நீங்கள் தேடியது "slug 229090"

உடுமலை :

அகில இந்திய விவசாய தொழிலாளர் சங்கம் சார்பில் உடுமலை வருவாய் கோட்டாட்சியரிடம் அளித்த மனுவில் கூறியுள்ளதாவது:- மடத்துக்குளம் தாலுகா குமரலிங்கம் பகுதியில் கடந்த 2017 ம் ஆண்டு 96 குடும்பங்களுக்கு குடிமனைபட்டா வழங்கப்பட்டது.

ஆனால் இதுவரை இடம் அளந்து ஒப்படைக்கப்படவில்லை. தற்போது இந்த இடம் தனியார் நபர் ஆக்கிரமிப்பில் உள்ளது. எனவே ஆக்கிரமிப்பை அகற்றிவிட்டு 96 குடும்பங்களுக்கு இடத்தை பிரித்து வழங்க வேண்டும். பலமுறை மனு கொடுத்தும் நடவடிக்கை இல்லை என அதில் கூறியுள்ளனர்.

பல்லடம் :

திருப்பூர் மாவட்டம் பல்லடம் அருகே இச்சிப்பட்டி கொத்துமுட்டி பாளையம் பகுதியில் அரசுக்கு சொந்தமான ஓடை நீர்வழி மற்றும் மந்தை புறம்போக்கு நிலம் சுமார் 10 ஏக்கர் உள்ளது. இந்த பகுதி பொதுமக்கள் அந்த நிலத்தில் முல்லைவனம் என்ற பெயரில் ஆயிரக்கணக்கான பலவகை மரம், செடி,கொடிகள் நடப்பட்டு வனம் உருவாக்கி வைத்துள்ளனர். இதனிடையே இந்த அரசு நிலத்தில் சுமார் 5 ஏக்கர் நிலத்தை அதே பகுதியைச் சேர்ந்த வீடு இல்லாத ஏழை எளிய மக்களுக்கு ஒதுக்கி தர அரசுக்கு கோரிக்கை வைத்து வந்தனர்.

இதனிடையே அவர்களுக்கு பட்டா வழங்க வருவாய் துறையினர் நடவடிக்கை எடுத்து வருவதாக தகவல் பரவியது. இதனைத் தொடர்ந்து கொத்துமுட்டி பாளையத்தை சேர்ந்த 50-க்கும் மேற்பட்டோர் பல்லடம் தாலுகா அலுவலகத்தில் வனத்தை அளித்து பட்டா வழங்கும் திட்டத்தை கைவிட்டு மாற்று இடத்தில் பட்டா வழங்க நடவடிக்கை எடுக்க வேண்டும் என தெரிவித்து தாசில்தார் நந்தகோபாலிடம் மனு அளித்துள்ளனர்.இது குறித்து அவர்கள் கூறுகையில், சுற்றுச்சூழலை பாதுகாக்கும் வகையில் அரசு நிலத்தில் பல ஆயிரக்கணக்கான நிழல் தரும் கனி தரும் மரம்,செடி,கொடிகளை நட்டு பொதுமக்கள் பராமரித்து வரும் நிலையில் அதனை அழித்து பட்டா வழங்க நடவடிக்கை எடுக்கக் கூடாது என்று அரசுக்கு கோரிக்கை வைத்துள்ளனர்.

திருப்பூர் :

அவிநாசி சேவூர் அருகே 1996 ம் ஆண்டு ஆதிதிராவிட நலத்துறை சார்பில் தேவேந்திரர்நகர் மக்கள் 200க்கும் மேற்பட்டோருக்கு இலவச வீட்டுமனை பட்டா வழங்கப்பட்டது. 25 ஆண்டுகளாக அப்பகுதி மக்கள் அங்கு குடியிருந்து வருகின்றனர்.

இந்நிலையில் கடந்த ஆகஸ்ட் மாதத்திற்கு பிறகு வீடு கட்ட கடன் வாங்க சென்றபோது சார்பதிவாளர் அலுவலகத்தில், வீட்டுமனைகள் வக்பு வாரியத்தின் கட்டுப்பாட்டில் உள்ளதால் வக்புவாரிய அலுவலகத்தில் தடையின்மைச் சான்றிதழ் வாங்கி வரக் கோரி பதிவுத்துறை மூலம் தெரிவிக்கப்பட்டுள்ளது. இதனால் பொதுமக்கள் பாதிக்கப்பட்டுள்ளனர். இது தொடர்பாக உரிய நடவடிக்கை எடுக்க கோரி தேவேந்திர நகர் பகுதி மக்கள் இன்று கலெக்டரிடம் மனு அளித்தனர். 

