நீங்கள் தேடியது "slug 238132"

கோவை,

கோவை அவிநாசி சாலையில் மேம்பால தூண்கள் அமைக்கும் பணியின் காரணமாக லட்சுமி மில் சந்திப்பில் போக்குவரத்து மாற்றம் செய்யப்பட்டுள்ளது.

கோவை அவினாசி சாலையில் உப்பிலி பாளையம் முதல் கோல்டு வின்ஸ் வரை ரூ.1.621 கோடி மதிப்பில் 10.10 கிலோ மீட்டர் தூரத்துக்கு உயர்ம ட்டப் பாலம் கட்டும் பணி மேற்கொள்ளப்பட்டு வருகிறது. இப்பணிக்காக 306 தூண்கள் அமைக்க திட்டமிடப்பட்டன. தற்போது வரை 280-க்கும் மேற்பட்ட தூண்கள் அமைக்கப்பட்டுள்ளன.

தூண்கள் அமைக்க ப்படும் முக்கிய சந்திப்பு களில் போக்குவரத்து மாற்றம் செய்யப்பட்டு வருகிறது. தற்போது லட்சுமி மில் சந்திப்பில் தூண்கள் அமைக்கும் பணியை தொடங்கியுள்ளனர். இதனால் அப்பகுதியில் போக்குவரத்து மாற்றம் செய்யப்பட்டுள்ளது.

போக்குவரத்து காவல்து றையினர் கூறும் போது, நவஇந்தியா சந்திப்பு, புலியகுளம் சந்திப்பில் இருந்து காந்திபுரம் செல் லும் வாகனங்கள், லட்சுமி மில் சிக்னல் அருகே சில மீட்டர் தூரம் தள்ளி உள்ள சர்க்கியூட் ஹவுஸ் சாலையில் உள்ள இடை வெளி வழியாக யூடர்ன் செய்து காந்திபுரம் செல்ல லாம். காந்திபுரத்தில் இருந்து லட்சுமி மில் சந்திப்பு வழியாக புலிய குளம், அண்ணா சிலை நோக்கி செல்லும் வாகன ங்கள் லட்சுமி மில் சந்திப்பை அடைந்து அவி நாசி சாலையில் இடதுபுறம் திரும்பி, சில மீட்டர் தூரம் தள்ளி வைக்கப்பட்டுள்ள இடை வெளி வழியாக யூடர்ன் செய்து செல்ல வேண்டிய இடங்க ளுக்கு செல்ல லாம்.

இதே யூடர்ன் வழியாக குப்புசாமி நாயுடு மருத்து வமனை சந்திப்பில் இருந்தும்,புலியகுளம் செல்லும் வாக னங்களும் செல்ல லாம். நவஇந்தியா சந்திப்பில் இருந்து லட்சுமி மில் சந்திப்பு நோக்கி வருபவர்கள் மீண்டும் நவஇந்தியாவுக்கு யூடர்ன் செய்து செல்லவும் வழி வகை செய்யப்ப ட்டுள்ளது.

போக்குவரத்து காவல் துணை ஆணையர் மதிவா ணன் கூறும்போது, அவி நாசி சாலையில் போக்கு வரத்து நெரிசல் ஏற்படாத வகையிலும், சிக்னலுக்காக காத்திருக்காத வகையிலும், யூடர்ன் செய்து செல்லும் வகையில் போக்குவரத்து மாற்றங்கள் செய்யப்ப ட்டுள்ளன. இதனால் வாக னங்கள் நெரிசலில் சிக்கா மல் சீராகசென்று வருகின் றன என்றார்.

சென்னை:

சென்னை போக்குவரத்து போலீசார் வெளியிட்ட செய்திக்குறிப்பில் கூறியிருப்பதாவது:-

சென்னை ஈ.வெ.ரா சாலையில் காந்தி இர்வின் மேம்பால கீழ்பகுதியில் (வடக்கு) மேம்பால குறுக்கே (காந்தி இர்வின் பாயின்ட் சந்திப்பு) நெடுஞ்சாலைதுறையினர் சாலையில் பள்ளம் தோண்டி சாலையின் குறுக்கே மழைநீர் வடிகால்வாய் கட்டுமான பணியில் ஈடுபட உள்ளனர். எனவே 3-ந்தேதி (நாளை) இரவு 10 மணி முதல் வருகிற 5-ந் தேதி (திங்கட்கிழமை) காலை 5 மணி வரை இப்பகுதிகளை சுற்றி போக்குவரத்தில் மாற்றம் செய்யப்பட்டுள்ளது.

