நீங்கள் தேடியது "நிதி ஆயோக்"

புதுடெல்லி:

டெல்லியில் பிரதமர் மோடி தலைமையில் நடந்த நிதி ஆயோக் கூட்டத்தில் கலந்து கொண்ட மேற்குவங்காள முதல்-மந்திரி மம்தா பானர்ஜி, மாநில கோரிக்கை குறித்து தான் பேசும்போது 'மைக்' அணைக்கப்பட்டதாக கூறி, கூட்டத்தில் இருந்து வெளிநடப்பு செய்தார். வெளியே வந்த பின்னர் அவர் பல்வேறு குற்றச்சாட்டுகளை தெரிவித்தார்.

மம்தா பானர்ஜியின் குற்றச் சாட்டுகளை மத்திய நிதி மந்திரி நிர்மலா சீதாராமன் மறுத்துள்ளார். இது தொடர்பாக அவர் தனது எக்ஸ் தளத்தில் வெளியிட்டுள்ள பதிவில் தெரிவித்து இருப்பதாவது:-

நிதி ஆயோக் கூட்டத்தில் மம்தா தனது முழு நேரமும் பேசினார். எங்கள் மேஜைகளுக்கு முன்னால் உள்ள திரை நேரத்தைக் காட்டியது. சில மாநில முதல்-மந்திரிகள், தங்களுக்கு ஒதுக்கப்பட்ட நேரத்தைத் தாண்டி பேசினார்கள். யார் பேசும்போதும் 'மைக்' அணைக்கப்படவில்லை, குறிப்பாக மேற்குவங்காள முதல்-மந்திரி மம்தா பேசும்போது அவ்வாறு நடக்கவில்லை. அது ஆதாரமற்றது.

இதுபோன்ற ஆதாரமற்ற விஷயங்களை வெளியில் சொல்வதால், இந்தியா கூட்டணியை வேண்டுமானால் மகிழ்ச்சியாக வைத்திருக்க முடியும்.

மேற்கண்டவாறு அந்த பதிவில் கூறப்பட்டு இருந்தது.

இதேபோல் மம்தாவின் இந்த குற்றச்சாட்டை நிதி ஆயோக் தலைமை செயல் அதிகாரி சுப்பிரமணியம் மறுத்து உள்ளார்.

இது தொடர்பாக செய்தியாளர்களிடம் கூறியதாவது:-

நிதி ஆயோக் கூட்டத்தில் மாநிலங்களின் அகர வரிசைப்படி மம்தா பானர்ஜி பேசுவதற்கு மதியத்துக்கு மேல்தான் நேரம் ஒதுக்கப்பட்டு இருந்தது. ஆனால் அவர் கேட்டுக் கொண்டதற்கு இணங்க மதியத்துக்கு முன்பே பேச அனுமதிக்கப்பட்டார்.

அவருக்கு ஒதுக்கப்பட்ட நேரம் முடிந்ததும் அதை நினைவூட்டுவதற்காக கூட்டத்தை வழிநடத்திய ராணுவ மந்திரி ராஜ்நாத் சிங் மைக்கை தட்டினார். உடனே மம்தா பானர்ஜி தனது பேச்சை நிறுத்தி விட்டு வெளிநடப்பு செய்தார்.

ஆனாலும் மேற்கு வங்காள அரசு அதிகாரிகள் தொடர்ந்து கூட்டத்தில் பங்கேற்றனர்.

நிதி ஆயோக் கூட்டத்தில் முதல்-மந்திரிகள், துணைநிலை கவர்னர்கள் என 26 பேர் பங்கேற்றனர். கேரளா, தமிழ்நாடு, கர்நாடகா உள்பட 10 மாநில முதல்-மந்திரிகள் பங்கேற்கவில்லை. இதனால் அவர்களுக்குத்தான் இழப்பு.

பீகாரில் சட்டசபை கூட்டத் தொடர் நடந்து வருவதால் முதல்-மந்திரி நிதிஷ்குமார் அதில் தீவிர கவனம் செலுத்தி வருகிறார். இதனால் அவரால் நிதி ஆயோக் கூட்டத்தில் பங்கேற்க முடியவில்லை.

நிதி ஆயோக் கூட்டத்தில் பேசிய பிரதமர் மோடி, மாநிலங்கள் தனது மாவட்டங்களுக்கு கூடுதல் செலவிட வேண்டும் எனவும், அப்போதுதான் அவை வளர்ச்சியின் இயக்கிகளாக இருக்க முடியும் எனவும் கூறினார்.

கூட்டத்தில் சில மாநிலங்கள் தெரிவித்த 'பூஜ்ஜிய வறுமை' யோசனையை பாராட்டிய பிரதமர் மோடி, இது கிராம அளவில் இருக்க வேண்டும் என அறிவுறுத்தினார். கிராமங்களை ஆய்வு செய்து 'பூஜ்ஜிய வறுமை கிராமமாக' அறிவிக்கலாம் என்றும் தெரிவித்தார்.