நாகப்பட்டினம்:

நாகை மகளிர் மேல்நிலை பள்ளியில் நடைபெற்ற நிகழ்ச்சியில் 7381 மாணவ மாணவிகளுக்கு ரூ.3 கோடியே 75 லட்சம் மதிப்பிலான மிதி வண்டிகளை வழங்கினார்.

அதனை தொடர்ந்து நாகை சாமந்தான் பேட்டை மீனவ கிராமத்தில், நிரந்தர வீட்டிற்கான பட்டாக்களை அமைச்சர் வழங்கினார்.

அப்போது பேசிய அமைச்சர் மெய்யநாதன் கூறுகையில், ஏழைகள் இருக்கும் வரை கருணாநிதி கொண்டுவந்த இலவசங்கள் இருக்கும்.

அவர் கொண்டுவந்த இலவச கல்வியில் படித்துதான் நான் தற்போது அமைச்சராக இருக்கிறேன் என்றார்.

நிகழ்ச்சியில் நாகை மாவட்ட கலெக்டர் அருண்தம்புராஜ், தமிழ்நாடு மீன் வளர்ச்சி கழக தலைவர் கவுதமன், தமிழக தாட்கோ தலைவர் மதிவாணன், எம்.எல்.ஏ.க்கள் ஷாநவாஸ், நாகை மாலி, உள்ளிட்ட பலர் பங்கேற்றனர்.

ஏற்காடு:

சேலம் மாவட்டம் ஏற்காட்டில் நேற்று மார்க்சிஸ்ட் கம்யூனிஸ்ட் கட்சியினர் குடிமனை பட்டா வேண்டி மனு கொடுக்கும் போராட்டம் நடத்தினர்.

ஒன்றிய செயலாளர் நேரு தலைமையில் கட்சியினர் மற்றும் ஏற்காடு முருகன் நகர், ஜெரினக்காடு, பட்டிபாடி, கீரைக்காடு, கொட்டச்சேடு பகுதியை சேர்ந்த பொதுமக்கள் சுமார் 300 பேர் வீட்டு மனை பட்டா வேண்டி ஏற்காடு பஸ் நிலையத்தில் இருந்து ஏற்காடு டவுன் வழியாக வட்டாட்சியர் அலுவலகம் வரை ஊர்வலமாக சென்றனர்.

மேலும் வட்டாட்சியர் அலுவலகம் முன் ஆர்ப்பாட்டத்தில் ஈடுபட்டனர். அதன் பின்னர் கிராம மக்கள் குடிமனை பட்டா வேண்டி வட்டாட்சியரிடம் மனு கொடுத்தனர்.

இந்த போராட்டத்தில் அக்கட்சியின் மாவட்ட செயற்குழு உறுப்பினர் உதயகுமார், பழனிசாமி, கிருஷ்ணமூர்த்தி மற்றும் பலர் கலந்துகொண்டனர்.

தஞ்சாவூர்:

தஞ்சை கலெக்டர் அலுவலக கூட்ட அரங்கில் நடைபெற்ற பொதுமக்கள் குறைதீர்க்கும் கூட்டத்தில் கலெக்டர் தினேஷ்பொன்ராஜ் ஆலிவர் தலைமை தாங்கி பேசியதாவது:-

தஞ்சை மாவட்டத்தில் நடைபெற்ற மக்கள் குறை தீர்க்கும் நாள் கூட்டத்தில் இலவச வீட்டு மனை பட்டா, முதியோர் உதவி தொகை, குடும்ப அட்டை, பட்டா மாற்றம், கல்வி கடன் உள்ளிட்ட பல்வேறு கோரிக்கைகள் அடங்கிய 387 மனுக்கள் பெறப்பட்டது.‌ இந்த மனுக்களை விசாரணை செய்து பரிசீலித்து உடனடியாக நடவடிக்கை மேற்கொள்ள சம்ப ந்தப்பட்டதுறைஅலுவ லர்களுக்கு அறிவுறு த்தப்பட்டு உள்ளது. மேலும் மனுக்கள் மீது மேற்கொள்ளப்படும் நடவடிக்கை குறித்த விவரங்களை உடனடியாக மனுதாரருக்கு தெரிவி க்கவும் அலுவலர்களுக்கு அறிவுறுத்தப்பட்டு உள்ளது. இவ்வாறு அவர் கூறினார்.