அதன்படி ஈ.வெ.ரா சாலையில் சென்டிரல் மற்றும் ஈ.வி.கே. சம்பத் சாலையிலிருந்து காந்தி இர்வின் மேம்பாலம் வழியாக எழும்பூர் நோக்கி செல்ல தடை ஏதும் இல்லை. எழும்பூர் பகுதி காந்தி இர்வின் மேம்பாலம் சாலையிலிருந்து காந்தி இர்வின் மேம்பாலம் வழியாக ஈ.வெ.ரா. சாலை நோக்கி வாகனங்கள் செல்ல இயலாது. அத்தகைய வாகனங்கள் காந்தி இர்வின் மேம்பால டாப் சிக்னல் சந்திப்பிலிருந்து (தாளமுத்து நடராஜர் மாளிகை சந்திப்பு) இடதுபுறம் திரும்பி, காந்தி இர்வின் சாலை, உடுப்பி பாயின்ட் வலதுபுறம் திரும்பி, நாயர் மேம்பாலம் வழியாக ஈ.வெ.ரா. சாலை சந்திப்பில் வலதுபுறம் மற்றும் இடதுபுறம் திரும்பி செல்லலாம்.

இவ்வாறு அதில் கூறப்பட்டுள்ளது.

சேலம்:

சேலம் மாவட்டம் மல்லியக்கரை-ஆத்தூர் சாலையில் ரெயில்வே மேம்பால பணிகள் நடைபெற்று வருகிறது. இதையொட்டி வருகிற 30-ந் தேதி முதல் போக்குவரத்து மாற்றம் செய்யப்பட்டுள்ளது. இதனால் இருசக்கர மற்றும் இலகுரக வாகனங்கள் அருகில் உள்ள ரெயில்வே கீழ்பாலத்தை பயன்படுத்தி கொள்ளுமாறு கேட்டுக்கொள்ளப்படுகிறது.

அதாவது, ராசிபுரம்-ஆத்தூர் செல்லும் கனரக வாகனங்கள் வாழப்பாடி வழியாகவும் (வாழப்பாடி திம்மநாயக்கன்பட்டி சாலை), தம்மம்பட்டி-ஆத்தூர் செல்லும் கனரக வாகனங்கள் தம்மம்பட்டி-கெங்கவல்லி சாலையை பயன்படுத்தி மஞ்சினி வழியாக ஆத்தூருக்கு செல்லுமாறும் கேட்டுக்கொள்ளப்படுகிறது.

எனவே, மல்லியக்கரை-ஆத்தூர் சாலையில் ரெயில்வே மேம்பால பணிகள் முடியும் வரை கனரக வாகனங்கள் மாற்றுப்பாதையை பயன்படுத்திக்கொள்ளுமாறு தமிழ்நாடு சாலை மேம்பாட்டு திட்டத்தின் சேலம் கோட்ட பொறியாளர் தேவகி தெரிவித்துள்ளார்.

சென்னை:

சென்னை பெருநகர போக்குவரத்து காவல் துறை வெளியிட்டுள்ள செய்தி குறிப்பில் கூறியிருப்பதாவது:-

அனைத்து சனி, ஞாயிற்று கிழமைகள் மற்றும் அரசு விடுமுறை நாட்களையொட்டி மாலை நேரத்தில் மெரினா கடற்கரைக்கு ஏராளமான பொதுமக்கள் வந்து செல்கின்றனர். இது தொடர்பாக சூழ்நிலைக்கு தகுந்தவாறு இன்று முதல் கீழ்கண்ட போக்குவரத்து மாற்றங்கள் செய்யப்பட உள்ளன. காமராஜர் சாலையில் பொதுமக்கள் அதிகமாக கூடும் நேரம் வரை எவ்வித போக்குவரத்து மாற்றம் செய்யப்படமாட்டாது.

கலங்கரை விளக்கத்தில் இருந்து வரும் வாகனங்கள் கண்ணகி சிலையில் திருப்பப்பட்டு பாரதி சாலை-பெல்ஸ் ரோடு-வாலாஜா சாலை வழியாக அண்ணாசாலை சென்று தங்களது இலக்கை அடையலாம். ரத்னா கபேயில் இருந்து வரும் வாகனங்கள் வாலாஜா சாலை-பாரதி சாலை சந்திப்பில் திருப்பப்பட்டு பெல்ஸ் ரோடு சென்று அண்ணாசாலை அல்லது உழைப்பாளர் சிலை வழியாக சென்று தங்களது இலக்கை அடையலாம். ரத்னா கபேயில் இருந்து வரும் வாகனங்கள் நேராக கண்ணகி சிலைக்கு செல்ல அனுமதிக்கப்படாது.

