நீங்கள் தேடியது "slug 222412"

சிவகங்கை

சிவகங்கை பஸ் நிலையத்தில் தமிழ்நாடு மின்சார வாரியத்தின் சார்பில் மின்வாரிய அதிகாரிகள் எலக்ட்ரிக் வாகனங்களை வாங்கி பயன்படுத்த விழிப்புணர்வு ஏற்படுத்தும் பிரச்சாரத்தை மேற்கொண்டனர். மின்சார வாகனங்களை பயன்ப டுத்துவதன் நன்மைகள் குறித்தும் விழிப்புணர்வு ஏற்படுத்தினர்.

அப்போது மின்வாரிய அதிகாரிகள் கூறியதாவது:-

பெட்ரோல், டீசலில் இயங்கும் வாகனங்க ளிலிருந்து வெளியேறும் நச்சுப் புகையால் சுற்றுச்சூழல் அதிக ளுக்கான எரிபொருள் செலவு பன்மடங்கு குறைவாக இருக்கும், சுற்றுச்சூழ லுக்கு உகந்ததாக இருக்கும்.

விபத்து க்களின் போது மின்சாரம் தானாக துண்டி க்கப்படும் என்பதால், தீப்பற்றும் வாய்ப்பு இருக்காது. மேலும், பெட்ரோல் கார்களுக்கு இணையான கிராஷ் டெஸ்ட் விதிமுறைகள் பின்பற்றப்படுகின்றன.

எலக்ட்ரிக் கார்களை அடிக்கடி சர்வீஸ் செய்ய வேண்டிய அவசியம் இருக்காது.

இவ்வாறு அவர்கள் கூறினர்.

மேலும் மின்சார வாகனங்க ளில் உள்ள பாதகங்கள் குறித்தும் அவர்கள் விழிப்புணர்வு ஏற்படுத்தினர்.

கடலூர்:

கடலூர் மாவட்டத்தில் பொதுமக்களுக்கு இணைய வழி குற்றங்கள் தடுப்பு விழிப்புணர்வு சைபர் கிரைம் காவல் நிலையம் சார்பில் விழிப்புணர்பு நிகழ்ச்சி நடைபெற்றது. இந்த நிகழ்ச்சிக்கு கடலூர் மாவட்ட போலீஸ் சூப்பி ரண்டு ராஜாராம் தலைமை தாங்கி விழிப்புணர்வு ஏற்படுத்தி தொடங்கி வைத்தார்.

இதில் கடலூர் டவுன் ஹால் எதிரில் விழிப்புணர்வு பதாகைகளை போலீசார் ஆட்டோவின் பின்னால் ஒட்டி விழிப்புணர்வு ஏற்படுத்தினர். அப்போது சமூக வலைத்தளங்களில் உங்கள் புகைப்படங்களை வைக்க வேண்டாம், ரகசிய எண்ணை யாரிடமும் பகிர வேண்டாம், லோன் ஆப்பில் லோன் வாங்க வேண்டாம், ஆன்லைன் பார்ட் டைம் ஜாபில் நுழைய வேண்டாம், முகம் தெரியாத நபர்கள் ஆன்லைன் வாயிலாக தொடர்பு கொண்டு பணம் மோசடி செய்யும் நோக்கில் பேசினால் பணத்தை கொடுத்து ஏமாற வேண்டாம் என்றும் மேலும் இணையவழி குற்றம் தொடர்பாக இணையவழி இலவச உதவி எண் 1930 மற்றும் www.cybercrime.gov.in என்ற இணையதளத்திலும் புகார் பதிவு செய்யலாம் என விழிப்புணர்வு ஏற்படுத்தப்பட்டது.

இதில் இணையவழி குற்றப்பிரிவு கூடுதல் போலீஸ் சூப்பிரண்டு சீனிவாசலு, கடலூர் துணை போலீஸ் சூப்பிரண்டு பிரபு, சைபர் கிரைம் இன்ஸ்பெக்டர் கவிதா, புதுநகர் சப்-இன்ஸ்பெக்டர் கதிரவன் மற்றும் போலீசார், ஆட்டோ டிரைவர்கள் மற்றும் பொதுமக்கள் கலந்து கொண்டனர்.