திருத்துறைப்பூண்டி :

திருத்துறைப்பூண்டி தாலுகா பாமினி ஊராட்சி, அத்திமடை கிராமத்தில் மக்கள் நேர்காணல் முகாமில் 162 பயனாளிகளுக்கு ரூ.17 லட்சத்து 87 ஆயிரத்து 10 மதிப்பிலான நலத்திட்ட உதவிகளை மாவட்ட கலெக்டர் காயத்ரி கிருஷ்ணன் வழங்கினார். இதற்கு மாரிமுத்து எம்.எல்.ஏ. முன்னிலை வகித்தார். இம்முகாமில் பாமினி, தேசிங்குராஜபுரம், கொக்கலாடி ஆகிய கிராமங்களை சேர்ந்த பொதுமக்கள் கலந்து கொண்டு தங்களது கோரிக்கை மனுக்களை கலெக்டரிடம் அளித்தனர்.அப்போது அவர் கூறியதாவது:-

பொதுமக்கள் துறைகளின் நலதிட்டங்களை அறிந்து கொண்டு பயன்பெறுவதற்கு இம்முகாம் மிகவும் உறுதுணையாக இருக்கும். இந்த மக்கள் நேர்காணல் முகாமில் ஊரக வளர்ச்சித்துறையின் சார்பில் 9 பயனாளிகளுக்கு பிரதம மந்திரியின் வீடு வழங்கும் திட்டத்தின் ரூ.10 லட்சத்து 80 ஆயிரம் மதிப்பிட்டில்; வீடு கட்டுவதற்கான ஆணையும்; வருவாய்துறையின் சார்பில் 13 நபர்களுக்கு உட்பிரிவு பட்டாவும், 11 நபர்களுக்கு பட்டா மாற்றத்திற்கான ஆணையும், 19 நபர்களுக்கு புதிய மின்னணு குடும்ப அட்டைகளும், சமூக பாதுகாப்புத்திட்டத்தின் கீழ் 84 நபர்களுக்கு ரூ.84 ஆயிரம் மதிப்பீட்டில் நலத்திட்ட உதவிகளும், ஆதிதிராவிடர் நலத்துறையின் சார்பில் 11 நபர்களுக்கு ரூ.5 லட்சத்து 50 ஆயிரம் மதிப்பீட்டில் வீட்டுமனை பட்டாவும், வேளாண்மைத்துறையின் சார்பில் 5 நபர்களுக்கு ரூ.22 ஆயிரத்து 400 மதிப்பீட்டில் பேட்டரி தெளிப்பானும், தோட்டக்கலைத்துறையின் சார்பில் 05 நபர்களுக்கு ரூ.22 ஆயிரத்து 400 மதிப்பீட்டில் இடுபொருட்களும், பிற்படுத்தப்பட்டோர் மற்றும் சிறுபான்மையினர் நலத்துறையின் சார்பில் 5 பயனாளிகளுக்கு ரூ.29 ஆயிரத்து 250 மதிப்பிலான விலையில்லா தையல் இயந்திரமும் என மொத்தம் 162 பயனாளிகளுக்கு ரூ.17 லட்சத்து 87 ஆயிரத்து 10 மதிப்பிலான நலத்திட்ட உதவிகள் வழங்கப்பட்டது.

இவ்வாறு அவர் கூறினார்.இம்முகாமில், மாவட்ட வருவாய் அலுவலர் சிதம்பரம், தனி துணை கலெக்டர் (சமூக பாதுகாப்பு திட்டம்) கண்மணி, மாவட்ட வழங்கல் அலுவலர் கீதா, கூட்டுறவு சங்க இணைப்பதிவாளர் சித்ரா, தாசில்தார் அலெக்ஸ் மற்றும் அரசு உயர் அலுவலர்கள், உள்ளாட்சி அமைப்பின் பிரதிநிதிகள் கலந்து கொண்டனர்.

சீர்காழி:

சீர்காழி அருகே கீழ மூவர்கரை மீனவ கிராமத்தில் சுனாமியால் பாதிக்கப்பட்ட மீனவ குடும்பங்களுக்கு நிரந்தர பட்டா வழங்கும் நிகழ்ச்சி நடைபெற்றது. மாவட்ட கலெக்டர் லலிதா தலைமை வகித்தார். பன்னீர்செல்வம் எம்.எல்.ஏ, மயிலாடுதுறை டி.ஆர்.ஒ. முருகதாஸ், சீர்காழி ஆர்.டி.ஓ அர்ச்சனா, சீர்காழி ஒன்றிய குழு தலைவர் கமல்ஜோதி தேவேந்திரன் முன்னிலை வகித்தனர். சீர்காழி தாசில்தார் செந்தில்குமார் வரவேற்று பேசினார்.