அண்ணாசாலையில் இருந்து வரும் வாகனங்கள் வாலாஜா சாலை-பெல்ஸ் சாலை சந்திப்பில் பெல்ஸ் ரோடு நோக்கி செல்ல அனுமதிக்கப்படாது. (பெல்ஸ் சாலை ஓரு வழிப்பாதையாக மாற்றப்படும்)

நேப்பியர் பாலத்தில் இருந்து வரும் வாகனங்கள் உழைப்பாளர் சிலை சந்திப்பில் வலதுபுறம் திரும்ப அனுமதிக்கப்படாமல் நேராக கண்ணகி சிலை சென்று வலது புறம் திரும்பி பாரதி சாலை- பெல்ஸ் ரோடு-வாலாஜா சாலை வழியாக அண்ணா சாலை சென்று தங்களது இலக்கை அடையலாம்.

பாரதி சாலையில் இருந்து விக்டோரியா விடுதி சாலைக்கு வாகனங்கள் செல்ல அனுமதிக்கவும், வாலாஜா சாலையில் இருந்து விக்டோரியா விடுதி சாலை நோக்கி வாகனங்கள் செல்ல அனுமதிக்கப்படாது. (விக்டோரியா சாலை ஒரு வழிப்பாதையாக மாற்றப்படும்.

இவ்வாறு அதில் கூறப்பட்டுள்ளது.

சென்னை பெருநகர காவல்துறையின் போக்கு வரத்துப் பிரிவு வெளியிட்ட செய்திக்குறிப்பில் கூறி இருப்பதாவது:-

ஆழ்வார்பேட்டை டி.டி.கே. சாலையில் டாக்டர் அகர்வால் கண் மருத்துவமனை முன்புறம் குடிநீர் வடிகால் வாரியத்தின் குழாய் பதிக்கும் பணி நடைபெற உள்ளது.

இதையொட்டி, அந்தப் பகுதியில் நாளை (வியாழக்கிழமை) முதல் 27-ந் தேதி வரை 3 நாள்கள் போக்குவரத்து மாற்றம் செய்யப்படுகிறது.

இதன்படி, டி.டி.கே. சாலையில் இருந்து மியூசிக் அகாடமி நோக்கி செல்லும் வாகனங்கள் ஆழ்வார்பேட்டை போக்குவரத்து சிக்னல் சந்திப்பில் இடதுபுறம் திரும்பி முரேஸ் கேட் சாலையில் சென்று வலதுபுறம் திரும்பி சேஷாத்ரி சாலை, கஸ்தூரி ரங்கன் சாலை வழியாக கதீட்ரல் சந்திப்பை அடையலாம்.

அங்கிருந்து வாகனங்கள் தாங்கள் செல்ல வேண்டிய இடத்துக்கு செல்லலாம். மியூசிக் அகாடமியில் இருந்து டி.டி.கே. சாலை,எல்டாம்ஸ் சந்திப்பு நோக்கி செல்லும் வாகனங்கள் வழக்கம்போல செல்லலாம்.

இவ்வாறு அதில் கூறப்பட்டுள்ளது.

சென்னை:

சென்னை மாநகர போக்குவரத்து துறை சார்பில் வெளியிட்டுள்ள அறிக்கையில் கூறியிருப்பதாவது:-

சென்னை மெட்ரோ ரெயில் பணி காரணமாக ஆற்காடு சாலையில் சி.எம்.ஆர்.எல்-லில் மேற்கொள்ளப்பட உள்ள கட்டுமானப் பணிகளைக் கருத்தில் கொண்டு சென்னை மெட்ரோ பணிகளை செய்ய வசதியாக போக்குவரத்து மாற்றங்கள் திட்டமிடப்பட்டு கடந்த 6-ந்தேதி முதல் 12-ந்தேதி வரை ஒரு வார காலத்திற்கு சோதனை ஓட்டம் நன்கு செயல்பட்டதால் சி.எம்.ஆர்.எல் கோரியபடி இந்த போக்குவரத்து மாற்றங்கள் மேலும் இரண்டு ஆண்டுகளுக்கு நீட்டிக்கப்படுகிறது.

1. ஆற்காடு சாலையில் யுனைடெட் இந்திய காலனி 1-வது பிரதான சாலைசந்திப்பில் இருந்து டாக்டர் அம்பேத்கார் சாலை சந்திப்பு வரை போக்கு வரத்து தடை செய்யப்பட்டு உள்ளது.