இவ்வாறு சுப்பிரமணியம் கூறினார்.

பிரதமர் மோடி தலைமையில் நிதி ஆயோக் கூட்டம் இன்று டெல்லியில் நடைபெற்றது. இந்த கூட்டத்தில் தமிழ்நாடு, கர்நாடகா, தெலுங்கானா, பீகார், டெல்லி, பஞ்சாப், இமாச்சலப் பிரதேசம், ஜார்கண்ட், கேரளம் மற்றும் புதுச்சேரி ஆகிய 10 மாநில முதல்வர்கள் கலந்து கொள்ளவில்லை என நிதி ஆயோக் சிஇஓ சுப்ரமணியம் தெரிவித்தார்.

அதேவேளையில் மாநில முதல்வர்கள், யூனியன் பிரதேச மாநில துணைநிலை ஆளுநர்கள் என 28 பேர் பங்கேற்றனர் எனவும் தெரிவித்துள்ளார்.

மேலும், கூட்டத்தில் அவர்கள் பங்கேற்கவில்லை என்றால் அவர்களுக்குத்தான் அது இழப்பு என தெரிவித்துள்ளார்.

மேற்கு வங்காள மாநில முதல்வர் மம்தா பானர்ஜி, உணவு இடைவேளைக்கு முன்னதாக பேச வேண்டும் என வேண்டுகோள் விடுத்தார். அவரது வேண்டுகோள் ஏற்கப்பட்டு பேச அனுமதி வழங்கப்பட்டது.

அவரது நேரம் முடிந்தபோது பாதுகாப்புத்துறை அமைச்சரான ராஜ்நாத் சிங் மைக்கை தட்டினார் அப்போது மம்தா தனது பேச்சை முடித்து கொண்டு வெளியேறினார். இருந்தபோதிலும் மேற்கு வங்காளம் மாநில அரசு அதிகாரிகள் தொடர்ந்து கூட்டத்தில் கலந்து கொண்டனர்.

சட்டமன்ற கூட்டம் நடைபெற்று கொண்டிருப்பதால் பீகார் மாநில முதல்வர் நிதிஷ்குமார் கூட்டத்தில் கலந்து கொள்ள முடியவில்லை. கூட்டத்தின் போது சில மாநிலங்கள் ஜீரோ வறுமை என்பது வலியுறுத்தினர். இதனை பிரதமர் மோடி பாராட்டினார். அத்துடன் கிராமப்புற அளவில் இதை இலக்காக கொள்ள வேண்டும் என கூறினார்.

இவ்வாறு சிஇஓ சுப்ரமணியம் தெரிவித்தார்.

பிரதமர் மோடி தலைமையில் இன்று நிதி ஆயோக் கூட்டம் நடைபெற்றது. இந்த கூட்டத்தில் எதிர்க்கட்சிகள் ஆளும் மாநிலங்களில் இருந்து மேற்கு வங்காள மாநில முதல்வர் மம்தா பானர்ஜி மட்டுமே பங்கேற்றார்.

கூட்டத்தில் பங்கேற்ற அவர், பாதியிலேயே வெளியேறினார். அப்போது தனக்கு பேசுவதற்கு போதுமான வாய்ப்புகள் வழங்கப்படவில்லை. பேசிக் கொண்டிருக்கும்போது மைக் ஆஃப் செய்யப்பட்டதாக மம்தா பானர்ஜி தெரிவித்தார்.

இந்த சம்பவத்திற்கு இந்தியா கூட்டணி கட்சி தலைவர்கள் கண்டனம் தெரிவித்து வருகின்றனர். இந்த நிலையில் மம்தா பானர்ஜி வெளியேறியது முன்கூட்டியே திட்டமிட்ட செயல் என பாஜக பதில் கொடுத்துள்ளது.

இது தொடர்பாக பாஜக பொது செயலாளர் (அமைப்பு) பி.எல். சந்தோஷ் கூறியதாவது:-

நமது நாட்டில் தலைப்பு செய்தியில் இடம்பிடிப்பது மிகவும் எளிதானதாகும். முதலில் நிதி ஆயோக் கூட்டத்தில் பங்கேற்கும் எதிர்க்கட்சி முதலமைச்சர் நான் மட்டும்தான் எனச் சொல்ல வேண்டும். பின்னர் வெளியே வந்து, மைக் ஆஃப் செய்யப்பட்டதால் வெளிநடப்பு செய்தேன் எனச் சொல்ல வேண்டும். தற்போது ஒருநாள் முழுவதும் டிவியில் இதுதான் ஒளிபரப்பாகும். வேலை இல்லை. ஆலோசனை இல்லை. இதான் திதி (மம்தா) உங்களுக்கு" எனத் தெரிவித்துள்ளார்.

