நீங்கள் தேடியது "slug 212067"

சிங்கம்புணரி

சிவகங்கை மாவட்டம் திருப்பத்தூர் அருகே மாம்பட்டி கிராமத்தில் பிரியாவிடை நயனார், பொன்னாவிடை செல்வி தீர்த்தவாரி மண்டகப்படி திருவிழா நடந்தது. இதை முன்னிட்டு மாம்பட்டி கிராம பொதுமக்கள் மற்றும் இளைஞர்களால் மினி மாரத்தான் ஓட்டப்பந்தயம் நடத்தப்பட்டது.

இந்த மினி மராத்தான் ஓட்டப்பந்தயம் மாம்பட்டி யில் தொடங்கி ஏரியூர் வரை சுமார் 8 கிலோ மீட்டர் தூரத்திற்கு சென்று வர எல்லை நிர்ணயிக்கப்பட்டு போட்டி நடைபெற்றது.

போட்டியினை எஸ்.எஸ்.கோட்டை காவல் நிலைய சார்பு ஆய்வாளர் காளீஸ்வரி பச்சைக்கொடி அசைத்து தொடங்கி வைத்தார். இந்த போட்டியில் கலந்து கொள்வதற்காக தமிழகத்தின் பல்வேறு மாவட்டங்களில் இருந்தும் அண்டை மாநிலமான பெங்களூர் உள்ளிட்ட மாநிலங்களில் இருந்தும் 100-க்கும் மேற்பட்ட வீரர்கள் கலந்து கொண்ட னர்.

ராஜபாளையத்தை சேர்ந்த மாரி பிரசாத் முதல் பரிசையும், ரெங்கராஜ் 2-வது பரிசையும், 3-வது பரிசை பெங்களூரு சுரேசும் பெற்றனர். மினி மராத்தான் போட்டியில் பங்கேற்று முதல் 10 இடங் களை பிடித்தவர்களுக்கு பரிசு தொகை, வெற்றி கோப்பை, பாராட்டு சான்றி தழ், பதக்கங்கள் வழங்கி கவுரவப்படுத்தினர். அடுத்து வந்த 10 பேருக்கு ஊக்கத் தொகையாக பரிசு தொகை, சான்றிதழ், பதக்கம் வழங்கப்பட்டது. இந்த போட்டியில் மதுரையைச் சேர்ந்த கண்ணன் என்ற 70 வயது முதியவர் கலந்து கொண்டு எல்கையை அடைந்தார். அதோடு பெரம்பலூரை சேர்ந்த ஒரு கையை இழந்த மாற்றுத்திறனாளி கலைச்செல்வன் மற்றும் தனது மகள் ஓடியபோது உற்சாகப்படுத்திய தாய் என பலருக்கும் ஆறுதல் பரிசு வழங்கப்பட்டது.

முன்னதாக கிராமத்து சிறுவர்கள் மற்றும் இளைஞர்களுக்கு மினி மாரத்தான் போட்டி நடத்தப்பட்டது. இப்போட்டி களில் பங்கேற்ற அனைத்து வீரர்களுக்கும் சான்றிதழ் வழங்கப்பட்டது.

பூதலூர்:

திருக்காட்டுப்பள்ளி அரசு கலை அறிவியல் கல்லூரியில் மாணவர் சேர்க்கை கலந்தாய்வு குறித்து கல்லூரி முதல்வர் ராஜா வரதராஜா வெளியிட்டுள்ள செய்தி குறிப்பில் கூறியிருப்பதாவது.

பூதலூர் பழைய ஊராட்சி ஒன்றிய அலுவலக கட்டிடத்தில் தற்காலிகமாக செயல்பட்டு வரும் திருக்காட்டுப்பள்ளி அரசு கலை அறிவியல் கல்லூரிக்கு 2023-24 ஆண்டுக்கான மாணவர் சேர்க்கை வரும் 30-ந்தேதி தொடங்குகிறது. வரும் 30-ந்தேதி காலை 9 மணிக்கு சிறப்பு ஒதுக்கீட்டிற்கான மாணவர் சேர்க்கை நடைபெறும்.

