நீங்கள் தேடியது "slug 169049"

கன்னியாகுமரி :

இந்தியாவின்தென் கோடி முனையில் அமைந்து உள்ளது கன்னியாகுமரி. இது ஒரு உலகப்புகழ் பெற்ற சர்வதேச சுற்றுலாத் தலமாகும். இங்கு தினமும் ஆயிரக் கணக்கானஉள்நாட்டு மற்றும் வெளிநாட்டு சுற்றுலா பயணிகள் வந்து செல்கிறார்கள். இது தவிர நவம்பர், டிசம்பர், ஜனவரி ஆகிய3மாத ங்களும்சபரி மலை சீசனையொட்டி அய்யப்ப பக்தர்களின் வரு கையும் அதிக அளவில் காணப்படும்.மேலும் ஏப்ரல், மே மாதங்களில் கோடை விடுமுறைசீசனை யொட்டி சுற்றுலா பயணிகளின் வருகை அதிகஅளவில் இருக்கும்.

சுற்றுலாத்த லமான கன்னியாகுமரியில் சுற்றுலா பயணிகள் கூட்டம் அதிக அளவில் இருக்கும்போது கூட்ட நெரிசலை பயன்படுத்தி திருட்டு, வழிப்பறி, பிக்பாக் கெட்போன்றசமூக விரோத செயல்கள் அரங்கேறி வருகின்றன. மேலும் கன்னியாகுமரி நகர பகுதியில்106-க்கும் மேற்பட்டலாட்ஜுகளும் 1000-க்கும் மேற்பட்ட ஓட்டல் மற்றும் கடைகளும் ஏராள மானவீடுகளும் அமைந்து உள்ளன.இவற்றில்திருட்டு போன்றசம்பவங்களும் அடிக்கடிநிகழ்ந்து வருகின் றன.இதற்கிடையில் போக்குவரத்துநெரிசல் மிகுந்த நேரங்களில்வாகன விபத்துகளும் அடிக்கடி நிகழ்கின்றன.கடத்தல் போன்ற சம்பவங்களும் நடந்துவருகின்றன. இதற்கிடையில் தினமும் கன்னியாகுமரிக்கு ஜனாதிபதி, பிரதமர், முதல்-அமைச்சர், மத்திய- மாநில அமைச்சர்கள், வெளிநாட்டு பிரமுகர்கள் போன்ற முக்கிய விருந்தி னர்கள் வந்து சென்ற வண்ணமாக உள்ளனர். இதனால் கன்னியாகுமரி நகர பகுதி முழுவதையும் போலீசார் பாதுகாப்பு நலன் கருதி தங்களது கட்டுப்பாட் டுக்குள்கொண்டு வர முடிவு செய்துள்ளனர். இதைத் தொடர்ந்து கன்னியாகுமரி நகர பகுதியில்உள்ள படகுத்துறை, முக்கடலும் சங்கமிக்கும்திரிவேணி சங்கமம்சங்கிலித்துறை கடற்கரைபகுதி, காந்தி மண்டப பஜார், பார்க்வியூ பஜார், கடற்கரை சாலை, மெயின்ரோடு விவே கானந்த புரம் சந்திப்பு, சர்ச் ரோடு சந்திப்பு, புதிய பஸ்நிலைய த்துக்கு செல்லும்கோவளம் ரோடு, விவேகானந்தாராக் ரோடு, சன்னதிதெரு, ரதவீதிகள் உள்பட 100-க்கும் மேற்பட்ட இடங்களில் அதி நவீன கண்காணிப்பு கேம ராக்கள் பொருத்தும் பணி நடந்து வருகிறது

திருப்பூர் :

குடிமை பொருள் வழங்கல் குற்ற புலனாய்வு துறை கூடுதல் டி.ஜி.பி. அருண் உத்தரவுப்படி, ரேஷன் அரிசி கடத்தலை தடுக்க பல்வேறு நடவடிக்கைகள் மேற்கொள்ளப்பட்டு வருகிறது. கோவை குடிமைபொருள் வழங்கல் குற்ற புலனாய்வு துறை போலீஸ் சூப்பிரண்டு பாலாஜி உத்தரவு படி துணை போலீஸ் சூப்பிரண்டு சுரேஷ்குமார் வழிகாட்டுதலின் படி, திருப்பூர் மாவட்ட எல்லைகளில் உள்ள சோதனை சாவடிகளான கரடிவாவி, மடத்துக்குளம், ஏரகாம்பட்டி, ஒன்பதாறு சோதனை சாவடி ஆகிய சோதனை சாவடிகளின் வழியாக, கேரள மாநிலத்திற்கு ரேஷன் அரிசி கடத்தலை தடுக்கும் வகையில் கண்காணிப்பு பணி நடந்தது.

