நீங்கள் தேடியது "slug 94931"

ராமநாதபுரம்:

ராமநாதபுரம் தொகுதியில் திருச்சுழி, அறந்தாங்கி, திருவாடானை, பரமக்குடி (தனி), ராமநாதபுரம், முதுகுளத்தூர் சட்டசபை தொகுதிகள் உள்ளன.

இவற்றில் 7,75,765 ஆண், 7,82,063 பெண், மூன்றாம் பாலினத்தவர் 82 பேர் என 15, 57,910 வாக்காளர்கள் உள்ளனர். கடந்த மாதம் நடைபெற்ற தேர்தலில் 10,60,802 வாக்குகள் பதிவாகின.

ராமநாதபுரம் தொகுதியில் தி.மு.க. கூட்டணி சார்பில் இந்திய யூனியன் முஸ்லீம் லீக் வேட்பாளராக நவாஸ் கனி, அ.தி.மு.க. கூட்டணி சார்பில் பா.ஜனதா வேட்பாளராக நயினார் நாகேந்திரன், அ.ம.மு.க. வேட்பாளராக ஆனந்த், நாம் தமிழர் கட்சி வேட்பாளராக புவனேஸ்வரி, மக்கள் நீதி மய்யம் வேட்பாளராக விஜயபாஸ்கர் ஆகியோர் போட்டியிட்டனர்.

ராமநாதபுரம் பாராளுமன்ற தேர்தலில் பதிவான வாக்குகள் எண்ணும் பணி அண்ணா பல்கலைக்கழக பொறியியல் கல்லூரியில் நடைபெற்றது.

வாக்கு எண்ணிக்கை தொடங்கியது முதல் இறுதிவரை நவாஸ்கனி தொடர்ந்து முன்னிலையில் இருந்து வந்தார். 28 சுற்றுகள் எண்ணப்பட்ட நிலையில் 16-வது சுற்றில் மட்டும் நயினார் நாகேந்திரன் அதிக வாக்குகள் பெற்றார். மற்ற 27 சுற்றுகளிலும் நவாஸ் கனி தொடர்ந்து முன்னிலையில் இருந்து வந்தார்.

தபால் வாக்குகளில் நவாஸ் கனி(இ.யூ.மு.லீ.) 2352, பாரதிய ஜனதா வேட்பாளர் நயினார் நாகேந்திரன் 1517, வ.து.ந.ஆனந்து (அ.ம.மு.க.) 611 வாக்குகளும் பெற்றனர். நோட்டாவிற்கு 50 வாக்குகள் பதிவாகியுள்ளது.

ராமநாதபுரம் பாராளுமன்ற தொகுதியின் இறுதி முடிவு இன்று அதிகாலை 1 மணிக்கு அறிவிக்கப்பட்டது. தி.மு.க கூட்டணி முஸ்லிம் லீக் வேட்பாளர் நவாஸ்கனி 1,27,122 வாக்குகள் வித்தியாசத்தில் வெற்றி பெற்றதாக கலெக்டர் வீரராகவராவ் அறிவித்து அதற்கான சான்றிதழை வழங்கினார்.

நவாஸ் கனி (இ.யூ.மு.லீ.) -4,69,943

நயினார் நாகேந்திரன் (பா.ஜனதா) -3,42,821

வ.து.ந.ஆனந்த் (அ.ம.மு.க.) -1,41,806

புவனேஸ்வரி (நாம் தமிழர் கட்சி) -46,385

விஜய பாஸ்கர் (ம.நீ.ம.) -14,925

1967-ம் ஆண்டு நடைபெற்ற ராமநாதபுரம் பாராளுமன்றத்தேர்தலில் இந்திய யூனியன் முஸ்லீம்லீக் வேட்பாளர் எஸ்.எம்.சரிப் களம் இறக்கப்பட்டார். தராசு சின்னத்தில் போட்டியிட்ட அவர்வெற்றி பெற்றார்.

கடந்த 52 ஆண்டுகளுக்கு பின்னர் ராமநாதபுரம் பாராளுமன்ற தொகுதியில் தி.மு.க. கூட்டணியில் இடம் பெற்ற இந்திய யூனியன் முஸ்லிம் லீக் வேட்பாளர் நவாஸ் கனி வெற்றி பெற்றுள்ளார்.

தர்மபுரி:

தர்மபுரி பாராளுமன்ற தொகுதியை தி.மு.க. 5-வது முறையாக கைப்பற்றி உள்ளது.

கடந்த 1967 மற்றும் 1971-ம் ஆண்டுகளில் தி.மு.க.வை சேர்ந்த சி.டி.தண்டபானி வெற்றி பெற்றார். மீண்டும் 1980-ம் ஆண்டு தி.மு.க.வை சேர்ந்த கே.அர்ஜூணன் வெற்றி பெற்றார். 2009-ம் ஆண்டு தாமரைச்செல்வன் (தி.மு.க.) வெற்றி பெற்றார்.

