நீங்கள் தேடியது "slug 102009"

திருச்செந்தூர்:

குலசேகரப்பட்டினம் அண்ணா சிலை பகுதியை சேர்ந்தவர் பேச்சிமுத்து (வயது80). இவர் திருச்செந்தூர் அருகே உள்ள ஒரு பெட்ரோல் பங்க்கில் காவலாளியாக பணிபுரிந்து வந்தார். நேற்று முன்தினம் வழக்கம் போல் பணியில் இருந்த இவருக்கு அவரது மனைவி பொன்னம்மாள் சாப்பாடு கொண்டு வந்தார்.

அதனை வாங்கி கொண்டு நடந்து வந்த அவர் மீது திருச்செந்தூரில் இருந்து குலசேகரப்பட்டனம் நோக்கி சென்ற மோட்டார் சைக்கிள் மோதியது. இதில் பலத்த காயம் அடைந்த பேச்சிமுத்து தூத்துக்குடி அரசு ஆஸ்பத்திரியில் அனுமதிக்கப்பட்டார். அங்கு சிகிச்சை பலனின்றி இறந்தார்.

இதுகுறித்து திருச்செந்தூர் போலீசார் வழக்குப்பதிந்து விசாரணை நடத்தி வருகின்றனர். #Tamilnews

தருமபுரி:

கோவை மாவட்டம் சூலூரை அடுத்த மல்லைபாளையம் பகுதியைச் சேர்ந்தவர் கணேசன் (வயது 51). கொத்தமல்லியை மொத்த விற்பனைக்கு வாங்கி சில்லரை விற்பனை செய்து வந்தார்.

இவர் நேற்று கிருஷ்ணகிரி மாவட்டம் ஓசூரை அடுத்த சூளகிரி பகுதியில் கொத்தமல்லி வாங்குவதற்காக காரில் வந்தார். நேற்று மாலை மீண்டும் ஊருக்கு திரும்பினார். அப்போது தருமபுரி மாவட்ட கலெக்டர் அலுவலகம் தடங்கம் பாலம் அருகே சென்று கொண்டிருந்தபோது முன்னால் சென்ற லாரி திடீரென்று இடதுபக்கத்தில் இருந்து வலது பக்கமாக திரும்பியது.

இதனால் காரை ஓட்டி வந்த டிரைவர் திடீரென்று பிரேக் போட்டார். அப்போது அங்கு மழை பெய்து கொண்டிருந்ததால் கார் ரோட்டில் நிலைதடுமாறி கவிழ்ந்தது.

இதில் கணேசனுக்கு தலையில் பலத்த காயம் ஏற்பட்டது. டிரைவருக்கு லேசான காயம் ஏற்பட்டது. உடனே அக்கம்பக்கத்தினர் ஓடிவந்து இருவரையும் தருமபுரி அரசு மருத்துவ கல்லூரி மருத்துவமனையில் சிகிச்சைக்காக சேர்த்தனர்.

அங்கு சிகிச்சை பலனின்றி இன்று அதிகாலை 3 மணியளவில் கணேசன் பரிதாபமாக இறந்தார். இதுகுறித்து தருமபுரி டவுன் போலீசார் விசாரித்து வருகின்றனர். #Tamilnews

ஆத்தூர்:

கடலூர் மாவட்டம் நெய்வேலி பகுதியை சேர்ந்தவர் பரணிதரன் (வயது 45). இவருடைய மனைவி விஜயலட்சுமி(38). இவர்களது மகன் மணிகண்டன்(6)

இவர்களும், இவர்களது உறவினர்கள் சங்கவி(21), வினோதினி(29), ஸ்ரீராம்(8), குமாரி(55), பிரியதர்ஷினி (18) ஆகியோரும் ஒரு காரில் கல்லூரி அட்மி‌ஷன் தொடர்பாக கோவைக்கு சென்று விட்டு நேற்று இரவு அவர்கள் அதே காரில் சேலம் வழியாக ஊருக்கு திரும்பினர். காரை பரணிதரன் ஓட்டினார்.

அவர்கள் சேலம் மாவட்டம் ஆத்தூர் அருகே உள்ள தலைவாசல் ஏரிக்கரை பகுதியில் கார் வந்தபோது, சாலையோரம் நிறுத்தியிருந்த லாரி மீது கார் பயங்கரமாக மோதியது. இதில் கார் முன்பகுதி அப்பளம் போல் நொறுங்கியது. காரில் இருந்த விஜயலட்சுமி மற்றும் அவரது மகன் மணிகண்டன் ஆகிய இருவரும் அடிப்பட்டு சம்பவ இடத்திலேயே ரத்த வெள்ளத்தில் பலியானார்கள்.