திருப்பூர் குடிமை பொருள் வழங்கல் குற்ற புலனாய்வு துறை போலீஸ் இன்ஸ்பெக்டர் சாந்தி, சப்-இன்ஸ்பெக்டர் கார்த்தி மற்றும் போலீசார் தீவிர வாகன சோதனை செய்து வருகின்றனர். மேலும் ரேஷன் அரிசி கடத்துவோர் மீது கடுமையான நடவடிக்கை–கள் எடுக்கப்படும் என தெரிவித்துள்ளனர்.

கன்னியாகுமரி :

திருவட்டார் அருகே வியனூர் பகுதியில் வசித்து வருபவர் ஜெஸ்டின்ராஜ் (வயது 52), புதுக்கடை போலீஸ் நிலையத்தில் தலைமை காவலராக பணிபுரிந்து வருகிறார். இவருக்கும் வியனூர் பகுதியை சேர்ந்த சுரேஷ் (44) என்பவருக்கும் முன்விரோதம் இருந்தது. சம்பவத்தன்று ஜெஸ்டின்ராஜ் இருசக்கர வாகனத்தில் பணிக்குச் செல்லும்போது சுரேஷ் வழிமறித்து மோட்டார் சைக்கிளில் இருந்து கீழே தள்ளி தகாத வார்த்தைகள் பேசி கொலை மிரட்டல் விடுத்தார். கீழே விழுந்ததில் பலத்த காயம் அடைந்த ஜெஸ்டின்ராஜ் தக்கலை அரசு மருத்துவமனையில் சிகிச்சை பெற்று வருகிறார். அவர் கொடுத்த புகாரின்பேரில் திருவட்டார் போலீசார் வழக்கு பதிவு செய்து சுரேசை கைது செய்தனர்.

ஊட்டி,

நீலகிரி மாவட்ட காவல் துறை சாா்பில் எல்லையில் உள்ள மாநிலங்களின் காவல் அதிகாரிகளுடனான தகவல் பரிமாற்றங்கள் குறித்த கலந்தாய்வு கூட்டம் நடைபெற்றது.

இந்த கூட்டம் நீலகிரி மாவட்ட போலீஸ் சூப்பிரண்டு பிரபாகா் தலைமையில் நடைபெற்றது. இதில் நீலகிரி மாவட்ட எல்லையையொட்டி உள்ள கேரள மாநிலம் வயநாடு, மலப்புரம் மாவட்டங்கள், கா்நாடக மாநில சாம்ராஜ் நகா் மாவட்டத்தைச் சோ்ந்த காவல் துறை அதிகாரிகள் பங்கேற்றனா்.

இதில் மாவோயிஸ்ட் நடமாட்டங்கள், எல்லை தாண்டி வரும் தடை செய்யப்பட்ட பொருள்கள் மற்றும் பல தகவல் பரிமாற்றங்கள் குறித்து விவாதிக்கப்பட்டது. இதில் மாநில எல்லைகள் வழியாக நடைபெறும் சட்டவிரோத செயல்களை எவ்வாறு கட்டுப்படுத்துவது என்பது குறித்து ஆலோசனை நடத்தப்பட்டது.  

நாகர்கோவில்:

மண்டைக்காடு பகவதி அம்மன் கோவில் திரு விழாவின்போது ஹைந்துவ சங்கம் சார்பில் நடைபெற இருந்த சமய மாநாட்டிற்கு தடை விதிக்கப்பட்டுள்ளது.

