நீங்கள் தேடியது "காதல்"

கும்பகோணம்:

கும்பகோணம் அருகே நாச்சியார்கோவில் பெரப்படி வடக்கு தெருவைச் சேர்ந்தவர் சேகர் மகன் புவியரசன் (வயது26). இவர் அதே பகுதியை சேர்ந்த ஒரு இளம் பெண்ணை 5 வருடமாக காதலித்து வந்துள்ளார்.

இந்நிலையில் அவரை திருமணம் செய்ய மறுத்து விட்டாராம். இதனால் காதலித்து விட்டு திருமணம் செய்யாமல் ஏமாற்றிவிட்டதாக கும்பகோணம் அனைத்து மகளிர் போலீசில் பறிக்கப்பட்ட இளம்பெண் புகார் செய்தார்.

அதன் புகாரின் பேரில் போலீசார் வழக்கு பதிவு செய்து புவியரசனை கைது செய்தனர்.

கோவை:

கோவை பேரூர் அருகே உள்ள மாதம்பட்டி தெற்கு தோட்டத்தை சேர்ந்தவர் பாலகிருஷ்ணன். கூலித் தொழிலாளி. இவரது மகள் தேவி (வயது 18). இவர் அந்த பகுதியை சேர்ந்த வாலிபர் ஒருவரை ஒருதலையாக காதலித்து வந்தார். இந்தநிலையில் அந்த வாலிபருக்கு வேறுறொரு பெண்ணுடன் கடந்த சில நாட்களுக்கு முன்பு திருமணம் நடந்தது.

இதனால் தேவி கடந்த சில நாட்களாக மிகுந்த மனவேதனை அடைந்து காணப்பட்டார். சம்பவத்தன்று வீட்டில் தனியாக இருந்த அவர் வாழ்க்கையில் விரக்தி அடைந்து சேலையில் தூக்கு போட்டு தற்கொலை செய்து கொண்டார். இதனை பார்த்த அக்கம் பக்கத்தினர் இது குறித்து பேரூர் போலீசாருக்கு தகவல் தெரிவித்தனர்.

உடனடியாக போலீசார் சம்பவஇடத்துக்கு விரைந்து வந்தனர். பின்னர் தற்கொலை செய்து கொண்ட தேவியின் உடலை மீட்டு கோவை அரசு ஆஸ்பத்திரிக்கு பிரேத பரிசோதனைக்கு அனுப்பி வைத்து விசாரணை நடத்தி வருகிறார்கள்.

திருச்சி:

திருச்சி மேல கல்கண்டார் கோட்டை பள்ளிவாசல் தெருவைச் சேர்ந்தவர் காதர் உசேன். ரெயில்வேயில் பணி புரிந்து ஓய்வு பெற்றவர். இவரது மகன் ஜாவித் உசேன் (வயது 24), பொன்மலை பகுதி அ.ம.மு.க.வின் சிறுபான்மை பிரிவு செயலாளராக உள்ளார்.

டிப்ளமோ முடித்த ஜாவித் உசேன், சென்னை ஐ.சி.எப்.பில் அப்பரண்டீஸ் பயிற்சி முடித்துவிட்டு வேலைக்காக காத்திருந்தார். இதற்கிடையே பொன்மலை பகுதியை சேர்ந்த பிளஸ்-1 படிக்கும் மாணவியை ஒருதலையாக காதலித்து வந்துள்ளார்.

மாணவி எங்கு சென்றாலும் பின் தொடர்ந்து அவரிடம் தன்னை காதலிக்குமாறு கூறி தொல்லை செய்து வந்துள்ளார். இதனால் சம்பந்தப்பட்ட மாணவி தன்னை பின் தொடர வேண்டாம், மீறி தொல்லை செய்தால் பெற்றோரிடம் சொல்வதாக கூறியுள்ளார்.

