நீங்கள் தேடியது "slug 136644"

சீர்காழி:

மயிலாடுதுறை மாவட்டம் சீர்காழியில் இருந்து கொண்டல் வழியாக வடரங்கம் கிராமத்திற்கு அரசு நகர பஸ் சென்று கொண்டிருந்தது. சீர்காழி அடுத்த பழைய பாளையத்தை சேர்ந்த ரமேஷ் பேருந்து ஓட்டிச் சென்றார்.

அதில் நடத்துனராக வள்ளுவக்குடியை சேர்ந்த அகோரமூர்த்தி பணியில் இருந்தார்.

பஸ்சை மன்னங்கோயில் பகுதியில் சென்று கொண்டிருந்தபோது எதிரே இருசக்கர வாகனத்தில் வந்த வாலிபர்கள் கையில் வைத்திருந்த பீர் நிறைந்த பாட்டிலை பஸ்சின் முன் பக்க கண்ணாடி மீது தூக்கி வீசி சென்றனர்.

இதில் பஸ்சின் முன் பக்க கண்ணாடி உடைந்த நொறுங்கியதோடு பாட்டிலில் இருந்த பீர் மற்றும் கண்ணாடி துகள்கள் முழுவதும் ஓட்டுநர் ரமேஷ் மீது கொட்டியது.

நிலை தடுமாறிய ஓட்டுனர் ரமேஷ் சாதுரியமாக ஓடிய பேருந்தை நிறுத்தியதால் விபத்து தவிர்க்கப்பட்டது.

பஸ்சின் முன் பக்க கண்ணாடி திடீரென உடைந்து நொறுங்கியதில் பேருந்தில் இருந்த பயணிகள் அதிர்ச்சி அடைந்தனர்.

தகவல் அறிந்த சீர்காழி போலீசார் சம்பவ இடத்திற்கு விரைந்து சென்று பஸ்சின் கண்ணாடியை உடைத்த போதை கும்பலை தேடி வருகின்றனர்.

இந்த சம்பவம் சீர்காழியில் பரபரப்பை ஏற்படுத்தியது.

பெருந்துறை:

பெருந்துறை ஈரோடு ரோடு பகுதியை சேர்ந்த நல்லமுத்து என்பவரது மனைவி ‌ஷர்மிளா (வயது 37). இவர் பெருந்துறைையில் உள்ள ஒரு தனியார் பள்ளியில் ஆசிரியராக வேலை பார்த்து வருகிறார்.

இவருக்கு தனுஷ்ராம் (9), மோகபிரசாத் (10) என்ற இரு மகன்கள் உள்ளனர். ‌ஷர்மிளாவின் தாயாரான சேலம் மாவட்டம், ஓமலூர், வி.மேட்டுப்பாளையம் பகுதியை சேர்ந்த தாண்டாக் கவுண்டர் என்பவரது மனைவி செல்வம் (55) பெருந்துறையில் உள்ள தனது மகள் வீட்டிற்கு வந்தார்.

பள்ளியில் தேர்வுகள் முடிந்து விடுமுறை என்பதால் தனது பேரன்கள் இருவரையும் தனது ஊருக்கு கூட்டி கொண்டு திருப்பூரில் இருந்து ஈரோடு செல்லும் ஒரு தனியார் பஸ்சில் ஏறினார்.

இந்த பஸ் பெருந்துறை அடுத்த வெங்கமேடு பகுதியில் சென்ற போது, பஸ்சின் படிக்கட்டு அருகில் நின்று கொண்டிருந்த செல்வம் திடீரென நிலை தடுமாறி பஸ்சில் இருந்து வெளியே தவறி விழுந்தார்.

இதில் தலை மற்றும் உடலில் பலத்த அடிபட்ட நிலையில் சம்பவ இடத்திலேயே அவர் பரிதாபமாக இறந்தார்.

உடன் வந்தவர்கள் அவரது வீட்டிற்கு கொடுத்த தகவலின் பேரில் சம்பவ இடத்திற்கு வந்த ‌ஷர்மிளா தனது தாயாரின் உடலைக் கண்டு கதறி அழுதார்.