இந்து அறநிலைய துறை சார்பில் மாநாடு நடத்த ஏற்பாடுகள் செய்யப்பட்டு வருகிறது. ஹைந்துவ சங்கம் சார்பில் நடைபெற இருந்த மாநாட்டிற்கு தடை விதிக்கப்பட்டதற்கு இந்து முன்னணி, பாரதிய ஜனதா உள்ளிட்ட இந்து அமைப்புகள் எதிர்ப்பு தெரிவித்து உள்ளன. திட்டமிட்டபடி ஹைந்துவ சங்கம் சார்பில் சமய மாநாடு நடத்தப்படும் என்றும் தெரிவித்துள்ளனர்.

சமய மாநாடு நடத்த தடை விதிக்கப்பட்டதற்கு எதிர்ப்பு தெரிவித்து இந்து அமைப்புகள் சார்பில் மாவட்டம் முழுவதும் போராட்டங்களும் நடந்தது. இந்த நிலையில் இன்று மண்டைக்காடு பகுதியில் இந்து அமைப்புகள் சார்பில் போராட்டம் நடத்தப்படும் என்று அறிவிக்கப்பட்டு இருந்தது.

போராட்டத்திற்கு போலீ சார் அனுமதி மறுத்தி ருந்தனர். தடையை மீறி போராட்டம் நடத்தப்படும் என்று இந்து அமைப்பினர் தெரிவித்துள்ளனர். இதை யடுத்து போராட்டத்திற்கு வருபவர்களை தடுக் கும் விதத்தில் மாவட்டம் முழுவதும் போலீசார் கண்காணிப்பு பணியில் ஈடுபட்டனர். மாவட்ட போலீஸ் சூப்பிரண்டு ஹரிகிரண் பிரசாத் உத்தர வின் பேரில் மாவட்டம் முழுவதும் பலத்த பாதுகாப்பு போடப்பட்டுள்ளது.

மண்டைக்காட்டில் நடை பெறும் போராட்டத்திற்கு கலந்து கொள்ள வருப வர்களை அந்தந்த பகுதி களில் கைது செய்யவும் உத்தரவு பிறப்பிக்கப்பட் டுள்ளது. இதையடுத்து நாகர்கோவில் பகுதியில் போலீசார் தீவிர கண்காணிப்பு பணியில் ஈடுபட்டுள்ளனர். மண்டை காட்டிற்கு செல்லும் பாதை பகுதிகளில் போலீசார் தடுப்பு வேலிகளை அமைத்து கண்காணிப்பு பணியை மேற்கொண்டு வருகிறார்கள்.

நாகர்கோவில் டெரிக் சந்திப்பு பகுதியில் இன்று காலை முதலே போலீஸ் பாதுகாப்பு போடப்பட்டி ருந்தது. அந்த பகுதியில் 50-க்கும் மேற்பட்ட போலீசார் குவிக்கப்பட்டு உள்ளனர். இதேபோல் பறக்கை விலக்கு, புத்தளம், மண்டைக்காடு உள்ளிட்ட பகுதிகளிலும் போலீசார் குவிக்கப்பட்டு இருந்தனர். இந்த நிலையில் இந்து அமைப்பினர் போராட்டத் திற்கு அனுமதி கிடைக்கா ததால் வேறு தேதியில் போராட்டம் நடத்துவதாக தெரிவித்தனர்.

திருப்பூர் :

மகா சிவராத்திரி விழாவை முன்னிட்டு கோவை ஈசா யோகா மையத்திற்கு குடியரசுத் தலைவர் திரௌபதி முர்ம விமானம் மூலமாக கோவைக்கு வருகை தர உள்ளார். அவரது வருகையையொட்டி கோவையில் பலத்த பாதுகாப்பு போடப்பட்டுள்ளது. இந்த நிலையில் கோவையின் அருகாமை மாவட்டமான திருப்பூரிலும் காவல்துறையினர் அனைத்து பகுதிகளிலும் வாகனத் தணிக்கையில் ஈடுபட்டுள்ளனர். திருப்பூர் புஷ்பா சந்திப்பு அருகில் இன்று காலை போலீசார் வாகனத் தணிக்கையில் ஈடுபட்டனர்.

ஹெல்மெட் அணிந்து வந்த வாகன ஓட்டிகளிடம் ஆவணங்களை ஆய்வு செய்தனர். 

