நீங்கள் தேடியது "சுகாதார சீர்கேடு"

தாராபுரம்:

தாராபுரம் உடுமலை சாலையில் உள்ளது தினசரி காய்கறி மார்க்கெட். இந்த சந்தை முன்பு பழைய பஸ் நிலையமாக இருந்தது. 1986-ம் ஆண்டு முதல் காய்கறி சந்தையாக செயல்பட்டு வருகிறது. இங்கு நூற்றுக்கு மேற்பட்ட கடைகள் அமைந்துள்ளன. இங்கு தினசரி ஆயிரம் கிலோவிற்கு மேல் காய்கறி குப்பைகள் தேங்கி விடுகின்றன. இந்த சூழ்நிலையில் அருகிலேயே நகராட்சிக்கு சொந்தமான வாகன நிறுத்தம் மற்றும் நகராட்சியின் குடிநீர் தொட்டி ஆகியவை அமைந்துள்ளது. நகராட்சி துப்புரவு பணியாளர்கள் அலுவலகம் அருகிலேயே தான் உள்ளது.

இந்த சூழ்நிலையில் இங்கு குப்பைகளை வாரத்திற்கு ஒரு முறை இரண்டு முறை அள்ளுவதால்குப்பை மலைபோல் குவிந்து கிடக்கிறது. மழைக்காலங்களில் குப்பைகள் ரோட்டில் அடித்துச் செல்லப்பட்டு மார்க்கெட் முழுவதும் தண்ணீர் தேங்கி சுகாதார சீர்கேடு நிறைந்து காணப்படுகின்றன. இதனை உடனடியாக தீர்க்க வேண்டும் நகராட்சி தினசரி காய்கறி மார்க்கெட் கடைக்காரர்கள் கூறி வந்த நிலையில் சாலை மறியல் செய்யப்போவதாக அறிவித்தனர்.

இதையடுத்து அங்கு வந்த தாராபுரம் தி.மு.க. நகர செயலாளர் பொறியாளர் முருகானந்தம் சாலை மறியல் செய்ய வேண்டாம் .உங்களுக்கு உடனடியாக குப்பைகளை அள்ளுவதற்கும் சாக்கடை வசதி மழைநீர் தண்ணீர் வெளியே செல்வதற்கு உண்டான வசதி அனைத்தும் செய்து தரப்படும் எனக் கூறியதை தொடர்ந்து சாலை மறியல் கைவிடப்பட்டது .இது குறித்து மார்க்கெட் தினசரி மார்க்கெட் கடைக்காரர் டேவிட் கூறிய போது, இங்கு மழை நீர் தேங்கி விடுகின்றது .மழை நீரோடு சாக்கடை நீரும் கலந்து வருகிறது .இதற்கு உடனடியாக தீர்வு காண வேண்டும் .பொதுமக்கள் தங்கு தடை இன்றி வந்து செல்வதற்கு வசதிகள் ஏற்படுத்தித் தர வேண்டும் என கோரிக்கை விடுத்தார்.

குடியாத்தம்:

குடியாத்தம் நகராட்சி 2-வது வார்டு 4-வது புது ஆலியார் தெருவில் மழைக்காலங்களில் ஊராட்சி பகுதிகளில் இருந்து வரும் மழைநீரும், கழிவுநீரும் வெளியேற வழி இல்லாமல் தேங்கி நிற்பதால் அப்பகுதியில் சுகாதார சீர்கேடு ஏற்படுவதாகவும், துர்நாற்றம் வீசுவதாகவும் கழிவு நீரும், மழை நீரும் தேங்கி வெளியேற பல நாட்கள் ஆகிறது.

இதுகுறித்து அப்பகுதி மக்கள் எம்.எல்.ஏ. மற்றும் அதிகாரிகளுக்கு தொடர்ந்து வலியுறுத்தி வந்தனர்.