2. கோடம்பாக்கம் மேம்பாலத்தில் இருந்து வரும் இலகு ரக வாகனங்கள் மற்றும் மாநகர பேருந்துகள் அனைத்தும் நேராக டாக்டர் அம்பேத்கர் சாலைக்கு ஆற்காடு சாலை வழியாக செல்ல தடை செய்யப்பட்டு மேற்கண்ட வாகனங்கள் யுனைடெட் இந்திய காலனி 1-வது பிரதான சாலை ( லிபர்ட்டி சந்திப்பு). ரங்கராஜபுரம் பிரதான சாலை. ரத்தினம்மாள் சாலை வழியாக சென்று அவர்கள் இலக்கை அடையலாம்,

3. வடபழனியில் இருந்து ஆற்காடு சாலை வழியாக கோடம்பாக்கம் மேம்பாலத்தை நோக்கி செல்லும் வாகனங்கள் வழக்கம் போல் ஆற்காடு சாலையில் செல்லலாம்.

4, யுனைடெட் இந்திய காலனி 1-வது பிரதான சாலையில், ஆற்காடு சாலை சந்திப்பில் இருந்து ஸ்டேக்ஷன் வியூ சாலை சந்திப்பு வரை ஒரு வழிபாதையாக மாற்றம் செய்யப்பட்டுள்ளது,

5, விஸ்வநாதபுரம் பிரதான சாலையில் இருந்து வரும் இலகு ரக வாகனங்கள் ஸ்டேஷன் வியூ சாலை சந்திப்பில் இருந்து நேராக ஆற்காடு சாலைக்கு செல்ல தடை செய்யப்பட்டுள்ளது, மேற்கண்ட வாகனங்கள். யுனைடெட் இந்திய காலனி 1-வது பிரதான சாலை. 2-வது குறுக்கு தெரு மற்றும் 2-வது பிரதான சாலை வழியாக சென்று அவர்கள் இலக்கை அடையலாம்,

6. விஸ்வநாதபுரம் பிரதான சாலையில் இருந்து வரும் இலகு ரக வாகனகள் தி,நகர் செல்ல. ஸ்டேக்ஷன் வியூ சாலை மற்றும் பசுல்லா மேம்பாலம் வழியாக சென்று அவர்கள் இலக்கை அடையலாம்,

7. கார்ப்பரேக்ஷன் காலனி பிரதான சாலையில் இருந்து வரும் இலகு ரக வாகனங்கள் நேராக விஸ்வநாதபுரம் பிரதான சாலையை நோக்கி செல்ல தடை செய்யப்பட்டுள்ளன. மாறாக ரங்கராஜபுரம் பிரதான சாலை. விஸ்வநாத புரம் முதல் தெரு மற்றும் விஸ்வநாதபுரம் இரண்டாவது தெரு சென்று அவர்கள் இலக்கை அடையலாம்.

8. ரத்தினம்மாள் தெருவில் இருந்து வரும் இலகு ரக வாகனங்கள் நேராக விஸ்வநாதபுரம் பிரதான சாலையை நோக்கி செல்ல தடைசெய்யப்பட்டுள்ளது. மாறாக. விஸ்வநாதபுரம் முதல் தெரு மற்றும் விஸ்வநாதபுரம் இரண்டாவது தெரு சென்று அவர்கள் இலக்கை அடையலாம்,

9. டாக்டர் அம்பேத்கர் சாலையில் ஒரு வழி பாதை தற்போது ஆற்காடு சாலை சந்திப்பிலிருந்து 2-வது அவென்யூ வரை நடைமுறையில் உள்ளது, மேற்கண்ட சாலையில், ரத்தினம்மாள் தெரு சந்திப்பில் இருந்து ஆற்காடு சாலை சந்திப்பு வரை இருவழிபாதையாக மாற்றம் செய்யபட்டுள்ளது, ரத்தினம்மாள் தெருவில் இருந்து வரும் இலகு ரக வாகனங்கள் டாக்டர் அம்பேத்கார் சாலை கார்பரேசன் காலனி ரோடு மற்றும் பாளையக்காரர் தெரு வழியாக ஆற்காடு சாலைக்கு சென்று அவர்கள் இலக்கை அடையலாம்,

இவ்வாறு அதில் கூறப்பட்டு உள்ளது.

