நீங்கள் தேடியது "slug 232031"

ராஜபாளையம்

தமிழ்நாடு சட்டப்பேரவையில் மானிய கோரிக்கை விவாதத்தில் ராஜபாளையம் எம்.எல்.ஏ தங்கபாண்டியன் பேசியதாவது:-

முருகனின் அறுபடை வீடுகளையும் 60 வயதுக்கு மேற்பட்ட மூத்த குடிமக்கள் தரிசனம் செய்வதற்கு இந்து சமய அறநிலையத்துறையும், சுற்றுலா துறையும், போக்குவரத்து துறையும் இணைந்து ஏற்பாடு செய்ய வேண்டும். இந்த ஆன்மீக சுற்றுலா வெளிநாட்டவர்களுக்கும், வெளிமாநிலத்தவர்களுக்கும், மூத்த குடிமக்களுக்கும் புதுமையாக இருக்கும்.

இதுபோல் ராமேசுவரம், மதுரை மீனாட்சி அம்மன் கோயில், தஞ்சை பெரிய கோவில் போன்ற மிகச்சிறப்பு மிக்க கோவில்களுக்கு ஒவ்வொரு ஊரிலிருந்தும் சுற்றுலாவுக்கு ஏற்பாடு செய்தால் சிறப்பாக இருக்கும்.

சுற்றுலா துறையின் மூலம் தமிழ்நாட்டின் வருவாயை அதிகரிக்க தமிழ்நாட்டில் உள்ள அனைத்து சுற்றுலா இடங்கள் மற்றும் அதன் சிறப்பு குறித்து மாநிலத்திற்குள்ளும், வெளிமாநிலங்கள் மற்றும் வெளி நாட்டிலும் விளம்பரப்படுத்த வேண்டும். மேலும் தமிழ்நாட்டில் உள்ள 53 தமிழ்நாடு ஓட்டல்களை முறையாக பராமரித்து தரம் உயர்த்தி நவீனப்படுத்த வேண்டும்.

அனைத்து சுற்றுலா தலங்களிலும் தகவல் மையம் அமைக்க வேண்டும். அதிக பயணிகள் வரும் இடங்களை கண்டறிந்து, அரசு அவற்றிற்கு சுற்றுலா மையம் என்ற அங்கீகாரம் கொடுக்க வேண்டும். அந்த இடங்களில் அடிப்படை வசதிகளை செய்து கொடுக்க வேண்டும்.

ஒரு சுற்றுலா தலத்திலிருந்து மற்றொரு சுற்றுலா தலத்திற்கு நேரடி பஸ் வசதி இருக்க வேண்டும். மலை, கடல் போன்ற ஆபத்தான பகுதிகளில் உயிர் காக்கும் மருத்துவ வசதி உடனடியாக கிடைக்க செய்ய வேண்டும். இதன் மூலம் வருவாயை அதிகரிக்கலாம். சுற்றுலா துறையும் மேம்படும். நமது கலாச்சாரம், பண்பாடு, தமிழ் மொழியும் வளர்ச்சி அடையும்.

ராஜபாளையம் தொகுதியில் மேற்குதொடர்ச்சிமலை அடிவாரத்தில் உள்ள அய்யனார் கோவில், சாஸ்தா கோவில் அணைப்பகுதியையும், சஞ்சீவி மலையையும் சுற்றுலா தலமாக மாற்ற வேண்டும். மேலும் அய்யனார் கோவிலுக்கு செல்ல பாலம் அமைக்க வேண்டும்.

ராஜபாளையம் தொகுதியில் அரசு மகளிர் கலை மற்றும் அறிவியல் கல்லூரி அமைக்க வேண்டும். போக்குவரத்து நெரிசலை தவிர்க்க எம்.பி.கே. புதுப்பட்டி விலக்கில் இருந்து கோதை நாச்சியார்புரம் வழியாக தென்காசி ரோடு வரையில் புறவழிச்சாலை அமைக்க வேண்டும். மேலும் சட்டமன்ற உறுப்பினர் நிதியிலிருந்து தொகுதியில் உயர்கோபுர மின்விளக்கு அமைக்க அனுமதி வழங்க வேண்டும்.

இவ்வாறு அவர் பேசினார்.

ராமநாதபுரம்

தமிழ்நாடு ஆசிரியர் முன்னேற்ற சங்க மாவட்ட தலைவரும், ஜாக்டோ-ஜியோ மாவட்ட ஒருங்கி ணைப்பாளருமான முருகேசன் வெளியிட்டுள்ள அறிக்கையில் கூறியிருப்ப தாவது:-

ராமநாதபுரம் மாவட்ட கல்வித்துறையின் தலைமை அலுவலகமான முதன்மை கல்வி அலுவலகம் கடந்த பல ஆண்டுகளாக அரண்ம னை பகுதியில் வாடகைக் கட்டிடத்தில் இயங்கி வந்தது. தற்போது பழைய மாவட்ட கலெக்டர் அலுவலக வளாகத்தில் இயங்கி வருகிறது.