இந்த சம்பவம் குறித்து பெருந்துறை போலீஸ் இன்ஸ்பெக்டர் சுகவனம் உடலை கைப்பற்றி பிரேத பரிசோதனைக்காக பெருந்துறை அரசு மருத்துவ மனைக்கு அனுப்பி வைத்தார்.

போரூர்:

அண்ணாநகர் கிழக்கு ஆர்.வி.நகரைச் சேர்ந்தவர் அலமேலு (வயது 65). மதுரவாயலில் உள்ள தனது மகள் வீட்டிற்கு செல்வதற்காக நேற்று மாலை மாநகர பஸ்சில் சென்று கொண்டிருந்தார். அவர் அருகே 2 பெண்கள் அமர்ந்து இருந்தனர்.

பஸ் அமைந்தகரை என். எஸ்.கே. நகர் பேருந்து நிறுத்தம் அருகே வந்தபோது அருகில் இருந்த பெண்கள் சில்லறை காசுகள் கீழே கிடப்பதாக அலமேலுவிடம் கூறினார்கள்.

உடனே அவர் கீழே கிடந்த சில்லரைகளை குனிந்து எடுக்கத் தொடங்கினார். அப்போது அந்த பெண்கள் அலமேலு கையில் இருந்த ரூ.86 ஆயிரம் பணத்தை கொள்ளையடித்து விட்டு பஸ்சில் இருந்து இறங்கி சென்றனர்.

இதுகுறித்து அரும்பாக்கம் போலீசில் அலமேலு புகார் செய்தார். பஸ் நிறுத்தத்தில் உள்ள கண்காணிப்பு கேமராவை ஆய்வு செய்து போலீசார் விசாரணை நடத்தி வருகின்றனர்.

சென்னை:

நீண்ட தூரம் பயணம் செல்லும் பயணிகள் வசதிக்காக அரசு விரைவு பஸ்கள் இயக்கப்படுகின்றன.

சென்னையில் இருந்து கன்னியாகுமரி, நெல்லை, மதுரை, கோவை, சேலம், தஞ்சை, நாகப்பட்டினம் உள்ளிட்ட அனைத்து முக்கிய நகரங்களுக்கும் அரசு விரைவு பஸ்கள் இயக்கப்படுகின்றன. இதுபோல் போக்குவரத்து கழகங்கள் மூலம் இயக்கப்படும் அரசு பஸ்களும் மற்ற மாவட்ட தலை நகரங்களுக்கு செல்கின்றன.

இதனால் பகலில் இயக்கப்படும் அரசு விரைவு பஸ்களில் பயணிகள் கூட்டம் குறைவாக உள்ளது. இதன் காரணமாக 300 கிலோ மீட்டர் தூரத்துக்கும் குறைவாக செல்லும் அரசு விரைவு போக்குவரத்து கழகங்களில் வருமான இழப்பு ஏற்படுகிறது.

எனவே இந்த வருமான இழப்பை சரி கட்டுவது எப்படி என்பது குறித்து ஆலோசிக்கப்பட்டது. இதையடுத்து போக்குவரத்து கழகங்கள் சார்பில் வேறு மாவட்டங்களுக்கு இயக்கப்படும் வழித்தடங்களில் அரசு விரைவு பஸ்களை இயக்கு வதை தவிர்க்கலாம் என்று அதிகாரிகள் தரப்பில் அரசிடம் தெரிவிக்கப்பட்டது.

இதையடுத்து 300 கிலோ மீட்டருக்கும் அதிகமான நீண்ட தூர வழித்தடங்களில் மட்டும் அரசு விரைவு பஸ்களை இயக்கலாம். மற்ற வழித்தடங்களை அந்தந்த போக்குவரத்து கழகங்களுக்கே விட்டுக் கொடுக்கலாம் என்றும் யோசனை தெரிவிக்கப்பட்டது.