பொன்னேரி:

மணலி புதுநகர் அடுத்த ஆண்டார் மடத்தில் உள்ள தனியார் தொழிற்சாலையில் இருந்து ஆந்திர மாநிலம் தடாவிற்கு கண்டெய்னர் லாரியில் 18 டன் எடை கொண்ட போம் மற்றும் வாகனங்களுக்கு தயாரிக்க கூடிய என்ஜின் ஆயில் கொண்டு செல்லப்பட்டது. இந்த ஆயில் கண்டெய்னர் லாரியின் உள்ளே ராட்சத பாதுகாப்பு பலூனில் நிரப்பப்பட்டு இருந்தது.லாரியை அரியலூர் மாவட்டத்தைச் சேர்ந்த டிரைவர் தர்மராஜ் ஓட்டினார்.

இன்று அதிகாலை 4.30 மணியளவில் மீஞ்சூரை அடுத்த நாளூர் அருகே கண்டெய்னர் லாரி சென்று கொண்டிருந்தபோது டிரைவரின் கட்டுப்பாட்டை இழந்து முன்னர் சென்ற மற்றொரு லாரி மீது மோதியது. இதில் கண்டெய்னர் லாரியில் இருந்த பாதுகாப்பு பலூனின் மேல்பகுதி கிழிந்து அதில் இருந்து ஆயில் வெளியேறியது.

இதனால் சாலை முழுவதும் ஆயில் ஆறாக ஓடியது. இதனால் அப்பகுதியில் பரபரப்பு ஏற்பட்டது. தகவல் அறிந்ததும் செங்குன்றம் சரக போக்குவரத்து இன்ஸ்பெக்டர் சோபிதாஸ் தலைமையில் போலீசார் சம்பவ இடத்திற்கு விரைந்து வந்தனர். பொன்னேரி தீயணைப்பு நிலைய அலுவலர் சம்பத் தலைமையில் தீயணைப்பு வீரர்களும் அங்கு வரவழைக்கப்பட்டனர்.

சாலையில் வழிந்தோடிய ஆயிலால் வாகனங்கள் பாதிக்காமல் இருக்க அவ்வழியே வாகன போக்குவரத்து நிறுத்தப்பட்டது.

வாகனங்கள் அனைத்தும் பொன்னேரி-மீஞ்சூர் சாலையில் திருப்பி விடப்பட்டது. விபத்துக்குள்ளான லாரிகளை அங்கிருந்து அப்புறப்படுத்தினர். பின்னர் ஜே.சி.பி. எந்திரம் மூலம் சாலையில் வழிந்தோடிய ஆயில் மீது மணல் போடப்பட்டது.

கண்டெய்னர் லாரியில் இருந்து சுமர் ஒரு டன் ஆயில் வெளியேறி இருந்ததாக கூறப்படுகிறது. பாதுகாப்பு பலூனில் மேல் பகுதி மட்டுமே கிழிந்ததால் குறைந்த அளவு ஆயில் வெளியேறியதாக அதிகாரிகள் தெரிவித்தனர். காலை 9 மணிக்கு பின்னரே அப்பகுதியில வாகன போக்குவரத்து சீரானது. விபத்தில் சிக்கிய லாரியில் இருந்த ஆயிலை வேறொரு லாரியில் மாற்றி மீண்டும் எடுத்து சென்றனர்.

சேலம்:

சேலம் மாநகராட்சி சார்பில் பாதாள சாக்கடை திட்டத்தின் கீழ் குழாய்கள் பதிக்கும் பணிகள் திருச்சி பிரதான சாலை அஸ்வின் பேக்கரி முதல் முங்கப்பாடி வரை நடைபெறுகிறது. இதற்கான பணி இன்று காலை தொடங்கியது.

இந்த பணிகள் வருகிற 31-ந் தேதி வரை நடைபெற உள்ளது. இதனால் சேலம் குகை திருச்சி சாலையில் போக்குவரத்து மாற்றம் செய்யப்பட்டுள்ளது.

இதனால் சேலம் பழைய பஸ் நிலையத்திலிருந்து ராசிபுரம், மல்லசமுத்திரம், ஆட்டையாம்பட்டி, இளம்பிள்ளை மகுடஞ்சாவடி, பனமரத்துப்பட்டி, மார்க்கமாக செல்லும் அனைத்து பஸ்களும் வள்ளுவர் சிலை சந்திப்பு, மாவட்ட கலெக்டர் அலுவலக சந்திப்பு, 4 ரோடு சந்திப்பு, லீ பஜார், சண்முகா பாலம், சந்தைப்பேட்டை வழியாக நெத்திமேடு அடைந்து செல்ல வேண்டிய இடங்களுக்கு சென்றன.