புதுக்கோட்டை,

இளையோர் அமைப்பை சார்ந்த இளைஞர்கள், சூழலியல்உரிமைக்கான இளையோர் அமைப்பு, புதுக்கோட்டை ரோஸ் நிறுவனம், டி.டி.எச், ஆர்.எல்.ஹச்.பி சார்பில் உலக சுற்று சூழல் தினத்தை முன்னிட்டு 45 நாட்கள் பசுமை பூமிக்கான விழிப்புணர்வு பிரச்சாரம் நடைபெற்றது. மரம் நடுதல், விதைப்பந்து தூவுதல், நீராதாரங்களில் உள்ள பிளாஸ்டி கழிவுகளை அப்புறப்படுத்துதல், ஓவிய ங்கள் வரைதல், துணி பைகள் வழங்கதல், விழிப்பு ணர்வு பிரச்சாரம், கையெ ழுத்து இயக்கம் உள்ளிட்ட பல்வேறு விழிப்புணர்வு நிகழ்ச்சிகளை நடத்தி வந்தன.

குண்ணன்டா ர்கோவில், அன்னவாசல் போன்ற ஒன்றியங்களில் நடைபெற்ற விழிப்புணர்வு பிரச்சாரங்களில் 700க்கும் மேற்பட்ட இளையோர் மற்றும் குழந்தைகள் மேற்கொண்டனர். இதன் தொடர்ச்சியாக ஓனாங்கு டியில் மரக்கன்றுகள் நடவு செய்யப்பட்டது. அப்போது ஊராட்சி முழுவதும் சுமார் ஐந்தாயிரத்திற்கும் மேற்பட்ட மரக்கன்றுகளை நட்டு பராமரித்து வரும் ஊராட்சி மன்ற தலைவர் முருகேசனை பாராட்டி சான்றிதழ் வழங்கப்பட்டது. மேலும் புதுக்கோட்டையை அடுத்த அரிமளத்தில், விழிப்புணர்வு ஊர்வலம் நடைபெற்றது.

இந்த விழிப்புணர்வு நிகழ்ச்சி களுக்கு அமைப்பின் தலைவர் சத்யா தலைமை தாங்கினார். ரோஸ் நிறுவன இயக்குனர் ஆதப்பன், அரிமளம் நர்சரி உழவர் உற்பத்தியாளர் நிறுவன வேலாயுதம், ரோஸ் பணியாளர்அகிலா விஜயா, சுவாமிநாதன் ஆராய்ச்சி மைய அலுவலர் விமலா, சூழலியல்உ ரிமைக்கான இளையோர் அமைப்பின் சத்யா, சங்கீதா, பத்மினி உள்ளிட்ட ஏராளமானவ ர்கள் கலந்து கொண்டனர்.

நாகப்பட்டினம்:

நாகப்பட்டினம் மாவட்ட நிர்வாகம் தமிழ்நாடு மாசு கட்டுப்பாடு வாரியம் பள்ளிக்கல்வித்துறை மற்றும் தேசிய பசுமை படை சார்பில் நாகை மாவட்ட கலெக்டர் அலுவலக வளாகத்தில் சுற்றுச்சூழல் விழிப்புணர்வு தினம் அனுசரிக்கப்பட்டது.

நிகழ்ச்சியில் மாவட்ட கலெக்டர் ஜானி டாம் வர்கீஸ் கலந்து கொண்டு சுற்றுச்சூழலை பாதுகா ப்பதன் அவசியம் குறித்து எடுத்துக் கூறினார்.

பின்னர் பொதுமக்க ளுக்கு மஞ்சப்பை விழிப்புணர்வு துண்டு பிரசுரங்கள் மாணவ மாணவி யருக்கு மூலிகைக் கன்றுகள் வழங்கினார்.

