நீங்கள் தேடியது "slug 234502"

திருப்போரூர்:

திருக்கழுக்குன்றம் அடுத்த கானகோயில் பேட்டை பகுதியை சேர்ந்தவர் பாஸ்கர் (40). தொழில் அதிபர். இவர் மறைமலை நகர் அடுத்த மகேந்திரா சிட்டி பகுதியில் உள்ள பல்வேறு தொழிற்சாலைகளுக்கு தொழிலாளர்களை ஒப்பந்த அடிப்படையில் வேலைக்கு அனுப்பும் தொழில் செய்து வருகிறார்.

இவர் தொழிலாளர்களின் 'பி.எப்.' பணத்தை அவர்களின் கணக்கில் செலுத்தவில்லை என்று கூறப்படுகிறது. இதனால் பாதிக்கப்பட்ட தொழிலாளர்கள் சிலர் அஞ்சூரை சேர்ந்த பிரபாகரன், அம்மனம் பாக்கத்தை சேர்ந்த கன்னியப்பன் ஆகியோரிடம் கூறினர்.

இதனை சாதகமாக பயன்படுத்திக்கொண்ட பிரபாகரன், கன்னியப்பன் ஆகியோர் திருப்போரூரை அடுத்த மேட்டுத்தண்டலம் பகுதியை சேர்ந்த பிரசன்ன பாலாஜியுடன் சேர்ந்து தொழில் அதிபர் பாஸ்கரிடம் பணம் பறிக்க திட்டமிட்டனர். இதற்கு உடந்தையாக பிரசன்ன பாலாஜி தனது காதலியான வடகடம்பாடியை சேர்ந்த ரஞ்சிதாவை பயன்படுத்த திட்டமிட்டார்.

அவர்களது திட்டப்படி ரஞ்சிதா கடந்த ஒரு மாதமாக செல்போன் மற்றும் சமூக வலைதளம் மூலம் பாஸ்கரிடம் நட்பாக பழகினார். மேலும் காதலிப்பதாகவும் கூறி ஏமாற்றினார்.

இதனை உண்மை என்று நம்பிய பாஸ்கர், ரஞ்சிதாவுடன் பல இடங்களுக்கு சென்று ஊர் சுற்றினார். ரஞ்சிதாவின் அழகில் மயங்கி அவருக்கு தேவையான பண உதவிகளும் செய்தார்.

இதற்கிடையே கடந்த 27-ந்தேதி பாஸ்கரும், ரஞ்சிதாவும் திருப்போரூர் அருகே உள்ள சிறுங்குன்றம் வனப்பகுதிக்கு சென்றனர். அவர்கள் தனிமையில் இருந்த போது திடீரென பிரபாகரன், கன்னியப்பன், பிரசன்ன பாலாஜி ஆகியோர் வந்தனர்.

அவர்கள் பாஸ்கரை சரமாரியாக தாக்கினர். அவரது வங்கி கணக்கில் இருந்து ரூ.28 ஆயிரத்தை 'கூகுள் பே' மூலம் பறித்தனர். பின்னர் அவரது 2 செல்போன்களையும் பறித்துவிட்டு இதுபற்றி யாரிடமும் சொல்லக்கூடாது என்று மிரட்டி அங்கிருந்து தப்பி சென்று விட்டனர்.

அப்போது ரஞ்சிதாவை அவர்கள் தெரிந்தவர் போல் காட்டிக் கொள்ளவில்லை. மேலும் ரஞ்சிதாவும், பாஸ்கரும் சேர்ந்து இருப்பது போல் தங்களது செல்போனில் படம் எடுத்து விட்டு தாங்கள் கேட்கும் போது பணம் தர வேண்டும் என்று மிரட்டி சென்றனர்.

இதனால் அதிர்ச்சி அடைந்த பாஸ்கர் வெளியில் சொல்ல முடியாமல் அங்கிருந்து வீட்டுக்கு சென்றுவிட்டார். ரஞ்சிதாவும் அங்கிருந்து சென்று விட்டார்.

இதுகுறித்து பாஸ்கர் திருப்போரூர் போலீசில் புகார் செய்தார். புகாரில் வழிப்பறி கும்பல் தாக்கியதாக கூறினார். எனினும் சந்தேகம் அடைந்த போலீசார் தீவிர விசாரணை நடத்தியபோது தான் பாஸ்கர், இளம்பெண் ரஞ்சிதாவுடன் தனிமையில் இருந்த போது இந்த வழிப்பறி சம்பவம் நடந்து இருப்பது தெரிந்தது.