புலிக்குத்தி சந்திப்பில் இருந்து பிரபாத் சந்திப்பு செல்ல வேண்டிய இருசக்கர, 4 சக்கர வாகனங்கள் புலிக்குத்தி பிரதான சாலை, சிவனார் தெரு, கருங்கல்பட்டி சாலை வழியாக திருச்சி சாலை சென்றன.

இந்த போக்குவரத்து மாற்றத்தால் அந்த பகுதிகளில் கடும் போக்குவரத்து நெருக்கடி நிலவியது. இதனால் வாகன ஓட்டிகள் கடும் அவதி அடைந்தனர். கூடுதலாக போக்குவரத்து காவலர்களை நியமித்து போக்குவரத்தை ஒழுங்கு படுத்த வேண்டும் என வாகன ஓட்டிகள் கோரிக்கை விடுத்தனர்.

இந்த தற்காலிக போக்குவரத்து மாற்றத்திற்கு பொதுமக்கள் ஒத்துழைப்பு தர வேண்டுமென மாநகர காவல் துறை சார்பில் தெரிவிக்கப்பட்டு உள்ளது.

சென்னை பெருநகர போக்குவரத்து துறை வெளியிட்டுள்ள செய்தி குறிப்பில் கூறி இருப்பதாவது:-

ஐ.பி.எல். கிரிக்கெட் போட்டிகள் எம்.ஏ.சிதம்பரம் ஸ்டேடியத்தில் நாளை (10-ந்தேதி), 14, 23, 24 ஆகிய தேதிகளில் போட்டிகள் நடைபெற உள்ளன. இப்போட்டி நடைபெறும் நாட்களில் போக்குவரத்தினை கட்டுப்படுத்த, போட்டி முடிவதற்கு அரை மணி நேரத்திற்கு முன்பு பின்வரும் போக்குவரத்து மாற்றங்கள் செய்ய ஏற்பாடுகள் செய்யப்பட்டுள்ளன.

* போர் நினைவிடத்தில் இருந்து வெளிச்செல்லும் அனைத்து வாகனங்களும் வாலாஜா பாயின்ட் வழியாக கொடி மரச் சாலை வழியாக அவர்களது இலக்கை அடையலாம்.

*காந்தி சிலையில் இருந்து உழைப்பாளர் சிலை நோக்கி உள்வரும் வாகனங்கள் அனைத்தும் காந்தி சிலை அருகே திருப்பி விடப்பட்டு ஆர்.கே.சாலை வழியாக சென்று அவர்களது இலக்கை அடையலாம்.

* தொழிலாளர் சிலையில், வாகனங்கள் வாலாஜா சாலையை நோக்கி செல்ல அனுமதிக்கப்படாது. மாறாக கண்ணகி சிலையை நோக்கி திருப்பி விடப்படும்.

* அண்ணா சிலை அருகே, வாகனங்கள் வாலாஜா சாலையை நோக்கி செல்ல அனுமதிக்கப்படாது, வெலிங்டன் பாயின்ட் மற்றும் பெரியார் சிலை நோக்கி திருப்பி விடப்படும்.

* பாரதி சாலை-பெல்ஸ் சாலை சந்திப்பில், வாகனங்கள் பெல்ஸ் சாலையை நோக்கி செல்ல அனுமதிக்கப்படாது மற்றும் கண்ணகி சிலை (அல்லது) ரத்னா கபே சந்திப்பு வழியாக திருப்பி விடப்படும்.

* பேட்டா பாயிண்டில், வெளிச்செல்லும் வாகனங்கள் "யு" திருப்பம் செய்ய அனுமதியில்லை, அதற்கு பதிலாக, வாகனங்கள் வெலிங்டன் பாயிண்ட் வரை செல்ல அனுமதிக்கப்படும், அங்கிருந்து வாகனங்கள் வலதுபுறம் டேம்ஸ் ரோடு சாலையை நோக்கி ஸ்பென்சர்ஸ் சந்திப்பு நோக்கி நேராக செல்லலாம். வாகன ஓட்டிகள் மற்றும் பொதுமக்கள் ஒத்துழைக்குமாறு கேட்டுக் கொள்ளப்படுகிறார்கள்.

இவ்வாறு அதில் கூறப்பட்டுள்ளது.

ஊட்டி:

கோடை சீசனை முன்னிட்டு நீலகிரி மாவட்டத்துக்கு சுற்றுலாபயணிகள் வருகை அதிகரித்து உள்ளது. விடுமுறை தினங்களில் ஊட்டி உள்ளிட்ட சுற்றுலாதலங்களில் பொதுமக்கள் கூட்டம் அலைமோதுகிறது.