சுற்றுச்சூ ழல் விழிப்பு ணர்வு நிகழ்ச்சியில் முதன்மை கல்வி அலுவலர் செ.சுபாஷினி, மாவட்ட கல்வி அலுவலர் பொறுப்பு

ஏ.நிர்மலா ராணி, மாவட்ட கல்வி அலுவலர் தனியார் பள்ளிகள் முருகன், மாவட்ட தொடக்க கல்வி அலுவலர் தெர்லின் விமல், பள்ளித்துணை ஆய்வாளர் ராமநாதன், நகராட்சி துணைத் தலைவர் செந்தில்கு மார், நாகூர் சித்திக் சேவை குழுமத்தை சேர்ந்த நாகூர் சித்திக் வேளாங்கண்ணி அந்தோணிசாமி நாகை மோகன், அமிர்தா பள்ளி முதல்வர் என் சித்ரா, சுற்றுச்சூழல் தகவல் மைய ஒருங்கிணைப்பாளர் எஸ்.செங்குட்டுவன், தேசிய பசுமைப்படை ஆசிரியர்கள் பால சண்முகம், ரமேஷ், மங்கலம், ரகு, காட்சன், அருண் முன்னாள் என்சிசி அலுவலர் ராஜேந்திரன் ஆகியோர் கலந்து கொண்டனர்.

பின்னர் மாணவ மாணவிகளின் கலைநிகழ்ச்சியும் கலை குழுவினரின் கரகம் தப்பாட்ட நிகழ்ச்சியும் நடைபெற்றது.

முன்னதாக, தமிழ்நாடு மாசுக்கட்டுப்பாடு வாரிய பொறியாளர் தமிழ் ஒளி வரவேற்றார்.

முடிவில் தேசிய பசுமை படை மாவட்ட ஒருங்கிணைப்பாளர் முத்தமிழ் ஆனந்தன் நன்றி கூறினார்.

கோவை,

பெண்கள் மற்றும் குழந்தைகளுக்கு எதிரான குற்றங்களை தடுத்தல், காவலர் செயலி, சைபர் குற்றங்கள், டெலிகிராம் போன்றவற்றால் ஏற்படும் அபாயங்கள், ஆன்லைன் மோசடி போன்றவை குறித்து விழிப்புணர்வு ஏற்படுத்தப்பட்டு வருகிறது.

பொதுமக்கள் அதிகளவில் கூடும் இடங்களான பஸ் நிலையங்கள், பஸ் நிறுத்தங்கள், பள்ளி, கல்லூரி பகுதிகள், வணிக வளாகங்கள் போன்ற பகுதிகளில் மாநகர காவல்துறையின் ஆள் கடத்தல் தடுப்பு பிரிவு போலீசார் இந்த விழிப்புணர்வு ஏற்படுத்தும் பணியில் ஈடுபட்டுள்ளனர்.

இவர்கள் தங்களுக்கு என பிரத்யேகமாக வழங்கப்பட்டுள்ள வாகனத்தின் மூலம் ஒலிபெருக்கி மற்றும் துண்டு பிரசுரங்கள் மூலமாக இந்த விழிப்புணர்வு ஏற்படுத்தப்பட்டு வருகிறது.

மாநகர காவல் ஆள்கடத்தல் தடுப்பு பிரிவு சிறப்பு சப்-இன்ஸ்பெக்டர்கள் ரோகிணி, ஈஸ்வரன், பிரேமலதா மற்றும் தலைமைக் காவலர் ராஜ்பிரியா ஆகியோர் அடங்கிய குழுவினர் இந்த பணியில் ஈடுபட்டு வருகின்றனர்.

வேதாரண்யம்:

சென்னை நகராட்சி நிர்வாக இயக்குனர் பொன்னையா மற்றும் தஞ்சாவூர் நகராட்சி நிர்வாக மண்டல இயக்குனர் சரஸ்வதி ஆகியோரின் உத்தரவின்படி, வேதாரண்யம் நகராட்சி சார்பில் தூய்மை இயக்கம் தொடங்கி ஓராண்டு நிறைவு பெற்றதை முன்னிட்டு உலக சுற்றுச்சூழல் தினமான நேற்று விழா கொண்டாடப்பட்டது.

விழாவிற்கு நகர்மன்ற தலைவர் புகழேந்தி தலைமை தாங்கினார்.

நகராட்சி ஆணையர் ஹேமலதா முன்னிலை வகித்தார். நிகழ்ச்சியில் நகர்மன்ற துணை தலைவர் மங்கள நாயகி, உறுப்பினர்கள், ஈகா, பிரியம் அறக்கட்டளைகள், தன்னார்வலர்கள், பொது மக்கள் பலர் கலந்து கொண்டனர்.