இதையடுத்து ரஞ்சிதாவை அழைத்து தனியாக விசாரித்தனர். அவரது செல்போனையும் ஆய்வு செய்தனர். அப்போது பாஸ்கரிடம் இருந்து 'கூகுள் பே' மூலம் பணம் அனுப்பப்பட்ட செல்போன் எண் ரஞ்சிதாவின் செல்போனில் இருப்பது தெரிந்தது.

அவரிடம் நடத்தப்பட்ட கிடுக்குப்பிடி விசாரணையின் போது ரஞ்சிதா தனது கூட்டாளிகளான பிரபாகரன், கன்னியப்பன் மற்றும் காதலன் பிரசன்ன பாலாஜி ஆகியோரின் ஏற்பாட்டில் பாஸ்கரை காதல் வலையில் வீழ்த்தி இந்த துணிகர கொள்ளையில் ஈடுபட்டு இருப்பது தெரிந்தது.

இதனை கேட்டு பாஸ்கர் அதிர்ச்சி அடைந்தார். சினிமா பட பாணியில் இளம்பெண்ணை பழக வைத்து பணம் பறித்து இருப்பது தெரிய வந்தது.

இதனைத்தொடர்ந்து பணம் பறிப்பில் ஈடுபட்ட பிரபாகரன், கன்னியப்பன், பிரசன்ன பாலாஜி, ரஞ்சிதா ஆகிய 4 பேரை போலீசார் கைது செய்தனர். இவர்களில் கைதான ரஞ்சிதா அழகுக் கலை நிபுணர். அவர் மாமல்லபுரம் பகுதியில் அழகு நிலையம் நடத்தி வருகிறார். கணவரை பிரிந்த அவர் பிரசன்ன பாலாஜியுடன் கள்ளக்காதலில் ஈடுபட்டுள்ளார்.

பணம் பறிக்கும் கும்பலுக்கு உதவி செய்து தற்போது போலீசில் சிக்கிக் கொண்டார்.

கைதான ரஞ்சிதா உள்ளிட்ட 4 பேரும் இதேபோல் மேலும் பலரிடம் பணம் பறித்து இருக்கலாம் என்று போலீசார் சந்தேகிக்கிறார்கள். இதுதொடர்பாக போலீசார் அவர்களிடம் மேலும் விசாரணை நடத்தி வருகிறார்கள்.

வேலூர்:

வேலூரில் உள்ள தனியார் மருத்துவமனையில் பணிபுரிந்து வரும் பெண் டாக்டரின் செல்போன் எண்ணிற்கு கடந்த சில மாதங்களுக்கு முன்பு குறுஞ்செய்தி ஒன்று வந்தது.

பெண் டாக்டர்

அதில் வங்கி நெட் பேங்கிங் முடக்கப்பட்டுள்ளது. அதனை சரி செய்வதற்கு உடனடியாக பான்கார்டை புதுப்பிக்க வேண்டும். அதனை ஆன்லைனில் புதுப்பிக்கலாம் என்று இணைப்பு (லிங்க்) ஒன்று கொடுக்கப்பட்டிருந்தது.

ரூ.1.35 லட்சம் பறிப்பு

இதனை உண்மை என்று நம்பிய டாக்டர் அந்த இணைப்பில் சென்று அவருடைய வங்கி தொடர்பான விவரங்களை பதிவிட்டுள்ளார்.

சிறிதுநேரத்தில் அந்த வங்கிக்கணக்கில் இருந்து ரூ.1,35,087 எடுக்கப்பட்டது. அப்போதுதான் மர்மநபர்கள் போலியான இணைப்பு செல்போனுக்கு அனுப்பி பணத்தை அபேஸ் செய்தது டாக்டருக்கு தெரிய வந்தது.

இதுகுறித்து அவர் வேலூர் சைபர் கிரைம் போலீசில் புகார் அளித்தார். அதன்பேரில் சப்-இன்ஸ்பெக்டர் சதீஷ்குமார் வழக்குப்பதிந்து டாக்டரின் வங்கிக்கணக்கில் இருந்து பணம் பரிமாற்றம் செய்யப்பட்ட வங்கிக்கணக்கை முதற்கட்டமாக முடக்கினார்.