கடந்த சனி மற்றும் ஞாயிற்றுக்கிழமைகளில் கட்டுக்கடங்காத சுற்றுலாபயணிகள் திரண்டதால் கடும் போக்குவரத்து நெரிசல் ஏற்பட்டது. 3 மணி நேரத்துக்கும் மேலாக வாகனங்கள் வரிசையில் காத்து நின்று சென்றன. இதனால் சுற்றுலாபயணிகள் கடும் அவதிக்கு ஆளானார்கள்.

போக்குவரத்து நெருக்கடியை குறைக்கும் வகையில் போக்குவரத்தில் சில மாற்றங்கள் செய்யப்பட்டுள்ளது. இன்று நள்ளிரவு முதல் போக்குவரத்து மாற்றம் அமலுக்கு வருகிறது. இதுகுறிதது நீலகிரி மாவட்ட கலெக்டர் அம்ரித் கூறியதாவது:-

ஊட்டியில் இருந்து கோவை- மேட்டுப்பாளையம் செல்லும் வாகனங்கள் கோத்தகிரி வழியாக செல்லவும், சமவெளி பகுதிகளில் இருந்து ஊட்டி நோக்கி வரும் வாகனங்கள் பர்லியாறு- குன்னூர் சாலை வழியாக ஊட்டிக்கு வரும் வகையிலும் போக்குவரத்து மாற்றம் செய்யப்பட்டு உள்ளது.

மேலும் அரசு பஸ்களை தவிர கனரக வாகனங்களான தண்ணீர் லாரி, கட்டுமான பொருட்களை ஏற்றி வரும் லாரிகள் காலை 7 மணி முதல் இரவு 9 மணி வரை நகருக்குள் இயங்க அனுமதியில்லை. ஆட்டோக்களுக்கு ஒதுக்கப்பட்டுள்ள இடங்களை தவிர வேறு இடங்களில் நிறுத்தி பயணிகளை ஏற்றினால் போலீசார் கடுமையான நடவடிக்கை எடுப்பார்கள்.

இவ்வாறு அவர் கூறினார்.

சென்னை:

சென்னை பெருநகர போக்குவரத்து தெற்கு மாவட்ட காவல் துறை சார்பில் வெளியிடப்பட்டு உள்ள செய்தி குறிப்பில் கூறியிருப்பதாவது:-

மவுண்ட் போக்குவரத்து உட்கோட்டத்தில் மவுண்ட் போக்குவரத்து காவல் நிலைய எல்லைக்கு உட்பட்ட மணப்பாக்கம் பிரதான சாலையில் சென்னை கழிவுநீர் வடிகால் வாரியம் மணப்பாக்கம், கிருகம்பாக்கம் பகுதிகளில் கழிவுநீர் அகற்றும் பணி நடைபெறுகிறது.

இதனால் மணப்பாக்கம் பிரதான சாலை கிருஷ்ணா கட்டிட சந்திப்பில் இருந்து சாய்பாபா ஆலயம் வரை சுமார் 285 மீட்டர் கழிவுநீர் அகற்றும் பணி மேற்கொள்ளப்படுவதால் வாகன போக்குவரத்தை மாற்று பாதையில் செல்லும்படி சோதனை அடிப்படையில் இன்று முதல் 15-ந் தேதி வரை கீழ்கண்ட சாலைகளில் திருப்பிவிடப்படுகிறது.

அதன்படி குன்றத்தூர், முகலிவாக்கத்தில் இருந்து மவுண்ட் பூந்தமல்லி சாலை வழியாக கிண்டி நோக்கி செல்லும் வாகனங்கள் ஆவடி காவல் ஆணையரகம் முகலிவாக்கம் பிரதான சாலை இடது புறம் திரும்பி குமுதம் பிரதான சாலை, சபரி நகர், முகலிவாக்கம் பிரதான சாலை வழியாக மவுண்ட் பூந்தமல்லி சாலையில் வந்து சென்றடையலாம்.

பம்மல், கிருகம்பாக்கதில் இருந்து மவுண்ட் பூந்தமல்லி சாலை வழியாக கிண்டி நோக்கி செல்லும் வாகனங்கள் மணப்பாக்கம் பிரதான சாலை, கிருஷ்ணா கட்டிட சந்திப்பு, இடது புறம் திரும்பி முகலிவாக்கம் பிரதான சாலை ஆவடி காவல் ஆணையரகம் வலது புறம் திரும்பி குமுதம் பிரதான சாலை, சபரி நகர், முகலிவாக்கம் பிரதான சாலை வழியாக மவுண்ட் பூந்தமல்லி சாலையில் வந்து சென்றடையலாம்.