காரில் இருந்த பரணிதரன், சங்கவி, வினோதினி, பிரியதர்ஷினி, ஸ்ரீராம், குமாரி ஆகிய 6 பேரும் பலத்த காயம் அடைந்தனர். தலை, கை, கால், முகம் உள்ளிட்ட இடங்களில் அடிபட்ட அவர்கள் வலியால் கதறி துடித்தனர். தங்களை காப்பாற்றுங்கள்.... காப்பாற்றுங்கள் என சத்தம் போட்டு கதறி அழுதனர்.

விபத்தை பார்த்த பொதுமக்கள் காருக்குள் இருந்து அவர்களை மீட்டு சிகிச்சைக்காக ஆம்புலன்சில் ஆத்தூர் அரசு மருத்துவமனைக்கு அனுப்பி வைத்தனர்.

இதனிடையே விபத்து பற்றி குறித்து தகவல் அறிந்ததும் தலைவாசல் போலீசார் விரைந்து வந்து பலியான விஜயலட்சுமி மற்றும் அவரது மகன் மணிகண்டன் ஆகிய இருவரது உடலையும் மீட்டு பிரேத பரிசோதனைக்காக ஆத்தூர் அரசு மருத்துவமனைக்கு அனுப்பி வைத்தனர்.

பின்னர் போலீசார் விபத்து சம்பவம் குறித்து விசாரணை நடத்தியதில், விபத்து நடந்த ஏரிக்கரை பகுதியில் மின் விளக்குகள் இல்லை. வெளிச்சம் இல்லாமல் இருட்டாக இருந்ததால் லாரி சாலையில் நிறுத்தி இருந்தது தெரியாமல் கார் எதிர்பாராதவிதமாக லாரியின் பின்பகுதியில் மோதியது தெரியவந்தது.

அப்பகுதி மக்கள் கூறுகையில், ஏரிக்கரை பகுதியில் போதிய மின் விளக்குகள் இல்லாததால் அடிக்கடி விபத்துகள் நடக்கிறது. எனவே மின் விளக்குகளை அமைக்க வேண்டும் என கோரிக்கை விடுத்துள்ளனர்.

இந்த நிலையில் ஆத்தூர் அரசு மருத்துவமனையில் சிகிச்சை பெற்று வந்த அவர்கள் 6 பேரும் மேல் சிகிச்சைக்காக சேலம் அரசு மருத்துவமனைக்கு அனுப்பி வைக்கப்பட்டனர். இங்கு அவர்களுக்கு தொடர்ந்து டாக்டர்கள் சிகிச்சை அளித்து வருகிறார்கள்.

சேலம் மாவட்டம் ஆத்தூர் அருகே உள்ள கல்பகனூர் பகுதியை சேர்ந்தவர் செந்தமிழ் செல்வன் (வயது 48). லாரி டிரைவர். இவரும், இவரது உறவினர் பூமாலையும் ஒரே மோட்டார் சைக்கிளில் நேற்று இரவு கல்பகனூரில் இருந்து பெத்தநாயக்கன் பாளையம் நோக்கி சென்று கொண்டிருந்தனர்.

அப்போது அவர்கள் மீது அடையாளம் தெரியாத வாகனம் மோதி விட்டு நிற்காமல் சென்றது. இந்த விபத்தில் செந்தமிழ் செல்வன், பூமாலை ஆகிய இருவரும் பலத்த காயம் அடைந்தனர். அவர்களை போலீசார் மீட்டு சேலம் அரசு மருத்துவமனைக்கு அனுப்பி வைத்தனர். இதில் செந்தமிழ் செல்வன் வரும் வழியிலேயே பரிதாபமாக இறந்தார். தொடர்ந்து பூமாலை சேலம் அரசு மருத்துவமனையில் அனுமதிக்கப்பட்டு சிகிச்சை பெற்று வருகிறார். இந்த விபத்து சம்பவம் குறித்து ஆத்தூர் போலீசார் வழக்குப் பதிவு செய்து விசாரணை நடத்தி வருகின்றனர். #Tamilnews

குடியாத்தம்:

ஆந்திர மாநிலம் சித்தூர் அடுத்த பங்காருபாளையம் ரால்லுவங்க கிராமத்தை சேர்ந்தவர் காத்தவராயன். இவரது மகன் ஈஸ்வரன் (வயது 23). கட்டிட தொழிலாளி. திருமணமாகாதவர்.

