நீங்கள் தேடியது "slug 223670"

நெற்குப்பை

சிவகங்கை மாவட்டம் திருப்பத்தூர் அருகே மகிபாலன்பட்டி ஊராட்சிக் குட்பட்ட கோவில்பட்டி விளக்கு பகுதியில் நேற்று இரவு பலத்த சூறாவளி காற்றுடன் மழை பெய்தது.

இதில் சாலையோரம் நின்றிருந்த பெரிய மரம் வேரோடு சாய்ந்து ரோட்டில் விழுந்ததால் போக்குவரத்து பாதிக்கப்பட்டது. பொன்னமராவதி-திருப்பத்தூர் செல்லும் சாலையில் இருசக்கர வாகனம் மற்றும் 4 சக்கர வாகன ஓட்டிகள் செல்ல முடியாமல் சிரமத்திற்கு உள்ளாகினர்.

மேலும் பஸ்களில் சென்ற பயணிகள் தொடர்ந்து செல்ல முடியாமல் தவித்தனர். இதுபற்றி தகவல் அறிந்த ஊராட்சி மன்றத்தலைவர் பாஸ்கரன் தன் சொந்த செலவில் ஜே.சி.பி. எந்திர உதவியுடன் சாலையில் சாய்ந்து கிடந்த மரத்தை அப்புறப்படுத்தி போக்கு வரத்தை சரி செய்தார். இரவு நேரம் என்று கூட பாராமல் துரிதமாக செயல்பட்ட ஊராட்சி மன்ற தலைவரை சமூக ஆர்வ லர்களும் வாகன ஓட்டிகளும் வெகுவாக பாராட்டினர்.

மேலும் சாலையோ ரத்தில் காய்ந்து பட்டுப்போன நிலையில் இருந்து வரும் மரங்களை அசம்பாவிதம் ஏதும் ஏற்படுவதற்கு முன் துறை சார்ந்த அதிகாரிகள் அகற்ற நடவடிக்கை எடுக்க வேண்டும் என்று பொது மக்கள் கோரிக்கை விடுத்து வருகின்றனர்.

கன்னயாகுமரி :

குமரி மாவட்டத்தில் இருந்தும் வெளி மாவட்டங்களில் இருந்தும் நூற்றுக்கணக்கான லாரிகள், அதிக பாரத்துடன் கனிம வளங்களை கேரளாவிற்கு கடத்தி செல்வது தொடர் கதையாக நடந்து வருகிறது.

கனிம வள லாரிகளை குழித்துறை முதல் களியக்காவிளை வரை ஒன்றன் பின் ஒன்றாக சாலையோரங்களில் நிறுத்துவதால் பிற வாகனங்கள் செல்ல முடியாமல் கடுமையான போக்குவரத்து நெரிசல் ஏற்படுகின்றன. மேலும் விபத்துகள் ஏற்படும் அபாயம் உள்ளதாக பொதுமக்கள் குற்றம்சாட்டி உள்ளனர்.

இந்த லாரிகள் இரவு, பகலாக சாலையில் செல்வதால் காலை நேரத்தில் மாணவர்கள் பள்ளிக்கு செல்ல முடியாமலும் பணியாளர்கள் குறித்த நேரத்தில் வேலைக்கு செல்ல முடியாமலும் அவதிக்குள்ளாகி வருகின்றனர்.

களியக்காவிளை போலீசார் அதிக பாரம் ஏற்றி செல்லும் வாகனங்களை பறிமுதல் செய்து வருகின்றனர். ஆனால் சில டிரைவர்கள், போலீசாரை பார்த்தவுடன் கனிம வள லாரிகளை சாலையின் ஓரங்களில் நிறுத்தி விட்டு தப்பியோடி விடுகின்றனர். போலீசார் லாரியின் பக்கம் வந்து பார்க்கும் போது யாரும் இல்லாததால் அதனை பறிமுதல் செய்ய முடியாமல் அவதிப்பட்டு வருகின்றனர்.

வாகனத்தின் அருகிலோ அல்லது தொலைவிலோ போலீசார் நின்றால் அந்த பக்கமே டிரைவர்கள் வருவதில்லை. போலீசார் அந்த இடத்தை விட்டு சென்று விட்டால் மறு கணமே லாரியை எடுத்து செல்கின்றனர். இந்த சம்பவம் தொடர் கதையாக நடந்து வருகிறது. ஆகவே போலீசாருக்கு டிமிக்கி கொடுத்து விட்டு சாலையோரங்களில் நிறுத்தி செல்லும் வாகனங்கள் மீது நடவடிக்கை எடுக்க வேண்டும் என்று போலீஸ் உயர் அதிகாரிகளுக்கு பொதுமக்களும், சமூக ஆர்வலர்களும் கோரிக்கை விடுத்துள்ளனர்.