பாஜக-வின் ஐடி துறை தலைவர் அமித் மால்வியா "கேமராக்களுக்காக திட்டமிட்டே ஆலோசனைக் கூட்டத்தில் இருந்து மம்தா பானர்ஜி வெளிநடப்பு செய்துள்ளார். ஒரு முதல்வர் தீவிரமான ஆட்சிப் பிரச்சனைகளை நாடக நடத்தையாக குறைப்பது வருத்தமளிக்கிறது. அவரது மோதல் அரசியலின் விளைவாக மேற்கு வங்க மக்கள் பாதிக்கப்பட்டுள்ளனர்" எனத் தெரிவித்துள்ளனர்.

டெல்லியில் பிரதமர் மோடி தலைமையில் மாநில முதல் மந்திரிகள் கலந்துகொள்ளும் நிதி ஆயோக் கூட்டம் நடைபெற்றது. இந்தக் கூட்டத்தை தமிழக முதலமைச்சர் மு.க.ஸ்டாலின் உள்ளிட்ட எதிர்க்கட்சிகள் ஆளும் மாநில முதல் மந்திரிகளில் பலர் புறக்கணித்துள்ளனர்.

ஆனால் மேற்குவங்க முதல் மந்திரி மம்தா பானர்ஜி இந்த நிதி ஆயோக் கூட்டத்தில் கலந்து கொண்டார்.

பிரதமர் மோடி தலைமையிலான நிதி ஆயோக் கூட்டத்தில் இருந்து மேற்குவங்க முதலமைச்சர் மம்தா பானர்ஜி வெளிநடப்பு செய்தார்.

"எதிர்க்கட்சிகளில் இருந்து ஒரே முதலமைச்சராக பங்கேற்ற எனக்கு முழுமையாக பேச வாய்ப்பு அளிக்கப்படவில்லை. எனக்கு முன் பேசியவர்கள் 20 நிமிடங்கள் வரை பேச அனுமதிக்கப்பட்டார்கள். ஆனால் 5 நிமிடம் மட்டும் தான் எனக்கு பேச அனுமதிக்கப்பட்டது. மேற்கு வங்கத்திற்கு மத்திய அரசின் நிதி வழங்கப்படாததை குறித்து நான் பேசி கொண்டிருக்கும் போதே என்னுடைய மைக்கை ஆஃப் செய்து என்னை அவமதித்துவிட்டார்கள்" என்று தெரிவித்தார்.

இந்நிலையில் நிதி ஆயோக் கூட்டத்தில் மேற்குவங்க முதல்வரை பேச அனுமதிக்காதது தொடர்பாக முதலமைச்சர் மு.க.ஸ்டாலின் கேள்வி எழுப்பி உள்ளார். அவர் தனது எக்ஸ் தளத்தில்,

நிதி ஆயோக் கூட்டத்தில் ஒரு முதல்வரை இப்படித்தான் நடத்துவதா? இதுதான் கூட்டாட்சியா?

எதிர்க்கட்சிகள் நமது ஜனநாயகத்தின் ஒரு அங்கம் என்பதை மத்திய பாஜக அரசு புரிந்துகொள்ள வேண்டும்.

கூட்டாட்சியில் எதிர்க்கட்சிகளின் கருத்துகளையும் கேட்டு மரியாதை அளிக்கப்பட வேண்டும் என்று தெரிவித்துள்ளார்.

Is this #CooperativeFederalism? Is this the way to treat a Chief Minister?The Union BJP government must understand that opposition parties are an integral part of our democracy and should not be treated as enemies to be silenced. Cooperative Federalism requires dialogue and… https://t.co/Y6TKmLUElG

— M.K.Stalin (@mkstalin) July 27, 2024

புதுச்சேரி:

பிரதமர் நரேந்திர மோடி தலைமையில் டெல்லியில் நிதி ஆயோக் கூட்டம் இன்று நடந்தது.

கூட்டத்தில் மாநில முதல்-அமைச்சர்கள் தவறாது கலந்து கொள்ளும்படி நிதி ஆயோக் அழைப்பு விடுத்திருந்தது. புதுச்சேரியை பொருத்தவரை கடந்த காலங்களில் முதல்-அமைச்சர் ரங்கசாமிக்கு பதிலாக டெல்லி கூட்டங்களில் அமைச்சர் லட்சுமி நாராயணன் பங்கேற்று வந்தார்.

ஆனால் இந்த முறை புதுச்சேரி முதல்-அமைச்சர் ரங்கசாமி டெல்லி செல்ல இருப்பதாக தெரிவிக்கப்பட்டது. ஆனால் அதே நேரத்தில் மத்திய பட்ஜெட்டில் எதிர்க்கட்சி ஆளும் மாநிலங்களை மத்திய அரசு புறக்கணித்ததாக கூறி இந்தியா கூட்டணி மாநில முதல்-அமைச்சர்கள் கூட்டத்தை புறக்கணிப்பதாக அறிவித்திருந்தனர்.