அதனை தொடர்ந்து ஜூன் முதல் தேதி பி.காம் ,பிபிஏ பிரிவுகளுக்கும் ,ஜூன் 8-ம் தேதி பி.எஸ்.சி.கணினி அறிவியல் பிரிவுக்கும், ஜூன் 9-ஆம் தேதி பிஏ தமிழ் மற்றும் ஆங்கில பிரிவிற்கும் மாணவர் சேர்க்கை நடைபெறும்.

இணைய வழியில் விண்ணப்பம் அனுப்பிய விண்ணப்பதாரர்கள் கலந்தாய்வுக்கு வரும் பொழுது தங்களின் கல்வித் தகுதி குறித்த 10ம் வகுப்பு 11ஆம் வகுப்பு 12ஆம் வகுப்பு மதிப்பெண் சான்றிதழ்கள் அசல் மற்றும் நகல் ,மாற்றுச் சான்றிதழின் அசல் மற்றும் நகல், இனச் சான்றிதழ், ஆதார் அட்டை மாணவர்களின் புகைப்படங்கள் இரண்டு, சிறப்பு ஒதுக்கீடு கோருப வர்கள் அதற்கான சான்றிதழ்களுடன் குறிப்பிட்ட தேதியில் குறிப்பிட்ட நேரத்தில் கல்லூரி வளாகத்தில் நடைபெறும் கலந்தாய்வில் கலந்து கொள்ள வேண்டும்.

திருக்காட்டுப்பள்ளி அரசு கலை அறிவியல் கல்லூரிக்கு நடப்பு ஆண்டு மொத்தம் 3376 விண்ணப்பங்கள் வரப்பெற்றுள்ளன.

இதில் கணினி அறிவியல் பிரிவு கோரி 753 விண்ணப்பங்களும், இளங்கலை தமிழ் படிக்க 751 விண்ணப்பங்களும், வணிக நிர்வாகவியல் (பிபிஏ) படிக்க 648 விண்ணப்ப ங்களும், வணிகவியல் (பிகாம்) படிக்க 585 பேரும், பி.ஏ.ஆங்கிலம்படிக்க 4 54 விண்ணப்பங்களும், சிறப்பு பிரிவினர் 185 பெரும் விண்ணப்பித்துள்ளனர்.

விண்ணப்பதாரர்கள் அனைத்து சான்றிதழ்களின் அசல் மற்றும் நகல் உடன் இரண்டு புகைப்படங்களுடன் குறிப்பிட்ட தேதியில் குறிப்பிட்ட நேரத்தில் கலந்தாய்வில் கலந்து கொள்ள வேண்டும்.இவ்வாறு அதில் கூறப்பட்டுள்ளது.

தஞ்சாவூர்:

உயர் ரத்த அழுத்தத்தால் ஏற்படக்கூடிய பாதிப்பு களைப் பற்றி விழிப்பு ணர்வை ஏற்படுத்துவ தற்காக உலக இரத்த அழுத்த தினம் ஆண்டு தோறும் மே 17-ம் தேதி அனுசரிக்கப்படுகிறது.

இதனை கருத்தில் கொண்டு தஞ்சாவூர் ஸ்ரீகாமாட்சி மெடிக்கல் சென்டர் சார்பாக ரத்த அழுத்த விழிப்புணர்வு நடைபயணம் இன்று நடத்தப்பட்டது.

நிகழ்ச்சிக்கு தஞ்சாவூர் ஸ்ரீகாமாட்சி மெடிக்கல் சென்டரின் நிர்வாக இயக்குனர் டாக்டர் எம்.கே.இனியன், மருத்துவமனையின் மூத்த நிர்வாக அதிகாரி டாக்டர் எஸ்.ரமேஷ்பாபு, டாக்டர் அக்சயா இனியன், டாக்டர் கே.மோகன் ஆகியோர் தலைமை தாங்கினர்.

தஞ்சை புதிய பஸ் நிலையம் அருகே உள்ள மன்னர் சரபோஜி அரசு கல்லூரி முன்பு இருந்து தொடங்கிய நடைபயணத்மாதை நகராட்சி மேயர் சண்.ராமநாதன் கொடியசைத்து தொடங்கி வைத்தார்.