பின்னர் தொடர் நடவடிக்கையாக அந்த கணக்கில் இருந்து ரூ.1,35,087-ஐ போலீசார் மீட்டனர்.

இந்த நிலையில் வேலூர் மாவட்ட போலீஸ் சூப்பிரண்டு ராஜேஷ்கண்ணன் உத்தரவின்பேரில் சைபர் கிரைம் கூடுதல் போலீஸ் சூப்பிரண்டு குணசேகரன் நேற்று டாக்டரிடம் பணத்தை ஒப்படைத்தார்.

பின்னர் அவர் கூறுகையில்:-

வங்கி விடுமுறை நாட்களை பயன்படுத்தி மர்மநபர்கள் ஆன்லைன் மூலம் பொதுமக்களை அதிகளவு ஏமாற்றக்கூடும்.

எனவே சைபர் குற்றங்களால் யாராவது பாதிக்கப்பட்டால் உடனடியாக 1930 என்ற இலவச உதவி எண்ணை தொடர்பு கொள்ள வேண்டும் என்றார்.

கோவை,

கோவை ஒண்டிப்புதூரை சேர்ந்தவர் சிவலிங்கம் (வயது 54). இவர் இருகூர் ரோட்டில் பழைய இரும்பு கடை வைத்து நடத்தி வருகிறார்.

சம்பவத்தன்று இவர் வழக்கம் போல கடையில் வியாபாரத்தில் ஈடுபட்டு இருந்தார். அப்போது அங்கு 2 பேர் வந்தனர். அவர்கள் சிவலிங்கத்திடம் தாங்கள் போலீஸ்காரர்கள். நீங்கள் கடையில் திருட்டு பொருட்கள் வாங்கி வைப்பதாக புகார் வந்தது.

அதனால் விசாரிக்க வந்தேம் என்றனர். அதற்கு சிவலிங்கம் எங்கள் கடையில் திருட்டு பொருட்கள் வாங்குவது இல்லை. எந்த பொருட்கள் வாங்குனாலும் விசாரித்து தான் வாங்குவோம் என்றார்.

அதற்கு அந்த 2 பேரும் விசாரிக்க வந்ததற்காக ரூ.1000 வழங்க வேண்டும் என்றனர். போலீசார் என பயந்து போய் அவர் பணத்தை கொடுத்தார். அப்போது இரும்பு கடை சங்கத்தை சேர்ந்த ஒருவர் அங்கு வந்தார்.

அவர் அந்த 2 பேரிடமும் விசாரித்தார். அதற்கு அவர்கள் முன்னுக்குபின் முரணாக பதில் கூறினர். இதனால் சந்தேகம் அடைந்த அவர் அந்த 2 பேரையும் பிடித்து சிங்காநல்லூர் போலீசில் ஒப்படைத்தார். போலீசார் அவர்களை பிடித்து விசாரணை நடத்தினர்.

விசாரணையில் அவர்கள் விருதுநகரை சேர்ந்த கூலி தொழிலாளி தங்கமணி (57) மற்றும் அவரது நண்பர் கோவை அண்ணா நகரை சேர்ந்த காவலாளி பூபதி குமார் (49) என்பதும் இவர்கள் சிவலிங்கத்திடம் போலீசார் என மிரட்டி பணம் பறித்ததும் தெரியவந்தது.

இதையடுத்து சிவலிங்கம் அளித்த புகாரின் பேரில் போலீசார் வழக்குப்பதிவு செய்து தங்கமணி, பூபதி குமாரை கைது செய்து கோர்ட்டில் ஆஜர்படுத்தி சிறையில் அடைத்தனர்.

சேலம் மாவட்டம், குகை பகுதியை சேர்ந்தவர் விஜயபாஸ்கரன் (வயது45). இவரது தம்பி கவுரிசங்கரன் (42). இவர்கள் 2 பேரும் ரியல் எஸ்டேட் தொழில் செய்து வருகின்றனர்.

இந்நிலையில் கிருஷ்ணகிரி மாவட்டம், பாகலூர் பகுதியில் குறைந்த விலைக்கு நிலம் உள்ளதாகவும், நேரில் வந்து பேசி முடித்து கொள்ளலாம் என்று சக்தி (ஏ) சத்தியராஜ் என்பவர் அழைத்துள்ளார்.