ஆனாலும் ஜாவித் உசேன் மாணவிக்கு அவ்வப்போது காதல் தொல்லை கொடுத்து வந்துள்ளார். இந்தநிலையில் நேற்று ஜாவித் உசேன் பொன்மலை பகுதியில் உள்ள கோழி இறைச்சி கடையில் மாமிசம் வாங்குவதற்காக சென்றார். அப்போது மோட்டார் சைக்கிளில் 2 பேர் வந்து இறங்கினர்.

அவர்கள் திடீரென மாணவியை காதலிப்பது தொடர்பாக இருவரும் ஜாவித் உசேனிடம் கேள்வி எழுப்பி தகராறில் ஈடுபட்டனர். அப்போது தாங்கள் எடுத்து வந்த வாளால் ஜாவித் உசேனை வெட்ட முயன்றனர்.

இதனால் ஜாவித் உசேன் தலைதெறிக்க ஓட்டம் பிடித்தார். ஆனால் 2 பேரும் வாளுடன் துரத்தி சென்று சரமாரியாக வெட்டினர். அதே பகுதியில் இருந்த ஆவின் பால் விநியோகம் செய்யும் மையத்திற்குள் புகுந்து தப்பிக்க முயன்றும் ஆத்திரம் தீராத அவர்கள் பொறியில் சிக்கிய எலியை போல் ஜாவித் உசேனின் முகத்தில் வாளால் பயங்கரமாக வெட்டினர்.

இதில் அவரின் தலை சுக்கு நூறாக நொறுங்கியது. தங்களது ஆத்திரம் தீரும் வரை தொடர்ந்து வெட்டிய இருவரும் ஜாவித் உசேன் இறந்ததும் அங்கிருந்து புறப்பட்டனர். பட்டப்பகலில் நடந்த இந்த சம்பவம் அப்பகுதியில் பெரும் அதிர்ச்சியை ஏற்படுத்தியது.

இது குறித்து அப்பகுதியினர் பொன்மலை போலீசாருக்கு தகவல் தெரிவித்தனர்.அதன்பேரில் சம்பவ இடத்திற்கு வந்த போலீசார் ஜாவித் உசேனின் உடலை மீட்டு பிரேத பரிசோதனைக்காக திருச்சி அரசு ஆஸ்பத்திரிக்கு அனுப்பி வைத்தனர். பின்னர் துணை கமி‌ஷனர் நிஷா, உதவி கமி‌ஷனர் மணிகண்டன் ஆகியோர் சம்பவ இடத்திற்கு வந்து விசாரணை நடத்தினர்.

இந்த கொலை சம்பவம் அப்பகுதியில் இருந்த சி.சி.டி.வி. காமிராவில் பதிவாகியிருந்த காட்சிகளின் அடிப்படையில் இந்த கொலை சம்பவத்தில் ஈடுபட்டது பிளஸ்-1 மாணவியின் சகோதரன், அவரின் நண்பர் என தெரிய வந்தது. பின்னர் அவர்கள் மீது வழக்குப்பதிவு செய்த போலீசார் இருவரையும் தேடி வந்தனர்.

அதே பகுதியில் பதுங்கி இருந்த மாணவியின் சகோதரன் கமலக்கண்ணன் மற்றும் அவரது நண்பரான சரவணக்குமார் ஆகிய இருவரையும் போலீசார் கைது செய்து காவல் நிலையத்திற்கு அழைத்து வந்து விசாரணை நடத்தி வருகின்றனர்.

விசாரணையின் முடிவில் பரபரப்பு தகவல்கள் வெளியாக வாய்புகள் உள்ளது.

கடலூர்:

சினிமாவை மிஞ்சும் இந்த சம்பவம் பற்றிய விவரம் வருமாறு:-

கடலூர் மாவட்டம் திட்டக்குடி அருகே உள்ள ஆலத்தூர் கிராமத்தை சேர்ந்தவர் கோவிந்தராசு. இவரது மகன் சிவரஞ்சன் (வயது 18). இவர் கீழகல்பூண்டியில் உள்ள அரசு மேல்நிலைப்பள்ளியில் பிளஸ்-2 படித்து முடித்துள்ளார்.