நாகர்கோவில் :

மண்டைக்காடு கோவிலில் சமய மாநாட்டிற்கு அறநிலையத்துறை அதிகாரிகள் தடை விதித்து உள்ளனர். இதற்கு கண்டனம் தெரிவித்து மாவட்டம் முழுவதும் பாரதிய ஜனதாவினர் மறியல் போராட்டத்தில் ஈடுபட்டனர். இந்த நிலையில் இன்று மாவட்டம் முழுவதும் போலீஸ் நிலையங்களில் புகார் அளித்தனர். கோட்டார் போலீஸ் நிலையத்தில் கிழக்கு மண்டல தலைவர் ராஜன் தலைமையில் வந்த பாரதிய ஜனதாவினர் மனு ஒன்று அளித்தனர். அந்த மனுவில் கூறியிருப்பதாவது:-

மண்டைக்காடு பகவதியம்மன் கோவிலில் கடந்த 85 ஆண்டுகளாக பாரம்பரியமாக நடைபெற்று வரும் இந்து சமய மாநாட்டை அமைச்சர் மனோதங்கராஜ் தலையிட்டு நிறுத்தியுள்ளார். இதனால் குமரி மாவட்டத்தில் பெரும் கொந்தளிப்பு ஏற்பட்டுள்ளது. கடந்த ஆண்டு குமாரகோவிலில் தேரோட்டத்தின் போது மாற்று மதத்தினர் மற்றும் அமைச்சர் மனோதங்கராஜ் விதி முறையை மீறி செயல்பட்டனர்.

அமைச்சர் மனோ தங்கராஜின் இத்தகைய நடவடிக்கைகள் இந்து சமுதாய மக்கள் மத்தியில் பெரும் கொந்தளிப்பையும், மனவேதனையையும் ஏற்படுத்தியுள்ளது. மேலும் மண்டைக்காட்டில் நடைபெற்ற கலவரத்திற்கு பிறகு அமைக்கப்பட்ட வேணுகோபால் கமிஷன் பரிந்துரைக்கு எதிராக பல ஆண்டுகளாக அனுமதி கொடுக்கப்படாமல் இருக்கும் கிறிஸ்தவ தேவாலயங்களுக்கு விதிமுறைகளுக்கு மாறாக அனுமதி வழங்க மாவட்ட அதிகாரிகளுக்கு அழுத்தம் கொடுத்து வருகிறார். அமைச்சர் மனோ தங்கராஜ் மீது சட்டப்படி வழக்குப்பதிவு செய்து நடவடிக்கை எடுக்க வேண்டும்.

இவ்வாறு மனுவில் கூறியிருந்தார்.

அப்போது மாவட்ட பொருளாளர் முத்துராமன், கவுன்சிலர் ரோசிட்டா, கிழக்கு மண்டல கல்வியாளர் பிரிவு துணை தலைவர் பிரசாத், நிர்வாகி அஜித் குமார் மற்றும் நிர்வாகிகள் உடன் இருந்தனர்

சங்கரன்கோவில்:

சங்கரன்கோவில் அருகே உள்ள வேப்பங்குளம் கிராமத்தை சேர்ந்த சண்முகநாதன் என்பவர் நில தகராறு சம்பந்தமாக சங்கரன்கோவிலை சேர்ந்த சகாயமேரி என்பவர் மீது சின்னகோவிலான்குளம் போலீசில் புகார் அளித்தார்.

இதுகுறித்த விசாரணைக்காக 2 தரப்பினரும் சம்பவத்தன்று போலீஸ் நிலையத்திற்கு சென்றுள்ளனர். அப்போது 2 தரப்பினரும் போலீஸ் நிலையத்திற்கு உள்ளேயே ஒருவரை ஒருவர் தாக்கி மோதலில் ஈடுபட்டதாக கூறப்படுகிறது. அதனை தடுக்க முயன்ற முதல்நிலை காவலர் அருணாசலம் என்பவருக்கு காயம் ஏற்பட்டது.

தொடர்ந்து அருணாசலம் அளித்த புகாரின் பேரில் போலீசாரை பணிசெய்ய விடாமல் தடுத்ததாக மணிகண்டன், சண்முகநாதன் மற்றும் சகாயமேரி மீது வழக்குப்பதிவு செய்யப்பட்டது. இதில் சண்முகநாதன் மற்றும் மணிகண்டனை போலீசார் உடனடியாக கைது செய்து சிறையில் அடைத்தனர்.சகாயமேரியை காவல்துறையினர் தீவிரமாக தேடி வருகின்றனர்.