குடியாத்தம் அடுத்த பரதராமியில் இருக்கும் கெங்கையம்மன் கோவில் சிரசு திருவிழா நேற்று நடந்தது. இந்த திருவிழாவிற்காக ஈஸ்வரன், அதே பகுதியை சேர்ந்த அருண் (20) என்ற நண்பருடன் பைக்கில் வந்து கொண்டிருந்தார்.

குடியாத்தம் அடுத்துள்ள பெருமாள்பல்லியில் வந்த போது, முன்னாள் சென்ற லாரி மீது பைக் மோதியது. இந்த விபத்தில் ஈஸ்வரன் மற்றும் நண்பர் அருண் பலத்த காயமடைந்தனர்.

சிகிச்சைக்காக குடியாத்தம் அரசு ஆஸ்பத்திரியில் அனுமதிக்கப்பட்ட ஈஸ்வரன் சிகிச்சை பலனின்றி பரிதாபமாக உயிரிழந்தார்.

நண்பர் அருணின் நிலைமை மிகவும் கவலைக்கிடமாக இருப்பதால் மேல் சிகிச்சைக்காக வேலூர் அடுக்கம்பாறை அரசு ஆஸ்பத்திரிக்கு மாற்றப்பட்டார்.

அங்கு அவருக்கு தீவிர சிகிச்சை பெற்று வருகிறார். இதற்கிடையே, பலியான ஈஸ்வரனின் கண்களை தானமாக வழங்க அவருடைய பெற்றோர் முன்வந்தனர்.

ஈஸ்வரனின் கண்களை ரோட்டரி கண் மற்றும் உடல் உறுப்பு தான சங்க தலைவர் கோபிநாத் தானமாக பெற்று கொண்டார். இந்த விபத்து குறித்து பரதராமி போலீசார் வழக்கு பதிவு செய்து விசாரணை நடத்தி வருகின்றனர். #Tamilnews

ஈரோடு:

ஈரோடு, சம்பத் நகர் ஹவுசிங் யுனிட் பகுதியை சேர்ந்தவர் விஜயசேகரன் (வயது52). தனியார் நிறுவனத்தில் கேஷியராக பணி புரிந்து வந்தார்.

நேற்று விஜயசேகரன் தனது மகன் பிரேம்குமாருடன் மோட்டார்சைக்கிளில் திண்டல் அருகே வந்து கொண்டிருந்தார்.

அப்போது கோவையில் இருந்து ஈரோடு நோக்கி ஒரு தனியார் பஸ் வந்து கொண்டிருந்தது. எதிர்பாராத விதமாக தனியார் பஸ்சும், விஜயசேகரன் வந்த மோட்டார்சைக்கிளிலும் மோதி கொண்டன.

இந்த விபத்தில் பலத்த காயம் அடைந்த விஜயசேகரன் சம்பவ இடத்திலேயே பரிதாபமாக இறந்தார். மகன் பிரேம்குமார் படுகாயம் அடைந்தார்.

அந்த வழியாக வந்தவர்கள் படுகாயம் அடைந்த பிரேம்குமாரை மீட்டு தனியார் ஆஸ்பத்திரியில் சிகிச்சைக்காக அனுமதித்தனர். அங்கு அவருக்கு தீவிர சிகிச்சை அளிக்கப்பட்டு வருகிறது.

விபத்தில் உயிரிழந்த விஜயசேகரன் உடல் பிரேத பரிசோதனைக்காக ஈரோடு அரசு ஆஸ்பத்திரிக்கு அனுப்பி வைக்கப்பட்டது.

இது குறித்து தாலுகா போலீசார் வழக்கு பதிவு செய்து விசாரணை நடத்தி வருகிறார்கள். #Tamilnews

தேவகோட்டை:

சிவகங்கை மாவட்டம் தேவகோட்டை அருகே உள்ள பரம்பக்குடி கிராமத்தைச் சேர்ந்தவர் முருகேசன் மகன் ஆறுமுகம் (வயது35). எலக்ட்ரீசியனான இவர், சேந்தல்பெரியாணைச் சேர்ந்த போஸ் (43) என்பவருடன் அருகில் உள்ள திருமணவயல் கிராமத்திற்கு தனித்தனி மோட்டார் சைக்கிளில் சென்றனர்.