இதனால் மத்திய அரசு பா.ஜ.க. ஆளும் மாநில முதல்- அமைச்சர்கள் மற்றும் கூட்டணி முதல்- அமைச்சர்கள் நிதி ஆயோக் கூட்டத்தில் கண்டிப்பாக பங்கேற்க வேண்டும் என விரும்பியது.

இந்த நிலையில் புதுச்சேரி முதல்-அமைச்சர் ரங்கசாமி சென்னையில் இருந்து விமானம் மூலம் டெல்லி செல்ல டிக்கெட் முன்பதிவு செய்யப்பட்டது.

மேலும் நிதி ஆயோக் கூட்டத்தில் பேச உரையும் தயாரிக்கப்பட்டிருந்தது. இதனால் நேற்று மாலை முதல்- அமைச்சர் ரங்கசாமி சென்னை சென்று அங்கிருந்து விமானம் மூலம் டெல்லி செல்வார் என எதிர்பார்க்கப்பட்டது.

ஆனால் முதல்- அமைச்சர் ரங்கசாமி டெல்லி செல்லாமல் நிதி ஆயோக் கூட்டத்தை திடீரென புறக்கணித்துள்ளார்.

இது பா.ஜ.க.வை அதிர்ச்சிக்கு உள்ளாகியுள்ளது. ஏற்கனவே புதுச்சேரியில் முதல்-அமைச்சர் ரங்கசாமி மற்றும் பா.ஜ.க. அமைச்சர்களுக்கு எதிராக பா.ஜ.க மற்றும் பா.ஜ.க. வை ஆதரிக்கும் 3 சுயேச்சை எம்.எல்.ஏ.க்கள் போர்கொடி தூக்கி உள்ளனர்.

முதல்- அமைச்சர் ரங்கசாமி அரசுக்கு தரும் ஆதரவை விலக்கி வெளியில் இருந்து ஆதரவு அளிக்க வேண்டும் என அதிருப்தி எம்.எல்.ஏ.க்கள் வலியுறுத்தி வருகின்றனர். பா.ஜ.க. ஆதரவு சுயேச்சை எம்.எல்.ஏ. அங்காளன் ரங்கசாமி அரசில் அனைத்து துறைகளிலும் ஊழல் பெருகிவிட்டது என்றும் புரோக்கர்கள் மூலம் அரசு செயல்படுவதாகவும் பகிரங்கமாக குற்றஞ்சாட்டியிருந்தார்.

இது முதல்- அமைச்சர் ரங்கசாமி மற்றும் என்.ஆர்.காங்கிரசாருக்கு பா.ஜ.க. மீது அதிருப்தியை ஏற்படுத்தியது. மெஜாரிட்டிக்கு தேவையான எண்ணிக்கை எம்.எல்.ஏ.க்கள் அரசுக்கு இருக்கும் போது எதற்காக சுயேச்சை எம்.எல்.ஏ.க்கள் ஆதரவு தேவை என்று என்.ஆர்.காங்கிரசார் கேள்வி எழுப்பினர்.

அதோடு முதல்-அமைச்சர் ரங்கசாமி தரப்பில் இருந்து சுயேச்சை எம்.எல்.ஏ.க்கள் ஆதரவை வாபஸ் பெறுமாறு பா.ஜ.க. தலைமைக்கு தெரிவிக்கப்பட்டது. ஆனால் இதுவரை சுயேச்சை எம்.எல்.ஏ.க்கள் ஆதரவை பா.ஜ.க. விலக்கி கொள்ளவில்லை.

இதனாலும், பட்ஜெட் கூட்ட தொடர் கூட உள்ள நிலையில் அதிருப்தி எம்.எல்.ஏ.க்களை பா.ஜ.க. தலைமை சரியாக கையாண்டு சமரசம் செய்யாததும் முதல்-அமைச்சர் ரங்கசாமிக்கு கோபத்தை ஏற்படுத்தி உள்ளது. இதனாலேயே நிதி ஆயோக் கூட்டத்தை ரங்கசாமி புறக்கணித்துள்ளதாக கூறப்படுகிறது.

கோவை:

தமிழ் மாநில காங்கிரஸ் கட்சியின் தலைவர் ஜி.கே.வாசன் இன்று கோவை விமான நிலையத்தில் நிருபர்களுக்கு அளித்த பேட்டியில் கூறியதாவது:-

தமிழ் மாநில காங்கிரஸ் தேசிய ஜனநாயக கூட்டணியில் உள்ளது. பிரதமர் மோடி சிறப்பாக செயல்பட்டு வருகிறார். நாங்கள் தேர்தலை தேசிய ஜனநாயக கூட்டணி தலைமையிலேயே எதிர்கொள்வோம்.

2026-ம் ஆண்டில் வளமான தமிழகத்துக்கு வழி வகுக்க வேண்டும் என்ற நோக்கத்துடன் நாங்கள் பணியாற்றி வருகிறோம்.