இதனை தொடர்ந்து நேற்று மாலை குடியாத்தம் உதவி கலெக்டர் எம்.வெங்கடராமன், குடியாத்தம் எம்.எல்.ஏ. அமலுவிஜயன், தாசில்தார் விஜயகுமார் ஆகியோர் மழை நீரும், கழிவு நீரும் தேங்கியுள்ள பகுதிகளை நேரில் பார்வையிட்டு ஆய்வு செய்தனர்.

மேலும் அந்த கழிவு நீரும் மழை நீரும் செல்ல தேவையான வழிகளை ஏற்படுத்த அதிகாரிகளுடன் ஆலோசனை நடத்தினார்கள். அப்போது பொதுமக்கள் விரைந்து நடவடிக்கை எடுக்க வேண்டும் என்றார்.

இந்த ஆய்வின்போது வட்டார வளர்ச்சி அலுவலர்கள் எம். கார்த்திகேயன், எஸ்.சாந்தி, நகராட்சி பொறியாளர் சிசில்தாமஸ், நகர மன்ற உறுப்பினர் அன்வர், கள்ளூர் ஊராட்சி மன்ற தலைவர் உமாபதி, துணை தலைவர் அஜீஸ் உள்ளிட்டோர் உடன் இருந்தனர்.

மடத்துக்குளம்:

திருப்பூர் போடிப்பட்டி ,மடத்துக்குளம் பகுதியில் தடுப்பணைகளில் தேங்கும் கழிவுகளால் சுகாதார சீர்கேடுகள் ஏற்பட்டு வருகிறது. இதுகுறித்து சமுக ஆர்வலர்கள் கூறியதாவது:-

ஒரு பகுதியின் விவசாய மேம்பாட்டுக்கு மழை வளம் மட்டுமல்லாமல் நிலத்தடி நீர் ஆதாரமும் முக்கிய பங்கு வகிக்கிறது.பல பகுதிகளில் நிலத்தடி நீர்மட்டம் தொடர்ந்து சரிந்து வருவதால் குடிநீருக்கே தட்டுப்பாடு ஏற்படும் நிலை ஏற்படுகிறது. இதனைக் கருத்தில் கொண்டு தமிழகம் முழுவதும் வீடுகள், அலுவலகங்கள், வணிக நிறுவனங்கள் உள்ளிட்ட அனைத்து விதமான கட்டிடங்களிலும் மழைநீர் சேமிப்பு கட்டமைப்புகள் உருவாக்குவது கட்டாயமாக்கப்பட்டுள்ளது. மேலும் ஆறு, ஓடை உள்ளிட்ட நீர் வழித்தடங்களில் தடுப்பணைகள் அமைக்கப்பட்டு மழைநீர் சேமித்து வைக்கப்படுகிறது. இதனால் அந்த பகுதியின் நிலத்தடி நீர்மட்டம் மேம்படுவதுடன் காற்றின் ஈரப்பதம் அதிகரித்து பயிர்களின் வளர்ச்சிக்கு கைகொடுக்கிறது.

அதுமட்டுமல்லாமல் விலங்குகள், பறவைகளின் குடிநீர் ஆதாரமாக விளங்கி பல்லுயிர் பெருக்கத்துக்கும் துணை புரிகிறது.இவ்வாறு பலவகைகளில் வாழ்வியலுக்கு உறுதுணையாக விளங்கும் தடுப்பணைகள் ஒருசிலரின் அலட்சியத்தால் பாழாகி வருகிறது. மடத்துக்குளம் பகுதியில் உள்ள நீர் வழித்தடங்கள் மற்றும் அதன் அருகில் குப்பைகள் மற்றும் கழிவுகளை பலர் கொட்டுகின்றனர்.இந்த கழிவுகள் மழைநீரில் அடித்து வரப்பட்டு தடுப்பணைகளில் சென்று தேங்குகிறது. இதனால் தண்ணீர் மாசு படுவதுடன் பல்வேறு நோய்த்தொற்றுகள் உருவாவதற்கும் காரணமாகி விடுகிறது. அந்தவகையில் மடத்துக்குளத்தையடுத்த சோழமாதேவி பகுதியில் உள்ள தடுப்பணையில் பிளாஸ்டிக் பாட்டில்கள், துணிகள், குப்பைகள் உள்ளிட்ட கழிவுகள் தேங்கியுள்ளது.மேலும் தண்ணீர் பாசம் பிடித்து துர்நாற்றம் வீசுகிறது.இதனால் அருகிலுள்ள விவசாய நிலங்களுக்கு வேலை செய்ய வரும் தொழிலாளர்கள் கடும் அவதிப்பட்டு வருகின்றனர்.