கீழகல்பூண்டியை சேர்ந்தவர் ஆறுமுகம் மகள் அபிராமி(16). இவர் அதே பகுதியில் உள்ள தனியார் மேல்நிலைப்பள்ளியில் 10-ம் வகுப்பு படித்து முடித்துள்ளார். பள்ளிக்கூடத்துக்கு சென்று வந்த போது சிவரஞ்சனுக்கும், அபிராமிக்கும் இடையே பழக்கம் ஏற்பட்டது. இந்த பழக்கம் நாளடைவில் காதலாக மாறியது.

இந்த நிலையில் இருவரும் பொதுத்தேர்வு எழுதி முடித்ததும் விடுமுறையில் வீட்டில் இருந்து வந்தனர். இருப்பினும் பல நேரங்களில் சிவரஞ்சனும், அபிராமியும் பொது இடங்களில் சந்தித்து தங்களது காதலை வளர்த்து வந்ததாக தெரிகிறது.

இதற்கிடையே இவர்களது காதல் விவகாரம் அவர்களின் பெற்றோருக்கு தெரிய வந்தது. இதனால் அவர்கள் காதலுக்கு கடும் எதிர்ப்பு தெரிவித்தனர். மேலும் சிவரஞ்சனையும், அபிராமியையும் சந்திக்க விடாமல் தடுத்து வந்தனர்.

இதை மீறி நேற்று முன்தினம் மாலை சிவரஞ்சனும், அபிராமியும் வீட்டை விட்டு வெளியேறி தொழுதூரை சேர்ந்த வேந்தன் என்பவரது விளை நிலத்துக்கு சென்று தனிமையில் நீண்ட நேரம் பேசிக் கொண்டிருந்தனர். அப்போது இரவில் அங்கு வந்த வேந்தன், அவர்களை அங்கிருந்து விரட்டி விட்டார். இதையடுத்து அவர்கள் இருவரும் அங்கிருந்து சென்று விட்டனர்.

ஆனால் காதல் ஜோடி வீட்டுக்கு செல்லவில்லை. இதனால் அவர்கள் 2 பேரையும் அவர்களது பெற்றோர் மற்றும் உறவினர்கள் பல்வேறு இடங்களில் தேடினர். ஆனாலும் அவர்கள் கிடைக்கவில்லை. இது பற்றி தகவல் அறிந்த வேந்தன் தனது நிலத்துக்கு சென்று பார்த்தார். அப்போது அவரது கிணற்றின் அருகில் 2 ஜோடி செருப்புகள் கிடந்தன.

உடனே அவர் போலீசாருக்கும், சிவரஞ்சன், அபிராமி ஆகியோரது பெற்றோருக்கும் தகவல் தெரிவித்தார். அதன்பேரில் ராமநத்தம் போலீசார் சம்பவ இடத்துக்கு விரைந்து சென்றனர். பின்னர் திட்டக்குடி தீயணைப்பு வீரர்கள் உதவியுடன் கிணற்றில் இறங்கி தேடினர். அப்போது சிவரஞ்சனும், அபிராமியும் துப்பட்டாவால் உடலை சுற்றி கட்டிய நிலையில் நீரில் மூழ்கிக் கிடந்தது தெரிந்தது.

பின்னர் இருவரது உடலையும் கிணற்றில் இருந்து போலீசார், தீயணைப்பு வீரர்கள் மீட்டு வெளியே கொண்டு வந்தனர். இதற்கிடையே அங்கு வந்த இருவரது பெற்றோர் மற்றும் உறவினர்களும் அவர்களது உடல்களை பார்த்து கதறி அழுதனர். இது காண்போரின் நெஞ்சை கரைய வைப்பதாக இருந்தது.

இதையடுத்து போலீசார் 2 பேரின் உடல்களையும் கைப்பற்றி பிரேத பரிசோதனைக்காக திட்டக்குடி அரசு மருத்துவமனைக்கு அனுப்பி வைத்தனர். தொடர்ந்து இது குறித்த புகாரின்பேரில் போலீசார் வழக்குப்பதிவு செய்து விசாரணை நடத்தினர்.