திருப்பூர்:

திருப்பூர் மாநகராட்சி சார்பில் நொய்யல் ஆற்றின் கரையை ஒட்டி, மின் மயானம் வழியாகச் செல்லும் ரோடு புதிதாக அமைக்கும் பணி கடந்த பல மாதங்களாக மிகவும் மந்த கதியில் நடைபெற்று வந்தது. கடந்த வாரம் அமைச்சர் முன்னிலையில் ஆய்வுக் கூட்டம் நடைபெற்றது.

அதில் மேயர் தினேஷ்குமார், பணிகள் தாமதம் குறித்து கடுமையாக பேசினார். இதனால் பணிகள் நிலை குறித்து கலெக்டர் நேரில் சென்று ஆய்வு செய்ய அமைச்சர் அறிவுறுத்தினார். அதன்பேரில் கலெக்டர், கமிஷனர், மேயர் ஆகியோர் பல்வேறு இடங்களில் ஆய்வு செய்து பணிகள் நிலை குறித்து கேட்டறிந்தனர்.

உரிய காரணம் இன்றி தாமதமாகும் பணிகள், சிறு தடைகள் காரணமாக தொடரப்படாமல் கிடப்பில் போட்டுள்ள பணிகள் குறித்தும் உரிய அறிவுரைகள் வழங்கப்பட்டது. மின் மயான ரோட்டில் ரோடு போடும் பணி தாமதமான நிலையில் போக்குவரத்துக்கு ஏற்பட்டுள்ள இடையூறு குறித்தும் அதிருப்தி தெரிவிக்கப்பட்டது.

இதனால், கடந்த 2 நாளில் அப்பகுதியில் பணிகள் முடுக்கி விடப்பட்டது. திறந்து கிடந்த பாதாள சாக்கடை ஆள் இறங்கு குழிகள் சரி செய்யப்பட்டு, ரோடு அமைக்க மெட்டல் கொட்டி நிரப்பப்பட்டது. யுனிவர்சல் ரோடு சந்திப்பு, வளம் பாலம் பகுதியில் போக்குவரத்துக்கு இடையூறாக காணப்பட்ட குழிகள் சமன் செய்யப்பட்டு, வாகனங்கள் செல்ல வழி ஏற்படுத்தப்பட்டது.

ஈரோடு:

ஈரோடு மாநகர் பகுதியில் நாளுக்கு நாள் போக்குவரத்து நெரிசல் அதிகரித்து வருகிறது. வாகன ஓட்டிகள் வாகன விதிமுறைகளை மீறுவதால் பல்வேறு நேரங்களில் விபத்துக்கள் ஏற்படுகிறது.

எனவே இதனை கண்காணிக்க ஈரோடு தெற்கு, வடக்கு போக்குவரத்து போலீசார் ஆங்காங்கே வாகன சோதனையில் ஈடுபட்டு விதிமுறைகள் மீறும் வாகன ஓட்டிகள் மீது வழக்கு பதிவு செய்து அபராதம் விதித்து வருகின்றனர்.

அதன்படி தெற்கு போக்குவரத்து போலீசார் கடந்த ஏப்ரலில் தீவிர வாகன சோதனையில் ஈடுபட்டனர். இதில் குடிபோதையில் வாகனம் இயக்கியதாக 54 பேர் மீதும், செல்போன் பேசியப்படி வாகனம் இயக்கியதாக 3 பேர் மீதும், ஹெல்மெட் அணியாமல் வாகனம் ஓட்டியதாக 594 பேர் மீதும் என மொத்தம் 851 வழக்குகள் பதிவு செய்யப்பட்டன. இதில் ரூ. 4.32 லட்சம் அபராதமாக விதிக்கப்பட்டது.

லைசென்ஸ் ரத்து

குடிபோதையில் வாகனம் இயக்கியதாக 9 பேர், அதிவேகமாக சென்ற ஒருவர் என 10 பேர் போக்குவரத்து விதிமுறைகளை மீறியதால் அவர்களின் லைசென்ஸ் ரத்து செய்ய வேண்டும் என வட்டார போக்குவரத்து அலுவலர்களுக்கு ஈரோடு தெற்கு போக்குவரத்து போலீசார் பரிந்துரை செய்துள்ளனர்.

ஏற்காடு:

சேலம் மாவட்டம் ஏற்காட்டில் தற்போது சீசன் தொடங்கியுள்ளது. இதனால் பல்வேறு மாவட்டங்களில் இருந்து ஏராளமான சுற்றுலா பயணிகள் ஏற்காட்டிற்கு படை எடுத்து உள்ளனர்.