இதையடுத்து விஜயபாஸ்கரனும் அவரது தம்பியும் காரில் புறப்பட்டு கிருஷ்ணகிரி சென்றுள்ளனர். அங்கு சக்தி, தனது கூட்டாளிகளான செல்வகுமார், பன்னீர்செல்வம் ஆகியோருடன் காத்திருந்துள்ளனர். பின்னர் அங்கிருந்து நிலத்தை பார்க்க போகலாம் என்று கூறி புறப்பட்டுள்ளனர்.

அப்போது செல்லும் வழியிலேயே சக்தி யாருக்கோ செல்போன் மூலம் பேசி வர சொல்லியுள்ளார். இதையடுத்து 2 கார்கள் மற்றும் மோட்டார் சைக்கிளில் சுமார் 10 பேர் கொண்ட கும்பல் வந்து காரை மறித்துள்ளனர்.

அந்த கும்பலுடன் சக்தியும் சேர்ந்து விஜயபாஸ்கரனையும் அவரது தம்பி கவுரிசங்கரனையும் மிரட்டி ரூ.15 லட்சம் பணம் கொடுத்தால்தான் விடுவோம். இல்லையென்றால் கொலை செய்து விடுவோம் என்று மிரட்டியுள்ளனர்.

பின்னர் விஜயபாஸ்கரன், கவுரிசங்கரன் அணிந்திருந்த ரூ.60 ஆயிரம் மதிப்பிலான தங்க சங்கிலிகள், ரூ.8 ஆயிரம் பணம் முதலியவற்றை பறித்து கொண்டு வெற்று பத்திரத்தில் 2 பேரிடமும் கையெழுத்து வாங்கியுள்ளனர்.

பின்னர் விஜயபாஸ்கரன் வந்த காரிலேயே அவர்களை சேலம் நோக்கி அழைத்து வந்த சக்தி உள்ளிட்ட கும்பல் ஓமலூர் அருகே கருப்பூர் சுங்கசாவடி அருகே 2 பேரையும் இறக்கிவிட்டு அதே காரில் தப்பி சென்று விட்டனர்.

இந்த சம்பவம் குறித்து சேலம் போலீசில் விஜயபாஸ்கரன் புகார் செய்தார். இந்த புகார் பாகலூர் போலீசாருக்கு மாற்றப்பட்டது. அந்த புகாரின் பேரில் சக்தி உள்ளிட்ட கும்பல் மீது வழக்கு பதிவு செய்து விசாரித்து வருகின்றனர்.

சென்னை:

சென்னை புது வண்ணாரப்பேட்டையைச் சேர்ந்தவர் மைதீன். இவர் உலர்ந்த பழங்களை விற்பனை செய்யும் தொழில் செய்து வருகிறார்.

இவருக்கு தெரிந்த நஜிம் என்பவர் சில வங்கிக் கணக்குகளை கொடுத்து, அவற்றுக்கு பணம் அனுப்ப சொல்வது வழக்கம். இந்த வேலையை செய்வதற்கு, ஒரு லட்சம் ரூபாய்க்கு ஆயிரம் ரூபாய் என கமிஷன் கிடைத்துள்ளது.

அதன்படி, நஜீம் கொடுத்த ரூ.9லட்சம் பணத்துடன் நேற்று இரவு தேனாம்பேட்டை எல்டாம்ஸ் சாலை இந்தியன் வங்கிக்கு மைதீன் சென்றார். அங்குள்ள, டெபாசிட் எந்திரத்தின் மூலம் 4 லட்சம் ரூபாயை (சில கணக்குகளில்) செலுத்தி உள்ளார். மீதமுள்ள ரூ.5 லட்சம் பணத்தை எடுத்துக் கொண்டு வேறொரு வங்கி டெபாசிட் இயந்திரத்திற்கு செலுத்த சென்றார்.

அப்போது கத்தி, அரிவாளை காட்டி மிரட்டி தன்னிடம் இருந்த ஐந்து லட்சம் ரூபாய் பணத்தை மூன்று பேர் பறித்துச் சென்றதாக, தேனாம்பேட்டை குற்றப்பிரிவு போலீசாரிடம் மைதீன் புகார் அளித்துள்ளார்.

இச்சம்பவம் குறித்து, அப்பகுதியில் உள்ள கேமரா பதிவுகளை வைத்து போலீசார் தீவிர விசாரணை நடத்தி வருகின்றனர்.