நிகழ்ச்சியில் நகராட்சிக்கு உட்பட்ட இடங்களில் மெகா தூய்மை பணி நடைபெற்றது.

பின், நந்தவன குள தெருவில் பொதுமக்கள் பங்களிப்புடன் குளத்தை சுற்றி மரக்கன்றுகள் நடப்பட்டது. தொடர்ந்து, அகஸ்தியர்கோவில் குளம் தூய்மை செய்யும் பணி மேற்கொள்ளப்பட்டது.

தொடர்ந்து, தூய்மை பணியாளர்களை பெருமைப்படுத்தும் விதமாக நகராட்சி நுண்ணிய உரக்கிடங்கில் பணிபுரியும் 8 பணியாளர்களுக்கு நற்சான்றிதழை நகர்மன்ற தலைவர் புகழேந்தி, நகராட்சி ஆணையர் ஹேமலதா ஆகியோர் வழங்கினர்.

பின்னர், தோப்புத்துறை இலந்தயடி ரஸ்தா பகுதியில் கொட்டப்பட்டிருந்த கட்டிடக்கழிவுகள் அகற்றப்பட்டு பொதுமக்களிடம் குப்பைகளை சாலையில் கொட்டக்கூடாது என விழிப்புணர்வு ஏற்படுத்தப்பட்டு, துண்டு பிரசுரங்களும் வழங்கப்பட்டது.

வேலூர்:

வேலூர் வேலப்பாடியை சேர்ந்தவர் ஆல்பர்ட் வினோத் (வயது32). தனியார் நிறுவனத்தில் வேலை பார்த்து வருகிறார் இவர் பெண்கள் பாதுகாப்பு குறித்து பொம்மை (மிக்கி மவுஸ்) வேடமணிந்து துண்டு பிரசுரங்கள் மூலம் விழிப்புணர்வு ஏற்படுத்தி வருகிறார்.

வேலூர் புதிய பஸ் நிலையத்தில் இன்று காலை விழிப்புணர்வு பிரச்சார பயணத்தை தொடங்கினார். போலீஸ் சூப்பிரண்டு மணிவண்ணன் இதனை தொடங்கி வைத்து ஆல்பர்ட் வினோத்துக்கு பாராட்டு தெரிவித்தார்.

பெண் குழந்தைகளுக்கு நல்லவை தீயவை குறித்து தெளிவாக சொல்லிக் கொடுக்க வேண்டும்.

செல்போன் தேவைக்காக மட்டுமே பயன்படுத்த வேண்டும். நம்முடைய தேவைகளை அடுத்தவர்கள் தெரிந்து கொண்டால் அவர்கள் நம்மை பயன்படுத்திக் கொள்வார்கள்.

ஆடை ஆபரணம் அழகிற்காக மட்டுமே அணிய வேண்டும்.அது நமக்கு ஆபத்தாகி விடக்கூடாது. கியாஸ் மின்சார பொருட்களை உபயோ கிக்கும் போது செல்போன் பயன்படுத்து வதை தவிர்க்க வேண்டும். பெண்கள் பாதுகாப்புக்காக காவல்துறை எண்களை பதிவு செய்து வைத்துக் கொள்ள வேண்டும்.குழந்தைகளிடம் செல்போன்களை அதிகம் வழங்கக் கூடாது.

வெளிநாட்டு உணவுகளை தவிர்க்க வேண்டும். பாரம்பரிய உணவு குழந்தைகளுக்கு நல்ல உடல் வலிமையும் அறிவையும் வளர்க்கும். சாலைகளில் குழந்தைகளை பாதுகாப்பாக அழைத்துச் செல்ல வேண்டும்.

வாகனம் ஓட்டும்போது கட்டாயம் ஹெல்மெட் அணிய வேண்டும். இளைஞர்கள் வாகன ங்களில் சாகசம் செய்ய வேண்டாம். மது குடித்துவிட்டு செல்போன் பேசிக்கொண்டே வாகனங்கள் ஓட்டுவதை தவிர்க்க வேண்டும் என அவர் பயணிகளிடம் வலியுறுத்தியுள்ளனர்.