இந்தநிலையில், கடந்த 2 ஆண்டுகளுக்கு முன்பு ஏற்காடு மலைபாதையில் ஏற்பட்ட மண்சரிவை சீரமைக்கும் பணிகள் தற்போது நடைபெற்று வருகிறது. இதனால் வழக்கமாக செல்லும் மலைப் பாதையில் வாகனங்கள் செல்லாமல், அயோத்தியாபட்டணம் அருளே உள்ள குப்பனூர் வழியே செல்ல ஏற்பாடு செய்யப்பட்டுள்ளது.

இன்று ஞாயிற்று கிழமை என்பதாலும், கோடை விடுமுறை விடப்பட்டுள்ளதாலும் ஏராளமான சுற்றுலா பயணிகள் கார், வேன் போன்ற வாகனங்களில் ஏற்காடு வந்தனர்.

சுற்றுலா பயணிகளின் வாகனங்கள் அதிகளவில் வந்ததால் குப்பனூர் வழியாக ஏற்காடு செல்லும் மலைப் பாதையில் போக்குவரத்து நெரிசல் ஏற்பட்டது. இதனால், மலை பாதையின் இருபுறமும் வாகனங்கள் நீண்ட வரிசையில் அணி வகுத்து நின்றன. இதுபோல ஏற்காடு ரவுண்டானா மற்றும் படகு இல்லம், பஸ் நிலைய பகுதிகளிலும் போக்குவரத்து நெரிசல் ஏற்பட்டது. இதனால் சுற்றுலா பயணிகள் பெரிதும் அவதிக்கு உள்ளானார்கள். 

கோவை,

கோவை அவினாசி ரோடு உப்பிலிபாளையத்தில் இருந்து விமானநிலையத்தை தாண்டி கோல்டுவின்ஸ் பகுதி வரையிலும் 10 கி.மீட்டர் தூரம் வரை மேம்பால பணிகள் நடந்து வருகின்றன.

இந்த பணிக்காக மொத்தம் 304 கான்கிரீட் தூண்கள் அமைக்கப்பட்டு வருகிறது. அதில் இதுவரை 280-க்கும் மேற்பட்ட தூண்கள் அமைக்கப்பட்டு விட்டன. மீதமுள்ள தூண்கள் அமைக்கும் பணிகள் முழு வீச்சில் நடந்து வருகின்றன.

இந்தநிலையில் நவஇந்தியா சிக்னல், லட்சுமிமில்ஸ், எல்.ஐ.சி., உப்பிலிபாளையம் ஆகிய சிக்னல்களில் மட்டும் மேம்பால தூண்கள் அமைக்கப்பட வேண்டியது உள்ளது.

எனவே கோவை-அவினாசி சாலையில் உப்பிலிபாளையம் சிக்னல், எல்.ஐ.சி.சிக்னல், அண்ணா சிலை சிக்னல் பகுதிகளில் போக்குவரத்து மாற்றம் செய்யப்பட்டு உள்ளதாக போலீசார் தரப்பில் அறிவிக்கப்பட்டு இருந்தது. அதன்படி நேற்று இரவு முதல் போக்குவரத்து மாற்றம் அமலுக்கு வந்தது.

போக்குவரத்து மாற்றத்தையொட்டி கோவை அவினாசி சாலை அண்ணா சிலை சிக்னலில் இருந்த பஸ் நிறுத்தம் தெற்கு தாலுகா அலுவலகத்திற்கு தற்காலிகமாக இடமாற்றம் செய்யப்பட்டது. இதற்கான அறிவிப்புகளையும் போலீசார் ஆங்காங்கே வைத்து வாகன ஓட்டிகளுக்கு விழிப்புணர்வு ஏற்படுத்தி வருகிறார்கள்.

போக்குவரத்து மாற்றம் காரணமாக சில இடங்களில் வாகன நெரிசலும் ஏற்பட்டது. போக்குவரத்து போலீசார் பணியில் ஈடுபட்டு போக்குவரத்தை சீர் செய்தனர்.இதுகுறித்து மாநகர போலீஸ் துறையினர் கூறியதாவது:-

அவினாசி சாலை பழைய மேம்பாலம், நஞ்சப்பா சாலை பகுதிகளில் இருந்து வரும் வாகனங்கள், ஜே.எம். பேக்கரி சிக்னலில் வலது புறம் திரும்பி இம்மானுவேல் சர்ச் சாலை வழியாக செல்வது தடை செய்யப்பட்டுள்ளது.