இதில் பொதுமக்கள், மாணவர்கள், டாக்டர்கள், மருத்துவ ஊழியர்கள், செவிலியர்கள் என ஏராளமானோர் கலந்து கொண்டு நடைப்பயணமாக புறப்பட்டனர்.

அப்போது நடைப்பயணத்தின் அவசியம் குறித்தும், நடைப்பயணத்தால் உடலுக்கு ஏற்படும் பயன்கள் குறித்தும், உயர் ரத்த அழுத்தத்தின் அறிகுறிகள், அதை எவ்வாறு குணப்படுத்துவது (அல்லது) வாழ்கை முறையினால் கட்டுப்படுத்துவது போன்றவை குறித்து பொது மக்களுக்கு தெளிவாக விளக்கி கூறப்பட்டது.

இந்த நடைப்பயண மானது தஞ்சாவூர் ஸ்ரீகாமாட்சி மெடிக்கல் சென்டர் வழியாக சுமார் 3 கி.மீ. சென்று மீண்டும் மன்னர் சரபோஜி அரசு கல்லூரி நுழைவு வாயிலில் முடிவடைந்தது.

நடைப்பயணத்தில் பங்கேற்ற அனைவரும் உயர் இரத்த அழுத்தத்தினை கட்டுப்பாடாக வைக்கப்படும் என்ற எடுத்துக் கொண்டனர்.

நடைப்பயணத்தில் கலந்து கொண்ட அனைவருக்கும் பாராட்டு சான்றிதழ்களும், பதக்கங்களும் வழங்கப்பட்டன.

முன்னதாக சிறப்பு விருந்தினராக கலந்து கொண்ட மேயர் சண்.ராமநாதனுக்கு, ஸ்ரீகாமாட்சி மெடிக்கல் சென்டரின் நிர்வாக இயக்குனர் டாக்டர் எம்.கே. இனியன் நினைவு பரிசு வழங்கினார்.

திருப்பூர்:

பிரிகேஜி, அங்கன்வாடி மையம் துவங்கி எல்.கே.ஜி., யு.கே.ஜி.,1-ம்வகுப்பு வரை குழந்தைகளை பள்ளியில் சேர்க்க ஆதார் அட்டை அவசியமானதாகிறது.புதிய கல்வியாண்டு துவங்க உள்ள நிலையில் தன் மகன், மகளை பள்ளியில் சேர்க்கும் பணியில் பெற்றோர் ஆர்வமுடன் தயாராகியுள்ளனர்.அதற்காக, பிறப்பு சான்றிதழ், போட்டோ, ஆதார் உள்ளிட்ட ஆவணங்களை தயார்படுத்தி வருகின்றனர்.

இதனால் திருப்பூர் மாவட்டத்தில் தபால் அலுவலகம், அரசு வங்கிகள், இசேவை மையம் போன்ற இடங்களில் மாணவ, மாணவிகளுக்கு வங்கிக்கணக்கு துவங்கவும், புதிய ஆதார் அட்டை பெறவும், ஆதாரில் திருத்தங்கள் செய்யவும் மக்கள் அலைமோதுகின்றனர்.

இங்கு நீண்ட வரிசையில் காத்திருந்து, விண்ணப்பித்துச்செல்கின்றனர். குறிப்பாக, வருவாய்த்துறை அலுவலக இ-சேவை மையங்களில் இருப்பிட, சாதிச்சான்றிதழ் பெற முனைப்பு காட்டுகின்றனர்.

இது குறித்து வருவாய்த்துறையினர் கூறுகையில், குழந்தையின் பிறப்புச்சான்றிதழ், பெற்றோர் ஆதார் இருந்தால் சில நிமிடங்களில் குழந்தைகளை போட்டோ எடுத்து விட்டு சென்று விடலாம். விண்ணப்பித்ததும், மொபைலுக்கு வரும் எஸ்.எம்.எஸ்., லிங்க் போதுமானது.10 நாட்களில் ஆதார் வீடு தேடி வரும். இச்சேவை முற்றிலும் இலவசம் என்றனர்.