விசாரணையில், காதலுக்கு அவர்களின் பெற்றோர் எதிர்ப்பு தெரிவித்ததால், இனி சேர்ந்து வாழ முடியாது என்று எண்ணிய இருவரும் ஒன்றாகவே சாவோம் என்ற விபரீத முடிவை எடுத்துள்ளனர். அதன்படி இருவரும் துப்பட்டாவால் கட்டிக்கொண்டு கிணற்றில் குதித்து தற்கொலை செய்து கொண்டது தெரிய வந்தது.

புன்னகை மன்னன் சினிமா படத்தில் நாயகனும், நாயகியும் ஜோடியாக மலை உச்சியில் இருந்து குதிப்பார்கள். அந்த சினிமா படத்தை மிஞ்சும் வகையில் இவர்கள் துப்பட்டாவால் தங்கள் உடலை சுற்றி கட்டிக்கொண்டு ஜோடியாக கிணற்றில் குதித்து தற்கொலை செய்து கொண்ட சம்பவம் அந்த பகுதியில் பெரும் சோகத்தை ஏற்படுத்தி உள்ளது.

தர்மபுரி:

தர்மபுரி மாவட்டம் பாலக்கோடு அருகே முருக்கல்நத்தம் பகுதியைச் சேர்ந்தவர் கிருஷ்ணன். இவருக்கு சசிகுமார் (வயது 26), சதீஷ் ஆகிய 2 மகன்கள் உள்ளனர்.

இதில் மூத்த மகன் சசிகுமார் பி.எஸ்.சி. வேளாண்மை படித்து விட்டு சொந்தமாக விவசாய பூச்சி கொல்லி மருந்துகளை வாங்கி விற்கும் தொழில் செய்து வந்தார்.

இவர் கல்லூரியில் படிக்கும்போது கிருஷ்ணகிரி ராஜாஜி நகரை சேர்ந்த நரசிம்மன்-ஜோதி தம்பதியினரின் மகள் ஜெயபிரியா என்பவரை காதலித்தார்.

இந்த விவகாரம் பெண் வீட்டாருக்கு தெரிந்து எதிர்ப்பு தெரிவித்தனர். இதனால் சசிகுமாரும், ஜெயபிரியாவும் வீட்டை விட்டு சென்று கடந்த 2 வருடங்களுக்கு முன்பு திருமணம் செய்து கொண்டனர்.

அப்போது காதல் ஜோடி 2 பேரும் போலீஸ் நிலையத்தில் தஞ்சம் அடைந்து பாதுகாப்பு கேட்டனர். பின்னர் இருகுடும்பத்தினரையும் சமாதானப்படுத்தி சசிகுமார் பெற்றோருடன் காதல் ஜோடி தம்பதியினரை அனுப்பிவைத்தனர். கடந்த 2 வருடங்களாக சந்தோசமாக சசிகுமாரும்- ஜெயபிரியாவும் குடும்பம் நடத்தி வந்தனர்.

இந்தநிலையில் கடந்த சில மாதங்களுக்கு முன்பு தான் படித்த சான்றிதழை வீட்டில் இருந்து எடுத்துவருவதாக கூறிவிட்டு ஜெயபிரியா தனது தாயார் வீட்டிற்கு சென்றார்.

காதல் மனைவி சென்றவர் 2 மாதங்களாகியும் திரும்பி வரவில்லை. சசிகுமார் உடனே கிருஷ்ணகிரிக்கு சென்று ஜெயபிரியாவை தன்னுடன் அனுப்பி வைக்குமாறு அவரது பெற்றோரிடம் கூறினார். அப்போது அவர்கள் சசிகுமாரை அடித்து துன்புறுத்தி வீட்டை விட்டு வெளியே அனுப்பி வைத்தனர்.