சூலூர்,

அசாம் மாநிலத்தை சேர்ந்தவர் அப்துல் ரகுமான். இவர் கணியூரில் தங்கி வேலை பார்த்து வருகிறார்.

இவர் சம்பவத்தன்று தனது நண்பரான பாய்சர் அலியுடன் கணியூர் பகுதியில் உள்ள ஓட்டல் அருகே நின்று பேசி கொண்டிருந்தார்.

அப்போது அவர்களின் அருகே ஒரு கார் வேகமாக வந்தது. இவர்களின் அருகில் வந்ததும் கார் நின்றது. அதில் இருந்து ஒரு நபர் இறங்கினார்.அவர் அப்துல்ரகுமானின் அருகில் சென்றார். அப்போது அவர், நீங்கள் யார் என கேட்டார். அதற்கு காரில் இருந்து இறங்கிய நபர் எனது பெயர் கலைச்செல்வன். நான் இந்த ஏரியா ரவுடி. நீ வைத்திருக்கும் பணத்தை கொடுத்து விடு என்றார்.

ஆனால் அவர் கொடுக்க மறுத்தார். இதனால் ஆத்திரம் அடைந்த வாலிபர் நீ பணம் தராவிட்டால் காரில் கத்தி வைத்துள்ளேன். அதனை எடுத்து உன்னை குத்தி கொன்று விடுவேன் என மிரட்டினார். இதனால் பயந்து போன அப்துல்ரகுமான் கையில் வைத்திருந்த ரூ.4 ஆயிரம் பணத்ைத கொடுத்தார்.

இதையடுத்து அந்த நபர் காரில் ஏறி தப்பி சென்றார். இதுகுறித்து அப்துல்ரகுமான் கருமத்தம்பட்டி போலீசில் புகார் அளித்தார்.

புகாரின் பேரில் போலீசார் வழக்குப்பதிவு செய்து விசாரணை நடத்தினர்.

விசாரணையில் வடமாநில வாலிபர்களை மிரட்டி பணம் பறித்தது, ஊத்துப்பாளையத்தை சேர்ந்த டிராவல்ஸ் அதிபர்களான கலைச்செல்வன், கோகுலகிருஷ்ணன், சரண்குமார், விஜயகுமார் ஆகிய 4 பேர் என்பது தெரியவந்தது.

இதையடுத்து போலீசார் அவர்களை அந்த பகுதியில் பொருத்தப்பட்டிருந்த கண்காணிப்பு காமிராவில் பதிவான காட்சிகளை வைத்து விசாரணை நடத்தி தேடி வந்தனர்.

இந்த நிலையில் இவர்கள் 4 பேரும் மாதப்பூரில் இருந்து கணியூர் செல்லும் சாலையில் செல்வதாக போலீசாருக்கு தகவல் கிடைத்தது. அதன் பேரில் போலீசார் விரைந்து சென்று, 4 பேரையும் கைது செய்தனர்.

பின்னர் அவர்களை சூலூர் குற்றவியல் கோர்ட்டில் ஆஜர்படுத்தி கோவை மத்திய ஜெயலில் அடைத்தனர்.

கரூர் பெரிய குளத்துப்பாளையம் வெங்கமேடு பகுதியைச் சேர்ந்தவர் ஜான் பாஷா (வயது 48). இவர் திருச்சி சுந்தர் நகரில் உள்ள டாஸ்மாக் பாரில் பணிபுரிந்து வருகிறார். நேற்று அங்கு நின்று கொண்டிருந்த ஜான் பாஷாவிடம் கத்தி முனையில் மிரட்டி இரண்டு பேர் பணத்தை பறித்து சென்றுள்ளனர். இது குறித்து அவர் கே.கே.நகர் போலீசில் புகார் கொடுத்தார். புகாரின் பேரில் இன்ஸ்பெக்டர் நவநீதகிருஷ்ணன் வழக்குப்பதிந்து விசாரணை நடத்தி வந்தார். இந்நிலையில் இச்சம்பவம் தொடர்பாக திருச்சி ஐயப்பன் நகரை சேர்ந்த ரமேஷ் (வயது 40 ), மன்னார்புரம் காஜா நகரை சேர்ந்த ராஜேந்திரன்(வயது 20 )ஆகிய இரண்டு பேரை கைது செய்யப்பட்டனர். இதேபோல் திருச்சி உறையூர் கீரைக்கொல்லை தெருவில் நடந்து சென்ற ரவிச்சந்திரன் என்பவரிடம் கத்தி முனையில் பணம் பறித்ததாக திருச்சி மேல சிந்தாமணியை சேர்ந்த சிவகுரு, உறையூரை சேர்ந்த அருண்குமார் ஆகிய இரண்டு வாலிபர்களை உறையூர் போலீசார் கைது செய்தனர்