அரியலூர்,

அரியலூர் மாவட்டம் உடையார்பாளையம் முழு நேர கிளை நூலகத்தில் மாணவ, மாணவிகளுக்கான ஓவியம், சதுரங்கம், கணினி, மெய்நிகர் உள்ளிட்ட கோடைக்கால பயிற்சி வகுப்புகள் கடந்த ஒருவாரம் நடைபெற்றது. இந்நிலையில் இந்த பயிற்சியில் வெற்றிப் பெற்றவர்களுக்கு சான்றிதழ் மற்றும் பரிசுகள் வழங்கும் நிகழ்ச்சி நூலகத்தில் நடைபெற்றது. இதில் ஓய்வூ பெற்ற தலைமை ஆசிரியர் இளங்கோவன் கலந்து கொண்டு மாணவ, மாணவிகளுக்கு அறிவுரை வழங்கி, கோடைக்கால பயிற்சி முகாமில் வெற்றி பெற்றவர்களுக்கு சான்றிதழ் மற்றும் பரிசுகளை வழங்கினார். நூலகப் பள்ளி ஒருங்கிணைப்பாளர் தமிழாசிரியர் ராமலிங்கம், நூலகப் பணியாளர் நடராஜன் ஆகியோர் சிறப்புரையாற்றினர். முன்னதாக நூலகர் முருகானந்தம் வரவேற்றார். முடிவில் துணை நூலகர் மணிவண்ணன் நன்றி கூறினார்.

விருதுநகர்

தமிழ்நாடு விளையாட்டு மேம்பாட்டு ஆணையத்தி னால் ஆண்டு தோறும் நடத்தப்படும் மாவட்ட அளவிலான கோடைகால பயிற்சி முகாம் கடந்த 1-ந்தேதி தொடங்கி நேற்றுடன் முடிந்தது.

இந்த பயிற்சி முகாமில் மாணவ-மாணவிகளின் உடல் திறன் மற்றும் விளை யாட்டு திறனை மேம்படுத் தும் பொருட்டு தடகளம், கூடைபந்து, கால்பந்து, வளைகோல்பந்து மற்றும் வாலிபால் போன்ற விளை யாட்டுகளுக்கு பயிற்சி அளிக்கப்பட்டது.

பயிற்சியின் போது தினசரி சிற்றுண்டி வழங்கப் பட்டது. பயிற்சி முகாமில் விருதுநகர் மாவட்டத்தில் இருந்து மொத்தம் 245 மாணவ-மாணவிகள் கலந்து கொண்டனர். இதில் கலந்து கொண்ட மாணவ-மாணவிகளுக்கு, கலெக்டர் ஜெயசீலன் சீருடை மற்றும் சான்றிதழ் வழங்கினார்.

இந்த நிகழ்ச்சியில் மாவட்ட விளையாட்டு மற்றும் இளைஞர் நலன் அலுவலர் குமர மணிமாறன், மாவட்ட உடற்கல்வி ஆய்வாளர் ஜாஹிர் உசேன், ராம்கோ நிறுவன மக்கள் தொடர்பு அலுவலர் முருகேசன், பயிற்றுநர்கள் மற்றும் அரசு அலுவலர்கள், மாணவ-மாணவிகள் கலந்து கொண்டனர்.

தொண்டி

ராமநாதபுரம் மாவட்டம் திருவாடானை-கைகாட்டியை அடுத்த பூவானி கிராமத்தில் உள்ள பிரஹ் போதி புத்தஹாரில் மகாராஷ்ட்ரா மாநிலம் நாக்பூரைச் சேந்த விஜிதா மெத்தா, திருச்சியை சேர்ந்தயதின், சிவகங்கையை சேர்ந்த கனிஷ்கர், விருதுநகர் மாவட்டத்தை சேர்ந்த கவின், திருவண்ணாமலை மாவட்டத்தை சேர்ந்த தமிழ் கோவை பிக்குனி ஆகியோர் சம்னேரா எனப்படும் இளம் புத்த துறவிக்கான பயிற்சி பெற்றனர்.