கிண்டியில் இருந்து மவுண்ட் பூந்தமல்லி சாலை வழியாக குன்றத்தூர், முகலிவாக்கம் நோக்கி செல்லும் வாகனங்கள் நந்தம்பாக்கம் பாலம் சந்திப்பு இடது புறம் திரும்பி நதி காட்சி சாலையில் சாய்பாபா ஆலய வலது புறம் திரும்பி மணப்பாக்கம் பிரதான சாலை வழியாக ராமாபுரம் இடது புறம் திரும்பி பின்னர் ஆவடி காவல் ஆணையரகம் முகலிவாக்கம் பிரதான சாலை இடது புறம் திரும்பி குமுதம் பிரதான சாலை, சபரி நகர், முகலிவாக்கம் பிரதான சாலை வழியாக மவுண்ட் பூந்தமல்லி சாலையில் வந்து சென்றடையலாம்.

இவ்வாறு அதில் கூறப்பட்டுள்ளது.

மேட்டுப்பாளையம்:

நீலகிரி மாவட்டத்தின் நுழைவு வாயிலாக மேட்டுப்பாளையம் நகரம் விளங்கி வருகிறது. தற்போது ஊட்டியில் குளுகுளு கோடை சீசன் தொடங்கியுள்ளதால் மேட்டுப்பாளையம் நகரம் வழியாக நீலகிரி மாவட்டத்திற்கு செல்லும் வாகனங்களின் எண்ணிக்கை நாளுக்கு நாள் அதிகரித்து வருகிறது.

மேலும் சனி, ஞாயிற்றுக்கிழமைகளில் மேட்டுப்பாளையத்தில் போக்குவரத்து அதிகரித்து வாகன நெரிசலும் காணப்படுகிறது. இதனால் சுற்றுலா பயணிகள் பெரும் அவதிக்கு உள்ளாகி வருகின்றனர். இதனை கருத்தில்கொண்டு போக்குவரத்து நெருக்கடி ஏற்படாமல் தவிர்க்கும் வகையில் மாவட்ட காவல்துறையின் சார்பில் மேட்டுப்பாளையம் நகரில் இன்று முதல் 2 மாதங்களுக்கு போக்குவரத்து மாற்றம் செய்யப்பட்டு உள்ளது. இந்த போக்குவரத்து மாற்றம் இன்று அமலுக்கு வந்தது. எந்த சுற்றுலா வாகனங்கள் மேட்டுப்பாளையம் நகருக்குள் செல்ல அனுமதிக்கப்படவில்லை.

மேட்டுப்பாளையம் வழியாக நீலகிரி செல்லும் வாகனங்கள் பாரத் பவன் ரோடு-ரெயில் நிலையம் ரோடு-சிவம் தியேட்டர்-சக்கரவர்த்தி சந்திப்பு வழியாக செல்லவேண்டும். நீலகிரியில் இருந்து கோத்தகிரி வழித்தடத்தில் வரும் வாகனங்கள் ராமசாமி நகர் பாலப்பட்டி வேடர் காலனி-சிறுமுகை ரோடு-ஆலங்கொம்பு சந்திப்பு-தென்திருப்பதி 4 ரோடு-அன்னூர் சாலை வழியாக திருப்பி விடப்பட்டு அவ்வழியாக கோவை, ஈரோடு மற்றும் திருப்பூர் மாவட்டங்களுக்கு செல்லவேண்டும்.

நீலகிரியில் இருந்து குன்னூர் வழியாக வரும் வாகனங்கள் பெரிய பள்ளிவாசல்-சந்தக்கடை-மோத்தைபாளையம்-சிறுமுகை ரோடு-ஆலாங்கொம்பு-தென்திருப்பதி 4 ரோடு சந்திப்பு வழியாக திருப்பிவிடப்பட்டு உள்ளது. மேட்டுப் பாளையம்-சிறுமுகை இடையே ஒரு வழிபாதையாக மாற்றம் செய்யப்பட்டு உள்ளது.

சத்தியமங்கலம் பண்ணாரி-ஈரோட்டிலிருந்து சிறுமுகை வழியாக மேட்டுப்பாளையம் செல்ல விரும்புவோர் ஆலங்கொம்பு-தென் திருப்பதி 4 ரோடு-அன்னூர் சாலை வழியாக அனுமதிக்கப்படுவார்கள். மேலும் மேட்டுப்பாளையத்தில் போக்குவரத்தை சீரமைக்க போலீசார் நியமிக்கப்பட்டு கண்காணிப்பு பணியில் ஈடுபட்டு உள்ளனர்.