மத்திய அரசு தமிழகத்திற்கு நிதியை ஒதுக்கவில்லை என்று கூறி எதிர்க்கட்சிகள் ஆர்ப்பாட்டம் செய்வதிலும், தமிழக முதலமைச்சர் டெல்லியில் நடைபெறும் நிதி ஆயோக் கூட்டத்தை புறக்கணிப்பதிலும் அரசியல் இருக்கிறது.

இந்த கூட்டத்தில் தமிழக முதலமைச்சர் பங்கேற்று இருக்க வேண்டும். அவர் இந்த கூட்டத்தில் பங்கேற்காததன் மூலம் தமிழக மக்களுக்கு செய்ய வேண்டிய கடமையை தவறி விட்டார்.

முதலமைச்சர் மு.க.ஸ்டாலின் பல துறைகளில் உள்ள குறைகளை நிவர்த்தி செய்து வாக்குறுதிகளை நிறைவேற்றுவார் என நம்பி மக்கள் வாக்களித்தனர். ஆனால் முதலமைச்சர் மக்கள் தேவையை நிறைவேற்ற தவறி விட்டார்.

மேற்கு வங்காளம் மற்றும் ஜார்க்கண்ட் முதல் மந்திரிகளுக்கு மத்திய அரசுடன் கருத்து வேறுபாடு கொண்டிருந்தாலும் அவர்கள், இந்த கூட்டத்தில் பங்கேற்று உள்ளனர்.

மத்திய அரசு மாற்றான்தாய் மனப்பான்மையுடன் செயல்படுவதில்லை. எந்தெந்த மாநிலத்திற்கு நிதி தேவையோ அந்தந்த மாநிலத்திற்கு தேவைக்கேற்ப நிதி ஒதுக்குகிறார்கள். தமிழகத்திற்கு நிதி ஒதுக்க வேண்டும் என்பது தமிழ் மாநில காங்கிரஸின் வேண்டுகோள். கிடைக்கும் என்று நாங்கள் நம்புகிறோம்.

இவ்வாறு அவர் தெரிவித்தார்.

தமிழக பாஜக சார்பில் வெளியிட்டுள்ள செய்தி குறிப்பில் கூறியிருப்பதாவது,

மத்திய அரசு தாக்கல் செய்த பட்ஜெட் 2024-ல், தமிழகத்திற்கு எந்த நலத்திட்டங்களும் இல்லை, அவ்வளவு ஏன்? தமிழ்நாடு என்ற பெயரே பட்ஜெட்டில் இல்லை என்ற தனது கம்பிக் கட்டும் கதையை உண்மையாக்கும் நோக்கில், பிரதமர் தலைமையில் நடைபெறும் நிதி ஆயோக் கூட்டத்தை புறக்கணிப்பதாக தமிழக முதல்வர் ஸ்டாலின் அறிவித்துள்ளார்.

நாட்டின் சுமூகமான நிர்வாகத்திற்கு மத்திய மற்றும் மாநில அரசுகளுக்கிடையேயான ஒத்துழைப்பும் கூட்டுறவும் மிக அவசியம். இரு தரப்பினரின் கூட்டுறவையும் மாநிலங்களின் சமூக பொருளாதரத்தையும் மேம்படுத்தும் நிதி ஆயோக் கூட்டத்தை புறக்கணிப்பதாக மு.க ஸ்டாலின் கூறுவது ஏற்புடையதல்ல.

தங்களுக்கு ஓட்டுப்போட்ட தமிழக மக்களின் பிரதிநிதியாக அக்கூட்டத்தில் பங்கேற்று, தமிழக மக்களின் தேவைகளை எடுத்துரைக்க மறுப்பதன் மூலம், தமிழகத்தின் வளர்ச்சிக்கு முதல்வர் மு.க. ஸ்டாலின் முட்டுக்கட்டை போடுகிறார்.

காரணம், நிதி ஆயோக் மூலம் தமிழகம் எண்ணற்ற நன்மைகளைப் பெற்றுள்ளது. உதாரணமாக,

*  தொழில் முனைவோர்களை ஊக்குவிக்கும் தளமாக செயல்படும், அடல் (ATAL) சமூக கண்டுபிடிப்பு மையம் தமிழகத்தில் துவங்கப்பட்டது.

* 2021-ல் நிதி ஆயோக் நகர்ப்புற பிரச்சினைகளுக்கு தீர்வு காணும் நோக்கில், தமிழகம் உள்ளிட்ட பல மாநிலங்களுக்கான மாநாட்டை நடத்தியது.

* தமிழகத்தின் சுற்றுச்சூழல் அமைப்பை வலுப்படுத்தும் நோக்கத்தில், நிதி ஆயோக்குடன் இணைக்கப்பட்ட வளர்ச்சிக் கண்காணிப்பு மற்றும் மதிப்பீட்டு அலுவலகம் (DMEO) ஆகியவற்றுடனான அறிக்கையில் கையெழுத்திடப்பட்டுள்ளது.