இந்த துறவிகளுக்கு பயிற்சி நிறைவு விழா மகாராஷ்ட்ரா நாகபுரி பவுத்த துறவி பந்தே சுனிதி பிக்குனி தலைமையில் நடைபெற்றது. பிரஹ்போதி அறக்கட்டளை உறுப்பினர்கள் குமார், ரஸ்தா ரமேஷ் ஆகியோர் முன்னிலை வகித்தனர். தமிழ்நாடு அரசு சிறுபான்மை ஆணைய உறுப்பினர்பிக்கு மவுரியா புத்தா சான்றிதழ் வழங்கினார். புத்த பிக்கு சாக்கிய முனி வரவேற்று பேசினார்.

டி.நாகனி பஞ்சாயத்து தலைவர் இந்திரா ராஜேந்திரன், ஓரிக்கோ ட்டை பஞ்சாயத்து தலைவர் காந்திமதி மகாலிங்கம் மற்றும் புத்த துறவிகள் கலந்து கொண்டனர். முடிவில் பிரஹ்போதி அறக்கட்டளை உறுப்பினர் பூவானி ஜான் நன்றி கூறினார்.

புதுக்கோட்டை:

நேரு யுவகேந்திரா, குழந்தைகள் நலக்குழுமம், அலுவலர் மன்றம் மற்றும் புத்தாஸ் வீர கலைகள் கழகம், ஆகியவை இணைந்து நடத்திய இலவச சிலம்பம் மற்றும் குத்துச்சண்டை பயிற்சி முகாம் புதுக்கோட்டையில் நடைபெற்றது. கடந்த ஏப்ரல் 30ம் தேதி தொடங்கி மே 8ந்தேதி வரை நடைபெற்ற இந்த பயிச்சி முகாமில் புதுக்கோட்டை மாவட்டத்தைச் சேர்ந்த காவேரி நகர், திருக்கோகர்ணம், திலகர் திடல், பழைய பேருந்து நிலையம், பெருங்குடி, கடியாபட்டி, தாஞ்சூர் ஆகிய ஏழு இடங்களில் இருந்து வந்த 350க்கும் மேற்பட்ட மாணவ, மாணவியர்கள் கலந்து கொண்டனர்.

பயிற்சி நிறைவு விழா மற்றும் சான்றிதழ் வழங்கும் விழா நேரு யுவ கேந்திராவின் உதவி திட்ட அலுவலர் நமச்சிவாயம், தலைமையில் நடைபெற்றது. மாவட்ட குத்துச்சண்டை கழகத்தின் தலைவர் ஜெயக்குமார் முன்னிலை வகித்தார். விழாவில் சட்டம் துறை அமைச்சர் ரகுபதி சிறப்பு விருந்தினராக கலந்து கொண்டு பேசுகையில், தமிழக அரசு விளையாட்டுக்காக பல்வேறு சலுகைகளை அறிவித்துள்ளது. அதில் மிக முக்கியமாக சிலம்பத்திற்கு முதல்வர் முக்கியத்துவம் கொடுத்து மூன்று சதவீத இட ஒதுக்கீடு கொடுத்துள்ளார்.

எனவே விளையாட்டு துறையில் மாணவ, மாணவிகள் அதிக கவனம் செலுத்தி மென்மேலும் வளர வேண்டும் என்று பேசினார். அதன் பின்னர் பயிற்சி முகாமில் கலந்து கொண்டவர்களுக்கு சான்றிதழ்களை வழங்கினார். நிகழ்ச்சியில் புதுக்கோட்டை நகர் மன்ற தலைவர் திலகவதி செந்தில் , நகர்மன்ற துணைத் தலைவர் லியாகத் அலி , அலுவலர்கள் மன்ற செயல் தலைவர் மருத்துவர் ராமசாமி , திரைப்பட இயக்குனர் ஜெயகாந்தன், மாவட்ட குழந்தைகள் நலக்குழு உறுப்பினர் சுவாமிநாதன், ராசாப்பட்டி சமூக ஆர்வலர் வீரையா கலந்து கொண்டனர்.