3 ஆண்டுகளுக்கு முன்பு முதன்மை கல்வி அலுவல கத்தில் உள்ள ஆவண காப்பக அறையில் தீ விபத்து ஏற்பட்டது. இதில் பல ஆவணங்கள் எரிந்து சாம்ப லானது. தற்போது அந்த அறை சீரமைக்கப்பட்டு மீண்டும் முதன்மைக்கல்வி அலுவலகம் அந்த கட்டி டத்திலேயே இயங்கி வருகிறது.

ராமநாதபுரம் மாவட்ட கல்வித்துறையின் மாவட்ட தொடக்கக்கல்வி அலுவல கம் ஓம் சக்தி நகரில் உள்ள ஒரு அரசு நடுநிலைப்பள்ளி கட்டிடத்தில் இயங்கி வருகிறது. ராமநாதபுரம் மாவட்ட கல்வி அலுவலகம் (இடைநிலைக்கல்வி) பழைய கலெக்டர் அலுவலக பழைய கட்டிடத்தில் இயங்கி வருகிறது. அதேபோல் கல்வித்து றையின் துணை திட்டமான ஆர்.எம்.எஸ்.ஏ. அலுவலகம், மாவட்ட உடற்கல்வி இயக்கு நர் அலுவலம், தனியார் மெட்ரிக் பள்ளி மாவட்ட கல்வி அலுவலகம், மாவட்ட தேர்வுத்துறை உதவி இயக்குநர் அலுவலகம் ஆகியவை ராமநாதபுரத்தில் தனித்தனியாக இயங்கி வருகின்றன. மேலும் ஜெ.ஆர்.சி., பசுமைப்படை, சுற்றுச்சூழல் மன்றம், சாலை பாதுகாப்பு மன்றம், தொன்மை பாதுகாப்பு மன்றம் போன்ற அலுவல கங்களும் ராமநாதபுரத்தில் இயங்கி வருகின்றன.

எனவே ராமநாதபுரம் மாவட்ட கல்வித்துறையின் பெரும்பாலான செயல்பாடு களுக்கு தனியார் பள்ளி நிர்வாகத்தையே சார்ந்து உள்ளது. இதனை தவிர்க்கும் வகையில் ராமநாதபுரத்தில் கல்வித்துறை அலுவலகங் களை ஒரே இடத்தில் அமைத்து செயல்பட செய்ய வேண்டும்.

இவ்வாறு அதில் கூறப்பட்டுள்ளது.

மானாமதுரை

மனிதநேய ஜனநாயக கட்சி கூட்டம் இளையான்குடியில் நடந்தது. மாநில பொதுச் செயலாளர் ஹாரூன்ரசீது தலைமை தாங்கினார். துணைச் செயலாளர் சைபுல்லாஹ் முன்னிலை வகித்தார்.

கூட்டத்தில் கட்சியின் மாவட்ட, ஒன்றிய, நகர நிர்வாகிகள் கலந்து கொண்டனர். கூட்டத்தில் சிவகங்கை மாவட்ட மனிதநேய ஜனநாயக கட்சியின் நிர்வாகிகள் தேர்வு செய்யப்பட்டனர். மாவட்டச் செயலாளராக அகமது சிராஜீதீன், துணைச் செயலாளர்களாக பைசூல் ரகுமான், சதாம் ஹூசேன் முஜிபர் ரஹ்மான், பொருளாளராக ஷேக்யமானி ஆகியோர் தேர்வு செய்யப்பட்டனர்.

கூட்டத்தில், மானாமதுரையில் இருந்து இளையான்குடி செல்லும் சுப்பன் கால்வாயை தூர்வாரி பயன்பாட்டிற்கு கொண்டு வர வேண்டும், மானாமதுரை, சிவகங்கை, இளையான்குடி, திருப்புவனம், காளையார் கோவில் உள்ளிட்ட ஊர்களை இணைக்கும் வகையில் அரசு போக்குவரத்து கழகம் சார்பில் பஸ்கள் இயக்க வேண்டும், மனிதநேய ஜனநாயக கட்சியின் ஆம்புலன்ஸ் சேவை மாவட்டம் முழுவதும் விரிவுபடுத்தப்படும், தமிழ்நாட்டில் உள்ள சுங்கச்சாவடிகளின் எண்ணிக்கையை குறைக்க வேண்டும் என்பது உள்ளிட்ட பல தீர்மானங்கள் நிறைவேற்றப்பட்டன.