அதற்கு பதிலாக வாகனங்கள் ஜே.எம்.பேக்கரி சிக்னலில் வலதுபுறமாக திரும்பாமல் நேராக சென்று எல்.ஐ.சி சந்திப்பில் வலதுபுறம் திரும்பி செல்லலாம்.

ஓசூர் சாலையில் இருந்து எல்.ஐ.சி சந்திப்பு வழியாக அவினாசி சாலைக்கு வாகனங்கள் வருவது தடை செய்யப்பட்டு, அதற்கு பதில் ரெயில் நிலையம், கோர்ட்டு வளாகம் சாலையில் இருந்து காந்திபுரம், அவினாசி சாலை செல்லும் வாகனங்கள் ஜே.எம்.பேக்கரி சிக்னல் வந்து வலதுபுறமாக திரும்பி செல்லலாம்.

நஞ்சப்பா சாலையில் இருந்து வரும் வாகனங்கள் ஜே.எம்.பேக்கரி சிக்னலில் யுடர்ன் செய்து பழைய மேம்பாலம் செல்லலாம். ஆடீஸ் வீதியில் இருந்து அவினாசி சாலை செல்லும் வாகனங்கள் இதுபுறமாக மட்டுமே செல்ல முடியும்.

ஜே.எம். பேக்கரி சந்திப்பு வழியாக ஆடீஸ் வீதிக்கு செல்வது தடை செய்யப்பட்டு, அதற்கு பதில் கலெக்டர் அலுவலகம், பழைய அஞ்சல் நிலைய சாலை வழியாக அவினாசி சாலை பழைய மேம்பாலத்தின் கீழ் பகுதி தடத்தில் சென்று யுடர்ன் செய்து அவினாசி சாலையை அடைந்து ஜே.எம்.பேக்கரி சிக்னலில் இடதுபுறமாக திரும்பி ஆடீஸ் வீதிக்கு செல்லலாம்.

அல்லது ஜே.எம்.பேக்கரி சந்திப்பில் வலதுபுறமாக திரும்பி, அவினாசி சாலை, வ.உ.சி மைதானம் முன்பு இடதுபுறமாக திரும்பி தங்களது பயணத்தை தொடரலாம்.

காந்திபுரத்தில் இருந்து எல்.ஐ.சி சந்திப்புக்கு வரும் வாகனங்கள் வலதுபுறம் திரும்பி அவினாசி சாலையை அடைய தடை செய்யப்படுகிறது.

அதற்கு பதிலாக காந்திபுரத்தில் இருந்து வரும் அனைத்து வாகனங்களும் இடதுபுறம் திரும்பி, அவினாசி சாலை, அண்ணா சிலை சந்திப்பை அடைந்து வலதுபுறமாக திரும்பி ஓசூர் சாலை வழியாக செல்லலாம்.

அண்ணா சிலையில் இருந்து எல்.ஐ.சி சந்திப்பு வழியாக காந்திபுரம் செல்வது தடை செய்யப்படுகிறது.

அதற்கு பதிலாக அண்ணா சிலையில் இருந்து வலதுபுறமாக திரும்பி பாலசுந்தரம் சாலையை அடைந்து காந்திபுரத்துக்கு செல்லலாம்.

அண்ணா சிலையில் இருந்து நேரடியாக எல்.ஐ.சி சந்திப்பு நோக்கி வாகனங்கள் செல்வது தடை செய்யப்பட்டுள்ளது. காந்திபுரத்தில் இருந்து வரும் வாகன ஓட்டிகள், டாக்டர் பாலசுந்தரம் சாலை வழியாக அண்ணா சிலை சந்திப்பு வந்து, அவினாசி சாலையில் வலதுபு றமாக திரும்பி எல்.ஐ.சி ஜங்ஷன் நோக்கி செல்வது தடை செய்யப்படுகிறது. அதற்கு பதில் பாலசுந்தரம் சாலையில் இருந்து வரும் வாகனங்கள் எல்.ஐ.சி சந்திப்பில் வலதுபுறமாக திரும்பாமல் நேரடியாக ஓசூர் சாலையை அடைந்து பயணத்தை தொடரலாம்.

செஞ்சிலுவை சங்க சாலையில் இருந்து ஓசூர் சாலையில் இருந்து ஓசூர் சாலையில் ரேஸ்கோர்ஸ் போலீஸ் நிலையம் வரை மட்டுமே வாகனங்கள் செல்ல அனுமதிக்கப்படும். ரேஸ்கோர்ஸ் போலீஸ் நிலையத்தில் இருந்து வலதுபுறமாக திரும்பி கே.ஜி.திரையரங்கு ஜங்ஷன் வழியாக செல்லலாம்.

இவ்வாறு அவர்கள் தெரிவித்தனர்.