அலுவலர்கள் மன்ற செயலாளர் முனைவர் ரமேஷ், அரிமளம் சமூக ஆர்வலர் ராமமூர்த்தி வாழ்த்துரை வழங்கினர்கள், விழாவின் முன்னதாக புத்தாஸ் இளைஞர் நலன் மற்றும் விளையாட்டு மேம்பாட்டு அறக்கட்டளையின் தலைவர் சேது. கார்த்திகேயன் அனைவரையும் வரவேற்றார். பொருளாளர் ஹரிகிருஷ்ணன் நன்றி கூறினார் . இந்த விழாவில் 350க்கும் மேற்பட்ட மாணவ, மாணவியர் உள்ளிட்ட ஏராளமானவர்கள் கலந்து கொண்டனர்.

தஞ்சாவூர்:

தஞ்சை மாவட்ட கலெக்டர் தினேஷ்பொன்ராஜ் ஆலிவர் வெளியிட்டுள்ள செய்தி குறிப்பில் கூறியிருப்பதாவது;-

தமிழ்நாடு அரசு கலை பண்பாட்டுத் துறையின் கீழ் இயங்கி வரும் மாவட்ட சவகர் சிறுவர் மன்றங்களில் 5 வயது முதல் 16 வயதிற்குட்பட்ட சிறுவர்களுக்கு வார விடுமுறை நாட்களான சனி காலை 9 மணி முதல் 12 மணிவரையும், ஞாயிற்றுக்கிழமைகளில் காலை 9 மணி முதல் நண்பகல் 12 மணி வரை குரலிசை, பரதநாட்டியம், ஓவியம் மற்றும் கராத்தேசிலம்பம் போன்ற கலைப் பயிற்சி வகுப்புகள் தஞ்சாவூர் அரசர் மேல்நிலைப் பள்ளி (அரண்மனை வளாகம்)யில் நடத்தப்பட்டு வருகிறது.

இந்த சவகர் சிறுவர் மன்ற த்தில் 5 வயது முதல் 16 வயது வரையிலான சிறார்களுக்கு பள்ளிக்கல்வியோடு துணைக்கல்வியாக கலைப் பயிற்சி வழங்கி அவர்களை ஊக்குவிக்கப்பட்டு வருகிறது.

ஒவ்வொரு ஆண்டும் கோடை விடுமுறையை பயனுள்ள வகையில் அமைவதற்கு, கலை பண்பாட்டுத் துறை வாயிலாக நடத்தப்பட்டு வருகிறது.

இவ்வாண்டு நாளை (புதன்கிழமை) முதல் வரும் 19-ந் தேதி வரை தொடர்ந்து இப்பயிற்சி முகாம் நடத்தப்படவுள்ளது.

கலைப் பயிற்சி முகாம் தினசரி காலை 9 மணி முதல் நண்பகல் 12 மணிவரை நடத்தப்பட திட்டமிடப்பட்டுள்ளது. இக்கலைப் பயிற்சி முகாமில் குரலிசை, பரதநாட்டியம், ஓவியம் மற்றும் கராத்தே சிலம்பம் ஆகிய கலைப் பயிற்சி வகுப்புகள் நடத்தப்படவுள்ளது.

இப்பயிற்சியில் கலந்து கொள்ளும் சிறார்களுக்கு நிறைவுநாளில் பங்கேற்ற மைக்கான பாராட்டுச் சான்றிதழ் வழங்கப்படும்.

இக்கலைப் பயிற்சி முகாமில் கலந்து கொள்கின்றவர்கள் தங்களது வயதுச் சான்றிதழுடன் தஞ்சாவூர் (அரண்மனை வளாகத்தில் இயங்கிவரும்)அரசர் மேல்நிலைப் பள்ளிக்கு நாளை காலை 9 மணிக்கு வருகை தருமாறு கேட்டு க்கொள்ளப்படுகிறார்கள்.

இவ்வாறு அதில் கூறப்பட்டுள்ளது.

மதுரை

மதுரை நரசிங்கம் பகுதியை சேர்ந்தவர் கனகேஸ்வரி. இவர் மதுரை ஐகோர்ட்டு கிளையில் தாக்கல் செய்த பொதுநல மனுவில் கூறியிருப்ப தாவது:-

ஒவ்வொரு ஆண்டும் மதுரை சித்திரை திருவிழாவின்போது 5 வகையான உணவுகளை அன்ன தானமாக பக்தர்க ளுக்கு வழங்கி வருகிறேன். அந்த உணவுகளை சுற்றுச் சூழலுக்கு எவ்விதமான விளைவையும் ஏற்படுத்தாத வகையில் வழங்கி வருகிறேன். எவ்விதமான பாலிதீன் பொருட்களையும் பயன்படுத்தவில்லை.