விழுப்புரம்:

விழுப்புரம் அருகே வளவனூர் போலீஸ் சரகம் எஸ்.மேட்டுபாளையத்தை சேர்ந்தவர் விஜயலட்சுமி. இவர் பஞ்சாயத்து தலைவராக உள்ளார். இவரது மகன் கிருஷ்ணராஜ் (வயது 39). இவர் அந்த பகுதியில் உள்ள பிள்ளையார் கோவில் தெரு மேம்பாலம் பகுதியில் நடந்து சென்றார்.

அப்போது அதே பகுதியை சேர்ந்த கபிலன் வந்தார். இவர் கிருஷ்ணராஜை வழிமறித்து பொங்கல் செலவுக்கு ரூ.5 ஆயிரம் கேட்டார். ஆனால் கிருஷ்ணராஜ் கொடுக்க மறுத்து விட்டார். ஆத்திரமடைந்த கபிலன் கத்தியை காட்டி கிருஷ்ணராஜை மிரட்டினார். பின்னர் அவரது சட்டை பையில் இருந்த ரூ.1000-த்தை பறித்து சென்றார்.

அதிர்ச்சியடைந்த கிருஷ்ணராஜ் கூச்சல போட்டார். ஆத்திரம் அடைந்த கபிலன், அவருடன் வந்த புதுவை நெல்லித்தோப்பை சேர்ந்த கவுதம் ஆகிய 2 பேரும் 2 நாட்டு வெடிகுண்டுகளை சாலையில் வீசி கிருஷ்ணராஜை மிரட்டினர். அதன்பின்னர் அவர்கள் அங்கிருந்து தப்பி ஓடிவிட்டனர்.

இதுகுறித்து வளவனூர் போலீசார் வழக்குபதிவு செய்து கபிலன், கவுதமன் ஆகியோரை கைது செய்தனர்.

ஈரோடு:

ஒடிசா மாநிலத்தை சேர்ந்தவர் சுதீர் (29). வேலை தேடி நண்பர் திலிப்பை பார்க்க ஈரோடு வந்தார். வீரப்பன்சத்திரம், கொத்துக்காரர் தோட்டம் பகுதியில் திலிப்புடன் தங்கி இருந்தார்.

இந்நிலையில் சம்பவத்தன்று திலீப், சுதீர் வீட்டில் இருந்தனர். அப்போது திடீரென 7 பேர் கொண்ட கும்பல் திலீப் வீட்டுக்குள் அத்துமீறி நுழைந்தது. அந்த கும்பல் சுதீர், திலிப் இருவரையும் தாக்கினர். திலிப்பிடம் இருந்து ரூ. 5,200 பறித்துக்கொண்டனர். பின்னர் அந்த கும்பல் இருவரது செல்போனையும் பறித்தனர். செல்போனில் கூகுள் பே இருப்பதை அறிந்து கொண்ட அந்த கும்பல் பணம் அனுப்புமாறு கேட்டு ஆயுதங்களை காட்டி இருவரையும் மிரட்டி உள்ளனர்.

உயிருக்கு பயந்து இருவரும் ஒடிசா மாநிலத்தில் உள்ள தங்கள் குடும்ப நண்பர்களுக்கு போன் செய்து கூகுள் பேவுக்கு ரூ.40 ஆயிரம் பெற்று பின்னர் கும்பலுக்கு தந்தனர். இதனைத் தொடர்ந்து ஆம்னி வேனில் இருவரையும் ஏற்றிச் சென்று ஆள் நடமாட்டம் இல்லாத பகுதியில் கடத்திச் சென்று இறக்கி விட்டு சென்று விட்டனர். பின்னர் இருவரும் பொதுமக்கள் உதவியுடன் வீரப்பன்சத்திரம் போலீஸ் நிலையத்திற்கு வந்து நடந்த சம்பவம் குறித்து புகார் அளித்தனர்.