கலெக்டர் லலிதா மீனவ குடும்பங்களுக்கு 122 பட்டாக்களை வழங்கி பேசுகையில், சுனாமியால் பாதிக்கப்பட்ட குடும்பங்களுக்கு வழங்கப்பட்ட இடத்திற்கு நிரந்தர பட்டா பல்வேறு காரணங்களால் 20 வருடமாக வழங்காமல் இருந்துள்ளது.தற்போது முதற்கட்டமாக கீழமூவர்கரை கிராமத்திற்கு அனைவருக்கும் நிரந்தர பட்டா வழங்கப்பட்டுள்ளது. மயிலாடுதுறை மாவட்டத்தில் சுனாமியால் பாதிக்கப்பட்ட மீனவ கிராமங்களில் வசிக்கும் மீனவர்களுக்கு இன்னும் இரண்டு மாதத்திற்குள் சிறப்பு முகாம்கள் நடத்தி பட்டா விரைவில் முழுமையாக வழங்கப்படும் என்றார்.

விழாவில் சீர்காழி வட்ட வழங்கல் தனி தாசில்தார் சபிதா தேவி, தனிமண்டல துணை தாசில்தார் ரவிச்சந்திரன், வருவாய் ஆய்வாளர் சசிகலா, ஊராட்சித் தலைவர் சரளா மற்றும் கிராம நிர்வாக அலுவலர்கள் ஊர் தலைவர்கள் கலந்து கொண்டனர்.

உடுமலை:

ஆனைமலை புலிகள் காப்பகம் உடுமலை, அமராவதி வனச்சரகத்தில் 13க்கும் அதிகமான மலைவாழ் குடியிருப்புகள் உள்ளன. இங்கு பாரம்பரியமாக வசிக்கும் மக்கள் வன உரிமை சட்டத்தின் கீழ் தங்களுக்கு பட்டா வழங்க வேண்டும் என நீண்ட காலமாக கோரிக்கை விடுத்து வந்தனர்.

இதன் வாயிலாக தங்கள் வாழ்வாதாரம் பாதுகாக்கப்படும். விவசாய பணிகளையும் மேற்கொள்ள முடியும் என அப்பகுதி மக்கள் தொடர் போராட்டங்களிலும் ஈடுபட்டனர். இதையடுத்து வன உரிமை குழுக்கள் அமைக்கப்பட்டு ஆலோசனை கூட்டங்கள் நடத்தப்பட்டது. முதற்கட்டமாக உடுமலை வனச்சரகத்துக்குட்பட்ட மலைவாழ் கிராமங்களில், பட்டா வழங்க வன உரிமைக்குழு தீர்மானங்கள் அடிப்படையில் நடவடிக்கை எடுக்கப்பட்டது. தற்போது அமராவதி வனச்சரகத்துக்குட்பட்ட மலைவாழ் கிராமங்களில் பட்டா வழங்க பணிகள் துவங்கியுள்ளது. தளிஞ்சிவயல் கிராமத்தில் வன உரிமை சட்டத்தின் கீழ் பட்டா வழங்க வனத்துறையால் அளவீட்டு பணிகள் மேற்கொள்ளப்பட்டது. இதனால் அப்பகுதி மக்கள் மகிழ்ச்சியடைந்துள்ளனர்.

வேதாரண்யம்:

நாகை மாவட்டம், வேதாரண்யத்தில் கிராம நிர்வாக அலுவலர்களுக்கான நில அளவை குறித்து பயிற்சி தாலுகா அலுவலகத்தில் நடைபெற்றது. பயிற்சியினை வேதாரண்யம் தாசில்தார் ரவிச்சந்திரன் தொடக்கி வைத்தார். கூடுதல் தாசில்தார்கள் வேதையன், ரமேஷ் ஆகியோர் முன்னிலை வகித்தனர். பயிற்சியினை வேதாரண்யம்கோட்டாட்சியர் ஜெயராஜ் பெளலின் பார்வையிட்டார். கிராம நிர்வாக அலுவலர்களுக்கு தலைமை சர்வேயர் முருகானந்தம் நில அளவை குறித்து பயிற்சி அளித்தார்.