மேலூர்

மேலூர் நகராட்சி அலுவலகத்தில் நகராட்சி ஆணையாளர் ஆறுமுகம் மற்றும் மேலூர் பகுதி மோட்டார் வாகன ஆய்வாளர் சரவணன் ஆகியோர் தலைமையில் மேலூர் நகரில் இயக்கப்படும் தனியார் கழிவுநீர் அகற்றும் வாகன உரிமையாளர்கள், பணியாளர்களுக்கு விழிப்புணர் கூட்டம் நடந்தது.

இதில் தனியார் கழிவுநீர் ஊர்தி உரிமையாளர்களின் வாகன போக்குவரத்து சட்டப்படியும், மனித கழிவுகளை மனிதன் அகற்றுதல் மற்றும் மறுவாழ்வு சட்டத்தின் படியும் உரிய ஆவணங்களுடன் உரிய பாதுகாப்பு உபகரணங்களுடன் வாகனத்தை இயக்க வேண்டும். விதிகளை மீறி இயங்கும் வாகனங்கள் போக்குவரத்து துறை மற்றும் நகராட்சி நிர்வாகத்தினரால் பறிமுதல் செய்யப்படுவதுடன் ரூ.25 ஆயிரம் வரை அபராதம் விதிக்கப்படும் என தெரிவிக்கப்பட்டது.

அதேபோல் பொதுமக்களும் தங்கள் வீடுகளில் உள்ள செப்டிக் டேங்குகளை எந்திரம் மூலம் மட்டுமே சுத்தம் செய்ய வேண்டும் எனவும், மனிதர்களை வைத்து சுத்தம் செய்யக்கூடாது எனவும் மீறினால் ரூ.10 லட்சம் வரை இழப்பீடு வழங்க வேண்டும் எனவும் கூட்டத்தில் தெரிவிக்கப்பட்டது.

உடுமலை:

தென்னை சாகுபடி கடந்த ஓராண்டுக்கும் மேலாக பல்வேறு பாதிப்புகளை சந்தித்து வருகிறது. குறிப்பாக, தேங்காய், கொப்பரை விலை வீழ்ச்சி பிரச்சினைக்கு தீர்வு கிடைக்கவில்லை.அதே வேளையில் ஆண்டுதோறும், கோவை, திருப்பூர் மாவட்டங்களில் தென்னை சாகுபடி பரப்பு அதிகரித்தவாறே உள்ளது.பிரதான சாகுபடியான தென்னையை பாதுகாக்க தொலைநோக்கு திட்டங்களை செயல்படுத்துவது அவசியமாகியுள்ளது.

தென்னை விவசாயிகளின் நீண்ட கால கோரிக்கையான, நீரா உற்பத்திக்கு தமிழக அரசு 2018ல் அனுமதியளித்து தென்னை உற்பத்தியாளர் நிறுவனங்கள் வாயிலாக இப்பானம் உற்பத்தி துவங்கியது.தென்னை மரங்களில் மலராத தென்னம்பாளையில் இருந்து பெறப்படும் நீரா பானம் பல்வேறு சத்துகளை உள்ளடக்கியது. மரத்தில் இருந்து 5 டிகிரி செல்சியஸ் குளுமையில் இந்த பானம் வடித்து எடுக்கப்படும்.தொடர்ந்து இப்பானத்தை அருந்துவதால் நோய் எதிர்ப்பு சக்தி கிடைப்பதுடன், எலும்புக்கும் வலு கிடைக்கும். சர்க்கரை நோயாளிகளும், பானத்தை அருந்தலாம் என அரசால் விழிப்புணர்வு ஏற்படுத்தப்பட்டது. மேலும் நீரா பானத்திலிருந்து தென்னஞ்சக்கரை, சாக்லேட் உள்ளிட்ட பல்வேறு மதிப்பு கூட்டுப்பொருட்களை தயாரிக்க முடியும்.ஆனால் சில நடைமுறை சிக்கல்களால் நீரா பானத்தை நேரடியாக சந்தைப்படுத்த முடியவில்லை. இந்த பானத்தில் இருந்து மதிப்பு கூட்டு பொருட்கள் தயாரிக்க வழிகாட்டுதல் கிடைக்கவில்லை. இவ்வாறு படிப்படியாக குறைந்த நீரா உற்பத்தி தற்போது முற்றிலுமாக முடங்கி விட்டது.

