஜக கூட்டணி சறுக்கினாலும் சட்டமன்ற தேர்தலில் அபார வெற்றி பெற்று ஆட்சியை தக்கவைத்துள்ளது.

அதே சமயம் நந்தெத் மக்களவை தொகுதியில் நடைபெற்ற இடைத் தேர்தலில் காங்கிரஸ் வேட்பாளர் சவன் ரவீந்திர வசந்த்ராவ் 1,457 வாக்குகள் வித்தியாசத்தில் வெற்றி பெற்றார்.

இதில் ஆச்சரியப்படும் விஷயம் என்னவென்றால் அந்த நந்தெத் தொகுதிக்கு உட்பட்ட 6 சட்டமன்ற தொகுதிகளில் நடைபெற்ற சட்டமன்ற தேர்தலில் பாஜக கூட்டணி வெற்றி பெற்றுள்ளது என்பதுதான்.

மக்களவை தேர்தலில் காங்கிரசுக்கு வாக்களித்த மக்கள் சட்டமன்ற தேர்தலில் பாஜக கூட்டணிக்கு வாக்களித்துள்ளது சர்ச்சையை ஏற்படுத்தியுள்ளது.

தேர்தல் முடிவுகளில் உள்ள இந்த முரண்பாடுகளை சுட்டிக்காட்டி மகாராஷ்டிராவில் முறைகேடான விதத்தில்தான் பாஜக கூட்டணி வெற்றி பெற்றுள்ளது என்று எதிர்க்கட்சிகள் குற்றம் சாட்டியுள்ளன. 

புதுடெல்லி:

பாராளுமன்ற குளிர்கால கூட்டத்தொடர் நாளை தொடங்குகிறது. இந்தக் கூட்டத்தொடர் டிசம்பர் 20-ம் தேதி வரை நடைபெறும் என தெரிவிக்கப்பட்டுள்ளது.

நவம்பர் 26-ம் தேதி பாராளுமன்ற மைய மண்டபத்தில் அரசியல் சாசனத்தின் 75-ம் ஆண்டு விழா சிறப்பாக கொண்டாடப்படும் என மத்திய மந்திரி கிரண் ரிஜிஜு தெரிவித்துள்ளார்.

இதையடுத்து, பாராளுமன்ற குளிர்கால கூட்டத்தொடரை சுமூகமாக நடத்த இன்று அனைத்து கட்சி கூட்டம் நடைபெற உள்ளது. இந்த கூட்டத்திற்கு மத்திய அரசு அழைப்பு விடுத்துள்ளது. இன்று காலை 11 மணிக்கு அனைத்து கட்சி கூட்டம் நடைபெற உள்ளது.

இந்தக் கூட்டத் தொடரில் வக்பு சட்ட திருத்தம் உள்ளிட்ட முக்கிய மசோதாக்களை நிறைவேற்ற மத்திய அரசு முனைப்பு காட்டி வருகிறது.

கூட்டத்தொடரில் பல்வேறு முக்கிய பிரச்சனைகளை எழுப்ப எதிர்க்கட்சிகள் திட்டமிட்டுள்ளன.

மும்பை:

மகாராஷ்டிரா மாநில சட்டசபை தேர்தலில் பா.ஜ.க தலைமையிலான தேசிய ஜனநாயகக் கூட்டணி 220க்கும் மேற்பட்ட இடங்களைக் கைப்பற்றி ஆட்சியை தக்கவைத்துக் கொண்டது.

பல மாநிலங்களில் நடைபெற்ற இடைத்தேர்தலிலும் ஏராளமான இடங்களில் பா.ஜ.க. வெற்றி பெற்றுள்ளது.

இந்தத் தேர்தலில் குறைந்த வித்தியாசத்தில் வெற்றி பெற்ற வேட்பாளர்களும் உள்ளனர்.

இந்நிலையில், சகோலி சட்டசபைத் தொகுதியில் காங்கிரஸ் கட்சியின் நானா படோல் பா.ஜ.க. வேட்பாளரை 208 வாக்குகள் வித்தியாசத்தில் வென்றார்.

இதேபோல், மால்கான் மத்தி தொகுதியில் போட்டியிட்ட ஏ.ஐ.எம்.ஐ.எம். கட்சி வேட்பாளர் 162 வாக்குகள் வித்தியாசத்தில் வெற்றி பெற்றார்.