நாகப்பட்டினம் மாவட்டம் வேதாரண்யத்தில் 18 கிராம நிர்வாக அலுவலர்களுக்கும், திருக்குவளையில் 9 பேருக்கும், கிவளுரில் 14 பேருக்கும், நாகையில் 26 பேருக்கும் என மொத்தம் 67 கிராம நிர்வாக அலுவலர்களுக்கு பயிற்சி அளிக்கப்படுகிறது. மாவட்ட அளவில்பட்டா மாற்றம் அதிக அளவில் தேக்கம் உள்ளதால் கிராம நிர்வாக அலுவலர்களுக்கு நில அளவை பயிற்சி அளித்து பட்டா மாற்றம் விரைந்து நடைபெற இப்பயிற்சி அளிக்கப்படுகிறது என மாவட்ட நிர்வாகம் தெரிவித்துள்ளது.

திருப்பூர் :

நில அளவைத்துறையில் பொதுமக்களின் தேவைகளை உடனுக்குடன் நிறைவேற்றவும், செம்மைப்படுத்தவும், இணையதள உட்பிரிவு பட்டா மாறுதல் (ஓ.பி.டி.-ஐ.எஸ்.டி.) மனுக்களில் கிராம நிர்வாக அதிகாரிகளை ஈடுபடுத்தி உட்பிரிவு பணி மேற்கொள்ள அறிவுறுத்தப்பட்டது.

இதைத்தொடர்ந்து கிராம நிர்வாக அதிகாரிகளுக்கு இணையதள உட்பிரிவு பட்டா மாறுதல் மனுக்கள் மீது நடவடிக்கை எடுக்க உரிய பயிற்சி வழங்கப்பட்டது. திருப்பூர் மாவட்டத்தில் கடந்த 1-4-2021 முதல் 31-3-2022 வரை கீழ்க்கண்ட தாலுகா மற்றும் கிராமங்களில் கிரையம் பெற்ற பொதுமக்கள், இணையதள உட்பிரிவு பட்டா மாறுதல் தொடர்பான நிலஅளவை தேவைகளுக்கு சம்பந்தப்பட்ட கிராம நிர்வாக அதிகாரியை தொடர்பு கொள்ளலாம்.

இதன்படி அவினாசி தாலுகாவில் புலிப்பார், புஞ்சை தாமரைக்குளம், பட்டம்பாளையம் கிராமம், பல்லடம் தாலுகாவில் பொங்கலூர் கிராமம், தாராபுரம் தாலுகாவில் தாராபுரம் வடக்கு, வீராச்சிமங்கலம், கொளிஞ்சிவாடி, தாராபுரம் தெற்கு, தூரம்பாடி, சின்னமருதூர், காளிபாளையம், கண்ணங்கோவில், சங்கராண்டம்பாளையம், புங்கன்துறை, மாம்பாடி, நாதம்பாளையம், காங்கயம்பாளையம், செலாம்பாளையம், பொம்மநல்லூர், முளையாம்பூண்டி, எரிசனம்பாளையம், புஞ்சைத்தலையூர், நஞ்சைத்தலையூர், சேனாபதிபாளையம், வேலாம்பூண்டி, சுண்டக்காம்பாளையம், அரிக்காரன் வலசு, எடக்கல்பாடி, நாரணாபுரம், தொப்பம்பட்டி, மடத்துப்பாளையம், கொக்கம்பாளையம், மானூர்பாளையம், முத்தையம்பட்டி, பெரியகொமாரபாளையம், கெத்தல்ரேவ், ஜோதியம்பட்டி கிராமங்கள்.

காங்கயம் தாலுகாவில் தம்மரெட்டிப்பாளையம், வடசின்னாரிபாளையம்,சம்பந்தம்பாளையம், குருக்கம்பாளையம், மரவபாளையம், கீரனூர், மருதுறை, பழையகோட்டை, மங்கலப்பட்டி, பூமாண்டம்வலசு, ராசாத்தாவலசு, உத்தமபாளையம், லக்கமநாயக்கன்பட்டி கிராமங்கள்.