இந்த ஆண்டும் அன்ன தானம் 20,000 செலவு செய்துள்ள நிலையில், மதுரை மாவட்ட ஆட்சியர் நாளிதழ்களில் அறிவிப்பு ஒன்றை வெளியிட்டுள்ளார். அதில் மதுரை சித்திரை திருவிழாவின் போது அன்னதானம் வழங்குவோர் உணவுப் பாதுகாப்பு துறையின் அனுமதியைப் பெற்றிருக்க வேண்டும் என குறிப்பிடப்பட்டுள்ளது. இது ஏற்கத்தக்கது அல்ல.

இதற்கு முன்பு நடைபெற்ற சித்திரை திருவிழாக்களில் இது போன்ற அறிவிப்பு வெளி யிடப்படவில்லை. அதோடு மாவட்ட கலெக்டரின் இந்த அறிவிப்பு நாளிதழ்களில் மட்டுமே வெளியிடப்பட்டுள் ளது. வேறு எந்த சமூக வலைதளங்களிலும் வெளியிடப்படவில்லை. இதனால் ஏராளமானவர்கள் இதை எதிர்த்து வழக்கு தாக்கல் செய்யவில்லை.

எனவே மதுரை சித்திரை திருவிழாவில் அன்னதானம் வழங்குவோர் உணவு பாதுகாப்புத்துறையின் கீழ் பதிவு செய்து அனுமதியை பெற்றிருக்க வேண்டும் என்ற மாவட்ட கலெக்டரின் அறிவிப்பை ரத்து செய்து உத்தரவிட வேண்டும்.

இவ்வாறு அதில் குறிப்பிடப்பட்டிருந்தது.

இந்த வழக்கு நீதிபதிகள் தண்டபாணி, விஜயகுமார் ஆகியோர் அமர்வு முன்பு விசாரணைக்கு வந்தது. அப்போது நீதிபதிகள் தங்களது உத்தரவில், பிற சமய விழாக்களின் போது இதே போல நிபந்தனை விதிக்கப்பட்டதா? 5 லட்சம் மக்கள் ஒன்றுகூடும் இடத்தில் இந்த விதியை அமல்படுத்தி, சரிபார்ப்பது எப்படி சாத்தியம்? என கேள்வி எழுப்பினர்.

மேலும் போதுமான கால அவகாசம் வழங்காமல் இதுபோல நிர்பந்திக்க இயலாது. ஆகவே இந்த ஆண்டு இந்த நிபந்தனையை நடைமுறைப்படுத்த வேண்டாம். அடுத்த ஆண்டு போதிய கால அவகாசம் வழங்கி, மக்களிடம் உரிய விழிப்புணர்வை ஏற்படுத்தி இதனை நடைமுறைப் படுத்துங்கள் என அறிவு றுத்தி வழக்கை முடித்து வைத்தனர்.

அரியலூர்:

அரியலூர் அரசினர் மேல்நிலைப்பள்ளி வளாகத்தில் மாவட்ட நிர்வாகம் சார்பில் நடைபெற்று வரும் 7-ம் ஆண்டு புத்தகத் திருவிழாவின் 9-ம் நாளான நேற்று பள்ளி, கல்லூரி மாணவ, மாணவிகளுக்கான பாட்டு மற்றும் நடனப் போட்டிகள் நடைபெற்றது. இதில் வெற்றிப் பெற்றவர்களுக்கு மாலை பரிசுகள் வழங்கப்பட்டது.இந்நிகழ்ச்சியில் கலந்து கொண்ட மாவட்ட முதன்மைக் கல்வி அலுவலர் விஜயலட்சுமி பாட்டுப் போட்டியில் வெற்றிப் பெற்ற அரசு நகர் மெட்ரிக் மேல்நிலைப் பள்ளி 8-ம் வகுப்பு மாணவர் அமலனுக்கு முதல் பரிசும், அதே பள்ளி 10-ம் வகுப்பு மாணவர் கோகுலுக்கு 2-ம் பரிசும், செந்துறை அரசு மகளிர் மேல்நிலைப் பள்ளி 10-ம் வகுப்பு மாணவி கமலிக்கு 3 ஆம் பரிசும் வழங்கினார்.