முதுகுளத்தூர்

ராமநாதபுரம் மாவட்டம் முதுகுளத்தூர் பேரூராட்சி கவுன்சில் கூட்டம் சேர்மன் ஏ.ஷாஜகான் தலைமையில், செயல் அலுவலர் மாலதி, உதவி சேர்மன் வயணப்பெருமாள் முன்னிலையில் நடந்தது. ராஜேஷ் வரவேற்றார். தீர்மானங்கள் நிறைவேற்றப்பட்டன.

சேகர் உள்ளிட்ட கவுன்சிலர்கள் பேசுகையில், பஸ் நிலைய பகுதிகளில் உள்ள பேரூராட்சி கடைகள் 32 ஆண்டுகளாக ஏலம் விடப்படாமல் உள்ளது. இதனால் பேரூராட்சிக்கு இழப்பு ஏற்படுகிறது. இந்த கடைகளை ஏலத்தில் விட நடவடிக்கை எடுக்க வேண்டும் என்றனர்.

நாகர்கோவில் :

முன்னாள் மத்திய மந்திரி பொன். ராதா கிருஷ்ணன் வெளியிட் டுள்ள அறிக்கையில் கூறியி ருப்பதாவது:-

நாகர்கோவில் மாநகராட்சி கூட்டம் 31-ந்தேதி நடந்தது. அப்போது உறுப்பினர்களின் கேள்விக்கு பதில் அளித்து மேயர் மகேஷ் பேசும் போது வடசேரியில் ரூ.68 கோடியில் ஒருங்கிணைந்த பஸ் நிலையம் அமைக்கப்படும். அவ்வாறு அமையும் போது வடசேரி கனகமூலம் சந்தை மற்றும் ஆம்னி பஸ் நிலையங்களும் அதனுடன் இணைக்கப்படும். மேலும் கனகமூலம் சந்தை, அண்ணா பஸ் நிலையத்துக்கு மாற்றப்படும் என்றும் அறிவித்துள்ளார்.

ஒருங்கிணைந்த பஸ் நிலையம் வடசேரியில் அமையும் போது ஏற்படும் போக்குவரத்து நெரிசல் மற்றும் பயணிகளுக்கு ஏற்படும் இடையூறுகளை பற்றி முழுமையாக ஆய்வு செய்துள்ளாரா? மேலும் அண்ணா பஸ் நிலையத்தில் சந்தையை மாற்றும் போது விவசாயிகள், வியாபாரிகள் மற்றும் சந்தைக்கு செல்லும் பொதுமக்களின் வசதிகள் பற்றியும் மேயர் ஆய்வு செய்துள்ளாரா என்பது கேள்விக்குறியாக உள்ளது.

கனகமூலம் சந்தை ஏற்கனவே தன்னிகரில்லாத தன் மகுடத்தை கொஞ்சம், கொஞ்சமாக இழந்து வருவதாக நான் கருதுகிறேன். எனவே வடசேரி சந்தையை மேலும் பெருமைமிக்கதாக உருவாக்கும் முயற்சியில் மாநகராட்சி திட்டமிட வேண்டும்.

வாஜ்பாய் ஆட்சி காலத் தில் நான் நகர்ப்புற மேம் பாட்டு துறை மந்திரியாக இருந்த போது மத்திய அரசாங்கத்தின் நிதியில் இருந்து ரூ.12 கோடிக்கு வடசேரி கனக மூலம் சந்தை மேம்பாடு (குளிர்பதன கிடங்கு உள்பட) வடசேரி பஸ் நிலையம் மேம்பாடு மற்றும் வடசேரி மீன் சந்தை மேம்பாடு (குளிர்பதன கிடங்கு உள்பட) திட்டம் தயாரிக்கப்பட்டது. அப் போது இருந்த மாநில அர சாங்கம் இந்த திட்டத்தை ஏற்று கொள்ளாமல் வடசேரி பஸ் நிலையத்தை மட்டும் மேம்படுத்த அனுமதித்தது. அதன்படி 2003-ம் ஆண்டு சுமார் ரூ.2 கோடி மத்திய அரசின் நிதி வழங்கப்பட்டு பணியும் நடந்தது. அன்று நான் திட்டமிட்டபடி ரூ.12 கோடிக்கான பணி முடிக்கப்பட்டு இருந்தால் இன்று ஏற்பட்டுள்ள பல சிரமங்களை அன்றே தவிர்த்திருக்க முடியும்.

பிரதமர் நரேந்திர மோடி அவர்களால் விமான நிலைய தரத்திற்கு ஒப்பான பஸ் போர்ட்டை தமிழகத்தில் சென்னை, கோவை, நாகர்கோவில் போன்ற இடங்களில் அமைக்க வேண்டும் என்று முடிவு எடுத்தோம்.