இவ்வாறு தமிழகத்திற்கு பல நலன்கள் கிடைக்கும் நிதிஆயோக் கூட்டத்தை புறக்கணிப்பதன் மூலம், மாநிலத்தின் வளர்ச்சி மற்றும் நலன்களை விட, அரசியல் காழ்ப்புணர்ச்சிக்கு மட்டுமே அறிவாலயம் முன்னுரிமை அளிக்கிறது என்பது தெள்ளத் தெளிவாகிறது என்று கூறப்பட்டுள்ளது.

நடப்பு நிதியாண்டுக்கான மத்திய பட்ஜெட்டை சமீபத்தில் பாராளுமன்றத்தில் நிதி மந்திரி நிர்மலா சீதாராமன் தாக்கல் செய்தார். பட்ஜெட்டில் ஆந்திரா மற்றும் பீகார் மாநிலங்களுக்கு அதிக அளவில் நிதி ஒதுக்கப்பட்டது.

தமிழ்நாடு உள்ளிட்ட பல மாநிலங்கள் பெயர் கூட பட்ஜெட்டில் வாசிக்கப்படவில்லை. இதனால் எதிர்க்கட்சிகள் விமர்சனம் செய்ததுடன் போராட்டம் நடத்தி வருகிறார்கள்.

இன்று டெல்லியில் பிரதமர் மோடி தலைமையில் மாநில முதல் மந்திரிகள் கலந்துகொள்ளும் நிதி ஆயோக் கூட்டம் நடைபெற்றது. இந்தக் கூட்டத்தை புறக்கணிப்பதாக தமிழக முதலமைச்சர் மு.க.ஸ்டாலின் உள்ளிட்ட எதிர்க்கட்சிகள் ஆளும் மாநில முதல் மந்திரிகளில் பலர் புறக்கணித்துள்ளனர்

அதே சமயம் எதிர்க்கட்சிகளில் இருந்து ஒரே முதல்வராக நிதி ஆயோக் கூட்டத்தில் கலந்து கொண்ட மம்தா பானர்ஜியும் வெளிநடப்பு செய்தார்.

இந்நிலையில், பிரதமர் மோடி தலைமையிலான நிதி ஆயோக் கூட்டத்தில் பீகார் முதலமைச்சர் நிதிஷ்குமார் பங்கேற்கவில்லை என்கிற தகவல் வெளியாகியுள்ளது.

நிதிஷ்குமாருக்கு பதிலாக பீகாரின் துணை முதலமைச்சர்கள் சாம்ராட் சௌத்ரி, விஜய் குமார் சின்ஹா ஆகியோர் நிதி ஆயோக் கூட்டத்தில் பங்கேற்றுள்ளனர்.

கொல்கத்தா:

நடப்பு நிதியாண்டுக்கான மத்திய பட்ஜெட்டை சமீபத்தில் பாராளுமன்றத்தில் நிதி மந்திரி நிர்மலா சீதாராமன் தாக்கல் செய்தார். பட்ஜெட்டில் ஆந்திரா மற்றும் பீகார் மாநிலங்களுக்கு அதிக அளவில் நிதி ஒதுக்கப்பட்டது.

தமிழ்நாடு உள்ளிட்ட பல மாநிலங்கள் பெயர் கூட பட்ஜெட்டில் வாசிக்கப்படவில்லை. இதனால் எதிர்க்கட்சிகள் விமர்சனம் செய்ததுடன் போராட்டம் நடத்தி வருகிறார்கள்.

இன்று டெல்லியில் பிரதமர் மோடி தலைமையில் மாநில முதல் மந்திரிகள் கலந்துகொள்ளும் நிதி ஆயோக் கூட்டம் நடைபெற்றது. இந்தக் கூட்டத்தை புறக்கணிப்பதாக தமிழக முதலமைச்சர் மு.க.ஸ்டாலின் உள்ளிட்ட எதிர்க்கட்சிகள் ஆளும் மாநில முதல் மந்திரிகளில் பலர் புறக்கணித்துள்ளனர்

ஆனால் மேற்கு வங்காள முதல் மந்திரி மம்தா பானர்ஜி இந்த நிதி ஆயோக் கூட்டத்தில் கலந்து கொண்டார்.

இந்நிலையில், பிரதமர் மோடி தலைமையிலான நிதி ஆயோக் கூட்டத்தில் இருந்து மேற்குவங்க முதலமைச்சர் மம்தா பானர்ஜி வெளிநடப்பு செய்தார்.

வெளியில் செய்தியாளர்களை சந்தித்து பேசிய அவர், "எதிர்க்கட்சிகளில் இருந்து ஒரே முதலமைச்சராக பங்கேற்ற எனக்கு முழுமையாக பேச வாய்ப்பு அளிக்கப்படவில்லை. எனக்கு முன் பேசியவர்கள் 20 நிமிடங்கள் வரை பேச அனுமதிக்கப்பட்டார்கள். ஆனால் 5 நிமிடம் மட்டும் தான் எனக்கு பேச அனுமதிக்கப்பட்டது. மேற்கு வங்காளத்திற்கு மத்திய அரசின் நிதி வழங்கப்படாததை குறித்து நான் பேசி கொண்டிருக்கும் போதே என்னுடைய மைக்கை ஆஃப் செய்து என்னை அவமதித்துவிட்டார்கள்" என்று தெரிவித்தார்.