இது குறித்து தென்னை விவசாயிகள் கூறியதாவது:-

பல்வேறு சத்துகளை உள்ளடக்கிய நீரா பானம் அருந்துவது குறித்து அரசு மக்களிடையே விழிப்புணர்வு ஏற்படுத்தலாம். இதனால் மக்களும் உற்பத்தியாளர்களும் பயன்பெறுவார்கள்.இப்பானம் உற்பத்தி மற்றும் விற்பனையிலுள்ள நடைமுறை சிக்கல்களை தீர்க்க விவசாயிகளிடம் கருத்துக்கேட்பு கூட்டங்கள் நடத்தலாம்.

இதில் பெறப்படும் விபரங்கள் அடிப்படையில், நிபுணர் குழு வாயிலாக பிரச்னைகளுக்கு தீர்வு ஏற்படுத்துவதுடன் தென்னை வளர்ச்சி வாரிய உதவியுடன் மதிப்பு கூட்டு பொருள் தயாரிப்புக்கும் பயிற்சி வழங்க வேண்டும்.இத்தகைய நடவடிக்கைகளை, தமிழக அரசு ஆக்கப்பூர்வமாக மேற்கொண்டால் மட்டுமே தென்னை விவசாயம் பிரச்சினைகளில் இருந்து தப்பிக்க முடியும்.

இவ்வாறு விவசாயிகள் தெரிவித்தனர்.

தேங்காய் விலை வீழ்ச்சியால் விரக்தியடைந்துள்ள தென்னை விவசாயிகளுக்கு உரம் விலை கடும் உயர்வு வெந்த புண்ணில் வேல் பாய்ச்சுவதாக அமைந்துள்ளது.திருப்பூர், கோவை, ஈரோடு உள்ளிட்ட பல மாவட்டங்களில் பெருமளவில் தென்னை சாகுபடியில் விவசாயிகள் ஈடுபட்டு வருகின்றனர்.

தேங்காய்க்கு 7 - 9 ரூபாய் வரை மட்டுமே விவசாயிகளுக்கு விலை கிடைக்கிறது. இதனால் பெரும் வருவாய் இழப்பை எதிர்கொண்டு, தென்னந்தோப்புகளை பராமரிக்க ஆர்வம் காட்டாமல் உள்ளனர்.இந்த சூழலில், பொட்டாஷ் உள்ளிட்ட உரங்களின் விலை மிக கடுமையாக உயர்ந்துள்ளது.இரண்டாண்டுக்கு முன் 50 கிலோ கொண்ட ஒரு மூட்டை பொட்டாஷ் 900 - 950 ரூபாய் வரை விற்கப்பட்ட நிலையில் 6 மாதமாக 90 சதவீதம் உயர்ந்து 1,750 ரூபாய் வரை தனியார் உரக்கடைகளில் விற்கப்படுகிறது.வேளாண் துறை சார்பில், வட்டார அளவில் வழங்கப்படும் நுண்ணூட்டங்களின் விலையும், கணிசமாக உயர்ந்து உள்ளது.

மூன்றாண்டுகளுக்கு முன் வேளாண் துறையினர் சார்பில் கிலோ 55 - 60 ரூபாய்க்கு விவசாயிகளுக்கு வழங்கப்பட்டநுண்ணூட்ட உரங்களின் விலை தற்போது 60 - 90 ரூபாய் என உயர்ந்துள்ளது.

சங்ககிரி:

சங்ககிரியில், சேலம் மதுவிலக்கு மற்றும் ஆயத்தீர்வைத்துறை சார்பில், போலி மதுபானங்கள் மற்றும் கள்ளச்சாராயம் குடிப்பதால் ஏற்படும் தீமைகள் குறித்து விழிப்புணர்வு நிகழ்ச்சி நடைபெற்றது. நிகழ்ச்சிக்கு சங்ககிரி கோட்ட கலால் தாசில்தார் வேலாயுதம் தலைமை வகித்தார். கலால் வருவாய் ஆய்வாளர் சண்முகம் முன்னிலை வகித்தார்.