புதிய பஸ் போர்ட்டுக்காக நாகர்கோவில் கோட்டார் ரெயில் நிலையத்தின் பின்புறம் 20 ஏக்கர் நிலமும் அதற்காக அடையாளம் காணப்பட்டது. மேலும் புதிய பஸ்போர்ட் தற்போது அமைக்கப்பட்டுள்ள அப்டா சந்தை அருகில் உள்ள நான்கு வழிச்சாலை யுடன் இணையும் வகையில் திட்டமிடப்பட்டது. இந்த பஸ்போர்ட் அமைக்கப்பட்டால் குறைந்தது அடுத்த 50 ஆண்டுகளுக்கு எந்தவித பிரச்சினைகளும் இல்லாமல் மக்களின் பயண தேவைகள் அனைத்தும் பூர்த்தியாகும். எனவே மேயர், நான் மந்திரியாக இருந்த போது திட்டமிட்ட பஸ்போர்ட்டை கொண்டு வர முயற்சி எடுக்க வேண்டும்.

அண்ணா பஸ் நிலையத்தை மேம்படுத்த விரும்பினால், தமிழக முதல்- அமைச்சர் அனுமதியோடு, அண்ணா பஸ் நிலையத்தின் அருகில் இருக்கும் போக்குவரத்து துறைக்கு சொந்தமான தற்போது பெரிய அளவில் பயன்பாட் டில்இல்லாத விரைவு போக்குவரத்துக்கழக பஸ் நிலையத்தையும், பணிமனையையும் சேர்த்து அண்ணா பஸ் நிலையத்தை விரிவுபடுத்த வேண்டும்.

எக்காரணம் கொண்டும் மக்களுக்கு அன்றாடம் பயன்படும் வடசேரி சந்தையையும், அண்ணா பஸ் நிலையத்தையும் இடம் மாற்றி அமைக்க கூடாது.

இவ்வாறு அதில் அவர் கூறியுள்ளார்.

சீர்காழி:

மயிலாடுதுறை மாவட்டம் சீர்காழி தாலுக்கா வழுதலைக்குடி கிராமத்தைச் சேர்ந்தவர் சுரேந்தர் (வயது 25) கொத்தனார்.

இவர் வழுதலைகுடியில் இருந்து வடகால் நோக்கி தனது மோட்டார் சைக்கிளில் சென்று உள்ளார்.

எடமணல் என்ற இடத்தில் சாலையின் குறுக்கே பாலம் கட்டுவதற்காக கொட்டப்பட்டிருந்த ஜல்லியில் வழுக்கி நிலை தடுமாறி கீழே விழுந்தார்.

அப்போது அந்த வழியாக வந்த வாகனம் மோதியதில் தலை நசுங்கி சம்பவ இடத்திலேயே சுரேந்தர் பரிதாபமாக உயிரிழந்தார்.

தகவல் அறிந்த சீர்காழி போலீசார் விபத்தில் உயிரிழந்த சுரேந்தர் உடலை கைப்பற்றி பிரேத பரிசோதனைக்காக சீர்காழி அரசு மருத்துவமனைக்கு எடுத்துச் செல்ல முயன்றனர்.

அப்போது அங்கு திரண்ட சுரேந்திரனின் உறவினர்கள் மற்றும் பொதுமக்கள் விபத்துக்கு காரணமான கட்டுமான பணி காண்ட்ராக்டர் மற்றும் வாகன டிரைவர் மீது நடவடிக்கை எடுக்க வலியுறுத்தி மறியல் போராட்டத்தில் ஈடுபட்டனர்.

இதனால் அப்பகுதியில் பரபரப்பு ஏற்பட்டது.

இதைத் தொடர்ந்து போலீசார் அந்த சாலையில் இருந்த சிசிடிவி பதிவுகளை ஆராய்ந்து எடமணல் பகுதியில் இருந்து புறவழிச் சாலை பணிக்காக மண் ஏற்றிச் சென்ற லாரி தான் விபத்தை ஏற்படுத்தியது என்பதை கண்டறிந்து லாரி ஓட்டுநர் கைது செய்ய நடவடிக்கை எடுக்கபடும் என சாலை மறியலில் ஈடுப்பட்டவர்களிடம் கூறினர்.

இதைத் தொடர்ந்து அவர்கள் கலைந்து சென்றனர்.

அதன் பின்னர் உடலை கைப்பற்றி போலீசார் பிரேத பரிசோதனைக்காக சீர்காழி அரசு மருத்துவமனைக்கு அனுப்பி வைத்து விசாரணை நடத்தி வருகின்றனர்.

விருதுநகர்

விருதுநகர் ஊராட்சி ஒன்றிய தலைவர் சுமதி ராஜசேகரிடம் 9-வது வார்டு அ.தி.மு.க. கவுன்சி லர் சரோஜா கொடுத்துள்ள கோரிக்கை மனுவில் கூறியிருப்பதாவது:-

கூரைக்குண்டு பஞ்சாயத்து சாத்தூர் ரோடு நான்கு வழிச்சாலை அருகே புதிய சமுதாயக்கிணறு கடந்த 2020-21ம் ஆண்டு நிதி ஒதுக்கீடு செய்யப்பட்டு 2022-ம் ஆண்டு மார்ச் மாதம் முடிக்கப்பட்டது. அதன் பின்னர் கிணற்று நீரை முத்துராமலிங்கம் நகர், நிறைவாழ்வு நகர் ஆகிய பகுதிகளில் வசிக்கும் 300 குடும்பங்களுக்கு விநியோகிக்க நடவடிக்கை எடுக்கவில்லை.