இதுகுறித்து போலீசார் விசாரணை நடத்தியதில் வீரப்பன்சத்திரம், பெரியவலசு ராதாகிருஷ்ணன் வீதி பகுதியைச் சேர்ந்த கார்த்திக் (34), திருச்செங்கோடு, சூரியம்பாளையம், காட்டுவலசை சேர்ந்த பூபதி (21), பீகார் மாநிலத்தைச் சேர்ந்த பிபின் குமார்(22) ஆகிய மூன்று பேரையும் கைது செய்தனர். மேலும் தலைமறைவாக உள்ள சோமசுந்தரம், லிங்கேஷ், பிரவீன், பிகாசு ஆகிய 4 பேரை தேடி வருகின்றனர்.

ஓட்டேரி:

செங்கல்பட்டு மாவட்டம் மண்ணிவாக்கம் மேட்டு தெருவை சேர்ந்தவர் சிங்காரவேலன் (வயது 31). இவர் அதே பகுதியில் மளிகை கடை வைத்து வியாபாரம் செய்து வருகிறார். இந்த நிலையில் நேற்று முன்தினம் 4 பேர் கொண்ட கும்பல் மளிகை கடைக்கு பொருட்கள் வாங்குவது போல் வந்து திடீரென மறைத்து வைத்திருந்த கத்தியை காட்டி மிரட்டி சிங்காரவேலனிடமிருந்து ஆயிரம் பணத்தை பறித்து கொண்டு அங்கிருந்து 4 பேரும் தப்பி ஓடி விட்டனர்.

இது குறித்து சிங்காரவேலன் ஓட்டேரி போலீசில் புகார் செய்தார். போலீசார் வழக்குப்பதிவு மளிகை கடைக்காரரிடம் கத்தியை காட்டி பணத்தை பறித்த 4 பேர் கொண்ட கும்பலை வலைவீசி தேடி வருகின்றனர். இந்த சம்பவம் அப்பகுதியில் பெரும் பரபரப்பு ஏற்படுத்தி உள்ளது.

ஆற்காடு:

ராணிப்பேட்டையை சேர்ந்தவர் மணிகண்டன், பூட்டுதாக்கு கிராமத்தைச் சேர்ந்தவர் மகேஷ் ஆகிய இருவரும் பவுர்ணமியையொட்டி திருவண்ணாமலைக்கு சென்றுவிட்டு மீண்டும் ஊர் திரும்பினர்.

சொரையூர்கூட் டுரோட்டில் இரவு 11.30 மணி அளவில் வந்து கொண்டிருந்தனர். அப்போது வாழப்பந்தல் கிராமத்தை சேர்ந்த விமல் ராஜ் (வயது 25) என்பவர் மணிகண்டன், மகேசை வழிமறித்து கத்தியை காட்டி மிரட்டி, அவர்களிடமிருந்து ஆயிரம் ரூபாயை பறித்து சென்றுள்ளார்.

இது குறித்து மணிகண்டன், மகேஷ் ஆகிய இருவரும் வாழப்பந்தல் போலீஸ் நிலையத்தில் புகார் செய்தனர். அதன் பேரில் போலீசார் வழக்கு பதிவு செய்து விமல் ராஜை நேற்று கைது செய்தனர்.

விழுப்புரம்: 

விழுப்புரம் வடக்கு மாவட்ட தி.மு.க. செயலா ளரும் சிறுபான்மை துறை அமைச்சருமான செஞ்சி மஸ்தானின் மருமகனும் அமைச்சரின் நேர்முக உதவி யாளருமான ரிஸ்வானின் பெயரில் போலி பேஸ்புக் மூலமாக திண்டிவனம் ,செஞ்சி, சென்னை, போன்ற பல்வேறு ஊர்களில் உள்ள நபர்களின் மூலமாக தொடர்பு கொண்டு தனக்கு அவசரமாக பணம் தேவைப்படுகிறது என பேஸ்புக் மூலமாக தெரி வித்துள்ளார். இதனை தொடர்ந்து அமைச்சரின் மருமகன் ரிஸ்வான் சைபர் கிரைம் போலீஸ் நிலை யத்தில் இது சம்பந்தமாக புகார் அளித்துள்ளார்.மேலும் அவர் கூறுகையில் அந்த போலி சமூக வலைதள மூலமாக பணம் கேட்டால் தர வேண்டாம் என தெரிவித்துள்ளார்.