இந்த நிலையில் கடந்த 10-ந் தேதி மீண்டும் கிருஷ்ணகிரியில் உள்ள நரசிம்மன் வீட்டிற்கு சென்று தனது மனைவியை சந்திக்க வேண்டும் என்றும்,அவரை தன்னுடன் அனுப்பிவைக்குமாறும் கூறினார்.

உடனே ஜெயபிரியாவின் உறவினர்கள் சசிகுமாரை தாக்கி வீட்டைவிட்டு துரத்தி அனுப்பினர். மேலும், கிருஷ்ணகிரி டவுன்போலீஸ் நிலையத்தில் சசிகுமார் வீடுபுகுந்து நகை திருடியதாக புகார் தெரிவித்தனர். இதனால் சசிகுமார் மனமுடைந்து காணப்பட்டார்.

கிருஷ்ணகிரியில் ஆசாத் நகரில் தனது தம்பி சதீஷ் ஒரு அறை எடுத்து கல்லூரியில் படித்து வருகிறார். அங்கு சென்ற சசிகுமார், யாரும் இல்லாத நேரத்தில் பூச்சி மருந்து குடித்து மயங்கி கீழே விழுந்தார். சசிகுமார் மயங்கி கிடப்பதை அக்கம் பக்கத்தினர் பார்த்து அவரது உறவினர்களுக்கு தகவல் தெரிவித்தனர்.

உடனே அவர்கள் சம்பவ இடத்திற்கு வந்து அவரை மீட்டு கிருஷ்ணகிரி அரசு ஆஸ்பத்திரியில் சிகிச்சைக்காக சேர்த்தனர். பின்னர் மேல் சிகிச்சைக்காக தர்மபுரி அரசு மருத்துவ கல்லூரி ஆஸ்பத்திரியில் சேர்த்தனர். அங்கு சிகிச்சை பலனின்றி நள்ளிரவு 2 மணியளவில் அவர் பரிதாபமாக இறந்தார்.

இதுகுறித்து கிருஷ்ணகிரி தாலுகா போலீசார் வழக்கு பதிவு செய்து விசாரணை நடத்தினர். இதில் முதற்கட்ட விசாரணையில் சசிகுமார் 3 பக்கம் கடிதம் எழுதி வைத்து விட்டு தான் அவர் வி‌ஷம் குடித்தது தெரியவந்தது.

அந்த கடிதத்தை போலீசார் கைப்பற்றி சசிகுமாரின் உறவினர்கள் மற்றும் அவரது மனைவியின் உறவினர்களிடம் விசாரணை நடத்தி வருகின்றனர்.

சசிகுமார் தற்கொலை செய்து கொள்வதற்கு முன்பு பரபரப்பு கடிதம் எழுதி வைத்து இருந்தார். அந்த கடிதத்தில் அவர் எழுதி இருப்பதாவது:-

நானும் எனது மனைவி ஜெயபிரியா என்பவரும் 4 வருடங்களாக காதலித்து 17.7.2017 அன்று திருமணம் நடந்தது.

அந்த திருமணம் பல பிரச்சினைகளை கடந்த காதல் திருமணம். எங்கள் திருமண வாழ்க்கை மிகவும் சந்தோசமாகவும், நிம்மதியாகவும் இருந்தது.

திருமண வாழ்க்கை 2 வருடம் அதில் ஒரு குழந்தை உருவாகி அந்த குழந்தை 4 மாதம் இருந்து இதயதுடிப்பு இல்லை என்று கருக்கலைப்பு செய்யப்பட்டது.

அதற்கு பின்பு எனது மனைவியை இன்னும் அதிகமாக நேசித்தேன். எனக்கும், ஜெயபிரியாவுக்கும் எந்தவித சண்டையும் வந்தது இல்லை. அவள் கோபபடுவாள் ஆனால், 5 நிமிடத்தில் சரியாகிவிடும்.