நிகழ்ச்சியில், கிராம நிர்வாக அலுவலர்கள் சதீஷ் பிரபு (சங்ககிரி), சண்முகம் (சின்னாக்கவுண்டனூர்), கிராம உதவியாளர்கள் தீனதயாளன், சண்முகம் மற்றும் பலர் கலந்து கொண்டு, பழைய மற்றும் புதிய பஸ் நிலையம், திருச்செங்கோடு ரோடு உள்ளிட்ட மக்கள் கூடும் இடங்களில் விழிப்புணர்வு துண்டு பிரசுரங்களை வினியோகித்தனர்.

பாபநாசம்:

பாபநாசம் ஒன்றியம் பண்டார வாடை அரசினர் ஆரம்ப சுகாதார நிலையத்தில் உலக புகையிலை எதிர்ப்பு தினம் நடைபெற்றது. வட்டார மருத்துவ அலுவலர் தீபக் தலைமை வகித்து புற நோயாளிகளுக்கு உலக புகையிலை எதிர்ப்பு தினத்தை முன்னிட்டு விழிப்புணர்வு ஏற்படுத்தி னார்.

பண்டாரவாடை ஊராட்சியில் மகாத்மா காந்தி வேலை உறுதி அளிப்பு திட்ட பணியாளர்களைக் கொண்டு உலக புகையிலை எதிர்ப்பு தினம் பேரணியும் நடைபெற்றது.

இம்முகாமில் மருத்துவ அலுவலர் அழகு சிலம்பரசி பண்டாரவாடை ஊராட்சி மன்ற தலைவர் மரியம் பீவி ஊராட்சி செயலாளர் பார்த்திபன் வட்டார சுகாதார ஆய்வாளர் செல்லப்பா சுகாதார ஆய்வாளர்கள் நாடிமுத்து சுவாமிநாதன் மக்களை தேடி மருத்துவ பணியாளர்கள் தவ்பிக் அகமது, சாரதி கண்ணன் , அஸ்வின் குமார் மற்றும் பொதுமக்கள் கலந்து கொண்டனர்.

மதுரை

உலக புகையிலை ஒழிப்பு தினத்தையொட்டி மதுரை மாநகர காவல் துறையின ருக்காக மதுரை சி.எஸ்.ஐ. பல் மருத்துவமனை சார்பில் காவல் ஆணையர் அலுவலகத்தில் விழிப் பணர்வு நிகழ்ச்சி நடத்தப்பட்டது.

இதில் சி.எஸ்.ஐ. பல் மருத்துவமனை கல்லூரி டீன் சரவணன், முதல்வர் தனவீர் மற்றும் தலைமை மருத்துவர் வின்னி ப்ரெட் ஆகியோர் பங்கேற்று காவல்துறையினருக்கு புகையிலை தொடர்பான கெடுதல்கள், உடல் உபாதை கள் மற்றும் சிரமங்கள் ஆகியவற்றை எடுத்து ரைத்தனர். அதன்பின்பு காவல்துறையினருக்கு உடல் பரிசோதனை நடத்தப்பட்டது.

இந்த நிகழ்ச்சியில் கலந்து கொண்ட காவல் ஆணையர் நரேந்திரன் நாயர், காவல் துறையினர் தங்களது உடலை எவ்வாறு பேண வேண்டும் என்பது பற்றியும் புகையிலையால் ஒவ்வொரு நபரும் பாதிக்கப்படுவ தோடு சமூகம் எவ்வாறு பாதிக்கப் படுகிறது? என்ப தையும் எடுத்துரைத்தார்.

காவல் துணை ஆணையர் தலைமையிடம் மங்க ளேஸ்வரன், போக்கு வரத்து திட்ட கூடுதல் காவல் துணை ஆணையர் திருமலைக்குமார் ஆகி யோர் ஏற்பாடு செய்தனர். நிகழ்ச்சி யில் 100-க்கும் மேற்பட்ட காவல் துறையினர் பங்கேற்று பயன்பெற்றனர்.