மேலும் இந்த தண்ணீரால் பலவிதமான நோய்த்தொற்றுகள் ஏற்படும் அபாயம் உள்ளது.எனவே தடுப்பணையை சுத்தப்படுத்தவும், குப்பைகள் கொட்டுவதை தடுக்கவும் நடவடிக்கை எடுக்க வேண்டும் என்று சமூக ஆர்வலர்கள் கூறினர்.

கன்னியாகுமரி:

தக்கலை ஊராட்சி ஒன்றியத்தின் கீழ் உள்ள ஆத்திவிளை ஊராட்சி பகுதியில் பல்வேறு பகுதிகளிலும் சுகாதார சீர்கேடுகள் நிலவுகின்றன.

திங்கள் நகர் ரவுண்டானா அருகே சேவியர் தெருவில் இருந்து தபால் அலுவலகம் செல்லும் வழியில் உள்ள கழிவுநீர் ஓடை அடைபட்ட நிலையில் இருந்து வந்ததால் சீரமைப்பு பணிகள் நடந்தன. ஆனால் இரணியல் போலீஸ் நிலைய நுழைவு வாயிலில் வழியில் ஓடை அடைபட்ட நிலையில் உள்ள தால் அப்பகுதியில் கழிவுநீர் தேங்கி கொசுக்கள் உருவாகி உள்ளன.

இரணியல் போலீஸ் நிலையம், நீதிமன்றம், அரசு வங்கி, தபால் அலுவலகம், தனியார் மருத்துவமனை கள், ஆட்டோ நிறுத்தம், தேநீர் கடைகள், ஓட்டல்கள் உள்ள இப்பகுதியில் சாக்கடை கழிவு நீர் தேங்கிய நிலையில் உள்ளது. இது டெங்கு காய்ச்சல் அபாயத்தை ஏற்படுத்துவதாக பொது மக்கள் அஞ்சுகின்றனர்.

எனவே மாவட்ட நிர்வாகம் மற்றும் சம்பந்தப்பட்ட துறையினர் போர்க்கால அடிப்படையில் நடவடிக்கை எடுக்க வேண்டும் என்று பொது மக்கள் கோரிக்கை விடுத்துள்ளனர்.

திண்டுக்கல்:

திண்டுக்கல் அண்ணாநகர் பிரதானசாலை விவேகானந்தா நகரில் இருந்து ஜி.டி.என். சாலை, திருச்சி சாலை செல்லும் முக்கிய சந்திப்பாக இருந்து வருகிறது. தற்போது கரூர் சாலையில் சுரங்கப்பாதை பணிகள் நடந்து வருவதால் பெரும்பாலான வாகன ஓட்டிகள் இதனையே பயன்படுத்தி வருகின்றனர்.

குறிப்பாக எம்.எஸ்.பி., எஸ்.எம்.பி.எம் பள்ளிக்கு வரும் மாணவர்கள் இந்த சாலையின் வழியாக சைக்கிள் மற்றும் மோட்டார் சைக்கிள்களில் வருகின்றனர். திண்டுக்கல்லில் கடந்த 1 வாரமாக பெய்த கனமழை காரணமாக இப்பகுதியில் தண்ணீர் குளம்போல் தேங்கியுள்ளது. தண்ணீர் செல்ல வழியில்லாததால் பாதாள சாக்கடை வழியாகவும் வெளியேற்ற முடியாமல் குளம்போல் தேங்கி நிற்கிறது.