அதன்பிறகு தற்போது நடந்த தேர்தலில் தி.மு.க. வேட்பாளர் டாக்டர் செந்தில்குமார் வெற்றி பெற்று உள்ளார்.

செந்தில்குமார் (தி.மு.க.) - 5,74,988

அன்புமணி ராமதாஸ் (பா.ம.க.) - 5,04,235

பி.பழனியப்பன் (அ.ம.மு.க.) - 53,655

ருக்மணி தேவி (நாம் தமிழர்) - 19,764

ராஜசேகர் (மக்கள் நீதிமய்யம்) - 15614

ஏற்கனவே கடந்த 2014-ம் ஆண்டு நடந்த தேர்தலில் பா.ம.க.வை சேர்ந்த டாக்டர் அன்புமணி ராமதாஸ் பா.ஜனதா கூட்டணியில் நின்று வெற்றி பெற்றார். தற்போது அ.தி.மு.க.-பா.ஜனதா கூட்டணியில் போட்டியிட்ட டாக்டர் அன்புமணி ராமதாஸ் தோல்வி அடைந்து உள்ளார்.

1998, 1999, 2004, 2014 ஆகிய ஆண்டுகளில் நடந்த தேர்தலில் 4 முறை பா.ம.க. வெற்றி பெற்ற தொகுதி இதுவாகும். பா.ம.க.விடம் இருந்து இந்த தொகுதியை தி.மு.க. கைப்பற்றி உள்ளது. தர்மபுரி தொகுதியில் ஏற்கனவே காங்கிரஸ் 2 முறையும், அ.தி.மு.க. 2 முறையும், த.மா.க. ஒரு முறையும் வெற்றி பெற்று உள்ளது.

தற்போது தர்மபுரி எம்.பி.யாக தேர்ந்தெடுக்கப்பட்டு உள்ள டாக்டர் செந்தில்குமாரின் தாத்தா டி.என்.வடிவேல் கவுண்டர் ஏற்கனவே எம்.எல்.ஏ.வாக இருந்தவர் என்பது குறிப்பிடத்தக்கது.

திருவண்ணாமலை தொகுதியில் திமுக சார்பில் சிஎன் அண்ணாதுரையும், அதிமுக சார்பில் அக்ரி கிருஷ்ணமூர்த்தியும் நேருக்குநேர் மோதினார்கள். இதில் அண்ணாதுரை 6 லட்சத்து 66 ஆயிரத்து 272 வாக்குகள் பெற்று வெற்றி பெற்றார். அக்ரி கிருஷ்ணமூர்த்தி 3 லட்சத்து 62 ஆயிரத்து 85 வாக்குகள் பெற்று தோல்வியடைந்தார். வித்தியாசம் 3,04,187 ஆகும்.

மக்கள் நீதி மய்யம் 14654 வாக்குகளும், நாம் தமிழர் கட்சி 27503 வாக்குகளும், அமமுக 38639 வாக்குகளும் பெற்றனர்.

மத்திய சென்னை தொகுதியில் திமுக சார்பில் மத்திய முன்னாள் அமைச்சர் தயாநிதிமாறனும், அதிமுக கூட்டணியில் பாமக-வின் சாம் பாலும் போட்டியிட்டனர். மத்திய முன்னாள் அமைச்சரான தயாநிதிமாறன் 4 லட்சத்து 47 ஆயிரத்து 150 வாக்குகள் பெற்று வெற்றி பெற்றார். சாம் பால் ஒரு லட்சத்து 46 ஆயிரத்து 813 வாக்குகள் பெற்றார்.

மக்கள் நீதி மய்யம் வேட்பாளர் கமீலா நாசர் 92047 வாக்குகள் பெற்றார். நாம் தமிழர் கட்சி 30809 வாக்குகள் பெற்றது.

நாமக்கல் தொகுதியில் திமுக கூட்டணி சார்பில் கொங்கு மக்கள் தேசிய கட்சி சார்பில் போட்டியிட்ட ஏ.கே.பி. சின்ராஜ் 6 லட்சத்து 26 ஆயிரத்து 293 வாக்குகள் பெற்று வெற்றி பெற்றார். அதிமுக வேட்பாளர் பி. காளியப்பன் 361142 வாக்குகள் பெற்று 2-வது இடம் பிடித்தார்.

அமமுக 23347 வாக்குகளும், மக்கள் நீதி மய்யம் 30947 வாக்குகளும், நாம் தமிழர் 38531 வாக்குகளும் பெற்றன...

ஈரோடு தொகுதியில் மதிமுக-வைச் சேர்ந்த கணேஷமூர்த்தி உதயசூரியன் சின்னத்தில் போட்டியிட்டார். அவரை எதிர்த்து அதிமுக சார்பில் ஜி மணிமாறன் போட்டியிட்டார். கணேஷ மூர்த்தி 563591 வாக்குகள் பெற்று வெற்றி பெற்றார். மணிமாறன் 352973 வாக்குகள் பெற்றார்.