திருச்சி,

திருச்சி சமயபுரம் மாரியம்மன் கோவில் சித்திரை தேரோட்டமானது வரும் 18-ந்தேதி (செவ்வாய்க்கிழமை) நடைபெற உள்ளது. இதேபோல திருச்சி உறையூர் வெக்காளியம்மன் கோயில் சித்திரை தேரோட்டம் 14-ந்தேதி, வெள்ளிக்கிழமை நடைபெற உள்ளது. சித்திரைத் தேர்த் திருவிழாவிற்காக மேற்கொள்ளப்பட வேண்டிய முன்னேற்பாடுகள் குறித்த அரசு துறை அலுவலர்களுடனான, ஒருங்கிணைப்பு மற்றும் ஆலோசனைக் கூட்டம் திருச்சி கலெக்டர் அலுவலகத்தில் நடைபெற்றது.கூட்டத்திற்கு பின்னர் மாவட்ட கலெக்டர் மா.பிரதீப் குமார் போக்குவரத்து மாற்றம் குறித்து கூறும்போது, சமயபுரம் மாரியம்மன் கோவில் தேர்த்திருவிழாவை முன்னிட்டு கனரக சரக்கு வாகனங்கள் கீழ்காணும் வகையில் மாற்றுப்பாதை ஏற்படுத்தப்பட்டுள்ளது. அதன்படி வருகிற 18-ந்தேதி மதுரை மார்க்கத்திலிருந்து சென்னை செல்லும் கனரக சரக்கு வாகனங்கள் வளநாடு கைகாட்டியில் இருந்து மணப்பாறை ஆண்டவர் கோவில் சந்திப்பு, தோகைமலை, குளித்தலை, முசிறி, துறையூர் மற்றும் பெரம்பலூர் வழியாக செல்ல வேண்டும்.திண்டுக்கல் மார்க்கத்திலிருந்து சென்னை செல்லும் கனரக சரக்கு வாகனங்கள் மணப்பாறை ஆண்டவர் கோவில் சந்திப்பு, தோகைமலை, குளித்தலை, முசிறி, துறையூர் மற்றும் பெரம்பலூர் வழியாக செல்ல வேண்டும்.துறையூரிலிருந்து திருச்சி வரும் கனரக சரக்கு வாகனங்கள் முசிறி ரவுண்டானா, முசிறி பெரியார் பாலம், குளித்தலை, பெட்டவாய்த்தலை, ஜீயபுரம், குடமுருட்டி பாலம் வழியாக திருச்சி, சத்திரம் பேருந்து நிலையம் வழியாக செல்ல வேண்டும்.முசிறி மற்றும் சேலத்திலிருந்து திருச்சி வரும் கனரக சரக்கு வாகனங்கள் முசிறி பெரியார் பாலம், குளித்தலை, பெட்டவா ய்த்தலை, ஜீயபுரம், குடமுருட்டிபாலம், வழியாக திருச்சி சத்திரம் பேருந்து நிலையம் வழியாக செல்ல வேண்டும்.சென்னை மார்க்கத்திலிருந்து திருச்சி வரும் கனரக சரக்கு வாகனங்கள் சிறுகனூர், தச்சங்குறிச்சி, பூவாளுர், வழியாக சிதம்பரம் திருச்சி தேசிய நெடுஞ்சாலை வந்து பனமங்கலம் சந்திப்பு (என்.எச்.-38) சென்னை திருச்சி தேசிய நெடுஞ்சாலையை வந்தடைந்து திருச்சி செல்ல வேண்டும்.சிதம்பரம், அரியலூர் மார்க்கத்திலிருந்து (என்.எச்.-81) வரும் கனரக சரக்கு வாகனங்கள் பெருவளநல்லூரிலிருந்து குமுளுர், தச்சங்குறிச்சி வழியாக சிறுகனூர் சென்று பெரம்பலூர் மார்க்கமாக சென்னை செல்ல வேண்டும் என்று அவர் தெரிவித்துள்ளார்.

நாகர்கோவில் :

நாகர்கோவில் நகரில் பாதாள சாக்கடை திட்டப்பணிகள் மற்றும் புத்தன் குடிநீர் திட்டப்பணிகள் நடைபெற்று வருகிறது. இதையடுத்து சாலைகள் தோண்டப்பட்டு பைப் லைன் அமைக்கும் பணி நடந்து வருகிறது. பீச்ரோடு முதல் செட்டிகுளம் வரை உள்ள சாலையில் பைப்லைன் அமைப்பதற்கு நடவடிக்கை மேற்கொள்ளப்பட்டது.