இதன்படி குறைந்த தூரங்களில் இயக்கப்படும் அரசு விரைவு போக்குவரத்து பஸ்களை நிறுத்துவது குறித்து அரசு ஆலோசித்து வருகிறது. போக்குவரத்து கழக பஸ்கள் இந்த வழித்தடங்களில் இயக்கப்படுவதால் பயணிகளுக்கு எந்த பாதிப்பும் ஏற்படாது.

அரசு விரைவு போக்குவரத்து கழகங்களுக்கு ஏற்படும் வருமான இழப்பும் தவிர்க்கப்படும். எனவே வருமான இழப்பு ஏற்படும் 33 வழித்தடங்களில் அரசு விரைவு பஸ்கள் நிறுத்தப்படும். இதற்கு பதிலாக அந்தந்த பகுதியில் உள்ள போக்குவரத்து கழகங்கள் மூலம் இந்த வழித்தட பஸ்கள் இயக்கப்படும

அரசு விரைவு பஸ்கள் நீண்ட தூரங்களுக்கு மட்டும் இயக்கப்படும். வெளி மாநிலங்களுக்கும் கூடுதலாக 50 அரசு விரைவு பஸ்களை இயக்க பேச்சு வார்த்தை நடந்து வருகிறது. விரைவில் இதற்கான அறிவிப்பு வெளியாகலாம் என்று போக்குவரத்து கழக வட்டாரங்கள் தெரிவிக்கின்றன.

சென்னையில் மாநகர பஸ்கள் பல்வேறு பகுதிகளுக்கு இயக்கப்படுகின்றன. நகரின் விரிவாக்க பகுதிகளுக்கும் தனி பஸ்கள் செல்கின்றன. இதில் பல இடங்களுக்கு செல்லும் பஸ்களில் பயணிகள் எண்ணிக்கை குறைவாக உள்ளது.

எனவே சென்னை நகரில் 40 மாநகர பஸ் வழித் தடங்களில் பஸ்களின் எண்ணிக்கை குறைக்கப்படலாம் என்று கூறப்படுகிறது. இதற்கான சாத்தியகூறுகள் குறித்தும் ஆலோசனை நடந்து வருகிறது. இது பற்றிய முடிவு விரைவில் எடுக்கப்படும் என்று கூறப்படுகிறது. #TNGovtBus #Bus

பெரியபாளையம்:

திருவள்ளூர் மாவட்டம் ஆரணிக்கு ஆவடி பஸ் டொப்போ மூலம் 10 பஸ்கள் தடம் எண்-580 இயக்கப்பட்டு வந்தது.

இந்த வழித்தட பஸ்சில் பயணம் செய்ய கடந்த புதன்கிழமை மாலை ஏறிய ஒரு பயணிக்கும் கண்டக்டர் ராஜ்குமாருக்கும் இடையே டிக்கெட் எடுப்பதில் வாக்கு வாதம் ஏற்பட்டு மோதலாக மாறியது.

இந்த பிரச்சினைக்கு உரிய தீர்வு காண வேண்டும் என்று கூறி போக்குவரத்து துறை ஊழியர்கள் ஆரணி வழி தடத்தில் கடந்த இரண்டு நாட்களாக பஸ்களை இயக்க வில்லை.

வள்ளளார் நகரில் இருந்து சிறுவாபுரி வழியாக பெரியபாளையம் வரையில் தண்டையார்பேட்டை பஸ் டொப்போ மூலம் 5 பஸ்கள் வழி தடம் எண்-547 இயக்கப்பட்டு வந்தது.

இந்த பஸ்கடந்த சில நாட்களாக எப்.சி என்றும், கண்டக்டர், டிரைவர் பற்றாக்குறை என்றும் கூறி மூன்று பஸ்சை இயக்கவில்லை.இரண்டு பஸ்கள் மட்டுமே இயக்கப்படுகிறது.