இந்த தண்ணீரில் கழிவுநீரும் சேர்ந்து சுகாதார சீர்கேடான நிலையில் கொசுக்கள் உற்பத்தியாகும் மையமாக மாறியுள்ளது. கடந்த 3 நாட்களாக இந்த சாலையை கடக்க முடியாமல் மாணவர்கள் மற்றும் பொதுமக்கள் மிகுந்த சிரமப்பட்டு வருகின்றனர்.

மழை காலத்திற்கு முன்பாகவே கால்வாயில் ஏற்பட்ட அடைப்புகளை வெளியேஎடுத்து தண்ணீர் செல்ல மாநகராட்சி நடவடிக்கை எடுத்து வந்தது. ஆனால் அண்ணாநகரில் அதுபோன்ற எந்த பணிகளும் மேற்கொள்ளவில்லை. கழிவுநீர் மற்றும் மழைநீர் குளம்போல் தேங்கி இருப்பதால் வாகன ஓட்டிகள் மிகுந்த சிரமமடைந்து வருகின்றனர்.

எனவே விரைந்து தண்ணீரை அகற்றி போக்குவரத்திற்கு சீரான நடவடிக்கை எடுக்க வேண்டும் என அப்பகுதி மக்கள் கோரிக்கை விடுத்துள்ளனர்.

கடத்தூர்,

தருமபுரி மாவட்டம், பாப்பிரெட்டிப்பட்டி தாலுகா கடத்தூர் பேரூராட்சிக்கு உட்பட்ட பகுதியில் உள்ள போலீஸ் ஸ்டேசன் வழியில் தினமும் அரசு பள்ளிக்கு செல்லும் மாணவ மாணவிகள் பல நூற்றுக்கும் மேற்பட்டவர்கள் மற்றும் பொதுமக்கள் சென்று வருகின்றனர்.

இந்த நிலையில் போலீஸ் ஸ்டேஷன் காம்பவுண்ட் அருகில் பல நாட்களாக கொட்டப்பட்டு குவிந்துள்ள குப்பைகளை அகற்றாமல் உள்ளதால் அந்த வழியாக சென்று வரும் அனைவரும் பெரும் அவதிக்கும், சிரமத்திற்கும் உள்ளாகி வருகின்றனர்.

எனவே சுகாதார சீர்கேடு ஏற்பட்டு நோய் தொற்று பரவும் அபாயம் உள்ளது. ஆகவே இந்த குப்பைகளை அகற்ற பேரூராட்சி நிர்வாகம் நடவடிக்கை எடுக்க வேண்டுமென பொது மக்கள் கோரிக்கை விடுத்துள்ளனர்.

கள்ளக்குறிச்சி:

தியாகதுருகம்- திருக்கோவிலூர் சாலையில் சாலையோரம் கழிவுநீர் கால்வாய் உள்ளது. பஸ் நிலையத்தில் உள்ள வணிக வளாக ங்களில் பயன்படுத்தப்படும் கழிவுநீர் இந்த கால்வாய் வழியாக செல்கிறது. இந்நிலையில் கடந்த சில மாதங்களாக இந்த கால்வாய் சந்தைமேடு செல்லும் பாலத்தில் தூர்ந்து போனது. இதனால் கழிவு நீர் கால்வாயில் இருந்து கழிவுநீர் வெளியேறாமல் பல மாதங்களாக கழிவுநீர் கால்வாயில் தேங்கி கிடக்கிறது. இவ்வாறு தேங்கி கிடக்கும் கழிவுநீர் கால்வாயில் பிளாஸ்டிக் பைகள், டப்பாக்கள் போன்றவை குவிந்து கிடக்கின்றன. இந்த கழிவு நீர் கால்வாய் கொசுக்களின் உற்பத்தி கூடாரமாக திகழ்கிறதாக அப்பகுதி பொதுமக்கள் கூறுகின்றனர். இதனால் இந்த பகுதியில் சுகாதார சீர்கேடு ஏற்படும் அவல நிலை உள்ளது. எனவே சம்பந்தப்பட்ட பேரூராட்சி அதிகாரிகள் நேரில் சென்று ஆய்வு செய்து கழிவுநீர் கால்வாயை சரி செய்து தர வேண்டும் என அப்பகுதி மக்கள் கோரிக்கை விடுத்துள்ளனர்.