சென்னை:

நிதி ஆயோக் கூட்டம் புறக்கணிப்பு தொடர்பாக முதலமைச்சர் மு.க.ஸ்டாலின் இன்று காலை எக்ஸ் தள பக்கத்தில் வீடியோ ஒன்றை வெளியிட்டுள்ளார். அதில் அவர் பேசியிருப்பதாவது:-

மத்திய பா.ஜ.க. அரசின் மாற்றந்தாய் மனப்பான்மை கொண்ட நிதிநிலை அறிக்கையால் நீதி கேட்டு மக்கள் மன்றமான உங்கள் முன் பேச வேண்டிய கட்டாயம் ஏற்பட்டுள்ளது. திராவிட மாடல் அரசு கடந்த மூன்றாண்டு காலமாக எத்தகைய முற்போக்கு மற்றும் தொலைநோக்குத் திட்டங்களைச் செயல்படுத்திக் கொண்டு வருவது தெரியும்.

தமிழ்நாடு அரசின் திட்டங்களின் பயன்கள், ஒவ்வொரு குடும்பத்துக்கும்- ஒவ்வொரு குடிமகனுக்கும் நேரடியாகக் கிடைக்கிறது.

தமிழ்நாடு அரசின் எண்ணங்களுக்கு இடையூறு ஏற்படுத்தும் செயல்களை மத்திய அரசு தொடர்ந்து செய்து கொண்டு வருகிறது. ஒரு அரசு எப்படி செயல்பட வேண்டும் என்பதற்கான இலக்கணத்தை நான் அடிக்கடி சொல்லிக்கொண்டு வருகிறேன்.

ஒரு நல்ல அரசு என்பது வாக்களித்த மக்களுக்கு மட்டுமல்ல, வாக்களிக்க மறந்த மக்களுக்கும் சேர்ந்தே பாடுபட வேண்டும்.

மோடி தலைமையிலான பா.ஜ.க. அரசு வருவதற்கு முன்பு இருந்த எல்லா மத்திய அரசுகளும் கூட அப்படித்தான் இருந்தன. ஆனால் மோடி தலைமையிலான பா.ஜ.க. அரசு மட்டும் தான் அரசியல் நோக்கத்துடன் அரசை நடத்துகிறார்கள். 3-வது முறையாக ஆட்சிக்கு வந்துள்ள பா.ஜ.க. அரசுக்கு மக்கள் பெரும்பான்மை அளிக்கவில்லை.

ஒட்டுமொத்த இந்திய மக்களுக்காகவும் உருவாக்க வேண்டிய பட்ஜெட்டை 'இந்தியா' கூட்டணிக்கு வாக்களித்த மக்களைப் பழிவாங்க உருவாக்கி இருக்கிறார் நிதி அமைச்சர் நிர்மலா சீதாராமன். இந்த பட்ஜெட்டிலாவது வெள்ள நிவாரண அறிவிப்பு வெளியாகுமெனக் காத்திருந்தோம். ஆனால் தங்களின் பதவி நாற்காலிக்கு, கால்களாக இருக்கும் மாநிலங்களுக்கு ரூ.10 ஆயிரம் கோடிக்கும் மேல் நிதியை அள்ளி வழங்கியுள்ளார் நிதி அமைச்சர். தமிழ்நாட்டுக்கென எந்த சிறப்புத் திட்டத்தையும் கொடுக்காமல், தமிழ்நாட்டு மக்கள் பா.ஜ.க.வுக்கு வாக்களிக்க வேண்டும் என எப்படித்தான் எதிர்பார்கிறார்களோ தெரியவில்லை. தமிழகத்திற்கு எந்த திட்டத்தையும் வழங்காமல் வாக்குகளை மட்டும் பா.ஜ.க. எதிர்பார்க்கிறது. மேலும் தமிழகத்தை பா.ஜ.க. புறக்கணித்தால் மேலும் தோல்வியை பா.ஜ.க. சந்திக்கும்.

பட்ஜெட்டில் தமிழ்நாடு பெயரும் இல்லை, குறளும் இல்லை. திருவள்ளுவர் பா.ஜ.க.வுக்கு கசந்துவிட்டார். இதுபோன்ற பட்ஜெட்டில் திருக்குறள் இடம் பெறாதது நிம்மதி அளிக்கிறது.

இவ்வாறு முதலமைச்சர் மு.க.ஸ்டாலின் பேசியுள்ளார்.