சமுதாய கிணற்றில் இருந்து கோடைகால தேவைக்கு குடிநீர் விநியோ கம் செய்ய முடியாத நிலையில் அது காட்சி பொருளாக உள்ளது.

எனது முயற்சியில் ஊராட்சி ஒன்றிய பொது நிதியில் பாலம்மாள் நகர் பகுதியில் புதிய கழிவுநீர் கால்வாய் ரூ.10லட்சம் மதிப்பீட்டில் கட்டப்பட்டது. இதற்காக மாவட்ட ஊராட்சி பொது நிதி ரூ.4.5 லட்சம் ஒதுக்கீடு செய்யப்பட்டும் மேற்படி பணி நடைபெறா மல் பாதியில் நிறுத்தி வைக்கப்பட்டுள்ளது.

கூரைக்குண்டு பஞ்சாயத்தில் 1, 4-வது வார்டு பகுதிகளான முத்துராம லிங்கம் நகர், பாலம்மாள் நகர் ஆகிய பகுதிகளில் இதுவரை கிராமசபை கூட்டம் நடத்தப்படவில்லை. மேற்படி பகுதியில் கழிவுநீர் கால்வாய் முறையாக பராமரிக்கப்படவில்லை.

இதனால் எனது 9-வது வார்டு பகுதியின் வளர்ச்சி முற்றிலும் பாதிக்கப் பட்டுள்ளது. இதுதொடர் பாக கூரைக்குண்டு பஞ்சாயத்து தலைவர் மற்றும் வட்டார வளர்ச்சி அலுவலரிடம் பலமுறை தெரிவித்தும் எந்த நட வடிக்கையும் எடுக்கவில்லை.

எனவே இந்த பகுதியில் பல்வேறு வளர்ச்சி பணிகள் நடைபெற நடவடிக்கை எடுக்கும்படி கேட்டுக்கொள்கிறேன்.

இவ்வாறு அதில் கூறப்பட்டுள்ளது.

விருதுநகர்

மதுரையில் தென்னக ெரயில்வே பொது மேலாளர் ஆர்.என்.சிங் தலைமையில் நடந்த ஆலோசனை கூட்டத்தில் மாணிக்கம் தாகூர் எம்.பி. வலியுறுத்தியதாவது:-

விருதுநகர்-செங்கோட்டை ெரயில் பாதையில் திருத்தங்கல் மற்றும் சாட்சியாபுரத்தில் ெரயில்வே மேம்பால கட்டுமான பணிகளை விரைவுபடுத்த வேண்டும். இதுகுறித்து ெரயில்வே நிர்வாகம் அனுமதி அளித்துள்ள நிலையில் மாநில நெடுஞ்சாலை துறையின் மதிப்பீடு மற்றும் நிலம் கையகப்படுத்தும் பணி நடைபெற்று வருவ தாகவும் அது முடிந்த பின் விரைவுபடுத்தப்படும் என்றும் ெரயில்வே நிர்வாகம் தெரிவித்தது. சிலம்பு எக்ஸ்பிரஸ் சிலம்பு எக்ஸ்பிரஸ் ெரயிலை தினசரி ெரயிலாக மாற்ற வேண்டும் என்று கேட்டதற்கு தாம்பரத்தில் இருந்து செங்கோட்டைக்கு காரைக்குடி, மானாமதுரை வழியாக வாரம் 3 முறை மற்றொரு ெரயில் இயக்கப்பட உள்ளதாகவும், ெரயில் தினசரி ெரயிலாக இயக்க வாய்ப்பு இல்லை என்றும் அதில் கூடுதல் பெட்டிகளை இணைக்கவும் வாய்ப்பில்லை என்றும் பதிலளிக்கப்பட்டது.