பின்னர் மாலையில் இருவரும் வீட்டுக்கு புறப்பட்டனர். ஆறுமுகம் முன்னே செல்ல போஸ் பின்தொடர்ந்து சென்றார். திருமணவயல் கண்மாய் அருகே சென்றபோது திடீரென்று போஸ் வந்த மோட்டார் சைக்கிள் கட்டுப்பாட்டை இழந்து ஆறுமுகம் மோட்டார் சைக்கிள் மீது மோதியது.

இதில் நிலைதடுமாறி கீழே விழுந்த ஆறுமுகம் பலத்த காயம் அடைந்தார். உடனே அங்கிருந்தவர்கள் அவரை மீட்டு அரசு ஆஸ்பத்திரிக்கு அனுப்பி வைத்தனர். ஆனால் அங்கு சிகிச்சை பலனின்றி ஆறுமுகம் பரிதாபமாக இறந்தார். படுகாயம் அடைந்த போஸ் சிகிச்சை பெற்று வருகிறார்.

விபத்து குறித்து வேலாயுதபட்டினம் போலீஸ் இன்ஸ்பெக்டர் ஷீலாபிளவர், சப்-இன்ஸ்பெக்டர் மீனாட்சிசுந்தரம் ஆகியோர் வழக்குப்பதிவு செய்து விசாரணை நடத்தி வருகிறார்கள். #Tamilnews

கும்மிடிப்பூண்டி:

கும்மிடிப்பூண்டியை அடுத்த தோக்கம்பூரில் மாதா கோவில் உள்ளது. நேற்று ஆலயத்தில்திருவிழா நடைபெற்றது. இதையொட்டி நேற்று இரவு மாதா சிலை ஊர்வலம் நடந்தது.

இதில் அப்பகுதி மக்கள் ஏராளமானோர் கலந்து கொண்டனர். ஊர்வலத்தின் போது லோடு ஆட்டோவில் வைத்து பட்டாசுகள் வெடிக்கப்பட்டன. அந்த ஆட்டோவில் சிறுவர்கள் ஏராளமானோர் அமர்ந்து இருந்தனர். ஒரு பட்டாசு வெடித்து சிதறிய போது அதன் தீப்பொறி லோடு ஆட்டோவில் இருந்த பட்டாசுகள் மீது விழுந்தது. இதனால் பட்டாசுகள் அனைத்தும் வெடித்து சிதறின.

இதில் அருகே நின்ற சென்னை அண்ணாநகரை சேர்ந்த அக்காள்- தம்பியான காவியா (9), சஞ்செய் (8) மற்றும் போந்தவாக்கம் தர்ஷினி (10), தோக்கம்பூர் அர்ஜூன் (11), ஜோசப் (5), ஹரீஸ்பாபு (6), கல்லூரி மாணவி பர்வீனா (21) ஆகிய 7 பேர் உடல் கருகினர்.

உடனடியாக அவர்களை மீட்டு கீழ்ப்பாக்கம் அரசு ஆஸ்பத்திரியில் சேர்த்தனர். இவர்களில் தர்ஷினி, அர்ஜூன், ஹரீஸ் பாபு ஆகியோரது நிலைமை மோசமாக உள்ளது. #Tamilnews

இஸ்லாமாபாத்:

ஆக்கிரமிப்பு காஷ்மீர் பகுதியிலுள்ள கில்ஜித் -பல்டிஸ்தான் பிராந்தியத்தை பாகிஸ்தான் தனது ஐந்தாவது மாகாணமாக அறிவிக்க முயற்சி மேற்கொண்டு வருகிறது. இந்த பிராந்தியம் கடந்த 2009-ம் ஆண்டு தனி சுயாட்சி மற்றும் அதிகாரம் கொண்ட பகுதியாக அறிவிக்கப்பட்டிருந்தது.

இந்நிலையில், பாகிஸ்தானின் பிற பகுதிகளைப் போன்று ஆக்கிரமிப்பு காஷ்மீர் மற்றும் கில்ஜித்-பல்டிஸ்தான் பகுதிகளுக்கு கூடுதல் அதிகாரம், நிதி உதவி வழங்க பிரதமர் அப்பாஸி மே 21-ம் தேதி ஆணையிட்டார்.