தலைநகரில் @NITIAayog கூட்டத்தில் பங்கெடுத்திருக்க வேண்டிய நாளில், ஒன்றிய பா.ஜ.க. அரசின் வஞ்சனையால், நீதி கேட்டு மக்கள் மன்றத்தில்…#UnfairBudget4TN pic.twitter.com/L2rqtORNvD

— M.K.Stalin (@mkstalin) July 27, 2024

புதுடெல்லி:

நடப்பு நிதியாண்டுக்கான மத்திய பட்ஜெட்டை சமீபத்தில் பாராளுமன்றத்தில் நிதி மந்திரி நிர்மலா சீதாராமன் தாக்கல் செய்தார். பட்ஜெட்டில் ஆந்திரா மற்றும் பீகார் மாநிலங்களுக்கு அதிக அளவில் நிதி ஒதுக்கப்பட்டது.

தமிழ்நாடு உள்ளிட்ட பல மாநிலங்கள் பெயர் கூட பட்ஜெட்டில் வாசிக்கப்படவில்லை. இதனால் எதிர்க்கட்சிகள் விமர்சனம் செய்ததுடன் போராட்டம் நடத்தி வருகிறார்கள்.

வரும் 27-ம் தேதி டெல்லியில் பிரதமர் மோடி தலைமையில் மாநில முதல் மந்திரிகள் கலந்துகொள்ளும் நிதி ஆயோக் கூட்டம் நடைபெற உள்ளது. இந்தக் கூட்டத்தை புறக்கணிப்பதாக தமிழக முதலமைச்சர் மு.க.ஸ்டாலின் உள்ளிட்ட எதிர்க்கட்சிகள் ஆளும் மாநில முதல் மந்திரிகளில் பலர் புறக்கணித்துள்ளனர்

இதற்கிடையே, மேற்கு வங்காள முதல் மந்திரி மம்தா பானர்ஜி இன்று செய்தியாளர்களைச் சந்தித்தார். அப்போது, டெல்லியில் நடைபெறும் நிதி ஆயோக் கூட்டத்தில் நான் பங்கேற்கிறேன் என தெரிவித்தார்.

இந்நிலையில், மேற்கு வங்காள முதல் மந்திரி மம்தா பானர்ஜி இன்று மாலை டெல்லி வந்தடைந்தார். டெல்லி முதல் மந்திரி அரவிந்த் கெஜ்ரிவால் வீட்டுக்குச் சென்ற மம்தா பானர்ஜி, அங்கு கெஜ்ரிவால் மனைவி சுனிதாவை சந்தித்தார். மேலும் அவரது பெற்றோர்களையும் சந்தித்து ஆசி பெற்றார். அப்போது ஆம் ஆத்மி எம்.பி.யான ராகவ் சதா உடனிருந்தார்.

கொல்கத்தா:

நடப்பு நிதியாண்டுக்கான மத்திய பட்ஜெட்டை சமீபத்தில் பாராளுமன்றத்தில் நிதி மந்திரி நிர்மலா சீதாராமன் தாக்கல் செய்தார். பட்ஜெட்டில் ஆந்திரா மற்றும் பீகார் மாநிலங்களுக்கு அதிக அளவில் நிதி ஒதுக்கப்பட்டது.

தமிழ்நாடு உள்ளிட்ட பல மாநிலங்கள் பெயர் கூட பட்ஜெட்டில் வாசிக்கப்படவில்லை. இதனால் எதிர்க்கட்சிகள் விமர்சனம் செய்ததுடன் போராட்டம் நடத்தி வருகிறார்கள்.

வரும் 27-ம் தேதி டெல்லியில் பிரதமர் மோடி தலைமையில் மாநில முதல் மந்திரிகள் கலந்துகொள்ளும் நிதி ஆயோக் கூட்டம் நடைபெற உள்ளது. இந்தக் கூட்டத்தை புறக்கணிப்பதாக தமிழக முதலமைச்சர் மு.க.ஸ்டாலின் உள்ளிட்ட எதிர்க்கட்சிகள் ஆளும் மாநில முதல் மந்திரிகளில் பலர் புறக்கணித்துள்ளனர்

இந்நிலையில், மேற்கு வங்காள முதல் மந்திரி மம்தா பானர்ஜி இன்று செய்தியாளர்களைச் சந்தித்தார். அப்போது அவர் கூறியதாவது:

டெல்லியில் நடைபெறும் நிதி ஆயோக் கூட்டத்தில் நான் பங்கேற்கிறேன்.

எனக்கு பேச வாய்ப்பு கிடைத்தால் வங்காளத்தையும் அதன் அண்டை மாநிலங்களையும் பிரிக்கும் சதி குறித்து விளக்குவேன்.

எதிர்க்கட்சிகள் ஆளும் மாநிலங்களுக்கு எதிரான பாரபட்சம் மற்றும் அரசியல் சார்புக்கு எதிரான எனது கண்டனத்தை கூட்டத்தில் பதிவுசெய்ய எனக்கு வாய்ப்பு கிடைத்தால் செய்வேன். அப்படி இல்லையெனில் கூட்டத்தில் இருந்து வெளிநடப்பு செய்வேன் என தெரிவித்துள்ளார்.