சாத்தான்குளம்:

சாத்தான்குளம் பகுதியில் கழிவுநீர் செல்லும் சாக்கடை கால்வாய்கள் சேதமடைந்தும், உடைந்தும் உள்ளதால் கழிவுநீர் தேங்கி துர்நாற்றம் வீசிவருகிறது.

முதலூர்ரோடு மெயின் பஜாரில் அதிக அளவில் கடைகள், உணவகங்கள் மற்றும் குடியிருப்புகள் உள்ளன. இதனால் கழிவுநீர் செல்லும் இந்த சாலையில் உள்ள கானல்களில் பாதி அளவு கட்டப்படாமல் பழுது ஏற்பட்டு சகதி தண்ணீர் தேங்கி இருப்பதால் மிகவும் அவதிப்படுகின்றனர்.

இது தொடர்பாக சம்பந்தபட்ட அதிகாரிகளிடம் புகார் கூறியும் எவ்வித நடவடிக்கை எடுக்கப்படவில்லை. இது போன்று 15-வது வார்டு தெருக்களிலும் மெயின் ரோட்டில் உள்ள கானல்களிலும் மண்மூடி இருப்பதால் கழிவுநீர் தேங்கி துர்நாற்றம் அடித்து வருகிறது. இதனால் தொற்று நோய் ஏற்படும் அபாயம் உள்ளது. எனவே பழுதுபட்ட சாக்கடை கால்வாய்களையும், பாதி கட்டி முடிக்காமல் உள்ள சாக்கடைகளையும் சீரமைத்து தேங்கியுள்ள கழிவுநீரை அப்புறப்படுத்த நடவடிக்கை எடுக்க வேண்டும் என பொதுமக்கள் கோரிக்கை விடுத்துள்ளனர்.

கன்னியாகுமரி :

கிள்ளியூர் ஊராட்சி ஒன்றியம் நட்டாலம் ஊராட்சிக்கு உட்பட்ட தேவசகாயம் பிள்ளை சர்ச் அருகில் அமைந்துள்ளது மதுரை குளம். பொதுப்பணித் துறையின் கட்டுப்பாட்டில் உள்ள இந்த குளத்தில் மூடை மூடையாக மாட்டு இறைச்சி கழிவுகள் காணப்படுகிறது.

மர்ம நபர்கள் வீசி சென்றுள்ள இந்த கழிவுகளால் அப்பகுதியில் துர்நாற்றம் வீசி வருகிறது.இதனால் சுகாதார சீர்கேடு ஏற்படும் நிலை உள்ளது. தற்போது புனிதர் பட்டம் பெற்ற தேவசகாயம் பிள்ளை பிறந்த நட்டா லம் ஆலயம் அருகே இந்த குளம் இருப்பதால் வெளியூர்களில் இருந்து வரும் சுற்றுலாப் பயணிகள் சுகாதார கேடு ஏற்படும் என்ற அச்சத்தில் உள்ளனர்.

கொரோனா அச்சத்தில் மக்கள் இருக்கும் நிலையில் இவ்வாறு மூடை மூடையாக மாட்டு இறைச்சி கழிவுகளை மர்ம நபர்கள் குளத்தில் போட்டு சென்றுள்ளதால் அப்பகுதி மக்கள் அச்சமடைந்துள்ளனர்.