கன்னியாகுமரி:

ராஜாக்கமங்கலம் அருகே எள்ளுவிளையை சேர்ந்தவர் தமிழ்ச்செல்வன்.

இவர் அனந்த நாடார்குடி பகுதியில் வசித்து வருகிறார் அவரது பக்கத்து வீட்டில் புத்தளத்தை சேர்ந்த அய்யாவு என்பவர் குடும்பத்துடன் வசித்து வரு கிறார். இரு வீட்டருக்கும் அடிக்கடி தகராறு நடந்து வருகிறது. சம்பவத்தன்று தமிழ்ச்செல்வன் வீட்டுக்கும் அய்யாவு வீட்டிற்கும் தகராறு நடந்தது. இது தொடர்பாக தமிழ்செல்வனின் மனைவி ஜாக்குலின் ராஜாக்கமங்க லம் போலீசார் புகார் கொடுத்தார்.

இந்த புகார் மனுவின் மீது விசாரணை நடத்துவது வதற்காக ராஜாக்கமங்கலம் எஸ்.ஐ. ஜார்ஜ் பிரேம்லால் மற்றும் தலைமை காவலர் சுதாகர் ஆகியோர் ஆனந்தநாடார் குடிக்கு சென்று அய்யாவு வீட்டில் விசாரணை நடத்தினர். அப்போது அய்யாவு மகன் பார்த்தசாரதி என்பவரை போலீஸ் நிலையம் செல்ல வருமாறு போலீசார் அழைத்துள்ளனர். இந்த நேரத்தில் அய்யாவு அவரது மகன் பார்த்தசாரதி மற்றும் அவரது மனைவி கலா மற்றும் சரண்யா, சந்தியா ஆகியோர் போலீசார் மீது தாக்குதல் நடத்தி அவரது சட்டையும் கிழித்தனர். இதில் போலீஸ் ஏட்டு சுதா கர் காயம் அடைந்து உள்ளார்.

இச்சம்பவம் குறித்து உடனடியாக ராஜாக்க மங்கலம் போலீசாருக்கு தகவல் தெரிவிக்கப்பட்டது. ராஜாக்கமங்கலம் போலீசார் மற்றும் தனிப்படை போலீசார் அவர்களை மீட்டு ஆசாரிப்பள்ளம் மருத்துவக்கல்லூரி மருத்துவமனையில் சிகிச் சைக்காக ஏட்டு சுதாக ரனை சேர்த்தனர். அந்த நேரத்தில் அய்யாவும் மற்றும் அவரது மகன் பார்த்தசாரதி ஆகியோர் வீட்டின் பின்பக்கமாக தப்பி சென்று விட்டனர். இதனால் போலீசார் அவர் களை கைது செய்ய முடிய வில்லை.

பின்னர் நேற்று கலா மற்றும் அவரது மகள்கள் சரண்யா, சந்தியா ஆகி யோரை கைது செய்து வழக்கு பதிவு செய்தனர். பின்னர் அவர்களை நாகர் கோவில் கோர்ட்டில் ஆஜர் படுத்தினர். நீதிபதி அவர் களை 15 நாள் காவலில் வைக்க உத்தரவிட்டார்.

சேலம்:

சேலம் களரம்பட்டி மெயின் ரோடு பகுதியைச் சேர்ந்தவர் பிரபாகரன். இவர் இன்று காலை சேலம் டவுன் மகளிர் போலீஸ் நிலையம் வந்தார். அப்போது திடீரென போலீஸ் நிலையம் முன்பு அமர்ந்து தர்ணா போராட்டத்தில் ஈடுபட்டார். அப்போது அவரிடம் போலீசார் விசாரணை நடத்தினர்.