இதனால் அந்த வழியாக வந்த வாகனங்கள் மாற்றுப்பாதை வழியாக திருப்பி விடப்பட்டது. கன்னியாகுமரியில் இருந்து நாகர்கோவிலுக்கு வந்த வாகனங்கள், பஸ் அனைத்தும் சவேரியார் ஆலயம் வழியாக மாற்றி விடப்பட்டது. கோட்டார்-சவேரியார் ஆலய சாலை இரு வழிப்பாதையாக மாற்றப்பட்டதால் காலை, மாலை நேரங்களில் கடுமையான போக்குவரத்து நெருக்கடி ஏற்பட்டு வந்தது.

போக்குவரத்து போலீசார் அதை சரி செய்யும் பணியில் ஈடுபட்டு வந்தனர். அந்த சாலையை விரிவாக்கம் செய்து தொடர்ந்து இரு வழி பாதையாக மாற்ற நடவடிக்கை எடுக்க வேண்டும் என்று சமூக ஆர்வலர்களும், பொதுமக்களும் கோரிக்கை வைத்தனர்.

இந்த நிலையில் தற்பொழுது பீச் ரோடு செட்டிகுளம் சாலையில் பணிகள் முடிவடைந்து மணல்கள் நிரப்பப்பட்டு உள்ளது. இதனால் இருச்சக்கர வாகனங்கள் மற்றும் நான்கு சக்கர வாகனங்கள் கடந்த 2 நாட்களாக இயக்கப்பட்டு வந்தது. இந்த நிலையில் பஸ் போக்குவரத்தும் தொடங்கப்பட்டுள்ளது.

ராஜாக்கமங்கலம், ஈத்தாமொழி பகுதி வழியாக வரும் பஸ்கள் அனைத்தும் தற்பொழுது இந்த சாலை வழியாக இயக்கப்பட்டு வருகிறது. மேலும் கோட்டார் வழியாக வரும் சில பஸ்களும் பீச்ரோடு வழியாக திருப்பி விடப்பட்டது.

இதுகுறித்து மேயர் மகேஷ் கூறுகையில், செட்டிகுளம்-பீச்ரோடு பகுதியில் பணிகள் முடிவடைந்து, பரீட்சார்த்த முறையில் தற்போது பஸ்கள் இயக்கப்பட்டு வருகிறது. இரு சக்கர வாகனங்கள், நான்கு சக்கர வாகனங்களும் சென்று வருகின்றன. 2 நாட்களுக்கு பிறகு அந்த சாலையை சீரமைத்து தார் அமைக்க நடவடிக்கை மேற்கொள்ளப்படும்.

ஏற்கனவே நாகர்கோவில் நகரில் போக்குவரத்து நெருக்கடியை குறைக்க மாநகராட்சி பல்வேறு சாலைகளை இருவழிப்பாதையாக மாற்ற முயற்சி மேற்கொண்டு வருகிறது. தேவைப்படும் இடங்களில் ரவுண்டானா அமைக்கவும் ஆலோசித்து வருகிறோம் என்றார்.

பீச் ரோட்டில் இருந்து செட்டிகுளத்திற்கு திரும்பும் சாலையில் சாலையின் நடுவே தடுப்பு கற்கள் வைக்கப்பட்டுள்ளது. மேலும் அந்த பகுதியில் சாலை குண்டும், குழியுமாக மோசமான நிலையில் காணப்படுகிறது. இதனால் அந்த பகுதியில் அடிக்கடி விபத்துக்கள் நடந்து வருகிறது. அந்த சாலையை சீரமைக்க நடவடிக்கை எடுப்பதுடன் சாலை நடுவே உள்ள தடுப்பு கற்களை மாற்றவும் நடவடிக்கை எடுக்க வேண்டும் என்று சமூக ஆர்வலர்கள் கோரிக்கை வைத்துள்ளனர்.

கன்னியாகுமரி :

கன்னியாகுமரி கடல் நடுவில் அமைந்துள்ள பாறையில் சுவாமி விவேகானந்தர் நினைவு மண்டபமும் அதன் அருகில் உள்ள இன்னொரு பாறையில் 133 அடி உயர திருவள்ளுவர் சிலையும் எழுப்பப்பட்டு உள்ளது.

இவற்றை தினமும் ஆயிரக்கணக்கான உள்நாட்டு மற்றும் வெளிநாட்டு சுற்றுலா பயணிகள் படகில் சென்று பார்த்து வருகிறார்கள். இவற்றை பார்வையிட செல்லும் சுற்றுலா பயணிகளுக்கு வசதியாக தமிழக அரசு நிறுவனமான பூம்புகார் கப்பல் போக்குவரத்து கழகம் படகு போக்குவரத்தை நடத்தி வருகிறது. இதற்காக பொதிகை, குகன், விவேகானந்தா ஆகிய 3 படகுகள் பயன்படுத்தப்பட்டு வந்தன. இதில் பொதிகை படகு சின்னமுட்டம் துறைமுகத்தில் கரை ஏற்றப்பட்டு பழுது பார்க்கும் பணி நடைபெற்று வருகிறது.