நாகர்கோவில்- தாம்பரம் எக்ஸ்பிரஸ் ெரயில் சாத்தூர் மற்றும் திருமங்கலம் ெரயில் நிலையங்களில் நின்று செல்லவும், கொல்லம்-சென்னை எக்ஸ்பிரஸ் ரெயில் சிவகாசியில் நின்று செல்லவும் நடவடிக்கை கோரியதற்கு சிவகாசியில் பயணிகள் கூட்டம் குறைவாக உள்ளதால் அதற்கு வாய்ப்பில்லை என்றும், நாகர்கோவில்- தாம்பரம் எக்ஸ்பிரஸ் ெரயில் சாத்தூரில் நின்று செல்ல நடவடிக்கை எடுக்கப்படும் என்றும் தெரிவிக்கப்பட்டது. தினசரி ரெயில் செங்கோட்டை-சிவகாசி வழியாக பெங்களூருவுக்கு புதிய ெரயில், ஐதராபாத்தில் இருந்து தென் மாவட்டங்களுக்கு ெரயில் வசதி, குருவாயூர்-புனலூர் ெரயில் மதுரை வரை நீட்டிப்பு, புதுச்சேரி- கன்னியாகுமரி பயணிகள் ெரயிலை தினசரி ெரயிலாக மாற்றம் உள்ளிட்ட தென் மாவட்டங்களுக்கான கூடுதல் ெரயில் வசதி தொடர்பான கோரிக்கை களுக்கு ெரயில்வே வாரியம் தான் முடிவு எடுக்க வேண்டும் என்று பதில் அளிக்கப்பட்டது.

தருமபுரி,

தருமபுரி மாவட்டம் ஒகேன க்கல்லுக்கு தினந்தோறும் தமிழ்நாடு, கர்நாடகா, ஆந்திரா, கேரளா போன்ற பல்வேறு மாநிலங்களில் இருந்து ஆயிரக்கணக்கான சுற்றுலா பயணிகள் வந்து செல்கின்றனர்.

சனி, ஞாயிற்றுக்கிழமை களிலும், திருவிழா மற்றும் விடுமுறை நாள்களில் வரும் சுற்றுலா பயணிகள் பரிசலில் சவாரி செய்தும், எண்ணெய் குளியல் செய்தும் மகிழ்கின்றனர்.

மேலும், உயிரிழந்த வர்களின் உறவினர்கள், நண்பர்கள் அஸ்தியைக் கரைத்து வழிபாடு, சடங்குகள் செய்வதற்காகவும் வருகின்ற னர்.

இந்நிலையில், சுற்றுலா பயணிகள் தாங்கள் பயன்படுத்தும், சோப்பு மற்றும் காகிதங்கள், பொருள்கள் கொண்டுவரும் பிளாஸ்டிக் கவர்கள், உணவு தட்டுகள், உடுத்திய ஆடைகள், தண்ணீர் பாட்டில்கள், உணவு பொருள்கள் ஆகியவற்றை குளிக்கும் ஆற்றின் கரைகளி லேயே விட்டு விட்டு சென்று விடுவதால் காவிரி ஆற்றுப்பகுதியிலும் அருவி பகுதியிலும் குப்பைகள் அடித்து வரப்பட்டு குவியல் குவியலாக உள்ளது.

இவற்றை அகற்ற யாரும் முறையாக நடவடிக்கை மேற்கொள்ளாததால் தேங்கி நிற்கும் தண்ணீர் துர்நாற்றம் வீசி வருகிறது. இதனால் ஒகேனக்கல் காவிரியின் அழகுக்கும் பொலிவுக்கும் ஆபத்து ஏற்பட்டுள்ளது.

கடந்த இரண்டு வருடங்களாக கர்நாடக மாநிலம் மற்றும் தமிழக காவிரி கர்நாடகா எல்லை பகுதிகளிலும் பல்வேறு இடங்களில் அவ்வப்போது பெய்த கன மழையின் காரணமாக தொடர்ந்து காவிரி ஆற்றில் நீர் வரத்து இருந்து வந்ததால் காவிரி ஆற்றில் வெள்ளப்பெருக்கின் போது அடித்துச் செல்லப்பட்டு குப்பை கூளங்கள் இன்றி காணப்பட்டது.

தற்பொழுது கோடை காலத்திற்கு முன்னதாகவே ஒகேனக்கல் காவிரி ஆற்றில் நீர்வரத்து குறைந்துள்ளது.

மேலும் ஒகேனக்கல்லில் போதுமான கழிப்பறை வசதிகள் இல்லாததால் சுற்றுலா பயணிகள் அவசர நேரத்தில் கரையோ ரங்களையே கழிப்பறையாக பயன்படுத்துவதாலும், ஆற்றில் குறைந்த அளவே தண்ணீர் வருவதாலும் நாள் கணக்கில் குப்பைகள் தேங்கி சுகாதார சீர்கேடு ஏற்பட்டு வருகிறது.

மீன் அருங்காட்சியகம் நிரந்தரமாக மூடப்பட்டு கால்நடைகளுக்கு மேய்ச்சல் இடமாகவும், நாய்களின் கூடாரமாகவும் மாறி உள்ளது.

அதேபோல ஒகேனக்கல் சுற்றுலா தளத்தில் மதுபான விற்பனைக்கு தடை விதிக்கப்பட்டுள்ளதால் இங்கு சுற்றுலா வரும் மதுபான பிரியர்கள் சந்து கடைகளில் விற்பனை ஆகும் மது பாட்டில்களை வாங்கிக் கொண்டு வந்து ஆற்றின் கரையோரத்தில் மது பானங்களை அருந்தி மது புட்டிகளை ஆற்று பகுதிகளிலும் கரையோர பகுதிகளிலும் உடைத்து விட்டு செல்கின்றனர்.