எனது வாழ்க்கையில் மறக்க முடியாத நாள் 4.2.2019 தான். அன்று வேலையின் காரணமாக நான் வெளியூருக்கு சென்று விட்டேன். எனது மனைவி 6.2.2019 அன்று எனக்கு செல்போனில் தொடர்புக் கொண்டு தனது தாயார் வீட்டுக்கு செல்வதாக கூறினாள். திருமணம் முடிந்து 2 வருடம் ஆகிறது. எனவே, அங்கு உள்ள பள்ளி, கல்லூரி சான்றிதழ்களை எடுத்து வருவதாக கூறிவிட்டு சென்றாள். நான் அப்போது வேண்டாம் என்று கூறினேன்.ஆனால் தாயாருக்கு போன் செய்து விட்டாள் என்று கூறினாள்.

அதன் பின்பு என்னையும் எனது மனைவியையும் அவரது தாயார் ஜோதி பேச அனுமதிக்கவில்லை.

இதுகுறித்து அனைத்து மகளிர் போலீஸ் நிலையத்தில் புகார் கொடுத்தேன். அதற்குள் அவளை அவரது சொந்த ஊரான சின்னமட்டாரபள்ளிக்கு அழைத்து சென்றுவிட்டனர்.

அங்கு ஊர் பெரியவர்கள் முன்னிலையில் பஞ்சாயத்து வைத்தேன். ஆனால் அங்கு எனக்கு உரிய மரியாதை தரவில்லை. பின்பு தான் அவர் வீட்டிற்கு சென்று பேசலாம் என்று கருதி நான் அங்கு சென்றேன்.அங்கு எனது மனைவியின் தாயார் என்னை செருப்பால் அடித்து விரட்டினர்.

எனது மனைவியை பார்த்து 3 மாதம் ஆகிறது. மீண்டும் எனது நண்பர்களை அழைத்து கொண்டு மனைவியின் தாயார் வீட்டிற்கு சென்றேன். அப்போது எனது மாமியார், மாமனார் ஆகியோர் என்னை செருப்பால் அடித்து விரட்டி அனுப்பினர். மேலும் என் மீது 3½ பவுன் நகை திருடியதாக பொய் புகார் போலீசில் கூறினர்.

அப்போது நான் நடத்த உண்மையை போலீசாரிடம் வாக்குமூலமாக கூறியதால் அவர்கள் என்னை திருப்பி அனுப்பி வைத்து விட்டனர்.

ஆகையால் நான் எனது மனைவிக்காக எல்லாத்தையும் இழந்து விட்டேன். இனி என்னால் எனது பெற்றோர் மற்றும் நண்பர்களுக்கு அதிக கஷ்டம் கொடுத்துவிட்டேன். மேலும் நான் அவமானப்பட்டேன்.

இது எனது வாழ்க்கையின் இறுதி கடிதம். எனது மரணத்திற்கு முக்கிய காரணம் ஜோதி, ஓம் சக்தி மற்றும் மனைவியின் சித்தி ஆகியோர் ஆவர். எனது மனைவியிடம் என்னைபற்றி தவறாக கூறி என்னை பிரித்து விட்டனர்.

நான் எனது மனைவி மீது அளவு கடந்த பாசம் வைத்திருந்தேன். அதனால் என்னால் அவளை மறக்க முடியாது. அவள் இல்லாமல் என்னால் இந்த உலகத்தில் வாழ முடியாது. இனி என் மனைவியின் குடும்பம் சந்தோசமாக இருக்கும். எனது குடும்பத்துக்கு என்னை பெற்றதற்காக அவமானத்தை பெற்று கொடுத்துவிட்டேன்.

எல்லாருக்கும் சாரி என்னை மன்னித்து கொள்ளுங்கள். ஜெய் மட்டும் தான் எப்பவும் நான் நினைப்பேன்.நாம் சுத்தின காலங்கள் நினைவுக்கு வரும் அப்போது நான் இருக்க மாட்டேன்.

இவ்வறு அவர் அந்த கடிதத்தில் எழுதி இருந்தார்.