இதனால் தற்போது குகன், விவேகானந்தா ஆகிய 2 படகுகள் மட்டுமே இயக்கப்பட்டு வருகின்றன. தற்போது ஈஸ்டர் பண்டிகை தொடர் விடுமுறை காரணமாக கன்னியாகுமரியில் சுற்றுலா பயணிகள் கூட்டம் அலைமோதுகிறது. இந்த நிலையில் கன்னியாகுமரி கடலில் இன்று காலை நீர்மட்டம் திடீரென்று தாழ்ந்து உள்வாங்கி காணப்பட்டது. இதனால் இன்று காலை 8 மணிக்கு விவேகானந்தர் மண்டபத்துக்கு தொடங்க வேண்டிய படகு போக்குவரத்து தொடங்கப்படவில்லை. தற்காலிகமாக படகு போக்குவரத்து ரத்து செய்யப்பட்டு இருந்தது. இதனால் கன்னியாகுமரிக்கு வந்து சுற்றுலா பயணிகள் விவேகானந்தர் நினைவு மண்டபம் மற்றும் திருவள்ளுவர் சிலையை பார்க்க முடியாமல் ஏமாற்றத்துடன் திரும்பி சென்றனர். இதற்கிடையில் காலை 10 மணிக்கு கடலின் தன்மை சகஜ நிலைமைக்கு திரும்பியதை தொடர்ந்து காலை 10 மணிக்கு பிறகு 2 மணி நேரம் தாமதமாக படகு போக்குவரத்து தொடங்கியது. அதைத் தொடர்ந்து சுற்றுலா பயணிகள் படகில் ஆர்வத்து டன் சென்று விவேகானந்தர் மண்டபத்தை பார்வையிட்டு வந்தனர். ஆனால் திருவள்ளுவர் சிலைக்கு இதுவரை படகு போக்குவரத்து தொடங்கப்படவில்லை.

மதுரை

மதுரை பெரியார் பஸ் நிலையம் அருகிலுள்ள தீயணைப்பு நிலையம் எதிரே, போக்குவரத்து சாலை உள்ளது.இங்கு குடிநீர் குழாய் பதிப்பதற்காக, பள்ளம் தோண்டப்பட்டு இருந்தது. அதன் பிறகு அங்கு போக்குவரத்து சாலை சமன்படுத்தப்பட வில்லை.

எனவே அங்கு ரோடுகள் மேடும்- பள்ளமுமாக காட்சியளித்தது. இதனால் அந்த வழியாக சென்ற வாகனங்கள் அடிக்கடி விபத்துக்கு உள்ளாகின. போக்குவரத்து நெரிசல் மிகுந்த சாலையில் மேடு- பள்ளம், வாகன ஓட்டிகளுக்கும் மிகுந்த சிரமத்தை ஏற்படுத்தியது.

இந்த நிலையில் மதுரை மாநகராட்சி துணை மேயர் நாகராஜன் இன்று காலை, மாமன்ற கூட்டத்தில் பங்கேற்பதற்காக காரில் புறப்பட்டு சென்றார். அப்போது தீயணைப்பு நிலையம் எதிரே உள்ள போக்குவரத்து சாலையில் மேடு- பள்ளங்கள் இருப்பது தெரியவந்தது.

எனவே துணை மேயர் உடனடியாக காரில் இருந்து இறங்கினார். அதன்பிறகு அவர் செல்போன் மூலம், மாநகராட்சி அதிகாரிகளை தொடர்பு கொண்டார். இதனைத்தொடர்ந்து அதிகாரிகள் மற்றும் ஊழியர்கள் சம்பவ இடத்துக்கு விரைந்து வந்தனர். அப்போது துணை மேயர் போக்குவரத்து சாலையில் மேடு பள்ளம் தொடர்பாக, அதிகாரிகளிடம் எடுத்துக் கூறினார்.

இதனைத் தொடர்ந்து அங்கு சீரமைப்பு பணிகள் தொடங்கியது. சாலை சீரமைக்கப்பட்ட பிறகுதான் அவர், சம்பவ இடத்தில் இருந்து புறப்பட்டு சென்றார். துணைமேயரின் நடவடிக்கைக்கு பொது மக்கள் பாராட்டு தெரிவித்த னர்.