அப்படி உடைத்துவிட்டு செல்வதால் இங்கு வரும் சுற்றுலா பயணிகள் ஆற்றில் நடக்கும் பொழுது காலில் உடைந்த பாட்டில் கண்ணாடியால் காயம் ஏற்படுகின்றன.

மேலும் நடைபாதை வழியாக மெயின் அருவி, சினி பால்ஸ், தொங்கு பாலம் உள்ளிட்ட இடங்களுக்கு செல்லும் பொழுது நடைபாதையில் ஆங்காங்கே பாதுகாப்பு கம்பி வேலிகள் இல்லாமலும் பராமரிக்காமல் இருப்பதாலும் சுற்றுலா பயணிகளுக்கும் பொது மக்களுக்கும் பாதுகாப்பு இல்லாத ஒரு சூழல் ஏற்பட்டு உள்ளது.

காவிரி கரை ஓரங்களில் உள்ள கோவில்களில், இந்த தண்ணீரை புனித தீர்த்தமாக பயன் படுத்தி வருகின்றனர்.

மேலும் 12 மாவட்ட மக்களின், குடிநீர் தேவைக்கா கவும், விவசாயத்திற்கும் பயன்படுத்தி வருகின்றனர்.

எனவே ஒகேனக்கல் காவிரி கரைகளில் நாள்தோறும் தூய்மைப்பணி மேற்கொண்டு தேங்கும் குப்பைகளை அகற்ற, மாவட்ட நிர்வாகம் தேவையான நடவடிக்கை எடுக்க வேண்டும் என சமூக ஆர்வலர்கள் வலியுறுத்துகின்றனர்.

சிங்கம்புணரி

சிவகங்கை மாவட்டம் சிங்கம்புணரி பேரூராட்சிக்கு உட்பட்ட 1-வது வார்டு குடியிருப்பு பகுதியில் குளம்போல் கழிவுநீர் தேங்கியுள்ளது. அங்கு கடந்த 2 ஆண்டுகளாக தெருக்களில் இருந்து வரும் கழிவுநீர் செல்ல வழியில்லாமல் குளம்போல் தேங்கி உள்ளது. இதனால் துர்நாற்றம் வீசுவதுடன் கொசுத்தொல்லை அதிகமாக உள்ளது.

இதுபற்றி பொதுமக்கள் பேரூராட்சி அலுவலகத்தில் பலமுறை புகார் செய்தும் நடவடிக்கை எடுக்கப்படவில்லை. இந்த நிலையில் கடந்த பருவமழை காலத்தில் தேங்கிய மழைநீருடன் அப்பகுதி குடியிருப்பில் இருந்து வெளியேற்றப்படும் கழிவு நீரும் சேர்ந்து சுமார் 2 ஏக்கருக்கும் மேற்பட்ட காலி மனையிடங்களில் தேங்கிள்ளது.

இதன் காரணமாக கடுமை யான துர்நாற்றம் மற்றும் கொசுத்தொல்லையால் குடியிருப்பு வாசிகள் மற்றும் குழந்தைகள் முதல் பெரியவர்கள் வரை காய்ச்சல், ஒவ்வாமை மற்றும் தோல் அரிப்பு உள்ளிட்ட நோய்களால் பாதிக்கப்பட்டு உள்ளனர். அவர்கள் அரசு மற்றும் தனியார் மருத்துவ மனைகளில் சிகிச்சை பெற்று வருகின்றனர்.

எனவே இந்தப்பகுதியில வசித்து வரும் மக்கள் தங்களுடைய வீடுகளை காலி செய்து வேறு இடங்களுக்கு குடிபெயர்ந்து வரும் அவலநிலை ஏற்பட்டுள்ளது.

எனவே பல மாதங்களாக தேங்கியுள்ள கழிவுநீரை வெளியேற்றி குடியிருப்பு பகுதிகளுக்கு அரசு கழிவுநீர் கால்வாய் அமைத்து தரும்படி இந்தப்பகுதி மக்கள் கோரிக்கை விடுத் துள்ளனர்.

மத்தூர்,

கிருஷ்ணகிரி மாவட்டம் போச்சம்பள்ளி அரசு மருத்துவமனைக்கு நாளொன்றுக்கு சுமார் 500-க்கும் மேற்பட்ட நோயாளிகள் வந்து செல்வது வழக்கம்.

போச்சம்பள்ளி சுற்று வட்டார சுமார் 20 கி.மீ. சுற்றளவுக்கு உள்ள கிராமங்களில் இருந்து நோயாளிகள் போச்சம்பள்ளி அரசு பொது மருத்துவமனையையே நாடுகின்றனர்.