புதுடெல்லி:

மகாராஷ்டிரா மாநில சட்டசபை தேர்தலில் பா.ஜ.க தலைமையிலான தேசிய ஜனநாயகக் கூட்டணி ஆட்சியை தக்கவைத்துக் கொண்டது. மேலும், பல மாநிலங்களில் நடைபெற்ற இடைத்தேர்தலிலும் ஏராளமான இடங்களில் பா.ஜ.க. வெற்றி பெற்றுள்ளது.

இந்நிலையில், தலைநகர் டெல்லியில் உள்ள பா.ஜ.க. தலைமை அலுவலகத்தில் நடந்த நிகழ்ச்சியில் பிரதமர் மோடி பங்கேற்றார். அவருக்கு தொண்டர்கள் மலர் தூவி உற்சாக வரவேற்பு அளித்தனர். அப்போது அவர் பேசியதாவது:

இன்று எதிர்மறை அரசியல் தோற்கடிக்கப்பட்டுள்ளது. வாரிசு அரசியல்வாதிகள் தோல்வி அடைந்துள்ளனர்.

நிர்வாக திறனால் மகாராஷ்டிராவில் பா.ஜ.க. ஆட்சியை தக்கவைத்துள்ளது. காங்கிரசின் பொய்கள், வஞ்சகத்தை மகாராஷ்டிர தேர்தல் முடிவுகள் நிராகரித்துள்ளது. காந்தி குடும்பம் பிரிவினைவாத விஷத்தைப் பரப்புகிறது.

வளர்ச்சி அடைந்த இந்தியாவுக்கான தீர்மானத்தை மகாராஷ்டிரா உறுதிப்படுத்தி உள்ளது. பா.ஜ.க. மற்றும் தே.ஜ.கூட்டணி தொண்டர்களுக்கு வாழ்த்துகளைத் தெரிவித்துக் கொள்கிறேன்.

உ.பி., உத்தரகாண்ட், ராஜஸ்தான் ஆகிய மாநிலங்கள் பா.ஜ.க.விற்கு வலிமையான ஆதரவை கொடுத்துள்ளன.

அசாம் மக்கள் மீண்டும் ஒரு முறை பா.ஜ.க. மீதான நம்பிக்கையை வெளிப்படுத்தி உள்ளனர்.

ம.பி.யிலும் வெற்றி கிடைத்துள்ளது. பீகாரில் தே.ஜ.கூ.ட்டணிக்கான ஆதரவு அதிகரித்துள்ளது. இது நாடு வளர்ச்சியை மட்டும் விரும்புவதை காட்டுகிறது.

மகாராஷ்டிராவில் பா.ஜ.க. தனிப்பெரும் கட்சியாக உருவெடுப்பது இது மூன்றாவது முறை. இது வரலாறு. காங்கிரஸ் மற்றும் அதன் கூட்டணி கட்சிகளை விட பா.ஜ.க. அதிக இடங்களைப் பெற்றுள்ளது.

பா.ஜ.க.வின் நிர்வாக முறைக்கு கிடைத்த சான்றிதழ் ஆகும். மகாராஷ்டிராவில் பா.ஜ.க.விற்கு கிடைத்த வெற்றி வளர்ச்சி, நல்லாட்சி மற்றும் சமூக நீதிக்கு கிடைத்த வெற்றி. அம்மாநிலத்தில் அனைத்து சாதனைகளையும் பா.ஜ.க. முறியடித்துள்ளது என தெரிவித்தார்.

லக்னோ:

உத்தர பிரதேச மாநிலத்தில் உள்ள 9 தொகுதிகளுக்கு இடைத்தேர்தல் நடைபெற்றது. தேர்தலில் பதிவான வாக்குகள் எண்ணப்பட்டன.

இதில் காசியாபாத், கெய்ர், புல்பூர், மஜவான், குண்டர்கி, கதேஹரி, ஆகிய 7 தொகுதிகளில் வெற்றி பெற்றுள்ளது. பா.ஜ.க. கூட்டணியில் உள்ள ஆர்.எல்.டி. கட்சி மீராபூர் தொகுதியில் வெற்றி பெற்றது. சமாஜ்வாடி கட்சி 2 தொகுதிகளைக் கைப்பற்றியது.