இந்த பகுதியின் உள்ளாட்சி அமைப்புகளின் அதிகாரங்களை பறிக்கும் வகையில் இந்த உத்தரவு இருப்பதாக அப்பகுதி மக்களும், அரசியல் கட்சியினரும் கடும் எதிர்ப்பு தெரிவித்து போராட்டங்களை நடத்தி வருகின்றனர்.

அந்த வகையில், அப்பகுதி மக்களும், அரசியல் தலைவர்களும் சட்டமன்றத்தை நோக்கி நேற்று பேரணியாக சென்றனர். இந்த பேரணியை தடுக்கும் முயற்சியில் காவல்துறையினர் கண்ணீர் புகை குண்டுகளை வீசினர். தடியடியும் நடத்தப்பட்டது. மேலும், போராட்டக்காரர்களை கட்டுப்படுத்த போலீசார் துப்பாக்கிச்சூட்டிலும் ஈடுபட்டனர்.

இந்த துப்பாக்கிச்சூடு சம்பவத்தில் பொதுமக்கள் பலர் படுகாயம் அடைந்துள்ளனர். பிரதமர் அறிவித்துள்ள புதிய உத்தரவை திரும்ப பெறும்வரை போராட்டம் நடத்த உள்ளதாக போராட்டக்குழுவினர் கூறியுள்ளனர். #GilgitBaltistan #protestagainstgovernment

ஸ்ரீநகர்:

இச்சம்பவம் குறித்து காவல்துறை அதிகாரி கூறுகையில், ‘இன்று அதிகாலை 21 பாதுகாப்பு படை வீரர்களுடன் சென்ற வாகனம், பெமினா தலைமையகம் அருகே செல்லும் போது ஓட்டுனரின் கட்டுப்பாட்டை இழந்து சாலையில் கவிழ்ந்தது.

இந்த விபத்தில் சுமார் 19 பேர் காயமடைந்தனர். காயமடைந்த அனைவரும் அருகாமையில் உள்ள ஜெ.வி.சி மருத்துவமனையில் அனுமதிக்கப்பட்டனர். அவர்களில் 7 பேர் ஸ்ரீநகரில் உள்ள இராணுவ முகாம் மருத்துவமனைக்கு மாற்றப்பட்டனர்.

உயிருக்கு ஆபத்தான நிலையில் உள்ள ஒரு வீரர் மேல் சிகிச்சைக்காக டெல்லி மருத்துவமனைக்கு அனுப்பிவைக்கப்பட்டுள்ளார்’ என தெரிவித்துள்ளார். #JammuAndKashmir #CRPFvehicleaccident

பொன்னேரி:

சோழவரத்தை அடுத்த ஒரக்காடில் ஷூ தயாரிக்கும் தனியார் நிறுவனம் உள்ளது. இங்கு பழவேற்காடு, பொன்னேரி பகுதியை சேர்ந்த ஏராளமான பெண்கள் வேலை பார்த்து வருகிறார்கள். அவர்கள் தினந்தோறும் வேனில் வேலைக்கு சென்று வருவது வழக்கம். நேற்று காலை 15 பெண் தொழிலாளர்களை ஏற்றிக்கொண்டு வேன் சென்று கொண்டிருந்தது.

பொன்னேரியை அடுத்த திருப்பாலைவனம் அருகே காஞ்சிவாயிலில் ஒருவளைவில் திரும்பியபோது கட்டுப்பாட்டை இழந்த வேன் சாலையோர பள்ளத்தில் கவிழ்ந்தது.

இதில் வேனில் இருந்த சாட்டாங்குப்பத்தை சேர்ந்த சுகுணா, பழவேற்காடை சேர்ந்த செவ்வந்தி, ஜீவிதா, அமலா, ரம்யா உள்பட 15 பெண் கள் படுகாயம் அடைந்தனர்.

அவர்களை அக்கம்பக்கத்தினர் மீட்டு பொன்னேரி அரசு ஆஸ்பத்திரியில் சேர்த்தனர். வேனை ஓட்டிய சோழவரத்தை சேர்ந்த ஷபில் படுகாயம் அடைந்தார். சுகுணா மேல்சிகிச்சைக்காக ஸ்டான்லி அரசு ஆஸ்பத்திரியில் அனுமதிக்கப்பட்டுள்ளார். 