இந்த போச்சம்பள்ளி அரசு பொது மருத்துவமனை அருகே அரசு ஆண்கள் மேல்நிலைபள்ளி, பெண்கள் மேல்நிலைபள்ளி, நூலகம், தொட்க்க வேளாண்மை கூட்டுறவு கடன் சங்கம்,பத்திர பதிவு அலுவகம் என அனைத்து அரசு அலுவலகங்களும் பள்ளிக்கூடங்களும் இயங்கி வருகின்றன. இந்த அரசு பொது மருத்துவனைக்கு செல்லும் தார் சாலை முழுவதுமாக பெயர்ந்து 4 ஆண்டுகளுக்கு மேலாகிறது. மருத்துவமனைக்கு செல்லும் நோயாளிகள் இவ்வழியில் செல்வதால் மிகவும் அவதிப்படுகின்றனர். 108 வாகன ஊர்தி, ஆட்டோ ஆகியவை செல்வது சிரமமாக உள்ளது. உடனடியாக அரசு பெண்கள் மேல் நிலைபள்ளியிலிருந்து, தருமபுரி-திருப்பத்தூர் சாலை வரை 1 கிலோ மீட்டர் தூரம் உள்ள சாலையை புதிய தார் சாலை அமைக்க கோரிக்கை எழுந்துள்ளது.

இதுகுறித்து போச்சம்பள்ளி ஊராட்சி மன்ற தலைவர் தெரிவிக்கையில் இன்னும் ஒரு மாதத்தில் ஒப்பந்தம் விட்டு புதிய தார்சாலை அமைப்பதாக தெரிவித்தார்.

நாகர்கோவில்:

மத்திய நீர்வளத்துறை அமைச்சர் கஜேந்திர சிங் ஷெகாவத்தை விஜய்வசந்த் எம்.பி. நேரில் சந்தித்து மனு ஒன்றை அளித்தார். அந்த மனுவில் கூறியிருப்பதாவது:-

குமரி மாவட்டம் விளவங்கோடு தாலுகாவில் 9,200 ஏக்கர் பரப்பளவில் விவசாயிகள் விவசாயம் செய்து வருகின்றனர். ரப்பர் விவசாயம் இங்கு அதிகமாக காணப்படுகிறது. கடந்த 2004-ம் ஆண்டு வரையில் நெய்யாறு அணைக்கட்டில் இருந்து இடதுகரை கால்வாய் வழியாக பாசனத்துக்கு கேரள அரசு தண்ணீர் வழங்கி வந்தது.

தற்போது அந்த கால்வாயில் தண்ணீர் திறந்து விடுவதை கேரள அரசு திடீரென நிறுத்தி உள்ளது. 1956-ம் ஆண்டு மொழிவாரியாக மாநிலங்கள் பிரிக்கப்பட்ட போது அன்று கேரளாவுடன் இருந்த விளவங்கோடு தாலுகாவுக்கு பாசனத்துக்கு நெய்யாறு அணைக்கட்டில் இருந்து தண்ணீர் திறந்து விடப்படும் என கேரள அரசு உறுதியளித்து இருந்தது. 22 கிலோ மீட்டர் கொண்ட இந்த கால்வாய் வழியாக பெறப்படும் தண்ணீர் விளவங்கோடு தாலுகாவுக்குட்பட்ட 9 பஞ்சாயத்து நிலங்களை வளப்படுத்தி வந்தன.

நெய்யாறு ஆற்றின் நீர்ப்பிடிப்பு பகுதி தமிழ்நாட்டில் அமைந் துள்ளது. மத்திய நீர்வள ஆணையம் இதை இருமாநிலங்களுக்கு இடையேயான நதி என்று அங்கீகரித்துள்ளது. ஆனால், கேரள அரசு இதை தங்கள் மாநிலத்திற்கு மட்டுமே சொந்தமான நதி என்று கூறி தமிழகத்திற்கு தண்ணீர் திறந்துவிட மறுக்கிறது. மாநில அளவிலும், மாவட்ட அளவிலும் பல குழுக்கள் அமைத்து பலமுறை கேரள அரசை தொடர்பு கொண்டு தண்ணீர் திறந்து விட வலியுறுத்தப்பட்டது.

ஆனால், கேரள அரசின் பிடிவாத போக்கால் இதுதொடர்பான வழக்கு கோர்ட்டில் உள்ளது. எனவே, விளவங்கோடு விவசாயிகளின் நலனை கருத்தில் கொண்டு மத்திய அரசு நெய்யாறு இடதுகரை கால்வாய் வழியாக பாசனத்துக்கு தண்ணீர் திறந்துவிட கேரள அரசை அறிவுறுத்த வேண்டும்.

இவ்வாறு அதில் கூறப்பட்டுள்ளது.