விசாரணையில் அவர் கூறும் போது:-

கடந்த 26-ந் தேதி தனது மகளை ஒரு வாலிபர் கடத்திச் சென்று தொந்தரவு கொடுத்ததாக போலீஸ் நிலை யத்தில புகார் அளித்தேன். இதையடுத்து போலீசார் வாலிபரை பிடித்து விசாரித்து நடவடிக்கை எடுத்தனர். ஆனால் கைது நடவடிக்கை எடுக்கவில்லை. அவரை விட்டு விட்டனர்.

இதனிடையே தனது மகள் தூக்க மாத்திரை சாப்பிட்டு தற்கொலை முயன்றார். தற்போது ஆஸ்பத்திரியில் சிகிச்சை பெற்று வருகிறார். இதற்கு காரணமான வாலிபர் மீது நடவடிக்கை எடுத்து கைது செய்ய வேண்டும். இவ்வாறு அவர் கண்ணீர் மல்க கூறினார். 

தூத்துக்குடி:

தமிழ்நாடு சீருடைப்பணியாளர் தேர்வாணையம் நடத்திய காவல்துறை, சிறைத்துறை மற்றும் தீயணைப்புத்துறை இரண்டாம் நிலைக் காவலர் பதவிகளுக்கான எழுத்து தேர்வு கடந்த நவம்பர் மாதம் நடந்தது.இதில் தேர்ச்சி பெற்று தகுதியான விண்ணப்பதாரர்கள் 931 பேருக்கு உடற் தகுதி தேர்வு மற்றும் உடல் திறனாய்வு தேர்வு கடந்த 6-ந் தேதி முதல் நேற்று.வரை தூத்துக்குடி தருவை மைதானத்தில் நடைபெற்றது.

இதில் உடற் தகுதி தேர்வு மற்றும் உடற் திறனாய்வு தேர்வின் போது காவல்துறையினருக்கு உறுதுணையாக பணியாற்றிய மாவட்ட விளையாட்டு அலுவலர் அந்தோணி அதிஷ்டராஜ் உட்பட உடற்கல்வி ஆசிரியர்கள் 20 பேருக்கு தூத்துக்குடி மாவட்ட காவல் கண்காணிப்பாளர் பாலாஜி சரவணன் சான்றிதழ்கள் வழங்கி பாராட்டினார்.நிகழ்ச்சியில் தூத்துக்குடி தலைமையிடத்து காவல்துறை கூடுதல் கண்காணிப்பாளர் கார்த்திகேயன்,காவல் துணை கண்காணிப்பா ளர்கள் மதுரை மாநகர மத்திய குற்றப்பிரிவு கல்பனா,தூத்துக்குடி . சத்தியராஜ், நில அபகரிப்பு தடுப்பு சிறப்பு பிரிவு சம்பத், சமூக நீதி மற்றும் மனித உரிமைகள் பிரிவு ஜெயராஜ் மற்றும் உடற்கல்வி ஆசிரியர்கள் உடனிருந்தனர்.

கன்னியாகுமரி:

குளச்சல் இயற்கை துறைமுக கடற்கரை பகுதிக்கு மாலை வேளை களில் பொதுமக்கள் பொழுது போக்க மற்றும் காற்று வாங்க வந்து செல்வர்.

இந்நிலையில் கடந்த சில நாட்களாக அதிகாலை மற்றும் இரவு வேளைகளில் அனுமதியின்றி இங்கு மது விற்பனை செய்யப்ப டுவதாக குளச்சல் போலீசா ருக்கு தகவல் கிடைத்தது. மேலும் கடற்கரையில் மது அருந்திவிட்டு மது பாட்டில்களை அங்கே போட்டு உடைத்து விட்டு செல்கின்றனர். உடைந்த மது பாட்டில்கள் கடற்கரைக்கு வரும் பொதுமக்களின் கால்களை பதம் பார்த்து விடுகிறது.

எனவே அங்கு மது அருந்துபவர்களை கட்டுப்படுத்தும் வகையில் குளச்சல் போலீஸ் நிலையம் சார்பில் எச்சரிக்கை பலகை அமைக்கப்பட்டு உள்ளது. இதில் இன்ஸ்பெக்டர் கிறிஸ்டி, புனித காணிக்கை அன்னை திருத்தல செயலா ளர் வால்டர், இணை செயலாளர் ரெக்சன், பொரு ளாளர் ஜெயசீலன் ஆகி யோர் கலந்து கொண்டனர்.