அதே போல் நடனப் போட்டியில் அரியலூர் அரசு கலைக் கல்லூரி மாணவி அகிலாவுக்கு முதல் பரிசும், நடனப் போட்டியில் பங்கேற்ற ஸ்ரீபுரந்தானைச் சேர்ந்த சிவரஞ்சனிக்கு முதல் பரிசும் மற்றும் போட்டியில் பங்கேற்ற அனைவருக்கும் பாராட்டுச் சான்றிதழ்களும் வழங்கினர்.இந்நிகழ்ச்சியில் பள்ளி துணை ஆய்வாளர் பழனிசாமி உள்ளிட்டோர் கலந்து கொண்டனர். தொடர்ந்து நடைபெற்ற கருத்தரங்கில் கலந்து கொண்ட பேச்சாளர்கள் சண்முகவடிவேலு தீதும் நன்றும் எனும் தலைப்பிலும், மோகனசுந்தரம் சிரிக்க சிந்திக்க எனும் தலைப்பிலும் பேசினர்.

தஞ்சாவூர்:

தஞ்சாவூர் மாவட்ட மைய நூலகத்தில் உலக புத்தக நாள் விழா கொண்டாடப்பட்டு வருகிறது. கடந்த 23ஆம் தேதியிலிருந்து இன்று வரை 8 நாட்கள் நடைபெறும் விழாவில் ஒவ்வொரு நாளும் பல்வேறு நிகழ்ச்சிகள் நடந்து வந்தன. வாசகர்களுக்கான கட்டுரை போட்டி உள்ளிட்ட பல்வேறு போட்டிகளும் நடைபெற்றது. மேலும் புத்தக கண்காட்சியும் வைக்கப்பட்டது.

இந்த நிலையில் இன்று உலகப் புத்தக நாள் நிறைவு விழா நடைபெற்றது.

பேராசிரியர் கண்ணன் தலைமை தாங்கினார். மாவட்ட நூலக அலுவலர் முத்து, வாசகர் வட்ட தலைவர் கோபால கிருட்டிணன் ஆகியோர் முன்னிலை வகித்தனர். சுரேஷ் வரவேற்றார்.

விழாவில் சிறப்பு விருந்தினராக முன்னாள் மத்திய அமைச்சர் எஸ்.எஸ். பழனி மாணிக்கம் எம்.பி. கலந்துகொண்டு சிறப்புரையாற்றினார்.

விழாவில் இசையில் இலக்கியம் குறித்து கவிஞர் சாமி மல்லிகா பேசினார். திருக்குறள் குறித்து குறள் நெறி செம்மல் கந்தசாமி, சிலப்பதிகாரம் பற்றி கவியருவி வல்லம் தாஜுபால், பெரியபுராணம் பற்றி நல்லாசிரியர் புகழேந்தி, குற்றால குறவஞ்சி குறித்து நல்லாசிரியர் அல்லி ராணி, இயேசு காவியம் பற்றி கவிஞர் டொமினிக் சேகர், காத்திருங்கள் காதலிப்போம் குறித்து பன்முக கவிஞர் ராகவ் மகேஷ் பேசினர்.

தொடர்ந்து விழாவில் மாவட்ட மைய நூலகத்தில் போட்டித் தேர்விற்கு படித்து தற்போது அரசு துறையில் பணியாற்றி வருபவர்களை மராட்டி அவர்களுக்கு சான்றிதழ்களை எஸ்.எஸ். பழனிமாணிக்கம் எம்.பி. வழங்கினார் . இதே போல் கட்டுரை போட்டியில் வெற்றி பெற்ற வாசக–ர்களுக்கு சான்றிதழ்கள் வழங்கப்பட்டன. முடிவில் மாவட்ட மைய நூலகம் வாசகர் வட்டம் கூடுதல் துணை தலைவர் முத்தையா நன்றி கூறினார்.