கடலூர்:

தமிழகம் முழுவதும் கடந்த 15 நாட்களுக்கு மேலாக கோடை வெயில் மக்களை சுட்டெரித்து வருகிறது. இதனை பொருட்படுத்தாமல் கடமையை செவ்வென செய்யும் போலீசாருக்கு, உடல் வெப்பத்தை தணித்து, உடல்நிலையை காக்கும் விதமாக விருத்தாசலம் பாலக்கரை சந்திப்பில் போக்குவரத்து போலீசாருக்கு, விருத்தாசலம் போலீஸ் துணை சூப்பிரண்டு ஆரோ க்கியராஜ் கோடை வெயிலை தணிக்கும் தொப்பிகளை அணிவித்தும், உடல் உஷ்ணத்தை தவிர்க்கும் வகையில் பழச்சாறு மற்றும் தர்பூசணி பழங்களை வழங்கினார்.

மேலும் கோடை வெயிலில் எவ்வாறு பணி செய்ய வேண்டும் எனவும் உடல் நிலையை பேணி காப்பது குறித்தும் விழிப்புணர்வு கருத்துக்களை போலீசாருக்கு கூறினார். இந்த நிகழ்ச்சியில் போக்குவரத்து இன்ஸ்பெ க்டர் வெங்கடேசன் மற்றும் விருத்தாசலம் நகர போக்குவரத்து போலீசார் கலந்து கொண்டனர்.கழ்ச்சி

நாகர்கோவில்,

கன்னியாகுமரி மாவட்ட கலெக்டர் அலுவலக வருவாய் கூட்டரங்கில், கலெக்டர் ஸ்ரீதர் தலைமையில் சாலை பாதுகாப்பு விழிப்புணர்வு குறித்து கலந்தாய்வு கூட்டம் நடை பெற்றது.

சாலை பராமரிப்பு மற்றும் முன்னெச்சரிக்கை நடவடிக்கைகள் குறித்து சம்மந்தப்பட்ட துறையினரால் எடுக்கப்பட்ட நடவடிக்கைகள் குறித்து கூட்டத்தில் ஆய்வு செய்யப்பட்டது.

முக்கிய சாலைகளில் மின்விளக்குகள் மற்றும் பழுது பார்க்கப்பட வேண்டிய சாலைகள் மற்றும் எச்சரிக்கை பலகைகள் வைப்பது குறித்து நெடுஞ்சாலைத்துறை, உள்ளாட்சித் துறை மற்றும் மாநகராட்சி அலுவலர்களிடம் எடுத்துரைக்கப்பட்டது.

இரு சக்கர வாகனங்களில் செல்பவர்கள் ஹெல்மெட் அணிவது மற்றும் 4 சக்கர வாகனங்களில் செல்பவர்கள் சீட் பெல்ட் அணிவது கட்டாயமாக பின்பற்றப்பட வேண்டும் என்று கலெக்டர் தெரிவித்தார்.

மேலும், நிர்ணயிக்கப்பட்ட அளவுகளை விட அதிக அளவு ஒலி மாசு ஒலிப்பான்கள் பொருத்தப்பட்ட வாகனங்கள் மீது நடவடிக்கை எடுக்கப்படுவதோடு, அபராதம் விதிக்க அவர் அறிவுறுத்தினார்.

கூட்ட நெரிசல் மிகுந்த நகர மற்றும் மாநகர பகுதி களில் வாகனங்கள் நிறுத்தி வைக்க தடை செய்யப்பட்ட பகுதிகளிலும், சாலையில் இடையூறாக நிறுத்தும் வாகன ஓட்டிகள் மீது நடவடிக்கை மேற்கொள்ள போலீசாருக்கு தெரிவிக்கப்பட்டது.

மேலும் குடிபோதையில் வாகனம் ஓட்டுபவர்கள் மீது கடுமையான நடவடிக்கை மேற்கொள்ளவும் போலீசாருக்கு அறிவுரைகள் வழங்கப்பட்டது.கூட்டத்தில், மாவட்ட வருவாய் அலுவலர் சிவப்பிரியா, பத்மனாபபுரம் சப்-கலெக்டர் கவுசிக், கூடுதல் துணை காவல் கண்காணிப்பாளர் ஈஸ்வரன், உதவி ஆட்சியர் (பயிற்சி) குணால் யாதவ், மாவட்ட கலெக்டரின் நேர்முக உதவியாளர் வீராசாமி, நாகர்கோவில் வருவாய் கோட்டாட்சியர் சேதுராமலிங்கம் மற்றும் துறைசார்ந்த அலுவலர்கள் பலர் கலந்து கொண்டார்கள்.