இந்நிலையில், உபி இடைத்தேர்தல் வெற்றி குறித்து முதல் மந்திரி யோகி ஆதித்யநாத் கூறியதாவது:

உத்தர பிரதேசத்தில் நடந்த இடைத்தேர்தலில் பிரதமர் நரேந்திர மோடியின் தலைமையால் வெற்றி கிடைத்துள்ளது.

பிரதமர் மோடியின் கொள்கைகள் மீது மக்கள் தங்கள் நம்பிக்கையை வெளிப்படுத்தியுள்ளனர்.

வெற்றி பெற்ற வேட்பாளர்களுக்கு வாழ்த்துகள். நாட்டு மக்கள் பிரதமர் மோடி மீது அசைக்க முடியாத நம்பிக்கை வைத்துள்ளனர் என புகழாரம் சூட்டியுள்ளார்.

நொய்டா:

11-வது புரோ கபடி லீக் தொடர் கடந்த அக்டோபர் 18-ம் தேதி ஐதராபாத்தில் தொடங்கியது. இந்த தொடரின் இரண்டாம் கட்ட லீக் ஆட்டங்கள் உத்தர பிரதேசத்தின் நொய்டாவில் நடந்து வருகிறது.

இதில், இன்று இரவு 8 மணிக்கு நடைபெற்ற முதல் ஆட்டத்தில் தெலுங்கு டைட்டன்ஸ், குஜராத் ஜெயன்ட்ஸ் அணிகள் மோதின. இந்த ஆட்டத்தில் தொடக்கம் முதல் சிறப்பாக விளையாடிய குஜராத் அணி 31-28 என்ற புள்ளிக்கணக்கில் வெற்றி பெற்றது

மற்றொரு ஆட்டத்தில் அரியானா ஸ்டீலர்ஸ் அணி, ஜெய்ப்பூர் பிங் பாந்தர்ஸ் அணியை 43-30 என்ற புள்ளிக்கணக்கில் வீழ்த்தியது.

புதுடெல்லி:

மகாராஷ்டிரா மாநிலத்தில் பா.ஜ.க தலைமையிலான தேசிய ஜனநாயகக் கூட்டணி ஆட்சியை தக்கவைத்துக் கொண்டது. மேலும், பல மாநிலங்களில் நடைபெற்ற இடைத்தேர்தலிலும் ஏராளமான இடங்களில் பா.ஜ.க. வெற்றி பெற்றுள்ளது.

இந்நிலையில், தலைநகர் டெல்லியில் உள்ள பா.ஜ.க. தலைமை அலுவலகத்தில் நடந்த நிகழ்ச்சியில் கட்சியின் தலைவர் ஜே.பி.நட்டா பங்கேற்றார். அப்போது அவர் பேசியதாவது:

இந்த வரலாற்றுச் சிறப்புமிக்க நாளில் இந்திய மக்களும், மகாராஷ்டிரா மக்களும் மீண்டும் பிரதமரின் கொள்கையை அங்கீகரிக்கிறோம் என்ற செய்தியை நாடு முழுதும் அனுப்பி உள்ளனர்.

இதற்காக நான் மகாராஷ்டிரா, ஜார்க்கண்ட் மற்ற மாநில மக்களுக்கு நன்றி தெரிவிக்கிறேன்.

சமூகத்தைப் பிளவுபடுத்தியவர்கள் படுதோல்வியைச் சந்திக்க வேண்டும் என்ற செய்தியையும் இந்த தேர்தல் அளித்துள்ளது.

சாதி, அரசியல் சாசனம், மதம் ஆகியவற்றின் பெயரால் மக்களைப் பிரித்து அதிகாரத்தைப் பெறுவோம் என்ற மாயை இந்தியா கூட்டணிக்கு சில காலமாகவே இருந்தது.

2019-லும் பா.ஜ.க. கூட்டணி ஆட்சி அமைக்க மக்கள் விரும்பினர். அதிகாரத்திற்காக உத்தவ் தாக்கரே நம்மை ஏமாற்றினார்.

ஆனால் பிரதமர் மோடி, மஹாயுதி, பா.ஜ.க. மற்றும் சிவசேனா ஆகிய கட்சிக்கு ஆதரவாக உள்ளதாக மகாராஷ்டிரா மக்கள் காட்டி உள்ளனர் என தெரிவித்தார்.