நட்டாலம் ஊராட்சித் தலைவர் ராஜ்குமார் நேரில் சென்று பார்வையிட்டு இந்த கழிவுகளை பக்கத்து ஊர்களில் இறைச்சி வெட்டு பவர்கள் கொண்டு சென்று போட்டு உள்ளார்களா? இல்லை கேரளாவில் இருந்து கழிவுகளை இங்கே கொண்டு வந்து போட்டு உள்ளார்களா? என்பது பற்றி விசாரித்து வருகிறார்.

குமரி மாவட்டத்தில் உள்ள பொதுப்பணித்துறை கட்டுப்பாட்டில் உள்ள பல்வேறு குளங்கள் பரா மரிப்பின்றி காணப்படுகிறது அதே போன்று தான் இந்த குளத்தையும் பொதுப்பணித் துறையினர் பராமரிக்காமல் போட்டுள்ளனர்.இத னால் மர்ம நபர்கள் இறைச்சி கழிவுகளை வீசி செல்கின்றனர். இந்த குளத்தில் வருடத்திற்கு ஒருமுறை மீன் வளர்க் கப்பட்டு குத்தகைக்கு ஏலம் விடப்பட்டு அரசுக்கு வருமானத்தை ஈட்டி கொடுக்கின்றனர். அதில் காட்டும் ஆர்வத்தை போன்று குளத்தை பராமரிப்பதிலும் அதிகாரிகள் ஆர்வம் காட்ட வேண்டும் என்று பொதுமக்கள் கூறுகின்றனர்.

உடுமலை:

உடுமலை தாராபுரம் மெயின் ரோட்டில் யு .எஸ் .எஸ் .காலனியில் சுமார் 500க்கும் மேற்பட்ட குடியிருப்புகள் உள்ளன. இந்த பகுதியில் உள்ள சாக்கடை கால்வாய் தூர்வாரப்படாமல் சாக்கடை கால்வாய் கட்டும் பணி பாதியிலேயே நிறுத்தப்பட்டு உள்ளதால் அந்த பகுதியில் தேங்கியுள்ள சாக்கடை கழிவு நீரால் சுகாதாரக் கேடு ஏற்படுகிறது.

மேலும் தேங்கியுள்ள கழிவுநீரில் கொசுக்கள் உற்பத்தியாகி பாம்புகள் குடியிருப்பு பகுதியில் நுழைந்தும் பொதுமக்களை அச்சுறுத்தி வருகிறது .மேலும் கால்வாய் பகுதியில் காட்டுச் செடிகள் புதர் போல் வளர்ந்து உள்ளதால் சாக்கடை நீர் வழிந்தோட வழியில்லாமல் உள்ளது. எனவே இந்த பகுதியில் சாக்கடை கால்வாய் சீரமைத்து சுகாதாரக் கேடு ஏற்படாமல் தடுக்க வேண்டும் என அந்த பகுதி மக்கள் கோரிக்கை விடுத்துள்ளனர்.

உடுமலை பஸ் நிலையம் அருகே உடுமலை வாரச்சந்தை அமைந்துள்ளது. இங்கு உடுமலை மற்றும் மடத்துக்குளம் சுற்றுவட்டார பகுதியை சேர்ந்த விவசாயிகள் தங்கள் விளைபொருள்களை சந்தைக்கு கொண்டு வந்து மொத்த வியாபாரிகளிடம் விற்பனை செய்கின்றனர். தவிர மேலும் வாரச்சந்தை நாளான திங்கட்கிழமை பல்வேறு பகுதியில் உள்ள வியாபாரிகள் காய்கறிகள் மற்றும் தானிய வகைகளையும் வாரச் சந்தையில் வியாபாரம் செய்து செய்கின்றனர்.