மேலும் அண்ணாநகர் பஸ் டொப்போ மூலம் கோயம்பேட்டில் இருந்து சிறுவாபுரி வழியாக ஆரணிக்கு மூன்று பஸ்கள் இயக்கி வந்தனர். ஆனால், ஏதோ காரணத்தால் ஒரு பஸ்சை கடந்த சில நாட்களாக குறைத்து விட்டனர். இந்த வழித்தடத்தில் தற்போது இரண்டு பஸ்கள் மட்டுமே இயக்கப்படுகிறது.

நேற்று கிருத்திகை என்பதால் சிறுவாபுரிக்கு செல்லும் மாநகர பஸ் குறைக்கப்பட்டதால் பயணிகள் பல்வேறு அவதி அடைந்தனர்.

மாதாந்திர பயணச்சீட்டு பெற்ற தனியார் மற்றும் அரசுதுறை ஊழியர்கள் வியாபாரிகள், பள்ளி மாணவர்கள் மாநகர பஸ்கள் இயக்காததால் குறித்த நேரத்தில் பணிக்கு செல்ல முடியாமல் அவதிக்கு உள்ளானார்கள்.

எனவே சம்மந்தப்பட்ட துறை அதிகாரிகள் அதிரடி நடவடிக்கை மேற்கொண்டு ஆரணி வழித்தடத்தில் இயங்கிய அணைத்து பஸ்களையும் உரிய நேரத்தில் இயக்க வேண்டும் என்று பொது மக்கள் கோரிக்கை விடுத்தனர்.

மாதவரம்:

ஆந்திராவில் இருந்து செங்குன்றம் வழியாக சென்னைக்கு வாகனங்களில் குட்கா புகையிலை உள்ளிட்ட போதைப் பொருள் கடத்தி வரப்படுவதாக காஞ்சீபுரம் மாவட்ட போதைப் பொருள் தடுப்பு போலீசாருக்கு தகவல் கிடைத்தது.

இதையடுத்து டி.எஸ்.பி. ஜூலியஸ் சீசர் உள்ளிட்ட போலீசார் இன்று காலை செங்குன்றம், ஜி.என்.டி. சாலையில் பழைய ஆர்.டி.ஓ. அலுவலகம் அருகே வாகன சோதனையில் ஈடுபட்டனர்.

அப்போது ஆந்திராவில் இருந்து சென்னை நோக்கி வந்த தனியார் பஸ்சில் திடீர் சோதனை நடத்தினர்.

பஸ்சில் இருந்த விஜயவாடா, பாவக்காபுரம் பகுதியை சேர்ந்த துர்க்கா ராவ் என்பவரது பையை திறந்து பார்த்தனர். அதில் கட்டு, கட்டாக பணம் இருந்தது.மொத்தம் ரூ. 1 கோடியே 5 லட்சம் மறைத்து வைக்கப்பட்டு இருப்பது கண்டுபிடிக்கப்பட்டது. இந்த பணத்திற்கான ஆவணம் துர்க்கா ராவிடம் இல்லை.

இதையடுத்து ரூ. 1 கோடியே 5 லட்சத்தை போலீசார் பறிமுதல் செய்தனர். அதனை செங்குன்றம் போலீசாரிடம் ஒப்படைத்தனர்.

இது தொடர்பாக துர்க்கா ராவிடம் விசாரணை நடத்தப்பட்டது. அப்போது அவர், தான் நகை வியாபாரி என்றும், சென்னையில் நகை வாங்குவதற்காக பணத்தை எடுத்து வந்ததாகவும் தெரிவித்தார்.

பணத்திற்கான ஆவணம் அவரிடம் இல்லாததால் தொடர்ந்து விசாரணை நடந்து வருகிறது. பிடிபட்ட பணம் யாருடையது? எங்கு கொண்டு செல்லப்படுகிறது என்று விசாரணை நடத்தி வருகிறார்கள்.

ஆந்திரா பஸ்சில் ரூ. 1 கோடியே 5 லட்சம் சிக்கிய சம்பவம் பரபரப்பை ஏற்படுத்தி உள்ளது.