மக்கள் நீதி மய்யம் 47719 வாக்குகளும், நாம் தமிழர் கட்சி 39010 வாக்குகளும் பெற்றன.

தஞ்சாவூர் தொகுதியில் திமுக சார்பில் எஸ்எஸ் பழனிமாணிக்கமும், அதிமுக கூட்டணியில் தமிழ்மாநில காங்கிரஸ் (மூப்பனார்) சார்பில் என்.ஆர். நடராஜனும் போட்டியிட்டனர். 3,58,112 வாக்குகள் வித்தியாசத்தில் வெற்றி பெற்றார். அவர் 5,75,295 வாக்குகளும், என்ஆர் நடராஜன் 2,17,183 வாக்குகளும் பெற்றனர்.

நாம் தமிழர் கட்சி 56707 வாக்குகளும், மக்கள் நீதி மய்யம் 22948 வாக்குகளும், அமமுக 100568 வாக்குகளும் பெற்றன.

சிவகங்கை:

பாராளுமன்ற தேர்தலில் பதிவான வாக்குகள் எண்ணப்பட்டு வருகின்றன. தமிழகம், புதுவையில் திமுக கூட்டணி பெரும்பாலான தொகுதிகளில் முன்னிலை பெற்று வெற்றியை நோக்கி பயணிக்கிறது.

சிவகங்கை தொகுதியில் வாக்கு எண்ணிக்கை துவக்கம் முதலே காங்கிரஸ் வேட்பாளர் கார்த்தி சிதம்பரம் முன்னிலையில் இருந்தார். மாலை 5 மணி நிலவரப்படி அவர் 3,11,007 வாக்குகள் பெற்றிருந்தார். அவரை எதிர்த்து களமிறங்கிய பாஜக வேட்பாளர் எச்.ராஜா 1,30,063 வாக்குகள் பெற்று இரண்டாம் இடத்தில் நீடித்தார்.

அமமுக வேட்பாளர் தேர்போகி வி.பாண்டி 66 ஆயிரத்து 950 வாக்குகளும், நாம் தமிழர் கட்சி வேட்பாளர் சக்திபிரியா 37 ஆயிரத்து 717 வாக்குகளும், மக்கள் நீதி மய்யம் வேட்பாளர் 14 ஆயிரத்து ஒரு வாக்குகளும் பெற்றிருந்தனர். 

சேலம்:

பாராளுமன்றத் தேர்தலில் பதிவான வாக்குகள் எண்ணப்பட்டு வருகின்றன. தமிழகம், புதுவையில் திமுக கூட்டணி பெரும்பாலான தொகுதிகளில் முன்னிலை பெற்று வெற்றியை நோக்கி பயணிக்கிறது.

சேலம் தொகுதியில் மாலை 5 மணி நிலவரப்படி திமுக வேட்பாளர் பார்த்திபன் 3,62,810 வாக்குகள் பெற்று முன்னிலையில் இருந்தார். அதிமுக வேட்பாளர் சரவணன் 2,70,051 வாக்குகள் பெற்று இரண்டாம் இடத்தில் இருந்தார். அமமுக வேட்பாளர் வீரபாண்டி 30 ஆயிரத்து 99 வாக்குகளும், நாம் தமிழர் கட்சி வேட்பாளர் ராசா 20 ஆயிரத்து 465 வாக்குகளும், மக்கள் நீதி மய்யம் வேட்பாளர் பிரபு மண்கண்டன் 36 ஆயிரத்து 812 வாக்குகளும் பெற்றிருந்தனர்.

ராமநாதபுரம்:

பாராளுமன்றத் தேர்தலில் பதிவான வாக்குகள் எண்ணப்பட்டு வருகின்றன. தமிழகம், புதுவையில் திமுக கூட்டணி பெரும்பாலான தொகுதிகளில் முன்னிலை பெற்று வெற்றியை நோக்கி பயணிக்கிறது.

ராமநாதபுரம் தொகுதியில் 5 மணி நிலவரப்படி இந்திய யூனியன் முஸ்லிம் லிக் வேட்பாளர் நவாஸ் கனி 1,66,912 வாக்குகள் பெற்று முன்னிலையில் இருந்தார். பாஜக வேட்பாளர்  நயினார் நாகேந்திரன் 1,12,595 வாக்குகளுடன் இரண்டாம் இடத்தில் இருந்தார்.

அமமுக வேட்பாளர் ஆனந்த், 47 ஆயிரத்து 82 வாக்குகளும், நாம் தமிழர் கட்சி வேட்பாளர் புவனேஸ்வரி 16 ஆயிரத்து 243 வாக்குகளும், மக்கள் நீதி மய்யம் வேட்பாளர் விஜயபாஸ்கர் 7 ஆயிரத்து 121 வாக்குகளும் பெற்றிருந்தனர்.