அப்போது மீதமாகும் காய்கறி கழிவுகள் அழுகிய நிலையில் கொட்டப்பட்டு ஒரே இடத்தில் குவிக்கப்படுவதால் தற்போது பெய்து வரும் மழையால் துர்நாற்றம் ஏற்பட்டு சுகாதாரக்கேடு ஏற்படுகிறது. மேலும் காய்கறி வாங்க வரும் பொதுமக்கள் அந்த பகுதியில் வழியாக நடந்து செல்ல செல்வதற்கு மூக்கை பிடித்துக் கொண்டு செல்ல வேண்டிய நிலையில் உள்ளது. எனவே அவ்வப்போது கழிவுகளை அகற்றி சுகாதார கேடு ஏற்படாமல் தடுக்க வேண்டும் என பொதுமக்கள் கோரிக்கை விடுத்துள்ளனர்.

கம்பம்:

கம்பம் சின்ன வாய்க்கால் தெரு சுருளி அருவிக்கு செல்லும் ரோட்டின் ஓரம் சாக்கடை கால்வாய் அடைப்பு காரணமாக சுகாதார சீர்கேடு ஏற்பட்டுள்ளது. தூர் வாரி தூய்மை படுத்த நகராட்சிக்கு பொதுமக்கள் கோரிக்கை விடுத்துள்ளனர்.

தேனி மாவட்டம் கம்பம் நகராட்சியில் 33 வார்டுகள் உள்ளது. இதில் சின்னவாய்க்கால் தெருவின் ரோடு சுருளி அருவிக்கு பேருந்துகள் செல்லும் முக்கிய பிரதான சாலையாகவும், தனியார் பள்ளிக்கு மாணவர்கள் தினமும் சென்று வரும் வழியாக பயன்பட்டு வருகிறது.

இந்நிலையில் காந்தி சிலை கீழ்புறம் சுருளி அருவி செல்லும் பாதையின் இடது புறத்தில் கடந்த சில நாட்களாக பெய்து வரும் மழையின் காரணமாக சாக்கடை கால்வாயில் அடைப்பு ஏற்பட்டு கழிவுநீர் செல்ல வழியில்லாமல் பல நாட்களாக தேங்கியுள்ளது. இதனால் துர்நாற்றம் வீசிக்கொண்டு கொசு மற்றும் வால்புழுக்கள் அதிகளவில் உற்பத்தியாகி அருகே உள்ள குடியிருப்பு பகுதிக்கு சென்று சுகாதார கேடான நிலை ஏற்பட்டுள்ளது.

மேலும் டெங்கு, மலேரியா உள்ளிட்ட தொற்று நோய் பரவும் அபாயகரமான சூழ்நிலை உள்ளது. எனவே நகராட்சி நிர்வாகம் சம்பந்தப்பட்ட இடத்தை நேரில் ஆய்வு செய்து சாக்கடை கால்வாயை தூர்வாரி தூய்மை படுத்த நடவடிக்கை எடுக்க வேண்டும் என சமூக ஆர்வலர்கள் மற்றும் இப்பகுதி மக்கள் கோரிக்கை விடுத்துள்ளனர்.

உடுமலை :

உடுமலை பழனி ரோட்டில் ஹவுசிங் யூனிட் உள்ளது. இங்கு அரசு பணியில் இருப்போர் குடியிருந்து வருகின்றனர். இந்த குடியிருப்பு பகுதியில் உள்ள சாக்கடைகள் தூர்வாரப்படாமலும் குப்பைகளும் மலை போல் குவிந்துள்ளதால் குப்பையில் இருந்து வரும் துர்நாற்றத்தால் குடியிருப்பு வாசிகள் அவதிப்படுகின்றனர்.

மேலும் குப்பைகளில் இருந்து விஷஜந்துகள் அடிக்கடி குடியிருப்பு பகுதிக்கு வருவதால் மிகவும் அச்சத்துடனே இருக்க வேண்டியுள்ளது. மேலும் இப்பகுதி வழியாக ரோட்டுக்கு கடந்து செல்பவர்களும் மூக்கை பிடித்துக் கொண்டே செல்ல வேண்டிய நிலை உள்ளது. எனவே சாக்கடையை தூர்வாரியும் குப்பைகளை அகற்றவும் நடவடிக்கை எடுக்க வேண்டும் என கோரிக்கை விடுக்கப்பட்டுள்ளது.