குள்ளனம்பட்டி:

திண்டுக்கல் அருகே அனுமந்தராயன்கோட்டை கமலா நகரைச் சேர்ந்தவர் அற்புதராஜ். சிக்கன் கடை வைத்துள்ளார். அவரது மனைவி அருள்மேரி (வயது 40). இவர்களுக்கு 2 மகன்களும், ஒரு மகளும் உள்ளனர். நேற்று இரவு அற்புத ராஜ் தனது மனைவி ஒரு மகன், மகளுடன் வீட்டில் தூங்கினார். இன்னொரு மகன் வெளியூர் சென்று விட்டார்.

இன்று காலை அருள்மேரி சமையல் செய்வதற்காக கியாஸ் அடுப்பை பற்ற வைத்தார். அப்போது சிலிண்டர் பயங்கர சத்தத்துடன் வெடித்து சிதறியது. இதனால் வீட்டில் இருந்த ஜன்னல் கண்ணாடிகள் சிதறின.

கண் இமைக்கும் நேரத்தில் அருள்மேரி உடலில் தீ பற்றியது. இதனால் அவர் அபயக்குரலிட்டார். சத்தம் கேட்டு இன்னொரு அறையில் இருந்த அற்புதராஜ் மகன் மரிய ஆல்வின் ஆகியோர் விரைந்து வந்து அருள்மேரியை காப்பாற்ற முயன்றனர். இதில் அவர்களுக்குக்கும் தீக்காயம் ஏற்பட்டதால் கதறினர்.

சத்தம் கேட்டு ஊரில் உள்ளவர்கள் ஓடி வந்தனர். உடனடியாக தீயணைப்பு நிலையத்துக்கு தகவல் தெரிவிக்கப்பட்டது. பொதுமக்கள் தண்ணீரை ஊற்றி தீயை அணைத்தனர். ஆனால் அருள்மேரி சம்பவ இடத்தில் உடல் கருகி பலியானார். தீயணைப்பு நிலைய அலுவலர் சக்திவேல் தலைமையில் தீயணைப்பு படையினர் விரைந்து வந்து மேலும் தீ பரவாமல் தடுப்பு நடவடிக்கையில் ஈடுபட்டனர்.

தீக்காயமடைந்த அற்புதராஜ், அவரது மகன் மரிய ஆல்வின் ஆகியோர் திண்டுக்கல் அரசு ஆஸ்பத்திரியில் அனுமதிக்கப்பட்டுள்ளனர். அவர்களுக்கு அங்கு தீவிர சிகிச்சை அளிக்கப்படுகிறது. இது குறித்து திண்டுக்கல் தாலுகா போலீசார் வழக்கு பதிவு செய்து விசாரணை நடத்தி வருகிறார்கள். #tamilnews

நாட்டறம்பள்ளி:

வேலூர் புதிய பஸ் நிலையத்தில் இருந்து பயணிகளை ஏற்றிக் கொண்டு கிருஷ்ணகிரிக்கு இன்று காலை அரசு பஸ் புறப்பட்டது. கிருஷ்ணகிரியை சேர்ந்த டிரைவர் செல்வம் (வயது 37) பஸ்சை ஓட்டிச் சென்றார்.

வாணியம்பாடி தாண்டி நாட்டறம்பள்ளி அருகே அரசு பஸ் சென்று கொண்டிருந்தது. அப்போது திடீரென டிரைவரின் கட்டுப்பாட்டை இழந்து பஸ் தறிகெட்டு ஓடியது.

சாலையின் ஓரத்தில் இருந்த தடுப்பு கம்பியை உடைத்து 25 அடி பள்ளத்தில் அரசு பஸ் கவிழ்ந்தது. அதிகாலை நேரம் என்பதால் பஸ்சில் பயணிகள் தூக்க கலக்கத்தில் இருந்தனர். அவர்கள் பஸ் பள்ளத்தில் கவிழ்ந்ததை பார்த்து அலறி கூச்சலிட்டனர். 27 பயணிகள் படுகாயம் அடைந்தனர்.

சம்பவ இடத்திற்கு வந்த நாட்டறம்பள்ளி போலீசார் பொதுமக்கள் உதவியுடன் பஸ்சின் ஈடுபாடுகளில் சிக்கிய பயணிகளை மீட்டு நாட்டறம்பள்ளி அரசு ஆஸ்பத்திரியில் சேர்த்தனர். இதுகுறித்து போலீசார் விசாரணை நடத்தி வருகின்றனர். #Tamilnews