உடுமலை தாலுகாவில் குறுஞ்சேரி, அந்தியூர், வெனசப்பட்டி, கணபதிபாளையம், வேலூர், வடபூதிநத்தம், தென்பூதிநத்தம், லிங்கமாவூர், வெங்கிட்டாபுரம், சின்னக்குமாரபாளையம், குறிச்சிக்கோட்டை, போகிகவுண்டன்தாசரிபட்டி, ஆலம்பாளையம், குருவப்பநாயக்கனூர், தும்பலப்பட்டி, கல்லாபுரம், சின்னபாப்பனூத்து, பெரியபாப்பனூத்து, உடுக்கம்பாளையம், ராவணாபுரம், வலையபாளையம், எரிசனம்பட்டி, தின்னப்பட்டி, பெரியவாளவாடி, சின்னவாளவாடி, சர்க்கார்புதூர், ரெட்டிப்பாளையம், ஜில்லோபநாயக்கன்பாளையம், அரசூர், கிருஷ்ணாபுரம், தீபாலப்பட்டி, மொடக்குப்பட்டி, பூளவாடி, ஆத்துக்கிணத்துப்பட்டி, குப்பம்பாளையம், மூங்கில்தொழுவு, கொசவம்பாளையம், வாகைத்தொழுவு, வீதம்பட்டி, புதுப்பாளையம், தொட்டம்பட்டி, பண்ணைக்கிணர் கிராமங்கள்.

மடத்துக்குளம் தாலுகாவில் கொழுமம், சோழமாதேவி, சர்க்கார் கண்ணாடிபுத்தூர், கொமரலிங்கம் கிழக்கு, சங்கராமநல்லூர் வடக்கு, கடத்தூர், கணியூர் கிராமங்கள். ஊத்துக்குளி தாலுகாவில் அ.பல்லகவுண்டன்பாளையம், ரெட்டிபாளையம், வடமுகம் காங்கயம்பாளையம், பல்லவராயன்பாளையம், அக்ரகார கந்தாங்கண்ணி, சர்க்கார் கந்தாங்கண்ணி, கொமரகவுண்டன்பாளையம், நல்லி கவுண்டன்பாளையம், மேட்டுப்பாளையம், புதுப்பாளையம், நெட்டிச்சிப்பாளையம், கம்மாளக்குட்டை, குன்னத்தூர், செட்டிக்குட்டை, சின்னியம்பாளையம், நவக்காடு, செங்காளிபாளையம், எருமைக்காரம்பாளையம் கிராமங்களை சேர்ந்தவர்கள் இணையதள உட்பிரிவு பட்டா மாறுதல் தொடர்பான நில அளவை தேவைகளுக்கு சம்பந்தப்பட்ட கிராம நிர்வாக அதிகாரியை தொடர்பு கொள்ளலாம்.

இந்த தகவலை திருப்பூர் மாவட்ட கலெக்டர் வினீத் தெரிவித்துள்ளார்.

கன்னியாகுமரி:

குளச்சல் நகர அ.தி.மு.க.செயலாளர் ஆண்ட்ரோஸ் மற்றும் தொகுதி முன்னாள் செயலாளர் ஆறுமுகராஜா ஆகியோர் மாவட்ட கலெக்டரை சந்தித்து ஒரு மனு கொடுத்தனர். அதில் கூறப்பட்டுள்ளதாவது:-

குளச்சல் அரசு மருத்துவமனை வரும் நோயாளிகளுக்கு காய்ச்சல், பிரஷர் போன்ற நோய்களுக்கு மாத்திரைகள், ஊசிகள் இல்லாத நிலை உள்ளது. இதனால் நோயாளிகள் தினம் தினம் அலைக்கழிக்கப்பட்டு வருகிறார்கள்.

இந்த நிலையை உடனே சீர் செய்ய மாவட்ட நிர்வாகத்தை கேட்டுக்கொள்கிறோம்.மேலும் குளச்சல் பகுதியில் சுனாமி பேரலையால் பாதிக்க ப்பட்ட குடும்பங்க ளுக்கு அன்றைய அ.தி.மு.க. வின் ஆட்சியில் வீடு கட்டி கொடுக்கப்பட்டது. அந்த குடியிருப்புகளுக்கு உடனடியாக பட்டா வழங்கப்பட வேண்டும்.

மேலும் குறிப்பிட்ட. பிரச்சி னைகளுக்கு உட னடியாக தீர்வு காண வில்லை என்றால் மக்களை திரட்டி குளச்சல் நகர அ.இ.அ.தி.மு.க.வினர் மாபெரும் போராட்டத்தில் ஈடுபடுவோம் என தெரிவித்து கொள்கிறோம். இவ்வாறு அதில் கூறப்பட்டுள்ளது.